نادي الهلال السعودي - شبكة الزعيم - الموقع الرسمي - كـواليس .. الناقد العضلات ، والحسود المفهي ... في كآس آسيا !!

بسم الله الرحمن الرحيم

ولكم باك زعماء بعد هالغيبة الطووويلة ( بس مو جدا ) :d

وصراحة للغيبة أسبابها النفسية والسياسية .. ولا أنسى الإقتصادية :razz:

يعني تعرفون بعض ما حدث في كاس آسيا

وتلقيط خشوم بعض الناس :d وبدون ذكر أسماء

انا صراحة بغيت اخش بعد ابداع منتخبنا بس اخاف ازعل كثير

لاني اتوقع اني كنت بخش متحمس كثير ومن ثم اكب العشا :razz:

لان كثير من الي هنا ماطين خشومهم مط مط مهو بالسنع عشان يحقرون منتخبنا

على طاري من يحاول يحقر منتخبنا .. يا زين محمد عبده يوم قال .. ( ما درينا بهرج حسادك أبد ) :clapping:

طبعا كالعادة ... كانت هناك أحداث وصراعات دامية

مصاحبة لمشاركة المنتخب السعودي ..

منهم السعودي اللي يبغى ينتقد عشان يقولون انه رجال :clapping: ويفعل هذا الشي على حساب منتخبنا

ومنهم الحسود المفهي اللي يبي يطلع منتخبه أحسن من منتخبنا :yes:

..

طيب عزيزي المشاهد :d قصدي القارئ ، خلك معي خطوة خطوة كي نبحر في صراع الناقد القوي .. والحسود المفهي :d

في البداية ..

جانا مدرب جديد ومغمور وبدون تاريخ ( يُـذكر )

قالوا ( وجَـع ) :d

بعد كذا . انتهى الدوري في وقت متأخر

وكان الموسم مرهق جدا قالوا ( إنا لله وانا إليه راجعون )

اعلن المدرب التشكيلة المكونة من 33 لاعب

اختفت منها أسماء كان المفروض تخش وانا كنت احد المطالبين بهذه الاسماء .. لكن الأن أصبحت

( احد المطالبين بـ بعض هذه الأسماء )

المهم قالوا ( عسى الله لا يوفق المنتخب ، وان شاء الله من الدور الأول نطلع )

سألتهم : يا شباب ليش هالكلام هذا منتخبكم ؟؟

قالوا : ياخي ليش ما اختاروا لاعب فريقي أحسن من لاعب الفريق الفاشل اللي هناك :yes:

قلت : طيب من الفاشل .. الفريق والا اللاعب ؟؟

قالوا : الفريق !

قلت : الله يخلف :p

ومرت الايام تلو الأيام ..

تلو الأيام تلو الايام ..

لين جا دور الإصابات أخذت منا لاعبين كثير ..

قالوا : عز الله كملت بهاللاعبين الفاشلين

وبعد كذا جت المباريات الودية

قالوا: منتخب فاشل لا يستحق نشجعه

لاعبين ثول ومدرب سبأّاك = خروج بنتايج تاريخية :yes:

وجلسوا يتساءلون !!

ما فزنا بالصف الأول ، نفوز بالصف الثالث . ياشيخ حلم ابليس بالجنة

قلت : يا جماعة حنا نسوى منتخبات مو منتخب واحد . صدقوني

قالوا : يا رجال الخلا بس :d

وقاموا يضحكون علي ويسخرون مني << متعوب عليها يسخرون :p

انا بصراحة بديت اخاف شوي .. وقلت خلني ساكت لين تنتهي البطولة أحسن

وقبل البطولة .. أُعلن ان ياسر هو الكابتن

قالوا : يارب نخسر عشان يتأدبون الاتحاد السعودي << شوفوا طريقة التأديب :d

والمشكلة الأكبر انه في الخبر مُعلن بان ( انجوس ) هو من اختار ياسر كابتن .. بس طاروا للإتحاد السعودي

ذموا .. واغتابوا .. على غير حق .. وكل ما اخذوا ( ذنوب لا يعلمها إلا الله )

ولا راح اتكلم وش قالوا عن ياسر من كلام بذئ ..

والله ان الواحد يترفع عن الألفاظ اللي قالوها عن ياسر في كثير من المنتديات

بعد ذلك ..

قرر المدرب استبعاد الشلهوب للإصابة وحمد المنتشري وصاحب العبدالله وصالح بشير لأسباب فنية !!

قالوا : الله لا يسامح ياسر والمدرب .. أكيد في مشكلة وليش ياسر واش معنى ومن هذا القبيل ..

وزادوا من غيبتهم وبذاءة الفاظهم وهم يكسبون ذنوب اكثر وأكثر

وانا باقي ساكت << تكفى :d

بدأت البطولة أمام كوريا

قالوا : آآآآ آآآ كوريا لم يكن جيـدا :p

بعد كذا جت مباراة اندونيسيا

قالوا : حظ .. وفي آخر دقيقة :sad:

بعدين جت مباراة البحرين ..

ومن بعدها ما شفت خشة أحد :d

..

أذكر في مباراة كوريا بعض الناس فرحت بهالمباراة تدرون ليش !!

لأن ياسر ما كان في مستواه :d

متناسين انه توه راجع من الإصابة كان .. بس أهم شي انهم فرحوا فرحوا كثييير :p

وفي مباراة اندونيسيا قالوا نفس الكلام

المهم .. ترى المباراة النهائية كانت مجزرة والحمدلله على كل حال

صحيح خسرنا ::

http://www.m5zn.com/uploads/694069f97f.jpg

بالله وشرايكم باللوك حق د / محمد :d

المهم ..

صحيح انا خسرنا .. لكن يجب ان نعرف .. اننا زعماء آسيا

على مستوى المنتخبات .. على مستوى الأندية .. على مستوى اللاعبين ..

http://www.m5zn.com/uploads/315504d20a.jpg

لكن ! لابد ان نثقف نفسنا ..

ونعرف ان الانتصار مو انك تسب الأتحادي او النصراوي ..

لأننا كلنا أندية وحده .. أبناء وطن واحد ودين واحد ..

والتنابز والسب والشتم .. والله ما يرفع من قدرك !!

فقط يحملك ذنوب انت في غنى عنها

اما منتخبنا فهو جميل .. صحيح يحتاج لبعض التعديلات

لكن اللي يضحك على منتخب الأحلام

أقوله .. منتخبنا منتخب الأحلام غصب عنك ومن هم على شاكلتك !! :yes:

نعم .. منتخبنا منتخب أحلام

احنا افتقدنا منتخب بهالشكل من بعد نكسة 2002

فلذلك منتخبنا منتخب أحلام ومنتخب عالمي .. وكل شي حلو

لكن هذا لا يعني انه لا يحتاج الى بعض الإصلاحات فقط!!

بس امانة امانة ماني قايل اننا نقدر نسوي منتخبات مو منتخب واحد :d

أجل حنا واصلين لنهائي كآس ’سيا بالصف الثالث .. شلون لو لعبنا بالصف الأول ؟؟

( بالتـأكيد سنتزعم ونُسكت .. الكثيرين )

والسلام علاكم :clap:

تحياتي ::