أعضاء الزعيم .. من حر الرياض إلى أيادي عصابة أمريكية .. !! - نادي الهلال السعودي - شبكة الزعيم

تاكسـي الغرام · #1 17/08/2007, 08:19 PM

هالمرة قصة خيالية تجمع أنواع مختلفة من التخصصات القصصية :-

الفكاهة

.. الأكشن

.. الجريمة .. الرعب .

.
. <<<< صارت سينما هذي

الهدف من القصة :- معالجة مشكلة أجتماعية عن طريق قصة فكاهية

وللمعلومية :- التنكيت والضحك والمواقف المضحكه تكون بالتدريج في هالقصة يعني لا يحكم احدكم على القصة من البداية وارائكم تهمنا

..

القصة أبطالها :-
هامور البورصه

.
.. ليو ميسي

... فياض

...

بداية القصــة :-

هامور البورصة يتصل بليو ميسي :- هلا ليو ميسي . كيف الحال .. ؟

ليو :- بخير وشلونك أنت ... اسمع تعال تراني مواعد فياض عند المحطه اليي حول بيتنا ..

هامور :- يله جايكم

هامور يجي ويلقى ليو ميسي ويسلم عليه ويقول : هاه ما جاء فياض .. ؟

ليو ميسي :- لا ما جاء .. بس شكله هذا هو اللي جاي مع ابوه ..

هامور : ابوه ..!!
أبوه

هامور : أبوه ..!! يقابلنا أبوه وهذي أشكالنا .

. الثوب وسخ والشعر كشه

.. بيحسبنا دشير .. خلني أروح أسلم على أبوه وأحب راسه عشان لا يحسب أن ولده يخاوي دشير >> احساس بمحله

هامور يروح يسلم على ذاك الرجال اللي يعتقد أنه أبو فياض ويحب راسه ..

ويشوف ولده الا ما هوب فيااااض .. !!!!

يلتفت هامور يلقى ليو ميسي يسولف مع فياض

هامور متورط ويقول بنفسه وش أسوي مع هالرجال وش أقول :sad: .. وش خلاني أحب راسه أصلا

الرجال يحسب هامور طرار ويعطيه عشرين ريال ويروح ..

هامور ساكت ولا يقدر أن يقول شي

هامور : ليوووووووووووو ليش ما قلتلي أن هذا مهوب أبو فياض

فياض : هلا هامور وش فيك

هامور :: أخر عمري صرت طرار

ليو ميسي : كم عطاك .:p . ؟

هامور : والله الفاضي .. خلونا نتمشى

وتاخذهم السوالف ويجي فياض يسال هامور سؤال ماله دخل .. >> كعادة فياض

فياض : طارق أنت أكبر أخوانك

هامور : لا

فياض : كم عدد أخوانك:p

هامور : سته وانا سابعهم

فياض .. يعني أبوك عنده سبع عيال .. يعني ينادونه سفن أب:p

هامور : ههه لا ينادونه ميرندا بالفراوله ... ما تدري عاد كان هناك أخوان واجد بس قتلهم أبوي

فياض : قتلهم .. ليش ..

.؟

هامور : يقول أبوي عصافير في الجنه ولا حمير في الدنيا .

.

فياض : وهو صادق يليته كمل بك

هامور : يله عاد ..
ليو ميسي : أقول ملينا من هالحر اللي في الرياض .. نبي نسافر وش رايكم

.. ؟ >> عيال كااش

فياض : خلاص قدام بس إلى وين .. ؟

هامور : أمريكا

فياض : أمريكا في الدمام >>> يقلد هزار ولد أبو نزار

هامور : أنت ذكي .. ويما أني محامي بتهمك بالذكاء ..

ليو ميسي : صدقني يا هامور بيطلع براءه ..

هامور : لا لا رافع قضيه عليك يعني رافع قضيه

فياض : أنتبه بس لا تطيح عليك .. لان ولد جيران رفع قضيه وطاحت عليه ..

هامور : وه وه اقول أنت مشروع نكته جديد

.. ليو حبيبي خلنا نقط ضحكه عليه

فياض : طيب الروحه اكيد بالطياره والمشكله أني أخاف من الطيارات

هامور : لا تخاف المشكله الوحيده اللي بتواجهنا في الطياره أنه يمكن نوقف في الطريق وينزلونا ندف الطياره :p

فياض : هههههههههههه
انت مش مشروع نكته جديد :p

ليو : فكنا خلاص الحين بنروح أمريكا بنتوهق هناك

هامور : أية وهقه

ليو ميسي : يشيخ ما نعرف نتكلم انجليزي نخاف ننكب

هامور : لا ما عليك أنا بلبل انجليزي .. خلاص نروح أمريكا شباب

فياض : خلاص

يروحون يحجزون ويخلصون أمورهم

هامور وليو وفياض في الطيارة ...

هواش و صراخ ومضاربه لمن يقعد عن الدريشه

في النهاية تداول بينهم كل واحد ربع ساعة

>>> امحق روحه

وصلوا أمريكا

فياض : الله على هالجو

ليو : أيه والله جو خيالي

هامور يله ترى بكره بنروح زيارة للقرية بعيده عن واشنطن يقولون أنها في جمال طبيعي

فياض : بنروح بالتاكسي

هامور : .. لا التكاسي قليل هناك .. بنروح بالباص رتبت الأمور مع ناس بيرحون للقرية ذيك

راحوا للقرية وتمشوا فيه ولكنهم عند وقت المغادرة لم يجدوا البااااااااص .. !!!!!

راح الباص ونساهم .. .. والوقت متاخر .. و الجوالات ما فيها ارسال

.. !!

ليو : لا حووووووووول وش الحل الحين

هامور : المشكلة أننا في أخر الليل :sad:
فياض : شف هناك فيه محطة فيها شقق

وهم في طرقهم للشقه وعلى يمينهم البحر والظلام دامس يتكلم هنا فياض ويقول

فياض : الله يا شباب .. سبحان الله

هامور : وش فيك ترانا مانب فاضين لسوالفك

فياض : تخيلوا لو أن هالبحر مرق .. وش بكفيه من لحم :p

ليو : وانت الصادق وش بيكفيه من خبز

هامور : اووف فاضين أنتم هذا وقته متوهقين الحين يله خلونا نسرع

يوصلون الشباب للشقة ويستأجرون مدة يوم على ما يجي الصبح يقومون ويرحوون للشقتهم اللي في واشنطن

فياض : وش هالشقه وسخه وتخوف

ليو : احمد ربك بس .. ولا لو لا الله ثم هالشقه كنا منطولين في هالشارع

هامور: هذا دش بشوف هو دش يشتغل ولا لا ..

فياض : مهوب دش يا غبي .. هذا فيديو

هامور وهو يشغل الفيديو

هامور : اف .. الشريط هذا فيه عملية قتل وتعذيب

من عصابة على ناس ساكنين في شقه
ليو : طفه لا تخوفنا

هامور وهو معرق : ليو تعال شف

.. !!!

ليو : وش فيه ؟

هامور : القتل والتعذيب اللي صابر في الغرفة اللي في هالفلم هي نفس الغرفة اللي أننا ساكنين فيها

..

ليو : ايه والله ..

هامور : يعني هالفلم حقيقي

.. !!

ليو : هاه ..

وش قصدك .. يعني العصابة اللي تقتل هم حقين الشقق واللي يتقتلون ويتعذبون هم المستأجرين

هامور : أيه بالضبط .. شف سرير الغرفة نفس سرير الغرفه اللي في الفلم اللي نشوفه والستاير برضوه واللمبات

فياض : وش قصدكم يعني إننا بنواجه زي ما واجهوا ذولا من قتل وتعذيب

صوت الباب يطق بصوت عالي ومخيف ..

تطفي الأنوار وتشغل وتطفي وتشغل ..

ليو : طيب ليش يحطون الفيديو ..؟

هامور : يبون يخوفونا أكثر .. لان إذا خفنا مانا بقادرين نسوي شي

وصراخ من فياض ...

فياض :: ولي ولي ولي .. بدي أمي بدي أمي بدي أمي

:sad:

ولي عليك يا فياضوه
والله بيبكو عليك شباب المنتدى إذا مت ..:sad:
هامور : أقول اسكت لا تصيح ما نب فاضين

ليو : وش الحل .. يعني بننقتل ونتعذب مثل اللي في الفلم :sad:
هامور : فياض دق على الشرطة
فياض يدق على 999
هامور : يا غبي مهوب 999

فياض : اجل 777
ليو : اوووف أقول 911
فياض يدق بس التلفون مقطوع

ويستمر ضرب الباب بقوه والشباب خايفين

هامور : شوفوا شكلهم بيدخلون علينا الحين
فياض : أنا بتخفى تحت السرير

هامور : يراقل .. من جدك أنت

ليو : تعال وش لون بيدخلون علينا وأنا مقفلين الباب
هامور: صح كيف بيدخلون .. يله كل واحد يدور حاجه تدلنا كيف بيدخلون علينا
فياض : شباب فيه صوت حديد تحت الفرشة
يرفعون الفرشة ويلقون سرداب (( السرداب باب من تحت ))
ليو : هاه وش نسوي

هامور: ببنزل وننحاش وهم مهوب دارين بأننا دخلنا وكشفنا هالباب
فياض : يوم أننا بننحاش ليش ما ننحاش من الباب اللي برا أحسن ..
ليو : لا أكيد بيكونون مستعدين لنا ..
هامور : كلامك صحيح ... يله انزل يا فياض أول
فياض : وش هو .. معليش أنت أكبرنا ولازم تنزل:sad:
ليو : وهو صادق أنت أكبرنا
هامور : طيب يله بسرعة انزلوا معي
وهم نازلين ألا العصابة كانت ماخذه احتياطاتها أن الشباب يكشفون السرداب فقبضوا عليهم ...
ويرقونهم فوق
ويأتون بالات التصوير وآلات القتل والتعذيب

والشباب مربطين
فياض : طيب ليش تصورن يوم أنكم تقتلوننا

:sad:
هامور : يشيخ بيفهمون عربي ..يا غبي هم يتمتعون إذا شافوا هالأفلام اللي فيها تعذيب وقتل
وتبدأ العصابة بليو ميسي ..
وتبدا بتعذيبه أمام أعين فياض وهامور

فياض وهو دايخ ولا يشوف شي : هامورر قد شفت زيتونه لها رجلين وتمشي
هامور : وينها
فياض : شفها يميني
هامور : يا غبي هذي خنفسانه
هامور : فياض وش في ملابسك مبلله

فياض : هاه وش فيها ..
هامور . اها اثاريك عاملها على روحك .. والله لأفضحك عند شباب المنتدى:p ..
فياض : إيه هذا أذا حيينا :sad:
وقتلوا ليو ميسي
وبدا بفياض .. والصراخ والبكاء يهز الشقة

وقتلوا فياض

هامور : لااااااااااااااااااااااااااااااااااااااااااااااااااااااااا

ااااااااااااااااااااااااااااااااا ااااا
وبدو بتعذيب هامور ..

وكان أشد التعذيب أتى على هامور ..
وبدا هامور بالبكاء والصراخ ..

وفي أثناء هذه اللحظة ..
تطب الشرطة على العصابه وتلقي القبض عليهم ويبقى هامور حيا ..
يذهب هامور إلى جثث فياض وليو ميسي ويقول : .. فياض .. ليو .. ردوا علي .. لا تخلوني .. ردوا علي .. ردوا علي .. ردوا علي

.

أم هامور : بسم الله عليك يا وليدي وش قاعد تحلم

.. يله قم من النوم

هامور وتوه قايم من الحلم المرعب : الحين كل هذا صاير حلم , أعوذ بالله من الشيطان الرجيم :sad:
أم هامور : أقول طارق وش فيك عاملها على روحك ليش الحلم كان مخوف يوم انك تسويهاعلى روحك

هامور : هاه لا هذا أكيد اخوي فهد يحب يسوي مقالب فيني ويكب مويه علي وأنا نايم عشان أعتقد أني سويتها على روحي بس يا يماه لا تعلمين أعضاء شبكة الزعيم تكفين لا تعلمينهم:sad: .. ترى فضيحتي تكون بجلاجل :sad:

..
أمه : ابشر يله رح غسل وجهك وتغد

انتهت القصة
أنا كتبت الموضوع أعالج مشكله أجتماعيه صايره

الكثير من الناس أول ما يطب الصيف السعوديه شال شنطته وعياله وعلى طول برا
ترى السفر للخارج خطير

..
يعني احتمال كبير تنهان

.. وتصير لك مواقف تندم عليها طول عمرك ..والامراض الله يكفينا شرها:sad:
السفر الخارج للضرورة .. مثل الدراسة . والعلاج

.
والاهم ان الواحد مايتخلى عن مبادئ دينة وعاداته وتقاليده بمجرد مغادره اراضي الوطن

.
صحيح إن الدول العربيه ما تساعد للسفر إليها ولكن الجود بالموجود ..
وصراحه فيه دول اسلامية جميله وروعه مثل ماليزيا

هذي أبها تمدحها بنت فهد وحاطه موضوع قاعده تحرج عليها

صراحه طرحت الموضوع من اللي اشوفه من أهانات للاخوان المسلمين برى

مثل تركي الحميدان:sad: والكثير من الناس اللي سافروا يبون يستانسون وواجهوا الكثير من الاهانات هناك

........

همســه :
لا يزعل علينا أحد من أبطال القصـة

ملاحظه :-
أحد أبطال هالقصة ما أمون عليه واجد فقلت لازم أخذ الصلاحيات كامله منه وارسلته رساله خاصه وشوفا كيف ردي علي

.

رسالتي له :-

إقتباس

الرسالة الأصلية كتبت بواسطة تاكسـي الغرام


	هلا والله بالاخ فياض أناا عضو جديد بس تراني زائر قديم ولي سنه ادخل يوميا واقرا الاخبار والمواضيع بس متعجيز أسجل المهم أنا عندي قصه كاتبها وجاهزها القصه أنت فيها وهامور وليو ميسي أبيك تعطيني كامل الصلاحيات في شخصيتك >> ما صارت شخصيه يعني لو اخليك تصيح في القصه عادي هاه هههه المهم انا برضوا ولد خال طارق رد علي يالغلا

رد فياض علي

إقتباس

الرسالة الأصلية كتبت بواسطة f*y*d


	هلا وغلا بولد خال طارق

إقتباس

الرسالة الأصلية كتبت بواسطة f*y*d


	دا انتا من ريحة الغالين.:p خلاص عطيتك نص الصلاحية :p بس ياخوي عاد لا تخرب سمعتي يعني ما اوصيك دشّرني بس لا تخليني اصيح ههههههههههههههههههه سلاااام وبانتظار القصة

اجل اخليك داشر

أما هامور ما يحتاج ولد عمتي رضا ولا ما رضا بكتب عنه :p

وليو ميسي بمكالمه هاتفيه أنهينا الموضوع >> صارت صفقه لاعب ماهيب قصه

واشكر الاختالهنووف على التنسيق الرائع

..

أخواني ... أتمنى أنكم تشكرون الأخت الهنوووف على تنسيقها الرائع قبل ما تشكروني على موضوعي الرائع

>> واثق

واعذروني على الإطالة

-

القيصر رهيب · #2 17/08/2007, 08:24 PM

حجز
باك
8
8
8
حلى صرت مثل مميزين المنتدى

طيب اسمع أنت من ضحك عليك وقال أن موضوعك رائع

لا ازحم عليك موضوعك روعتين

بس تصدق اكتفشت أنك طرحت موضوعين وأنت مادريت

الاول حق السفر للخارج كما ذكرت

والثاني التــ ... الليلي اللاإرادي <<< توة مودي أخوه الصغير المستاصف وشافها مكتوبه

الله يرحمك ياليو :sad:

ويرحمك يا فياض :sad:

22 شكر عالموزوع

هامور البورصه · #3 17/08/2007, 08:25 PM

حجز

ــــــــ

بااااااااك

هلا والله بمحمد يالله انك تحيه

الحين ماخليتني ارووح الا مع هذوول فيااض ووليو ميسي من زينهم الحين اروح معهم

كااان خليتني ارووح مع جرح يشكي

محمد موضوع حلوو بس التنسيق لك عليه :p

الا صدق من منسق الموضوع سمعت انها الفرااشه السوداء

الهنوووف لا عمرك تنسقين لحد

[ وجه يطالع محمد ويضحك

] محمد اكثر شي ضحكة عليه يوم اقووم من النووم

قسم بالله يا محمد اني تخيلت فهد وهو جااي يكب علي موويه

يا شباب ترى اخوي هو

الي كااب علي ولا اقوولكم انا حلمت بفيااض وتهزيت به في الحلم والله عااقبني

وانا مكلووف بشيااب خلق الله هو يسويها بالحلم وانا اسويها بالحقيقه

على العموم انا تعبان وعندي بكره اختباارين

ماوودي اطوول بالتعليق واعتقد ان لي عووده

يالله فتك بعاافيه :p

جرح يشكي · #4 17/08/2007, 08:28 PM

هلا والله بـ و حميد

الله يعطيك العافيه ع الموضوع الاكثر من رائع ، وع التنسيق الجميل <<< موب لك الثانيه لـ الهنوووف ترا

قصه جميله والسيناريو اجمل ،

واذا كان هذا اول موضوع لك في المجلس فـ [ ابشر المجلس بـ الابداع ]

اخوي محمد ياليت تطلع لنا فضاايح طروووووووووق تراي ادري انه وجهه نكبه عليكم بس اكيد تحبوونه

لي عوده للموضوع مره اخرى

اخوك جرح

تاكسـي الغرام · #5 18/08/2007, 05:44 AM

إقتباس

الرسالة الأصلية كتبت بواسطة جرح يشكي


	هلا والله بـ و حميد الله يعطيك العافيه ع الموضوع الاكثر من رائع ، وع التنسيق الجميل <<< موب لك الثانيه لـ الهنوووف ترا قصه جميله والسيناريو اجمل ، واذا كان هذا اول موضوع لك في المجلس فـ [ ابشر المجلس بـ الابداع ] اخوي محمد ياليت تطلع لنا فضاايح طروووووووووق تراي ادري انه وجهه نكبه عليكم بس اكيد تحبوونه لي عوده للموضوع مره اخرى اخوك جرح

هلا والله بمحمد

مشكور خيو على هالمجامله

أما ضايح طارق فهي مجهزه بس خلها بعد رمضان ...

تشريفك للموضوع زاده جمال اخوي
تحياتي لك

تاكسـي الغرام · #6 18/08/2007, 05:28 AM

إقتباس

الرسالة الأصلية كتبت بواسطة هامور البورصه


	حجز

إقتباس

الرسالة الأصلية كتبت بواسطة هامور البورصه


	ــــــــ بااااااااك هلا والله بمحمد يالله انك تحيه الحين ماخليتني ارووح الا مع هذوول فيااض ووليو ميسي من زينهم الحين اروح معهم كااان خليتني ارووح مع جرح يشكي محمد موضوع حلوو بس التنسيق لك عليه :p الا صدق من منسق الموضوع سمعت انها الفرااشه السوداء الهنوووف لا عمرك تنسقين لحد [ وجه يطالع محمد ويضحك ] محمد اكثر شي ضحكة عليه يوم اقووم من النووم قسم بالله يا محمد اني تخيلت فهد وهو جااي يكب علي موويه يا شباب ترى اخوي هو الي كااب علي ولا اقوولكم انا حلمت بفيااض وتهزيت به في الحلم والله عااقبني وانا مكلووف بشيااب خلق الله هو يسويها بالحلم وانا اسويها بالحقيقه على العموم انا تعبان وعندي بكره اختباارين ماوودي اطوول بالتعليق واعتقد ان لي عووده يالله فتك بعاافيه :p

طارق هنيا

يا اهلين ومستهلتين

اقول والله يا شكلك بتجيب العيد في الاختبار

الله يعينك

تشريفك للموضوع زاده جمال اخوي

تحياتي لك

تاكسـي الغرام · #7 18/08/2007, 05:26 AM

إقتباس

الرسالة الأصلية كتبت بواسطة القيصر رهيب


	حجز باك 8 8 8 حلى صرت مثل مميزين المنتدى طيب اسمع أنت من ضحك عليك وقال أن موضوعك رائع لا ازحم عليك موضوعك روعتين بس تصدق اكتفشت أنك طرحت موضوعين وأنت مادريت الاول حق السفر للخارج كما ذكرت والثاني التــ ... الليلي اللاإرادي <<< توة مودي أخوه الصغير المستاصف وشافها مكتوبه الله يرحمك ياليو :sad: ويرحمك يا فياض :sad: 22 شكر عالموزوع

هلا والله براعي لليفر بول >>> بنباريكم الأحد (( تشيلساوي ))

وبعيدن الحمد لله كلنا مميزين

والله يعينك مع اخوك ;)

تشريك للموضوع زاده جمال اخوي
تحياتي لك

الحبيب3 · #8 17/08/2007, 08:32 PM

نـــــــــــــــــهايــــــــــــــــــة بــــــــــــــــــــــايخة

تاكسـي الغرام · #9 18/08/2007, 05:30 AM

إقتباس

الرسالة الأصلية كتبت بواسطة الحبيب3


	نـــــــــــــــــهايــــــــــــــــــة بــــــــــــــــــــــايخة

أخوي ولا عليك المره الثانيه أخليها نهاية حلوه ..

بس هالردود اللي حاطها عشان تكثير الردود ما تكون هنا ..

Hictar · #10 17/08/2007, 08:33 PM

حجز
---------------------------------
عدنااااااااااااا

بعيدا عن القصه ، طبعا مأخوذه من فلم أمريكي ، أعود إلى أساس المشكله وهي السفر للخارج

ما ألوم المواطن أن يسافر للخارج
أولا : لشده الحر ( الله ينجينا من النار )
ثانيا : إجازته وراحته

إقتباس


	صراحه طرحت الموضوع من اللي اشوفه من أهانات للاخوان المسلمين برى

مع احترامي للدول العربيه ما تستاهل إن الواحد يسافر لها ، لأن العرب هم من يهينون المواطن السعودي وما فيه داعي اذكر الدول هذي إذا لم تكن جميعا تحقد على المواطن السعودي

مشكور تاكسي على الموضوع

تاكسـي الغرام · #11 18/08/2007, 05:34 AM

إقتباس

الرسالة الأصلية كتبت بواسطة مواصل من عام 1413هـ


	مع احترامي للدول العربيه ما تستاهل إن الواحد يسافر لها ، لأن العرب هم من يهينون المواطن السعودي وما فيه داعي اذكر الدول هذي إذا لم تكن جميعا تحقد على المواطن السعودي مشكور تاكسي على الموضوع

هلا والله مواصل

قد يكون كلامك صحيح

أنا والله ما سمعت عن أي شي من الدول العربية

عموما

تشريفك للموضوع زاده جمال اخوي
تحياتي لك

abo_nasser · #12 17/08/2007, 08:33 PM

حجز

abo_nasser · #13 18/08/2007, 10:19 PM

فياضوووووووه وش ذا الفضايح ...فضحتنا عند الامريكان ..مع انه لو كنت انا مكانك

كان صار شيء ثاني

هامووووووووور ....يا سايقها تقول اخوك انت وجهك

ما فيه روائح ولا شيء

ليو حبيب الشعب كل ابووووهم صراحه انت بطل القصه لانهم قتلوك ولا عملتها

مثل الدلوخ

اخوي تاكسي الله يعطيك العافيه على خيالك الكبير

الهنوووف عندي موضوع يبيله تضبيط وتنسيق

إقتباس

الرسالة الأصلية كتبت بواسطة abo_nasser


	حجز

العذر والسموحه اخوي تاكسي تعرف كثرة المواضيع وما فيه الا قوة حجز

سلااااااااااااااااااااااااااااام

تاكسـي الغرام · #14 20/08/2007, 11:07 AM

إقتباس

الرسالة الأصلية كتبت بواسطة abo_nasser


	فياضوووووووه وش ذا الفضايح ...فضحتنا عند الامريكان ..مع انه لو كنت انا مكانك كان صار شيء ثاني هامووووووووور ....يا سايقها تقول اخوك انت وجهك ما فيه روائح ولا شيء ليو حبيب الشعب كل ابووووهم صراحه انت بطل القصه لانهم قتلوك ولا عملتها مثل الدلوخ اخوي تاكسي الله يعطيك العافيه على خيالك الكبير الهنوووف عندي موضوع يبيله تضبيط وتنسيق العذر والسموحه اخوي تاكسي تعرف كثرة المواضيع وما فيه الا قوة حجز سلااااااااااااااااااااااااااااام

تشؤيفك للموضوع زاده جمال

تاكسـي الغرام · #15 21/08/2007, 08:24 AM

إقتباس

الرسالة الأصلية كتبت بواسطة abo_nasser


	فياضوووووووه وش ذا الفضايح ...فضحتنا عند الامريكان ..مع انه لو كنت انا مكانك كان صار شيء ثاني هامووووووووور ....يا سايقها تقول اخوك انت وجهك ما فيه روائح ولا شيء ليو حبيب الشعب كل ابووووهم صراحه انت بطل القصه لانهم قتلوك ولا عملتها مثل الدلوخ اخوي تاكسي الله يعطيك العافيه على خيالك الكبير الهنوووف عندي موضوع يبيله تضبيط وتنسيق العذر والسموحه اخوي تاكسي تعرف كثرة المواضيع وما فيه الا قوة حجز سلااااااااااااااااااااااااااااام

هلا والله بابو ناصر

انا مستغرب اقول ابو ناصر يحجز ويحسب غريبه ماهيب عادته

تشريفك للموضوع زاده جمال

تحياتي الك