|
رغم اني مدريدي لكن اخوي الريال اهتم بالهجوم وغفل الدفاع كثير لكن البرشا مهتم بالدفاع والهجوم ولا هو مهمل احد عشان كذا ماتوقع يصير زي الريال بعهد بيريز ... لكن الهجوم مرة مليان في البرشا اتوقع فيه احد منهم بيقعد بالاحتياط... وكرويف اكبر دليل على كلامي |
فيه خبر يؤكد كلامي على لساان الميسترو زاافي عنواان الخبر يقول انه ( اي زاافي ) يخااف من تخمه النجوم اللي صاايره الان في البرسا و اعذروني اني ما جبت المصدر لاني حاولت اجيب المصدر بس للاسف فشلت في ايجاده |
السلام عليكم أول شي احييك اخوي على طرح الموضوع الرايق وفعلا حنا بحاجة لمثل هـ المواضيع والي من شأنها مناقشه اوضاع الناديين ومحاولة معرفة سبب نكسة الريال .. وهل يتبع برشلونة ماذاقه الريال بالرغم من تواجد النجوم في البارسا ! لكن نتمنى ياشباب مانشوف ردود جانحه ويجينا واحد هاجتنبه :d ويطيح مقارنات وشغلات مالها أي دخل بالموضوع .. بمعنى آخر مانبي تحرير ردود في هـ الموضوع .. رغم اني واثق صراحة من عشاق الفريقين ;) .. نرجع للموضوع .. بصراحة أخوي بيني وبينك لو تسال أي شخص عن سبب الأوضاع الي في الريال سابقا .. بيقول لك وبدون تردد ان خروج ميكاليلي أكبر سبب للنكسه .. وتأكيدا على كلامي .. إذا تذكر او يذكر أحد من الشباب .. ان زيدان صرح ان الإداره ارتكبت أشنع خطأ كونهم يخلون ميكاليلي يطلع من الفريق بسبب ان الأخير يبي كم مليون زياده بالراتب !! وطبعا هـ الشي كان من حقه وأقل من حقه .. الاعب من اهم ركائز الفريق هذاك الوقت والإداره لازم تحافظ على ركائزها .. يروحون يبيعون الاعب علشانه طلب أحد حقوقه !! يعني طفشوا الاعب الين طلب الانتقال الى تشلسي .. وسط محاولات زيدان مع الاعب انه يتخلى عن قراره ويجلس مع الريال .. لكن الاداره ماكان عنده استعداد تزود راتب الاعب فـ بالتالي طبيعي بيروح للي يدفع أكثر .. خصوصا انه طلع بعد ما أخذوا الأبطال فـ بيقول بينه وبين نفسه خلاص أخذت الأبطال مع الريال .. ان عطون فلوس زياده ولا ماراح أظرهم .. وراح الرجال لتشلسي وطاح نادي ريال مدريد .. لذلك أنا عن نفسي أشوف ان خروج ميكاليلي هو أكبر سبب لنكسة الريال سابقا وحاليا وربما مستقبلا أيضا .. الريال ماراح يحصلون لاعب بإمكانات ميكاليلي .. لانه باختصار لايوجد لاعب بإمكانات هـ الاسمر .. وزي مانشوف .. الريال كانوا ومازالوا مايهتمون في مركز المحور بتاتا .. ايميرسون وديارا صراحة ما أشوفهم لاعبين بمستوى الريال .. ايميرسون الحالي طبعا .. الرجال كبير بالسن وماراح يعطيك زي ماكان بـ روما مثلا .. هذا بالنسبة للريال .. أما بالنسبة للبارسا فـ شغلة تكديس النجوم ما أشوف انه شي ممكن يخلي البارسا يضيع أو ماشابه .. لأنه باختصار الاعبين الأربعه ممكن وبشكل كبير يلعبون مع بعض .. الي هم روني وهنري وايتو وميسي .. أما بخصوص خط الوسط فـ ممكن يلعب فيه ديكو وزافي وتوريه .. والدفاع ماعندهم خلاف .. مع ثلاثه دفاع .. وممكن أيضا يتحيط إيتو ويلعب مكانه هنري .. مع وجود المذكورين سابقا في خط الوسط .. أما من ناحية دوسانتوس واينيستا .. فـ الأول توه جدا صغير ويبيله موسمين علبال مايطقها مع الفريق الاول مثل اينيستا قبل موسمين يوم كان يلعب بالدقيقه 60 من كل مباراة .. وقتها أخذ أفضل احتياطي هذيك السنه .. اما اينيستا فـ أشوف ان مافيها مشكله لو يحيط لانه مع احترامي مهب هو الاعب الي ممكن يغير نتيجة مباراة أو كذا .. إمكاناته كبيره أوكي .. بس ماتاصل انه يدخل نص الشوط الثاني مثلا لأن الفريق متأخر ونبي نفوز .. يعني دخلوا اندريس .. هذا الي جاء ببالي بهالموضوع وقلت أشارككم فيه .. قفله إقتباس:
رونالدينهو بأول موسم له مع البارسا كان مصاب في الدور الاول .. ورجع في الدور الثاني واشتغل شغل جامد مع الفريق وقدر يرفعهم للمركز الثاني خلف فالنسيا المتصدر والي أخذ البطوله وقتها .. يعني مانقول ان ديفيدز هو الكل بالكل والي رفع مستوى فريق مثل برشلونة ورفعهم من المركز الـ 11 الى الثاني .. لكن في نفس الوقت مانقول انه ماسوى شي يذكر مع الفريق .. بالعكس كان محور ارتكاز على أعلى اعلى مايكون .. كان أحد أسباب رفع مستوى الفريق وقفزه للمركز الثاني :) .. شاكرلك اخوي مره ثانيه على موضوعك ولاهنت :) .. برايفك لك اخوي .. مهب تكذيب او تشكيك في كلامك يشهد الله علي .. لكني بطبيعة الحال من متابعين أخبار البارسا بشكل عام ويهمني اعرف كل كبيره وصغيره سواء من تصاريح أو ماشابه .. لكن بيني وبينك ماسبق ان مر علي ان زافي تكلم عن تكديس النجوم وانه بيكون مضر للفريق .. بس سبق ان قريق له تصريح قديم في بداية الإجازه .. كان يقول ان فريقنا صار لايقهر ومن هـ الكلام .. وقتها طلع أكثر من تصريح من كم لاعب .. أذكر منهم بويول .. قال أيضا ان فريقنا صار قوي وأزين شي :d .. فـ اذا كنت قاري الخبر في موقع معين وتتذكره .. ياليت تعلمني عن الخبر في رساله خاصه علشان أشوف الخبر .. ولك مني اترجم الخبر من جديد وانزله هنا .. بس زي ماقلت لك اخوي .. لاهوب تشكيك في مصداقيتك ولا شي يعلم الله :) .. |
هلا اخوي سليمان شرفت الموضوع ولا يهينون الشباااب نعم اخوي اكبر خط ارتكبه الريال في الالفيه الجديده هو التخلي عن الاسمراااني كلود ميكاللي اخطاء بيريز ذبحتنا من عام 2003 بالنسبه للبرسا اخوي سليماان انت تتوقع ان ريكارد يلعب بـ 4 مهاجمين روني - ايتو- هنري - ميسي و3 وسط يايا توريه و ديكو و زافي 3 مدااافعين ؟؟؟؟؟؟؟ البرسا الموسم المااضي لعب بـعض المباريات بـ 3 مدااافعين وكاان الفريق يعااني لكن هذي التشكيله غلط X غلط الفرق الاسباانيه بـ طبعها فرق هجوميه واذا جيت تقاابل فريق هجومي رااح توااجه متااعب اذا كان عندك 3 مداافعين فقط و اذا كاان الفريق اللي تقابله دفااعي ايضا رااح تتوهق هجمه مرتده للفريق الخصم .. رحت فيهاا |
يعطيك العافيه اخوي تورام على الموضوع ... بداية انا اتفق معاك بالنسبة للجولة الآسيوية فالمعروف ان هدفها تجاري بحت ، بالنسبة للموضوع الاهم وهو عملية تكديس النجوم زي ماوصفها البعض ... ليست المشكلة في زيادة عدد النجوم في الفريق لكن الاهم انك لا تخسر الدعائم الاساسية للفريق وكذلك ان لا تؤثر مشاركتهم على خطة الفريق التي يتبعها المدرب . طبعا الشباب كفوا ووفوا بالنسبة لموضوع الريال وانتقال ميكاليلي وتأثيره الكبير في تلك الفترة على مركز المحور الدفاعي وهو ما ادى الى وجود الخلل الواضح في وسط الريال رغم تواجد النجوم .... بالنسبة للبرسا فلن تكون هناك مشكلة بالنسبة لرايكارد حول مشاركة الرباعي معا داخل الملعب من خلال اللعب بخطة 4/2/1/3 وهي المتوقع ان يلعب بها رايكارد بتواجد رباعي الدفاع ( لا اتوقع ان يلعب بثلاثة مدافعين فقط ) وامامهم توريه وكسافي في منطقة المحور وامامهم سيكون رونالدينيو خلف ثلاثي الهجوم المرعب ايتو وهنري وميسي وهذه ستكون خطة فعالة هجوميا ومتوازنة دفاعيا من خلال مطالبة رايكارد لكسافي بلعب دور دفاعي اكبر وعدم التقدم لمساندة الهجوم كثيرا ... ثم من خلال مجريات المباراة يمكن لرايكارد الاستفادة من انيستا وديكو وبقية لاعبي الاحتياط . لك مني كل التحية ،،، |
مع إني أكره الناس كرهاً لبرشلونه لكن هو الفريق الامير هذا الصيف جلب مدافين (( قلب دفاع وطهير )) وجلب محور وجلب مهاجم ناس تعرف تخطط لكن على النقيض الانتر ميلان على كثرة النجوم حيث نجد في الهجوم أكثر من 5نجوم وكلهم أقوياء أدريانو إبراهيموفتش كريسبو كروز سوازو ومن هنا تكمن حيرة المدرب ،، وأيضا يجب عليه ان يرضي بعض اللاعبين يعني يشاركون بين مبارايتين ، وهنا يصير شي اللي هو عدم التفاهم بين اللاعبين وعدم التأقلم |
كل كلمه قلتها في محلها ولكن هنري بصراحة اعتقد سيفيد البرشا ولكن في حالة ان البرشا سيلعب ب4-4-2 عن ذلك فيجب ان يستغني عن لاعبين وهم ديكو وانييستا لانهم لن يلعبوا اعتقد ان السياسة التي يعتمدها البرشا تحتاج ايضا الى مدرب قوي شخصية وهو ما لا يتوفر في ريكارد حتى الجولة الاسيوية اكبر غلط الاعب لا يريد ان يذهب ليستعرض يريد ان يتم اعداده بدنيا ولياقيا بشكل جيد تحيتي ميلان-7 |
| الوقت المعتمد في المنتدى بتوقيت جرينتش +3.
الوقت الان » 02:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd