والله ما كنت ابي ارد على الموضوع
بس شعور النذالة بداخلي .. اجبرني اني ازود عدد الردود رد
<<< من قوة هذا الشعور بداخلي تمنيت ان عندي عشرة يوزرات عشان تصير عشرة ردود زيادة

سلطان انت ما تستحي .. هالحين انا لي بالمجلس كم يوم وانا مسنتر هنا .. ولا طرا لك تنزل موضوع الا يوم غبت
ما اقول الا مثل ما قال جدي الله يرحمه " يؤ يؤ يؤ ياسلطان "
هو الصدق .. ان جدي الله يرحمه قال " يؤ يؤ يؤ يالـ .... " ومات الله يرحمه ما كملها .. فصرت انا احط اي شي ابيه مكان الفراغ

الله يرحمه يراعي فرق السن

نجي لك انت وشيخك

والله ما ادري وش اقول ..
توني طالع من اختبار .. والمخ فصل .. ما يبي يفكر ابد .. يقول تو صيفيته بدت اليوم
لكن تدري ابقوي قلبي واقولها..
موضوع منقول .. وينقل الى زقاق " صيد الانترنت " في حارة " المجلس العام "

خلاص يا سلطان قرار وصدر ولا لي فيه رجعه

هالحين تعال .. كل العالم قالوا موضوع جيد وكلام جميل ومعنى سامي وهدف نبيل
ولا احد انتبه الى انك وفي سبيل اشباع رغباتك وشهواتك بالحصول على " شيخ جليل " ..
قمت بإستغلال هذا العجوز الضعيف واستغلال حاجته التي دعته الى التسول.. وبإغراء من المال الذي حصلت من خلال تهريب المخدرات بعد ان يتم غسله في صفقات مشبوهة
نعم .. تستغل الضعيف المسكين .. وتاخذه للكوفي وتشتري له موكا بارد .. بس موكا بارد
يا عيبااااااه ..
وش كان هدفك من هذا كله لكن الحمد لله كان العجوز فاهمك وعارف لحركات الشباب

سلطان والله ما عندي على كلامك زيادة ولا ابي ارد رد قصير .. فقلت لازم نستعبط شوي <<< الاستعباط بمفهومي انا مهوب مفهومكم اللي مدري وش يبي

حبيب قلبي ..
في نقطة بس حبيت اتكلم عنها ..
الا وهي الصدقة ..

انا من وجهة نظري ان الشخص اللي له القدرة على العمل ويتسول .. هذا لا يستحق انك تعطيه ولا ريال

بقول لك سالفة
مرة وانا بمسجد قام واحد شباب بكامل صحته وعافيته
وقال يا جماعة الخير .. انا ادور عمل وابي اشتغل .. بس ما حصلت
وابي منكم حق العشا الليلة بس ..
قاموا الناس والله عطوه
اليوم الثاني حصلته بمسجد ثاني يقول انه يدور عمل ولا حصل ويبي حق العشا بس

لذلك انا اقول الشحاث اللي قادر على العمل لا تعطيه شي ابد ..
لانك تعينه على الكسل ..
والصدقة لها ابواب معروفة ..
عندك مثلا الجمعيات المعروفة اللي توصل صدقتك الى عوائل سعودية عفيفة ومحتاجة :sad:

مشكور يا ابجورتنا على الموضوع المفيد