الله يوفقك

مشكووووور اخوي عسم الزعيم على المعلومات والله يعطيك الف عافيه ويوفقك دنيا واخره

(( بس اخوي متأكد انت انه لازم اصل الشهاده يقولون لي مو لازم ياليت اخوي لو تتاكد لاهنت ))

بس سؤال وين القا مركز الترجمة التابع للوزارة في الرياض

ثاني شي وبعد اسبوع تكون مخلصة ........... يوووووووه بعد اسبوع الا هو خلص التقديم

وبالنسبه للجواز انا ماعندي جواز وابي استخرج جواز كم يوم ويكون خالص لايكون يطول بعد

مشكوووووورين والله يعطيكم العافيه

....
...
..
.

إقتباس الرسالة الأصلية كتبت بواسطة AL_ZA3EEM مشكووووور اخوي عسم الزعيم على المعلومات والله يعطيك الف عافيه ويوفقك دنيا واخره (( بس اخوي متأكد انت انه لازم اصل الشهاده يقولون لي مو لازم ياليت اخوي لو تتاكد لاهنت )) .

معليش مافهمت السؤال وشو اصل الشهادة ؟؟؟

إقتباس بس سؤال وين القا مركز الترجمة التابع للوزارة في الرياض .... ... ..

اتصل على 905 واسأله :p

إقتباس ثاني شي وبعد اسبوع تكون مخلصة ........... يوووووووه بعد اسبوع الا هو خلص التقديم

ياخي قدم الحين اون لاين وبعدين سوي كل ذا

إقتباس وبالنسبه للجواز انا ماعندي جواز وابي استخرج جواز كم يوم ويكون خالص لايكون يطول بعد مشكوووووورين والله يعطيكم العافيه

الجواز آخر شي اهم شي قدم على الوزارة اون لاين بعدين ظبط شهادتك وبعدين تروح للجوازات معك 8 صور

(4* 6) - تبي نصيحتي رح بدري الساعة 8 ورح لحقون المظلات اللي جنب المكتب وقلهم يزينولك ملفك - وادخل

المكتب وعبي الفورمة وامسك سرى وشف وش يقولك العسكري وتراها بسيطة شغلة يومين ثلاثة بس زي ماقلتلك

خل الجواز آخر شي إلا اذا كنت فطين مثلي تروح للجوازات الصبح بعدين لمكتب الترجمة بعدها ترجع

البيت تدور علة جامعة تناسبك تكـــون كذا

اي استفسار ثاني ؟؟

ملاحظه للاخوان الذين يراسلون الجامعات للحصول على قبول

قبل ما تعبي الفورم حقهم لازم يكون عندك كردت كارد ( فيزا- ماستر كارد - امريكان اكسبرس ) حت تتمكن من دفع رسوم الطلب اللي يسمونه الـ ( Application fee ) وهو عادة يتراوح من بين 30 الى 80 دولار

و نصيحه ان الواحد ما يقدم على جامعه مشهوره او ما يسمى بالجامعات التي تحتل قائمة التصنيف في مستوى الجامعات خصوصا الامريكيه مثل هارفارد ، ستانفورد ، برنستون ...الخ لأن نسب القبول فيها قليله وانما يقدم على جامعه معترف بها ( accredited institution ) ، واذا الواحد رايح على حسابه فلا يذهب للولايات او المدن الكبيره بل يذهب لولايات الوسط مثل كنساس ، داكوتا ، يوتا ، او لولايات الجنوب مثل الاباما ، المسيسيبي ، لويزيانا و مثل ما قلت لا يذهب للمدن الكبيره والله يوفق الجميع ,

بسم الله الرحمن الرحيم
والله ياخوي شف اذا الواحد اتكل على الله مايرده اي شي
انا الحين طالب في الصين ويوم اقدم على برنامج خادم الحرمين صارت لي سالفة
احد اقرباي يشتغل في الوزارة وكلمت ولده يكلم ابوه يضبطني ولا ردلي خبر
وجاني العلم من واحد ثاني ان ابوه عيا يتوسطلي انا
وباقي العيال قال هات اوراقهم اضبطهم
والله اني حقدت علييييييييييييييييه المهم ياطويل العمر خلاص كنسلتها
سألني ابوي قال وش صار على التقديم قلتله السالفه ( والله ياهو هاوشني هواش )
قالني لا تعلق موضوعك على ذا واشكاله قدم واتكل على الله ولا عليك ان جت زين وان ماجت الشكوى لله
والله واقدم
يوم طلعت النتايج كل العيال اللي توسطلهم الرجال ما طلعت اساميهم وانا الحمد لله اسمي طلع وزاني اموري ولله الحمد


والحين ترى فيه تقديم على نفس البرنامج واعتقد ان نسبتك تؤهلك للبعثة وصدقني بدون واسطة
المهم لازم تستخرج الجواز اول شي وهذا يستغرق يوم او يومين في جوازات الرياض
وترجم الشهدات في مكتب السالم للترجمة تقاطع العليا مع التحليه تلقاه واضح
والمكتب معتمد لدى كل الوزارات
ولا تنسى الجواز مهم عشان اذا جيت تقدم في النت فيه خانة رئيسية ضمن الاستماره اللي تعبيها يقول رقم الجواز
واتكل على الله ولا تهمك الواسطات واللي كاتبه الله لك بيجيك ...
والله الهادي الى سواء السبيل

اخوي عسم الزعيم معليش تعبتك معاي بس تحملني

انا قصدي هل التقديم لازم يكون معاي شهادة الثانوي الاصل او او تكون صوره مصدقه ( الاصل عند جامعة الامام )

-----------------------------------------

الاخ هلالي ما احلاه مشكوووور عالمعلومات والله يعطيك الف عافيه

بالنسبه للرسوم الي هي 30_ 80 دولار ....... اذامابروح على حسابي لازم ادفعها كمان والا لا

وهل الدفع عند تقديم الطلب يعني لو ماقبلوني تروح علي والا ادفعها اذا قبلوني

ومشكووور

-------------------------------

الاخ عفار الهلال اول شي وش معنا نكك (( عفار ))
<<<< اقول وش دخلك انت خخخخخخخخخخخخخ

ثاني شي انت قبلت بدون واسطه يمكن تكون حاله نادره بس الغالب انها بواسطات

انا بقدم واتوكل على الله وان شا الله ربي يوفقني


بس مادامك انت مبتعث فأتمنا منك توضح بالتفصيل الممل (( طرار ويتشرط ))

وش سويت منذ ان نويت التقديم الى يوم السفر

وكم الفتره الي انتظرتها الين ارسلوا لك فيها القبول و متى تم السفر بعد القبول

(( بعني بالنسبه لي لو يقبلوني متى راح يكون موعد السفر ))



ومشكووووووريين جميعا ومعليش اقلقتكم بس تحملونا الييين تجي البعثه بإذن واحد احد

.....
....
...
..
.

انا زيك بضبط والله ليا سنة ونص اتمنى البعثة عشان ادرس هندسة في امريكا وكلامك صح الواسطة وبس هي الي تقبلك وتخليك تسافر انا جربت الدعاء وكل شي وماجات انشاء الله تجينا انا وانت .........امين وعموما اذا لقيت واسطة جبلي انا كمان معاك لاتنسى

اخوي اذا تبي تترجم شهادتك رح لفرع لوزارة التعليم في شارع الجامعه بحي الملز تلقى دكتور كيف بالزاويه
تلقى بالشارع اللي فيه دكتور كيف مبنى الوزاره على شكل مدرسه قديييمه هناك الترجمه

وبخصوص شهادتك اعتقد مافيه اشكاليه توديلهم نسخه مصدقه

ولاتنسى صوره من الجواز

والله يوفقك ويوفق الجميع

يا خوي انا متخرج السنة هاذي
وكنت احلم ببعثة لبريطانيا او كندا ولاكن نسبتي 85 مع التحيلي 89 تقريبا
وتحطمت

قلت الخير فيما اختاره الله بدرس هنا ورحت اقدم في الملك سعود
على قسم محاسبة قفل ومافضى الا تاريخ و جغرافيا وبس وانا علمي وانا اخوك
ولاكن وش نسوى مالنا الانحوال




والشكوى لله

شوف يا زعيم أنا اعرف واحد جانا جديد بالجامعه ونزل قبل فتره نظام 30 ساعه
المهم الرجال يسولفلي عن حكايته وكاف أخذ بعثه
قالي رحت للوزير بنفسي وجالس أنتضره من الصبح
ألين كفشته ورحت وكلمته عن وضعي وعن طموحي
وأني وأني.... إلخ
المهم يا زعيم هو أنك مالك إلا الله سبحانه وتعالى ثم إنك تروح للوزير بنفسه
ولا تتحطم أبدا ولا تتردد أتوكل على الله وأجعل الله أمام عينيك
وأسئل الله ان يكتبلك الخير

انا الزعيم ومين قدي

الله ييسر لي ولك بعثه ...... من ناحية الواسطه خلني انا القا واذا لقيت ابشر ولا يهمك حتى انت اذا لقيت توسط لي


----------------------------------------

ماشستر هلالي

مشكووور عالنصيحه

والله اني ادعي ربي انه ييسرها لي وان شا الله انها بتتيسر

-----------------------------

عاشق الزعيم

الله يعطيك الف عااافيه عالشرح .... وانا ان شا الله بروح لهم بس توصي شي من دكتور كيف ..... لاتستح

-.-.-.-.-.-.-.-..-..-.-.-.-.-.-.

روماريو السعوديه

الله يفتحها في وجهك ويحقق لك الي تتمناه


.-.-.-.-.-.-.-.-.-.-.-.-.-.-.-.-.

المبدع الله يجزاك الف خير عالشرح الوافي

-.-.-.-.-.-.-.-.-.-.-..-.-.-.-.-..

زعيم مغترب مشكوووور عالنصيحه بس ما اظن حتى لو شفته انهم يدخلوني عنده

بس الله يفرجها


مشكووورين على افادتي والله لا يحرمكم الاجر

....
...
..
.

إقتباس عاشق الزعيم الله يعطيك الف عااافيه عالشرح .... وانا ان شا الله بروح لهم بس توصي شي من دكتور كيف ..... لاتستح

واحد موكا بارد


ابد ما ابي الاسلامتك والله يوفقك ويوفق الجميع ان شاء الله

هلا أخوي AL_ZA3EEM

فيه طلاب يحصلون على قبول من الجامعات الامريكيه عن طريق وزارة التعليم العالي و حظك نصيبك يمكن تكون في الشمال في الجنوب في الشرق في الغرب في ولايه مستوى المعيشه فيها غالي و اشياء من هذا القبيل ،

و فيه طلاب يختارون ولايات معينه فيها اقارب لهم او اصدقاء او تكاليف المعبشه فيها اقل ويراسلون الجامعات الموجوده فيها بانفسهم ، يعني هم اللي يختارون وهذه لازم الطالب يدفع رسوم طلب القبول ( Application Fee ) وهي عادة غير مسترجعه ( non refundable) ولا تنظر الجامعه لطلبك قبل استلام المبلغ يعني وقتهم بفلوس .

تقول :

(( بعني بالنسبه لي لو يقبلوني متى راح يكون موعد السفر ))

لو قبلوك ، ان شاء الله يقبلوك ، اذهب لموقع جامعتك و انظر للتقويم الجامعي ( Academic Calendar ) وبتحصل هناك متى مفروض تكون عندهم ، و الفصل الاول ( Spring Semester ) دائما يكون في شهر يناير والله يعينك على البرد في هذه الفتره ، بس لا تذهب قبل موعدك اكثر من شهر . والله يوفقك