الـ M B C بـــكــل باقـتــها....وبـــدايـــة الابـــتــعــاد عــن ][ الإسـلام ][..!! - نادي الهلال السعودي - شبكة الزعيم

ThE MaGiCiAn 10 · #1 18/08/2007, 07:19 AM

السلام عليكم ورحمة الله وبركاته

قناة سعوديه...هي الاولى في القنواة العربيه

قناة مفيده محبوبه....وانا من محبيــــهـا ....

قــنــاة نـــاجحـــه...لدرجة انــــها....اصبــــحـــــت 6 قـــنـــوات

بـــلا شــــــــك ولا حــــتـــى تفـــكيــــــــــــر

إنـــــــــــهـــــــــــــــا..:-

M B C

لـــكــن بالفتــره الاخيـــره...للأســف اصــبــحت تتراجــــع للــــوراء

<<يخاف يتخربط بالفصحى ويجيه واحد يقتبس اقباس وطلع فضايح الفلسفه

خلونـــا بالـعاميه احســــن;) ....مع خليط بين الفصحــى والعامي

نرجع لمحور حديــــثــنا..

قناة M B C ...

الكل يعرف انهــــــا تتفرع الى:-

M B C 2

M B C 3

M B C 4

M B C ACTION

بــالإضـــافه لقـــناة العــربيه الاخباريه

طبعا ما لنا دخل بالعربيه

لكن خلونا نبدى في الـM B C الرئيسيه...

كــلكم عارفيـــن الـ700 ومصايبـــها ....مسابقات هدفها الربح لاصحاب المسابقه...واذا فاز المتصل ...بتكون الفلوس اللي يربحها حرااااام

لانها مثل اللي يشتري بطاقة المسابقه بفلوس وهذا معروف انه حرام.....

لاهي مسابقه تفيد المشاهد ....يعني اسئـــله...سخيــفه...يقول لك....ابو علي..جاب ولدين...واحد محمد والثاني مين.....:p ...من الحمار ( وانتم بكرامه )..اللي ما يعرف الاجابه؟..

كلنــا عارفين هالمسابقات وفي أي قــنــاة...ونترك هالقنوات

لـــكــن ...!

M B C اللي اخر ما توقعن يسويها....سوتها..!!

ايه سوتهـــا وفي برنـــامج اخر الليل اسمه [ الخزنه ]

طيب هذي كل القنوات سووا هالمسابقه...وقناتنا البايخه ام نخله:p ....سوتهــا:p

---

لكن لو جينـــا من الخروج من المله

][ الــــســــــــحــــــــــر ][

امس الجمعه في برنامج اسمه ][ آدم ][

جابوا واحد انا خابر من قبل جابوه الـL B C .... وكان فيه برنامج اسمه ][ والله ناسي وش اسمه ][ لكــن اللي فيه بنــات سعوديــات جدوايات:p

جابوا نفس هالكشه اللي سكسوكته تقول مرسوم بخط [ فلومستر ]:p

قام يسولف ويقول انا بدايتي في الخدع البصريه ...ويقعد يبربر....الخ

عاد انــا بهذاك الوقــت كــان ايــام دراســه ويـــوم خمــيـس...وكان عندي اختبار السبت...و بمالي خلق ماني مذاكر الا يوم الجمعه

عاد توني قايم من النوم....وابوي جالس بجنبي بالصاله وانا ما اقعد بالصاله الا بالصبح..ولا انا كالعاده بالملحق

...وانا قاعد افطر..<<طبعــا ابوي قايم من 8 الظاهر

... وانا توني قايم وافطر الحالي وابوي يقرى الجرايد ويطقطق بالاله الحاسبه<<الاسهم ذابحته

...وكانت الساعه الظاهر 10...
<<ماهي عادته يقوم 9..او..10...بس عشان كنت ناوي اذاكر بس هونت وقلت خلها الجمعه بس كمــلت قومتي واقول انام واقم 12 ماتسوى خلنا نستانس بصبح الخميس

....

المهــم....

كـنــت ادور قــنــاة ارســى عليــهت وانا اكل

ولقيت ذاك ابو سكسوكه فلومستر...اسمه مندو .....وهو عربي ومدري وش جنسيته بس شكله يحووم الكبد..:p

<<سمع سالفة خدع بصريه...قال عز الطلب...وانا خلــيتهــا...

لكــن...ياجماعه هذا مو خدع بصريه..

الا...ســــــحـــــــــر....!!

بالعقل واحد يمــســك الــكاس وهو يصب فيه عصير..فجأه يتركه...والعصير يعلق بالهوى..!!

عــاد مدري وش خــلـى ابوي ينقــز ويقول..اقـــلــع هالقنــاة.....مستانسين بهالساحــر الله يقلعهم << وش اللي خلى ابوي يشوفه ويترك الجرايد وطقطقة الاسهم

وانا اجي اغير القـنـاة..

عاد هالكــشــه لاتــزال عالقــه فــي عــقـــلــي

وشفت نفــس هالكــشـــه..في برنامج ادم امس الجمعه...

الـ L B C نصهم مسلمين ونصهم مسيحيين..ماعلينا

لكن..الـ M B C مسلمه..سعوديـــــه..!!

والمــشــكــله برنـــامج ][ آدم ][ ... تخلى هالساحر يستعرض....!!

انا ما لحـقت على البرنامج من اوله...لكـــن....لحقة على...وهو قايم يدخل الساطوره جوى يده...وهي تصب دم....

وفجأه يطلعهـا...ويلتئم الجرح...ويقول عطونا فاصل اعلاني لاني محتاج الراحه << يمون:p

عاد جا يوسف الجراح قال فاصل اعلاني وبنرجع...

<<< انتظر الفاصل الاعلاني...لاني خلاص ناوي اكتــب موضوع عن السفيه اللي جابوه بهالبرنامج....بالاضافه لفـضايح القنوات التابعه لهــا

قضى الفاصل الاعلانـــي...وجا الساحر...واناظر الا متجهــز لسحر ثانــي...

وهو يقعد بالهوى كــأنه جالس على الارض...وماسك عصاتين...وفجــأه تجــيه بنــت تــبــعــه..وتمشي وهي تتدلع بمشيتها

...وتشيل عصى...ويصير جالس بالهوى وماسك عصى وحده بس...!!

بعصاتين...صعبه.....يعني جألس على الهوى جلسة أرض....فكيف لو عصى وحده...!!!!

فــجــأه ينزل تدرجيـاَ....<<تقول افلام والله

هـــذا ســـحــر...ليس خــدع بصــريــه...

كيف الـ M B C تحــمس المشــاهدين لممارسة السحر ومتابعته..!!

الساحر خارج من المله....يعني تصير ساحر...مافيه امل ترجع مسلم...!

والله غريبـــــه...

نجي الحـــيــن لـ M B C 2

قنـــاة افلام....<< لا والله:p ....وانا من متــابعي الافلام بس افلام قديمه مافيه امل اتابعها..

المــهــم....<<يعرف واحد مهبوووول افلام....وهالقنوات عنده بالتووب:p

جاني مره الاسبوع اللي فات وقال لي....
تصدق؟ يا عبدالعزيز انه M B C 2 فيه فلم شفته اليوم...فــجأأه طــلــعـوا رجــال مفصخين ][ عاريين ][...!!

قلت وانا اضحــك...::...اقول اخس وش هالحركات بالنعول الجديده بس....جا رد علي..::..والله ما اكذب عليك....قلت انا....ام بي سي...؟...قال ايه...

قلت :: تو؟....قال ايه ام بي سي تو...!!

<<بدى يحس انه جاد .... اما هي؟...شلون .!!...قال :: انا زيك مستغرب.....

كيف هالقناة في بزران يتابعونها...كيف لو شافوا هالفلم..!!؟

نجـــي الحــين للــ M B C 3

الصوره معبره الظاهر...

ما يحتاج اشرح لكم وش تجيب ..... اكيد انتم عارفين لانها الظاهر تعيد توم & جيري<<<ما اعرف في ام بي سي 3 اللي يجيبون اشاء وصخه الا توم وجيري عاد فيه غيره؟

..والله مدري

بس شوفوا هالسالفه وانا كبف انحرجت من بنت اختي الصغيره..!

مافيه غيري بالملحق ورحت جلست بالصاله << بالعصر هذاك الوقت مو الصبح

مريت ممر بالصاله وجلس فيها لاني كنت فاضي ومابي اقعد لحالي...<<بالملحق يعني

...وابي احس بحركه بحولي...مافيه الا الصاله

واناظر الا بنات خواتي << اربعه..اكبرهم بثاني ابتدائي...

عاد قمت اعاندهم

<< يعاند بزران..هالنفسيه :p قمت اوقف قدام التلفزيون وهم ::صراخ:::وخرررررررر

عاد جلست بالصاله معهم...وفجأه دق علي واحد وقال نتلاقى المغرب اليوم قلت اوكي..

جلست بالصاله..متسدح كالعاده واناظر الا أيضــا كالعادهـ .... M B C 3

..وكان توم وجيري...<< الوصخين بهالقناة

اناظره معهم الشكوى لله << فاضي

الا....اناظر طير مدري نسر ..يلاحق البس(توم) اللي كان لابس شكل انثى نفس فصيلة هذاك...وهذاك ما صدّق لقى انثى زيه << وهو البس لابس ليس طير...

وقعد يلاحقه عشــان يبي ..ويبي....ويبي.....الخ..

فجـــأه...][ فم × فم ][..!!

عاد البزران مؤدبين ما شا الله عليهم

على طول اللي غمضت واللي التفتت علي...وانا ][ قلت غمضوا لحد يشوف

][...ولا اقول غيروه بس...

عاد بعد نص ساعه تقريبا.. جت كلمتي وحده من بنات اختي.....عبدالعزيز.. ليش الحرمه والرجال يتزوجون...؟..قلت انا لازم الناس يتزوجون ..<<يحاول يصررف الموضوع :p ...بس هذي اذهن من ابليس وانا اعرفها زين..ردت علي..ليش لازم يتزوجون؟:p ..محجره لي تحجييير

...قلت مدري بس اسألي امك وابوك هم يقولون لك...

امها وابوها يعرفون لها انا وش يدريني شلون اصرفها:p

بس عارف انها ما بدت تفكر بهالموضوع الا من الـ M B C 3

عــاد M B C 4 ماني من متابعينها...بس عارف انها زي الي قبلها.....

الان:-

في المستقبل::بعد مشاهدة العائله لـM B C واخواتها::-

...الأطفــال...في معرفة الخفايا الجنســيه....<<ام بي سي ثري وبلاويها

الشــبـــاب والكبار... في متابعة السحـــر..و.حب الكازنوهات واللعب المحرم مثل القمار ....<<خدمة700 في برنامج الخزنه...ا

اي يعنــي...نصـير زي الــغــــرب...!!

يعني....نبتعــــد عن الاسلام....

وانتم عارفين خطورة القمار..اللي تعود الواحد على المال الحرام فيصير يختلس اموال..يسرق اموال..

السحر..يخرج عن المله

والمـــشـــكــله قــنـــاة تعــــود المــجتــــمع عــلــى متابعتهــــــا....!!

لو هي قناة ثانيه...مو مشكله..علاجها الهجران...لكن قناة محبوبه..وقريبه للكل..!..كيف نتركــها

M B C

أرحـــمــيـــنـــا:sad:

آسفيـــن على الاطالــــه....

.....لكن هذا كــل مافي جعــبـــتـــي..

<<

بــإنـتــظــار آرائــكـــم..

تحـــيــتــي أنا \\محــبــكم