رأيـك في بناء ملاعب للايجار في الريـاض - نادي الهلال السعودي - شبكة الزعيم

أبوثـنـيـن10 · #1 22/07/2007, 12:01 AM

السلام عليكم ورحمة الله وبركاته

اما بـعد <

انا وواحد من الشباب نوينـا نسوي ملاعب انجيله ( زرع صناعي ) مثل ملعب الصحاف اللي في مخرج 6
للأيجار في شمال الرياض وأبي ارائكم هل هي مربـحه وتستحق المجازفه
علمأ بان الصحاف ماشالله عليهم والله يزيدهم الساعتين بست مية ريال ودائمآ فل يعني يبيلك اسبوع تحجز
بيني وبينكم طمعنا انا وخويي ونوينا ندخل فيها

< الله يوفق بس
بانتظار ارائكم ,,,

يـ إني هلاليه ـلوموني · #2 22/07/2007, 12:13 AM

بالتوفيق

leo messi · #3 22/07/2007, 12:13 AM

الساعتين بـ 600

..وش تحتري الا سو عشرين ملعب

شكلي بجيب حــب وبزرع البرحه اللي قدام بيتنا وبأجرها تهقى تجيب 40 ريال باليوم

بيني وبينك شف ادرس الموضوع دراسه علميه بحته << طراله سلطان بن فهد

وشف كان تشوف انك مستفيد لاتردد وخصوصا اذا كنت مقتدر مالياً <<ياحبي لنا يالطفارا

براحه وتخب

ڪـيــف الـζــآل ؟ · #4 22/07/2007, 12:30 AM

الصراحة مالي علم بالاشياء هذي ..

نأمل من الاعضاء الافادة.

~SaKaB · #5 22/07/2007, 12:40 AM

هذي الشغلة مربحة بجدة بس مادري عنها بالرياض ؟؟

@هلالي شقراوي@ · #6 22/07/2007, 12:51 AM

توكل على الله ولاتشاور>>بيوهقه
والله الملعب اللي تقول في مخرج 6 راح واحد من الشباب يبي يستاجر عشان نلعب قال مافيه الا يوم الاحد
بس لاتنسى اذا خلص بنجي نلعب معكم
سلملم

نـــــــ15ــــــمر · #7 22/07/2007, 12:58 AM

صيانتها مكلفه جدا ....

ولا تنسى ان الملعم المفروش يكلف كثير وانوار

الشغله مو بسيطه يبي لها راس مال كبير شوي

من قطعه ارض وفرش للمعلب واضائه وغرف تبديل و و و و وو و و و و ....

تشـــــــــــــــــــــــــــاو

أســ القلوب ــيـر · #8 22/07/2007, 01:15 AM

أخوي أنا سويت دراسه للمشروع من عدة أشهر ...

# تكلفة الأرض : إذا كان المتر بـ 500 ريال تقريبا = 5000 متر ×500 ريال = 2500000 ريال ...

# تكلفة التسوير تقريبا 150000 ريال ...

# تكلفة البنيان : مصلى +ثلاث غرف = .............. تختلف

# تكلفة زراعه الملعب=........... >> تختلف ..

# كهرباء .......

# ماء

# راتب موظفين

# صيانة شهريه

** بصراحة مشروع مكلف جدا جدا ....

القيصر رهيب · #9 22/07/2007, 02:04 AM

أكيد بتربح إذا نقصة خمسين ريال وزودت ربع ساعة وصارو ملاعبك أزين

Hictar · #10 22/07/2007, 06:37 AM

والله مشرررررررررروع خطير

تراني حاطه براسي من زمان

بس يبي له راس مال قووووووووووووووي كبيررررر
بس راح يرجع لك ان شاء الله بعد سنه ان شاء الله وبارباح بعد
بالتوفيق ان شاء الله

أبوثـنـيـن10 · #11 22/07/2007, 03:13 PM

يلوموني اني هلاليه ليو ميسي
ذا بييت السكب مواصل من عام 13
هلالي شقراوي قيصر الرهيب اير القلوب
شكرا على الاطرا ء والمشاركه لاعدمناكم

الزعيم فقط · #12 22/07/2007, 03:28 PM

اخوي ولله مشروع مربح الى اخر درجه..

بيكلفك بس بترجعه اضعاف ان شاءلله..

توكل على الله ..

أســ القلوب ــيـر · #13 22/07/2007, 03:33 PM

خوي دخلها السنوي 150000 إلى 200000 ألف في السنة ...

يعني يبغى لك من خمس سنين وطالع علشان تجيب رأس المال ,,,,

وفكر زين قبل اتخاذ أي قرار ...

أخوك .. أســ القلوب ــيــر