|
للاسف ان الهلال في وادي وجمهوره في وادي + مقتطفات هلاليه للاسف هذا الي اشوفه الايام هذي كل ما دخلت المنتدى الهلال يترنح والجماهير يقولون وش رياكم في ذا الطقم ليش ما نحطه للموسوم الجاي !! الهلال غير مستقر والجماهير يقولون وش رايكم في ذا الاستاد ليش ما يبني مثله الهلال !! الهلال يحتاج وقفة الجمهور وهم كل يوم واحد طالع لي بمقطع !! الهلال شبه ينهار والجمهور حاطين استفتاء يقولون من افضل اجنبي مر على الهلال !! للاسف ان فيه اعضاء ما همهم الا مشاهدة اكبر عدد من الردود في مواضيعهم ومصلحة الهلال حاطينها الاخيره قسم بالله اني ادخل المنتدى ابي اشوف مطالبات باسامه هوساوي او كامل او العمري او أي لاعب ينقص الفريق لاكن للاسف ما القى الا مع احترامي للاعضاء (سخافات) يعني اشياء ما تقدم ولا تأخر انا ما اقول ما فيه مطالبات ومواضيع تفيد الفريق لاكن المشكله ان السواد الاعظم من الاشياء (التافهه) وبعد انا ما اقول لا تكتبون مثل ذا المواضيع لاكن كل شي له وقت والله اني اذا شفت مثل هالمواضيع احس اني بنجن قسم بالله شي يرفع الضغط لاكن فعلا الهلال في وادي وجمهوره في وادي مقتطفات # ابو سلطان انا اذكر انك في احد تصاريحك قلت اني مستعد اترك الهلال في حاله وحده وهي اذا كانوا الجماهير ( ما يبونك ) طيب ياخي الجمهور (انبح) حلقه وهو يقول لك (ارررررحل) !! # تتوقعون لو حدثت معجزه ووصلنا نهائي كاس آسيا وكنا متقدمين واحد صفر وباقي عشر دقايق والفريق الثاني ضاغط بقوه تتوقعون نقدر نصمد وفريقنا فيه العنقري والمفرج والخثران <<<< هذولي الاساسين غير اخوانا في الله الي في الاحتياط ( ويا قلب لا تحزن ) !! # والله اني كل ما شفت صوره للهلال او تذكرت الهلال احس اني ودي اصيح من القهر والحال الي عليه الهلال لاكن اصبر نفسي واقول باصبر لين يبدى الموسم !! # ناصر الشمراني انتقل للشباب بـ 13 مليون وهو مهاجم والوحده رفض بيع اسامه هوساوي للهلال بـ 15 مليون وهو مدافع هذا يدل على انه ما فيه احترافيه في المفاوضات او ان الكلام الي نسمعه مجرد تسكيت للجمهور عشان الاداراة تقول فاوضنا الوحده لاكن هم رفضوا !! # سامي والله اني احبك حب ما يعلمه به الا الله وكنت اتمنى انك اعتزلت قبل سنتين يوم قدمت موسم من افضل المواسم لاكن قدر الله وما شاء فعل واتمنى انك تقولها الحين اتمنى انك تقول خلاااااااص (((( اعتزلت )))) واذا فات الفوت ما ينفع الصوت صدقني والله ان هذا في صالحك واذا كان تفكيرك انك راح تعتزل بعد الآسيويه لو خذناها فما اتوقع ان الشي هذا راح يصير لان الشي الي نشوفه الحين يقول الهلال راح يطلع من مباراة الذهاب مع الوحده الاماراتي !! في قلبي اشياء كثيره ودي اتكلم عنها لاكن التعبير يخوني دايم آآآآآه يا زمان الهلال ( والله اني اكتب ذا العباره والعبره خانقتني ) كلمه اخيره ابو سلطان ... عافك الخاطر ساميو 722 |
مشكووووووووووووووووور وفعلا كلامك كله صح اوافقك عليه |
أوافقك على بعض كلامك والبعض أخالفك عليه أما اعتزال سامي اخالفك عليه وبشدة يا ناس افهموا سامي غير وستبدي لك الأيام ما كنت تجهل |
موضوع رائع لكن اخالفك بعده نقاط السنه الي راحت الجميع كان يتوقع انه موسم بطولات لكن ماجبنا شيء والموسم الاول لابو سلطان الكل ماكان يتوقع نحقق انجاز وجبنا جميع البطولات المحليه يعني تونا على الحكم بخطف البطولات بدري والفريق ماينقصه شيء واذا تقول كاس اسيا نصبر اخر عشر دقايق ترا هالاعبين جبنا معهم بطولات كثيره لكن اتفق معك بخصوص العنقري انه ليس بمستوى الهلال وسامي والله اذكر بعام الفين وخمسه كان على مشارف الاعتزال وجا باكيتا وقال انت انتظم بالتدريب وراح ترجع مثل اول وسامي كان بذاك الموسم محافظ على التدريبات ورجع للمنتخب وحقق انجاز شخصي عالمي بالمونديال يعني سامي يبيله بس يحافظ على التمارين لكن كيف تبيه يرجع وحقوقه ماستلمها!!!! عموما باذن الله نشوف سامي رافع كاس اسيا الف شكر لك على الموضوع المفيد واختلاف الرأي لايفسد للود قضيه |
أقول يالغالي والله حرامـ عليكـ تقولـ لمحمد بن فيصل إرحل محمد في أول موسم له جاب لنا 5 بطولات وتقول إرحل ولا حرام بعد تقول لسامي إعتزل سامي في الموسم اللي راح أبدعـ والكل مــاينكر إبداعه والدليل في مباراة الحزم الإختلاف في الرأي لايفسد للود قضيه ..وشكراا |
كلامك فيه من الصحه الشي الكثير بس لاتلومون ابو سلطان لومو عضاء الشرف لان ابو سلطان تعب وهو يتكلم ولكن لاحياة لمن تنادي مشكور على الموضوع |
الهلال يحتاج ظهير ايمن مميز وبالتوفيق للهلال |
أوافقك على بعض كلامك والبعض أخالفك عليه أما اعتزال سامي اخالفك عليه وبشدة يا ناس افهموا سامي غير وستبدي لك الأيام ما كنت تجهل |
والله قلت الي في نفسي وصدقت في كل كلمه كتبتها والمشكله لحد الحين ناس عايشه على الأطلال !! |
للاسـف والله ان اغلب كلامـكـ صـحـيح .. لـكـن بـعـد لـو فكـرت بحـآل الهـلال بالايام هذي راح تدري اننا نحتاج اكثر من لاعبين وسط المستطيل الاخظر .. يعني الجمبع بلاحظ الفراغ الاداري الحاصل هالايام .. يعني منصور الاحمد اتوقع هو اللي شايل كل النادي .. ومايهون الباقين .. بس كان ودي انك تتطرق للموضوع هذا .. شكـرأ |
اوافقك في بعض النقاط |
يا جماعه يا ناس يا عالم افهموا شوي انا ما انكرت الي سواه ابو سلطان في اول موسمين بالعكس ويستاهل بوسه على راسه ولو انها قليله بالنسبه للي سواه لاكن الموسم الي فات صدقوني انه كان سبب رئيسي في النكسه الي صارت وبالنسبه للي يقولون سامي غير انا اتحدى واتحدى واتحدى اذا كان اي مشجع هلالي يحب سامي اكثر مني لاكن الشي الواضح واضح خلاص سامي المفروض يعتزل والي يقول غير انا بسأله غير في ايش بالله سامي اسطورة الكوره السعوديه والعربيه والآسيويه لاكن الشي هذا ما يمنعه انه يعتزل والي يقول نبي سامي يستمر هذا صدقوني ما يحب سامي هذا يكره سامي ولا يحب له الخير يا جماعه زيدان اعتزل وهو يقدر يعطي خمس سنوات قدام لاكن اعتزل في وقت الجماهير كلها كانت تقول زيزو .. زيزو يعني عرف انه اذا اعتزل في الوقت هذا الجماهير ما راح تنساه اتمنى اني وصلت الفكره ساميو 722 |
كلام سليم الا ابو سلطان وسامي هوابخص من ومنك مهب صغير هو ترشده :nono: :nono: @@بس انت تريد وانا اريد ولله يفعل ما يريد @@ |
يا ابو سلطان عافك الخاطر تراهي سخيفه منك وثاني شي اذا على الطقم ترا مافيها شي ويعطيك العافيه وبالذات لما ذكرت موضوع بعض المواضيع التافهه |
ياخوي تسلم على الموضوع اولا لكن بالنسبه لفكرة قمصان اللاعبين او مشاريع تساهم في تطوير النادي ودعمه ماديا .. بصرااحه مااشوف فيها شي بعدين كل شخص يقدم اللي يقدر عليه لدعم النادي سواء بفكرة او انتقاد او دعم مادي وهدفنا اولا واخيرا .. الزعيم والارتقاء فيه اتفق معاك كثير ان المنتدي يعاني كثير بسبب المواضيع المكررة والغير مفيدة احيانا لكن بنفس الوقت اخالفك الرأي في مسأله ان النادي يحتاج وقفه جماهيرة في الوقت الحالي انا اشوف ان النادي محتاج تواجد ( رئيس النادي ) واجتماع شرفي عاجل اكثر من مسأله الدعم الجماهيري .. لان النادي يعيش فتره صعبه وتحتاج تحرك سريع من المحبين والغيورين على الزعيم ،، يعطيك العافيه .. |
| الوقت المعتمد في المنتدى بتوقيت جرينتش +3.
الوقت الان » 01:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd