نادي الهلال السعودي - شبكة الزعيم - الموقع الرسمي - ▓███ جـــــــــــــــوازي اليوم ( باركوا لي ) ▓███

- منتدى المجلس العام (http://vb.alhilal.com/forumdisplay.php?f=1)

إقتباس:

الرسالة الأصلية كتبت بواسطة هلاليه و رافعه راسي (مشاركة 5860965)

ما اقول الا يا الله حسن الخاتمة :rolleyes:

وش انت ماكل عشى البارح <<<< تختبر الذاكره عنده :d

وخل عنك السفرات الواجد:p
واقضب ارضك :d
وشجع الساحة الداخلية s60s <<<<الفقية بس

واستفيد من الي صارلك
مو بكرا تقول ضاع مفتاحي
وتطلع معطية الهندي ينظف سيارتك :d

سلاااااام

شيبنا وأنا أخوتس خلاص :d
أذكر مآكل خبز وجبن مع كأس شاهي :d
أما أخلي عني سفراتي الواجد ( حاط براسي سفره الحين ) بغطس غطسه أليمه عن المنتدى :d
أيه سياحه داخليه ( هههههههههههههههههههههه )
ما يمديني :d
شاكر مرورك هلاليه ورافعه راسك :d

إقتباس:

الرسالة الأصلية كتبت بواسطة شمآلي هلآلي (مشاركة 5861651)

. قصه حلوه وممتعه

شكرا لك

شاكر لك مرورك شمالي هلالي :d

إقتباس:

الرسالة الأصلية كتبت بواسطة 106sarona106 (مشاركة 5861884)

والله انك مرجوووووج:laugh: بس فله<<اصرف:D
على العموم<<<<<<<احب اصرف عمري فيها:D
مبروك ولا تعيدها مره ثانيه:D
الا وش تسوي يوم تروح البحرين
اكيد تشوف سينما:D صح؟؟

لا تخافين سااااااااارونه
أنا أروح للبحرين بس علشان السينما :d
شاكر لك مرورك :d

إقتباس:

الرسالة الأصلية كتبت بواسطة بريماكس!! (مشاركة 5862013)

صباح الفل والياسمين ..

ياهلا والله باخوي مواصل :d ..

الحمدلله لقيت جوازك s60s
سلملي عليه هالشنب ومب بعيد من s60s ..

بس انا هلي وهو شاص مافيه فرق كلهن فيهن طاء :bigeek: ..
:d :d

الله يحفظها ويطول بعمرها :yes: ..
خلك شنب ولايهمك احد نزل مووضوعك ويبي يكون
له الصيت الاكثر ;) >> يلعن ام الثقه :razz: ..

الله يعطيك العافيه يامواصل على القصه وربي ونستنا الله يونسك ;) ..
وابقولك المره الثانيه جوازك حطه مع اميميك علشان يطيح عليه جدار :d
كل شئ ولا تطلع برى :d الله يحفظها ويطول بعمرها ان شاء الله ..

تحياتي ،،

هلا برااااااااااعي الهلي :D
يا رجال الهلي على الأقل يهووووووون شوي عن الشاص :D
وبسلم لك على الدب المنسم راعي الشاص يبلغ :D
الله يعافيك اخوي بريماكس
وشاكر مرورك

إقتباس:

الرسالة الأصلية كتبت بواسطة الكــلاسيكي (مشاركة 5862360)

والله انكـ تصلح في وقت الازمات :D . يعني لو هذاك الوقت مالقيت احد يسافر
معك وكلن تعذر مالي الا انت .. بحط اسمك بالجوال " الشرطه " :D

بس لاتصير طرار وتتشرط .. يعني احمد ربك لقيت سياره توديك ..
مو احسن من القعده عند الكيرم :D ..

اما سالفة جوازك فهي سالفه تحفه .. واثبتت انك بجد مواصل ومفهي .. :D
يعني جوازك .. ان ضاع ضعت معه << بيخوفك ..
لا بجد تحقيق وقرف .. احمد ربك .. وحب راس ابوك .. وانا اخوك
تقبل فائق احترامي ..
دمت بخير ..

ابد قــــــــــــــــــــــــدام
بس حدد الدوله انت عادل :D
اذا على الفهاوه والدلاخه زايده عندي :D
شاكر مرورك يا حكومه :D

إقتباس:

الرسالة الأصلية كتبت بواسطة الشقرديه (مشاركة 5862931)

هههههههههههههههههههههههههههههههاي ياي
يا حليلك يا مواصل.........................
على بالي صج بغيت اباركلك ويقول منك المال ومنها العيال

بس طلعت سفره

الله يقطع سواليفك

يسلموووووووووووووووووووووو

إقتباس:

الرسالة الأصلية كتبت بواسطة الخطوة ملكية (مشاركة 5863030)

كللووووووووووووووووووووش كلللوووووووووووش .... امباركين عرس الاثنين ... يوم الخميس ...>>>> وين تبين ... جواز مب زواج ... خرفت البنت

اف اف اف اف الولد صار بدون ...لا تحاتي تعال عندنا في الامارات ... اسبوع واحد والجواز عندك ... >>>> لا تفوت الفرصه ... خخخخخخخخ :)

_________________________

واخيرااااااااا حصلت جوازك بعد هالعفسة ... عفست البيت فوق حدر ... وما حصلته وبالاخير ... حصلته .. عند الوالد ... الله يخليه لكم ..... ثاني مرة تذكر عدل قبل ما تعفس البيت ... تعبت امك ... يالدب ...

صراحه موضوعك حلوووو اليوم ونسنااا شوي ... بس لا تعيدها واتضيع جوازك يا ويلك ...

تخلينه نقرى هالموضوع كله وبالاخير ... اتحصل الجواز عند ابوك ... قول

((((((((((((((( ضيعت جوازي وحصلته بالاخير عند ابويه ))))))))))))))))))))))

وانتهى الموضوع ...>>>>امزح :)

خلااااااص انا بجيكم اماراتيه
بس السكن عليك :D
:D <------- بيستغل البنت :D
والله يبارك فيك ان شاء الله
وش اسوي دلااااااخه عندي وغبااااااء وماشكيت بابوي
شاكر مرورك اماراتيه :D

إقتباس:

الرسالة الأصلية كتبت بواسطة معاذ بن فهد (مشاركة 5863071)

تصدق كنك تقول الي اسووويه

1- عاطل
2- ادور الفله والوناسه
3- لو قال لي احد تخاوويني للخرج قلت قداام شلوون لو برا
اكره شي عندي ينام احد معي لو اناا 4 ما اخلي احد يناام <=== عشانه يسوق ولا فيه امل ينام
من ابسط حقووقه
جوازي بدرج سياارتي عشاان ماا افقده
مره كنت بسافر انا وواحد وقالي اصبر جوازي مع امي عيت تعطينياااه وقعدت احتريه نص سااعه :sleep: :sleep: :sleep: وجا والجوااز معه :clapping: :clapping: :clapping: يقول امي عيت لني موااعدها اوديهاا لمشواار بكره :d
هااذي اعتبراهاا للكتاااب الاخرين يعني لا تنزلون مواضيع وموااصل منزل موووضوعs93s s93s s93s s93s s93s

هلا فيك أخوي معاذ :d
أجل إنت زاحف مثلي :d
مشينا يا ذيب قريب ( قل قـــــــــدام ):d
أما بخصوص النوم بالخط ( أنا ما أنام بالخط أبدا ) ومانمت إلا بالمره هذي مع خويي
حتى أنا إستغربت من نفسي حسيت إني سويت شئ جديد :d
واذا صرت أسوق أحب اللي معي كلهم نايمين
علشان أمشي بالخط 200 ما احد يقولي شئ :d
عليك أخويا بعد ( أما حاط جوازه مع امه )
انا حاط جوازي مع أبوي علشان يصك عليه وما يضيع وتورطت :d

إقتباس:

الرسالة الأصلية كتبت بواسطة عالم الهلال (مشاركة 5863131)

مواصـــل..
موضوعك خطيييير لان الاسلوب رروووعه
سبحان الله نادر ما ادخل المجلس العام ما ادري ليه..

والا تفاجأت بموضوعك خير وش نبارك لك عليه..
وربي اسلوب مشوق يخلي الواحد يتابعه لنهايته
واحسن شي ضحكني..:
ومبروك رجعة الجواز وان شاء الله ماتستخدمه الا لكل خير..

هلا فيك اختي عالم الهلال
مشكوره على رفع المعنويات
والله يبارك فيك :d
اذا بتسافرين يمين او يسار تراني عاطل وبقول قدام :d
شرفني مرورك

إقتباس:

الرسالة الأصلية كتبت بواسطة الغدير الازرق (مشاركة 5865591)

إقتباس:

وش هالحركات والله عنوان موضوعك خلاني اطيح عند عتبة باااااب
الموضوع اجل بتسافر وانا اللي احسبك بتعرس انت ووجهك :d

اما انا بعرس :d
ماني قد العرس الحين
إلا إذا تخبر لي مسيااااااااااااااااااار :d

إقتباس:

مواااصل والله موضوعك انواع التفنن وانواااع الضحك اجل
رايحن البحرين بشاص انا داااري انكم رحتوا عشان تطعسون
بنفود البحرين عاااد نفودهم شي احسن من نفودنا :naughty::p

يا رجال والله ما ادل شئ بالبحرين الا سينما السيف وسينما الدانه وشارع المعارض
لا تسالني عن شئ ثاني :d

إقتباس:

مواصل الحين اثبت انك انواع الفغارة والبلاهه الحين فيه احد ينسى جوازه

انا دلخ من زماااااااااان
ومعطيني الدلاخه اوزعها على البشر بس مشكلتي بخيل وخليتها لنفسي :d

إقتباس:

مع ابوه ماتدري ان ابووك بأي لحظه ينكب عفشك ويكتب على جوازك مقاضي
البيت ومهيب بعيده يكتب عليه ذكريات ابو مواصل :p

هههههههههههههههههههههههههههههههه
يا شيخ لو يسويها لأخربها معه :d

إقتباس:

موااصل الله يسعدك ضحكتني ووسعت صدورنا في هالموضوع الحلو
الا اقووول تخاويني للبحرين بس بدون شاص :d

اكيد بدووووون شااااااااص
وترا الموتر عليك انت :d

إقتباس:

ولاتحرمنا جديدك ياغالي .. ومووضوعك اسهمه فوق وبيكسر الدنيا
وبيغطي على افلام اللمبي وابو طلال :d
ودمت بود ...
الغدير الأزرق

شاكر لك رفع المعنويات اخوي الغدير
وشاكر لك مرورك :d

إقتباس:

الرسالة الأصلية كتبت بواسطة dal3_uae (مشاركة 5865670)

إقتباس:

الف مبروك منك المال ومنها العيال ان شاء الله >>> امزح

الله يبارك فيك دلووووووووعه :d

إقتباس:

ما شي مكان اتسافرون فيه إلا بحرين
زورونا وما بتخسرون شي إلا البترول بس
نحن حذالكم فرة حصاه

خلاااااااص موافق
قـــــــــــــــــــدام بجيكم
بس ترا السكن والأكل عليك انتي :d

إقتباس:

وثاني مرة جوازك عطه حق ماماتك .. عشان ما تسافر كل ما دق في راسك واتخلي ماماتك تحاتي حرام عليك ...

لا لا ما ينفع اعطيك امي :d
الحين هو بدرجي ونااااااااوي على سفره طويله :d
تروحين معي :d

إقتباس:

وباباتك ريال تعرف ليش ... لأنه الجواز عنده وما قالك ... عشان ما تهيت بره البلاد بروحك ما تشتغل والله

أنا أصلا دلوووووعه ما سألت أبوي عن الجواز لاني كنت متاكد إنه مو معه :d
حتى هو قالي ليه ما سألتني وين جوازك
قلت له لاني متاكد إنه مو معك :d
أبوي مثل ما قلت بالموضوع ما يهمه أسافر أو لا عادي عنده :d

إقتباس:

ورح اشتغل ... خلك من الهياته يا راجل بسك لعب

موافق اشتغل بس وين
اجي عندكم بالامارات وتوظفيني :d

إقتباس:

والوقت كالسيف ان لم تقطعه قطعك

بقطع راسك بهالسيف :d

ان شاء الله طلتي تعيبك يا ولد ماماتك

اعجبتني يالغلا
واسف اسف اني تأخرت بالرد وانا قلت لك وش السبب يالغاليه
واعتذر منك ومن الخطوه الإماراتيه عن التأخر :d

هلا وغلا اخوي مواصل ..

والف مبروك على جوازك هههههههه :d :d

وتسلم على هيك حكاية طريفة وحلوة وتجنن ..

من جد بعض الاحيان الواحد تكون عليه تصرفات عجيبة غريبة ..

اذكر اني في مرتن من المرات ادور جوالي وهو بيدي :d

ومرة كنت ابحث عن قلمي وكان معلق على اذني :d :d

>>> اتشقق على الفصاحة :clapping:

والحمد لله اللي كفاك شر التحقيق ;)

فلذلك رح نم اللحين قرير العين :razz: :razz:

دمت بحفظ الله ورعايته ,,,

إقتباس:

الرسالة الأصلية كتبت بواسطة مواصل من عام 1413هـ (مشاركة 5876402)

وأنا فهمت شسالفه ... مشكور ع الشرح
واسفه ع الازعاج

هههههههههههههههههههه الله يرجك ياشيخ والله أنك درج

تنسى وين حطيت جوازك مبروك جوازك

على فكره تجي معي البحريييييين :d :d :d :d

إقتباس:

الرسالة الأصلية كتبت بواسطة !!هلالي الرس!! (مشاركة 5877749)

على فكره تجي معي البحريييييين :d :d :d :d

قــــــــــــــــــــــدام يا ابو :D
الحق علي قبل ما اتوظف بعدين اترك الكلمه هذي :D

لي عوده مع باقي الردود :D

إقتباس:

الرسالة الأصلية كتبت بواسطة مواصل من عام 1413هـ (مشاركة 5877766)

قــــــــــــــــــــــدام يا ابو :D
الحق علي قبل ما اتوظف بعدين اترك الكلمه هذي :D

لي عوده مع باقي الردود :D

أوكي ياخلفهم الحق عليك ليش لأ;)

إقتباس:

الرسالة الأصلية كتبت بواسطة Hilali88 (مشاركة 5865817)

مبروك عالجواز يافندم :d

مشكور عالقصة الحلوة

الله يبارك فيك :D
شاكر مرورك

إقتباس:

الرسالة الأصلية كتبت بواسطة امبراطورة الامارات (مشاركة 5866710)

يالسه أقرى الموضوع جني أجوف
مباراة كورة قدم:d
جان رمست اماراتي .. نص رمستك ما فهمتها
يعني لازم حد يترجملي :confused:

نتريا سفرتك للامارات
كل شي على حسابي :laugh:

خلااااااااااص موافق :D
ارسلك حسابي تنزلين فيه الفلوس :D
ما شاء الله يا اهل الامارات كريمين
انتي ودلع والخطوه عازميني :D
خلاص بجيكم :D

إقتباس:

الرسالة الأصلية كتبت بواسطة محمد787 (مشاركة 5867541)

والله قصة حلووة

بس اخاف تصير لي القصة نفسها

شاكر لك مرورك اخوي محمد :D

إقتباس:

الرسالة الأصلية كتبت بواسطة هلاليه@ميلانيه (مشاركة 5867471)

إقتباس:

مواااااااااااصل من قدكـ هذا أول رد لي بعد الآلفيهـ قلت برد على موضوعكـ :d :d :d

إقتباس:

لحظهـ لحظهـ باقي بضحكـ عليكـ :d

لحظه اخر مره
خلآص خلصت :d

دوووووووووووووووووم الضحكه يارب :D
وشرفتيني بالألفيه :D

إقتباس:

نرجع للموضوع :

أولاً اللهـ يوفقكـ وتتوظف وياليتكـ تعلمت من اليابانيين شووي ;)

إقتباس:

ويوفقك إن شاء الله

أيه تعلم حنا سعوديين تعودنا على الرباده والجلسه والتبطح :D

إقتباس:

وياليت تحط لنا صورة الشاص هذي حاولت أتخيلها بس ماأعرفها

الصوره حطيتها لك إهداء وإن شاء الله ، الله بيرزقك بزوج معه شاص علشان تحسين اللي حسيته من تكسير الظهر :D

إقتباس:

اما الجواز يعني صدق غريبهـ كل الناس شكيت فيهم وانا اتوقع انكـ
جيت تدورهـ هنا في المجلس من كثر ماأنت موجود هنا:d بس ماقلت لنا :p

إقتباس:

وش اسوي اللي قاهرني ابوي هو الوحيد اللي ما شكيت فيه وطلع عنده ، ومن سباكتي انا اللي معطيه إياه :D

إقتباس:

وأنت تراكـ تنافس بعد وبقووهـ :yes:

تسلمين على المجامله :D

إقتباس:

نسيت أقول شي مواصل أنا يمكن أنا وأهلي نسافر الشرقيهـ تخاوينا

يعطيكـ ألف عافيهـ على الموضوع الروووعهـ :)

لآعدمناكـ..

الله يعافيك يالغاليه
تسلمين وشرفتيني بمرورك وردك :D
:d :d :d

إقتباس:

نسيت أقول شي مواصل أنا يمكن أنا وأهلي نسافر الشرقيهـ تخاوينا

إقتباس:

قــــــــــــــــــــــــدام

إقتباس:

الرسالة الأصلية كتبت بواسطة leo messi (مشاركة 5868388)

ياهلا والله بمواصل يالله حيه

الله يقطع ابليسك يشيخ جريتني بقوة قلت الحين الشايب تزوج

وانا مسافر ولاحضرنا زواجه :p وتر خشيت حسبتك تزوجت

وكنت بكتب لك هالبيت :

احـــدن ينـــام بحضـــن منهو يضمـــه ... واحــدن ينـــام ولا لقــى من يغطيــه :D

قلت اكيد لقاها الرجال :p طلعت السالفه جواز سفر الله يقطع ابليسك :no:

اجل رايح البحرين لايكون انت اللي

بالشاص 2004 اللي عند بيسان تور قبل امس :D <-- ترا ماتعدى الشرقيه :D

ترا ماامحق من رحلتك بالشاص الا رحلتي في موتر واحد من عيال عمي

هايلكس غمارة توه مطلعه ويبينا نروح فيه رجعت احس

ان ظهري بيدعي علي ... طول عمره :D

عوااااااااافي مواصل على الموضوع الممميز

هلا فيك اخوي leo messi :D
توني على الزواج إن شاء الله اذا جيت بعرس بعزم كل الشباب :D
احـــدن ينـــام بحضـــن منهو يضمـــه ... واحــدن ينـــام ولا لقــى من يغطيــه :D
آآآآآآآآآآآآآآآآه بس :D

تعبني بيت الشعر :D
أجل ببيســــــــــــــــــــــــــــــــــان يا أبو :D
شاكر مرورك يا دب :D

إقتباس:

الرسالة الأصلية كتبت بواسطة كل الفن هلالي (مشاركة 5868439)

والله يا انت دوختني بذا السالفة :upset:
لان سالفتك الاساسية ضياع الجواز :yes:
ليه تجيب قصة حياتك مع خويك والجيب الشاص :confused: !!
المهم لو انك في آخر السطر كتبت وصحيت من النوم
كان تطلع السالفة أكشن :thumbup:

على العموم مبروك عودة جوازك لك ويتربى بعزك :)

انا كتبت سبب موضوع الشاص
لانه اخر مره شفت فيها جوازي
شاكر مرورك كل الفن :D

إقتباس:

الرسالة الأصلية كتبت بواسطة nnbbnb (مشاركة 5868573)

شكراً على الموضوع

مشكور على مرورك

إقتباس:

الرسالة الأصلية كتبت بواسطة مواصل من عام 1413هـ (مشاركة 5856117)

السلام عليكم ورحمه الله وبركاته
صباح الخير / مساء الخير
عاد على حسب القارئ :D

صباح الليل صديقي مواصل ... ياالله حيه

اليوم بترك شطحاتي باللغه الفصحى بكم موضوع كتبته ، وحبيت أنوع :D
شوي سياسي ، شوي ديني ، شوي ثقافي :D
:D <--- وش عنده المتنوع

مواضيعك يبيلها شاني ؟؟

أكيد سحبتكم على وجيهكم بكلمه جوازي اليوم :D
بس أنا صادق أنا أقصد بالجواز ( جواز السفر ) مو الجواز باللهجه المصريه.

انا ماانكر .. نعم سحبتني على خشتي حسبتك بتعرس :p

اليوم حبيت أقولكم قصتي مع جوازي ، وراح تبين لكم القصه مدى الفداغه والدلاخه اللي أحملها بين إذني اليمنى وإذني اليسرى.

هات خويا .. هات اشوف :d .. ابرك ساعه .. احب اللى نازل بموضوع يبي يجيب طبلونه .. اشجعه s60s

بحكم إني إنسان عاطل من سنه ونص تقريبا ، لا شغله ولا مشغله ، وأدور الفله والوناسه بأيه مكان ، وأيه واحد من أخوياي يقولي تخاويني للمكان الفلاني أو الدوله الفلانيه ما عندي إلا كلمه ( قـــــــــــدام ) ( شيبت براسي أميمتي الله يحفظها ).

الله يخليلك اميمتك ويحفظها لك .. وكلن يخليله اميماتهم وشيبانهم .. وعيالهم ( فياض ) :d :d

بعد الإفتتاحيه اللي قلتها بقولكم قصتي :

بغيت اقولك شاكر على هالموضوع الحلو .. اثرك مابعد بديت هههههههه
بيوم من الأيام إتصل علي واحد من أخوياي الساعه 10 الليل وقالي وش عندك.
قلت له : ما عندي شئ ( فضــــــاوه )
قال لي : تخاويني البحرين.
قلت له : قـــــــــــدام ( كالعاده ) ، بس تراني ما نمت ومواصل يعني بحط راسي وأنام إذا ركبت معك.
قال لي : اوكي بجيك الساعه 2 الليل.

أنا رحت للبيت وجهزت الشنطه ( اللي يشوفوني يقول بيهاجر كلها يومين ) ، ركبت معه ومن مسكنا الخط وأنا نايم.
* نبذه عن خويي هذا ( إنسان جنتل للغايه ، ويقدر شئ إسمه لبس ، وترسيم ) بس المشكله ( إنه يقدر شئ إسمه شاص ) ( كيف تجي جنتل وشاص ما أدري :D ) و 24 ساعه بالتحليه يدور بالشاص.
بعيدا عن الترجمه لخويي أرجع لقصتي :
وأنا نايم بالشاص إنكسر ظهري كل شوي أصحى وأتعدل وأسب فيه هو وسيارته :D ، وأرجع أكمل نومي ، وما صحيت إلا على الجسر.

وش كان شعورك !!:d
وبعد يومين وحنا راجعين إستلمت شفت النوم كالعاده ، من طلعنا من الجسر وأحط راسي وأنام ، ولا صحيت إلا عند سيارتي ( خويي حاقد علي لحد الآن ) :D.
مو هنا السالفه ، بس هذي بدايه قصه الجواز وآخر مره شفته بين يديني.

ذكرتني بواحد والله ... كل ماسافرنا يفق خشته ويشاخر .. حتى لو توه صاحي من النوم ... :sleep:

بعد شهور طويله ( تراها ثلاث شهور أي طويله يا أبوقذيله ) إتصل علي واحد من أخوياي ثاني عن الأول العصريه ، وكان ماخذ إجازه من دوامه ( طبعا ما فيه إلا أنا مونس الشعب ).
قال لي : عبدالله تخاويني للبحرين.
قلت له : قـــــــــــدام ( لا جديد الكلمه هي هي بكل مكان وبكل زمان )
قال لي : اوكي ، الساعه 10 الليل نمشي.

أنا كنت بالبيت وقت إتصاله ، وكنت مشهب وطاقتني الشموس ودقني ما حلقته من إسبوعين ، قمت حلقت وتضبطت ووديت ملابسي المغسله ، وجهزت ملابسي وصرت سيمباتيك ( يا شيني إذا سويت فيها زين )
بعد التجهيزات جت الساعه 9 الليل ، علشان بروح لخويي ، لبست وركبت أغراضي بالسياره ، وتذكرت جوازي ، إني ما جبته :D
رجعت لغرفتي علشان آخذه ، مالقيته بمكانه s29s ( جوازي دايما بدرج جنب سريري ) ، جلست أدوره بكل مكان بغرفتي ما لقيته :D.
قلت أكيد إني ما دورته زين ، ويبي لي أتركد وأنا أدوره ، وأدوره بكل تمحص وتمعن ( دلاله على الدقه بالتدوير ) برضوه ما لقيته :rolleyes:
جلست ساعه ونص ما خليت سم بغرفتي ما دورته وما لقيت جوازي ، إتصلت على خويي وقلت له بصراحه ما لقيت جوازي.
قال لي : ياخي دوره زين لا تستهبل.
قلت له : ما لقيته دورته بكل مكان ما لقيته ، بس بدوره مره ثالثه وإن شاء الله بلقاه.
دورت عليه للمره الثالثه ، طلعت كل غرفتي برا غرفتي ( ما أدري كيف جت الجمله لا أحد يدقق بس أقصد إني نفضت غرفتي نفض ) وبعدها رحت نفضت سيارتي نفض ، برضوه ما لقيته :D.
المهم إتصلت على خويي وإعتذرت منه ، وقلت له الله ما كتب إني أسافر معك ، وإن شاء الله تكون خيره لي.

( طبعا أنا مخطط لسفره مدتها 21 يوم خارج المملكه بعد ثلاث شهور من بدايه ضياع الجواز :D ).
وهنا تكمن المشكله ( بدينا فلسفه اللغه الفصحى ) :D.
طبعا ضاع الجواز وضاع معه كل الأمل ***والرجوع صار صوت بلا حقيقه أو ثمن ( شطحه عاطفيه مالها دخل ).
:d :d :d :d
ومع ضياع الجواز ، قلت يا ولد مالك إلا إنك تدور لك واسطه علشان تطلع جواز جديد ، ولمده شهرين متواصله وأنا أعاني من أخوياي وتعبت وأنا أشكي لهم.
اللي يقول لي : ما راح يطلع لك جواز إلا بعد سنتين :eek:.
والثاني يقولي : بتآكلها على مخك وبيتهمونك ببيع الجواز:eek:
والثالث يقول : إنت إنتهى موضوعك خلاص ، الجواز مافيه واسطات :D.
ورابع يطمني : يقول لا ما عليك أعرف واحد ضاع جوازه وطلع بعد ثلاث أيام :rolleyes:.

أنا إنلحست من الناس ، كل واحد يعطيني رأيه بالموضوع ، والأغلبيه يقولون لي إني أنسى أطلع جواز إلا بعد سنتين ، ما عرفت من أصدق ومن أكذب ، وسفرتي قربت واللي بسافر معهم كل يوم متصلين علي يسألوني وش سويت ، بتسافر معنا أو لا :D.

بعد ما أشتد علي الأمر حاولت أهدئ من روعي وأقلب خلجات أفكاري ( أركد ) ، قررت إني أروح للجوازات وأستسلم للأمر الواقع ، تحقيق - تحقيق مو مشكله أهم شئ أريح بالي ، بس قلت قبل ما أروح للجوازات ، أسوي بحث بسيط خارج غرفتي ( أيه بسيط قلبت أم البيت فوق تحت ) يمكن أحد من إخواني مآخذه أو أميمتي الله يحفظها ( ما تبيني أسافر).

أول ما دورت بغرفة أخواني قلبتها فوق تحت وإخواني يناظرون فيني ( كأنه يقولون وش تبي إنت ) بس علشاني الكبير ساكتين :D ، وبرضوه مالقيته ، وسألتهم قالوا ما عندنا خبر عن جوازك.

طلعت بعدها على غرفة أخواتي الصغار ( مالهم دخل بس علشان أريح بالي ) وقلبتها فوق تحت ، وسألتهم أحد مآخذ جوازي أو شايفه ، قالوا ما ندري عنه ولا عمرنا شفناه :D.

من بقى بالبيت أمي وأبوي.

*نبذه عن أبوي الله يحفظه ، كبير بالسن وبنفس الوقت شبابي ، وما يهمه أسافر أو لا ( حتى إذا جيت أسافر بنفس اليوم ، أروح أسلم عليه أقوله يبه ترا بعد شوي رحلتي للدوله الفلانيه ، يرد علي يقولي الله يحفظك ) يعني أبوي طالع منها :D

ما بقى إلا أميمتي الله يحفظها ، هي اللي تفتح تحقيق كل ما جيت أسافر :D ، ورحت سألت أمي.
قلت لها : يمه إنتي شايفه جوازي :D.
قالت : ما أدري عنه ولا عمري شفت صورتك فيه :D.
قلت لها : يمه تكفين إذا هو عندتس طلعيه ترا المسأله فيها تحقيق وسالفه طويله ، وبيتهموني إني بايعه :D.
قالت لي : يا وليدي والله ما أدري عنه.

وأنا أعرف أميمتي الله يحفظها ، الشئ اللي مو لها ما تلمسه علشان كذا أنا مصدقها.

بعد الحوسه هذي كلها وأكثر من شهرين من العناء والتعب النفسي والبحثي والتدويري ( كنايه عن التدوير والبحث )
قررت إني أروح للجوازات ، وفعلا رحت للجوازات وقدمت بلاغ بضياع الجواز ، وعطوني موعد علشان التحقيق :D .

بيوم التحقيق طبعا ما نمت لأني ما أدري وش بيصير ، لبست وتجهزت وحلقت ( ما أدري ليه محلق دقني حاط براسي إنهم بيقولون هذا عاقل ولا باع جوازه ) :D .

وأنا أهم بخروجي من البيت إلا وأبي حفظه الله يسألني : وين رايح ( يحسب إني بروح أقدم على وظيفه).
قلت له : جوازي ضايع وبروح عندي تحقيق بالجوازات.
أبوي رفع حاجب ونزل حاجب ( نظره تعجب وإستنكار للدلاخه اللي أنا فيها ) :D.

قال لي : الله يخلف على أم(ن) جابتك بس :D .
قلت له : ليه :rolleyes:.
قال لي : جوازك عندي s29s.
قلت له : إيش s29s
قال لي : جوازك عندي يالفاغر ، إنت بنفسك بآخر مره جيت من البحرين عطيتي إياه علشان أخليه عندي s29s.
أنا بوقتها تذكرت السالفه والموقف ، ورجعت لي الذاكره وبنفس الوقت متنح s29s
ما أدري وش أسوي أحضن أبوي أو أبدي إعجابي لشخصه الكريم إنه ساعدني وطلعني من التحقيق اللي بيصير :D.

من الفرحه ما صدقته ، قلت وين جوازي طيب أبغا أشوفه علشان أتأكد :D .
طلعت أنا وإياه لغرفته وطلع لي جوازي :D.
حسيت بوقتها إني دلخ وأفدغ بكل ما تعنيه الكلمه ( تعذبت أكثر من شهرين والشخص الوحيد اللي ما إتهمته بحيازه جوازي أبوي ، طلع هو اللي محتفظ فيه ).

طبعا دايركت طلعت للجوازات فرحان ووريتهم الجواز وخرموه لي وطلعت جديد ، ومن الفرحه اللي أنا فيها أتصلت على كل أخوياي ( طبعا تهزأت منهم ) وأرسلت لناس مالهم دخل وعلمتهم السالفه وتمت السفره.:D

*تعريف سياره الشاص
باللغه : سياره.
بالإصطلاح : سياره تمشي على الطعوس كأنها تمشي على زفلت ما شاء الله تبارك الله.
*ملاحظه هامه للأعضاء الزكرت ، لا أشوف أحد يقولي إني كنت فاقد ( الحمد لله مالي بالخربطه ) ، وأنا راجع من البحرين بالشاص ونسيت الجواز مع أبوي.
بس السبب الوحيد إني مانمت من 15 سنه :D .
*ما يستفاد من القصه :
1- لا تسافر مع واحد معه شاص ، علشان تنام وما يتكسر ظهرك إذا جاك النوم.
2- المتهم برئ حتى تثبت إدانته ( شطحه مالها دخل ).
3- اللي ما تشك فيه هو اللي يبهذلك :D.
4- لا تنزل موضوع ، والأعضاء اللي لهم شعبيه منزلين مواضيع بنفس الوقت ، علشان ما يضيع موضوعك بينهم :D
لاني قبل ما أضغط على نشر الموضوع لقيت اليابانيه منزله موضوع وبتاكل الجو :D ، وCanda‘s gallant و اليزابيث هيلري منزلين كلهم على موضوع اليوم ، وموضوع أبوطلال وهامورالبورصه لحد الآن ماشي سوقهم :D.

بعد متابعة القصه بشغف .. ودي ادري بس وش صار على هالجواز :eek: ( انقهرت انا وانا مالي دخل )
تصدق يوم وصلت الى ان ابوك قال معي الجواز ( طلعت مني كلمه عن الشايب غصب عني ) تعذرلي من هالشايب .. عاد ابن اخيي وامون عليه .. بس اللى خلاص تقلب كل هالغرف وتسوي نفسك حريص .. وتحقق مع اميمتك .. شكلك مسوي افلام علشان تخليها تعلم .. وكبرت موضوع التحقيق يعني انك بخطر لو ماطلع الجواز ههههههههه:d
كل هالامور ... صارت .. ولاسالت ابوك ؟؟ ياخي :wallbash: تدري بلاش :rolleyes:

* ملاحظه لجميع الأعضاء أو الزوار :
من يوجد لديه موهبه الرسم أرجوا مراسلتي على الخاص أو الإيميل ، لتفجير الحدث الأكبر بالمنتدى :D

موجود .. بس اقدر اعرف وش السالفه ؟؟

وربي يعطيك الف عافيه عبد الله على هالموضوع .. ومايستفاد .. والاستنتاج كثير من هالموضوع الجميل .. غير اللى ذكرته ..... اقولها انا .. مثلا .. انت اكبر اخوانك ورى ماتعرس وتترك عن هالسفر وتعين خير ..
ماتخاف الله تلعب على اميمتك وتقولها عندي تحقيق تبي تفظخ قلب المسكينه .. ( بس تصدق اسلوب ينفع مع الامهات ):d
بعد ماقلبت غرفه اخوانك واخواتك الصغار .. هل اعتذرت .. ورجعت الحوسه ؟؟ طبعا لا ( سعودي ) :d
طيح اللى براسك الحين قبل ماتعرس .. لانك اذا اعرست الجواز يبي يصير مع المدام .. وعاد المدام مافيه اساليب حيله ولا تنفع ( انا بخطر ) ويبون يحققون معي ... بتسمع كلمة ( رجلي على رجلك ) :nono:

تقبل مروري اخوي .. وشاكر لك ... وفعلا موضوع حماسي يذكرني بمعركه .. فتح الجراديه :razz:

إقتباس:

الرسالة الأصلية كتبت بواسطة زعيم قحطاني (مشاركة 5860015)

حجــــــــــــــــــــــــــز

العذر والسموحه اخوي مواصل

والله اني حسبت اني راد عليك

ومواضيعك دائما روعه ياحبيب البي:D

سلاااااااااااااااااام