بخصوص صفقة اللاعب الخليجي !! ( تم إضافة تنويه ) !! - صفحة رقم 3 - نادي الهلال السعودي - شبكة الزعيم

الزعيم سامي الجابر 9 · #1 19/08/2007, 01:34 PM

ولا مافيه فلوس الله يهديكم بس

و ص ى 925 · #2 19/08/2007, 01:43 PM

لا حول الله

وبعدين يا ابو سلطان وبعدين يا اعضاء الشرف

باسكال وقلنا فلوس ..!:sad:

جبتوا لنا برونو .. ونقول فيه الخير ..!

قلتوا فيه لاعب خليجي للاسيويه .. وتفائلنا خير ..!

الحين تلغي الصفقه لييييييش.؟؟؟؟؟؟؟

برونوا يا بو سلطان ما ينفع للاسيويه..

يا ابو سلطان الاسيويه مهرها غالي .. كيف تبون الاسيويه والاعداد كذا ..؟؟

ابو سلطان احنا معاك .. بس من تالي سواليفك مدري كيف

قالوا ابو سلطان بيرجع في 5/8 ولا شفناه الين الحين ...؟؟

وش السالفه يا هلال ..؟

ابو سلطان ترى فيه جمهور حاط يده على قلبه من قبل ما يبدا الموسم الكروي

تكفى يا ابو سلطان تكفى انتبه ..

عمووووووووما

تحياتي لكم ..وبالتوفيق للهلال

المهندس المعرووف · #3 19/08/2007, 01:37 PM

يعني بإختصار باي باي آسيا وسنه أخرى جفاف!

عا222شق · #4 19/08/2007, 02:01 PM

إقتباس

الرسالة الأصلية كتبت بواسطة المهندس المعرووف


	يعني بإختصار باي باي آسيا وسنه أخرى جفاف!

تفائلوا بالخير تجدوه

رياضي قديم · #5 19/08/2007, 01:38 PM

بصراحة حنا جماهير الهلال صرنا مثل الأطرش بالزفة او مثل كرة البلياردو كل شوي واحد يضربها باتجاه
عموما مشكور والله يكتب اللي فيه الخير
وان شاء الله الفجر الباسم قادم وعندي احساس ان اليومين الجايات ستكون مفرحة لقلوب الهلاليين
مجرد احساس

LEISEK_ · #6 19/08/2007, 01:39 PM

ايه بس هذا الي احنا شاطرين فيه نرقع للريس ............... ليش ما ننتقده ............؟؟؟

فهد7 · #7 19/08/2007, 02:01 PM

الله يكتب الىى فيه الخير

(ابو مالك) · #8 19/08/2007, 02:08 PM

مانبي لاعب خليجي ابد عندك ياسر والصويلح وبرونو والجمعان إذا ما أعير
كل ذولا بهم بركة

هلالي جيرارد · #9 19/08/2007, 02:49 PM

ياشباب يعطيكم العافية

في الاساس الاعب الخليجي مانحتاجة لان فية لاعبين في الهلال احسن من الاعبين الخليجين

شمآلي هلآلي · #10 19/08/2007, 01:40 PM

لا حــول ولا قــوة إـلا باللــه العلــي العظيــم ..

المجد السامي · #11 19/08/2007, 03:41 PM

آآآآآآآآآآآه يـ القهر

والله راحت ايام الأمير بندر بن محمد اللي إذا قال كلمته قالها حتى منصور البلوي مايجيب راسه بس الحين للأسف الأمير محمد بن فيصل يلعب بـ اعصاب الجمهور .. وربي قهر ياناس

نبض آسيا · #12 19/08/2007, 04:22 PM

والله العظيم احترنا معاكم

كل يوم كلام غير اللي قبله؟؟؟

ليه اللاعب الخليجي !!!
عندنا لاعب والله العظيم انه كنز بس مو معطينه فرصه

ياناس والله احمد الصويلح لاعب كبير وافضل من المحترف اللي بتجيبونه بس عطوه فرصه

ABO 3LYAN · #13 19/08/2007, 04:45 PM

بسم الله الرحمن الرحيــم ,,

لاشك أن عماد الحوسني لاعب كبير وإن أتى للهلال فسيكون مكسب للفريق في مركز الهجوم ...

لكن الإبقاء على برونو هو أفضل حل في هذه الفترة خاصة وأن النادي يعاني من أزمة مالية .....

بالتوفيق للهلال في البطولات القادمة
وبالتوفيق لسمو الامير محمد بن فيصل بعد هذا القرار الجريئ والمفاجئ ,,,

زعيم 46 · #14 19/08/2007, 05:10 PM

يبونا نسكت على اللي نشوفه الله يهداك يارئيس في إجازة وأعصابنا محترقه من
هالتخبطات مفاوضات شهرين وبالنهايه بطلنا عشان برونو والله حنا مساكين والله أدعو ربي أنه يستقيل محمد بن فيصل

للجروح أسباب · #15 19/08/2007, 05:44 PM

الموجودين فيهم الخير والبركة