|
تكلفة الزواج في مجتمعنا السعودي بسم الله الرحمن الرحيم السلام عليكم ورحمة الله وبركاته تكلفة الزواج في مجتمعنا السعودي الزواج في المملكة العربيه السعوديه لا يكلف الشي الكثير بالنسبه للارقام التي هي في مخيلة الكثير من الشباب ولكن لناخذها من البدايه يقول المثل مد رجلك على قد لحافك يعني الزواج يكون تكلفة بالحد العالي 50000 ريال وهو رقم خيالي بس المشكله مو في الزواج المشكله في توابع الزواج يعني مجرد انك تدفع المهر فهي اصبحت زوجتك على سنة الله ورسوله معنى هذا ان الزواج مافيه مشكله المشكله تكمن في غلا غرف النوم وغلا الذبايح وغلا الاستراحات وانا اقول استراحات عشان امشي مع المثل . وغلا اجار العقار وغلا اثاث الشقه لدرجة انك تقول دفعت في التوابع اكثر من دفعة في الزواج . يعني المشكله الان اتضحت لنا وهي التوابع فكيف نجد حلا لهذا ؟ الحل : من وجهة نظري هي مساعدة الشاب المقبل على الزواج في توابع الزواج يعني بدل من ان تكون غرفة النوم 12000 ريال ويكون اجار الشقه 18000 ريال وغيرها ان تكون غرفة النوم 8000 ريال واجار الشقه 12000 ريال وهكذا طبعا من الذي يساعد اعتقد ان الذي يساعد في هذا الشي هو اصحاب المحلات التجاريه والعقارات مشفوعه بدعم من الدوله ليس ماديا وانما اضافة ميزات لمن يقدم المساعده لهولاء الشباب وكل هذا يكون بموجب عقد النكاح واشير عقد النكاح ولمده لا تتجاوز الثلاثة اشهر من تاريخ عقد النكاح . طبعا راح تقولون لي وش دخله الحكومه تساعد او وش دخل المحلات التجاريه تقدم مساعدات اقولكم شي واحد بس وش رايكم في الزواج بسن 18 سنه طيب وش رايكم بالزواج في سن 25 سنه طيب وش رايكم بالزواج في 30 سنه طيب وش رايكم بالزواج في 35 سنه وهكذا اعتقد ان ازواج بسن 18 سنه جيل وانتهى وسن 25 برضه جيل وانتهى والان جيل اعمارهم 30 سنه ومقبلين على 35 سنه ولسا عزاب اخاف بعد 10 سنوات نلقا اخواني واخواتكم اللي لسا يدرسون بالمدارس لا يستطيعون الزواج الا بسن 40 و 45 في الختام انا اسف على الاطاله ولكني متشائم جدا من المستقبل . |
إقتباس:
أصلاً أول ما سمعون انك معرس يغلون عليك كل شي . حتى الحلاق ,, موضوعك لو ينسمع راح يكون جميل لكن ما أظن إن في أحد راح يسمعه , تقبل مروري ورأيي |
يعطيك العافية على هالموضوع صح ان اغلب اللي بيعرسون بتواجههم مشاكل مادية واقل شي بيكلفه الزواج 100000 40000مهر 20000اجار (ارتفعت الاجارات الحين يعني اللي بيلقى بعشرين نعمة) 20000 تأثيث 10000 للعرس اذا كان ما كبره 10000 شهر العسل هذي حسبة بسيطة بس ترى دايم اللي بيعرس يوفقه الله من هالامور تلقى اغلب جماعته يساعدونه اللي يعطيه 5000 والللي يتكفل بغسالة والا غرفة |
والله مستحييييل حنى نطلع من الاسهم ويكوون عقبه خيييييييير |
يا أخوي المشكلة في المهر و التوابع الرسول عليه الصلاة و السلام زوج شباب بسورة من القران و بعضهم قدموا التمر كمهر للفتاة و أنا ما أقول أن المهر يكون تمر بس يعني مبلغ معقول عشرين الى ثلاثين ألف لان وش الفايدة اذا زوجت بمبلغ كبير لانها ( غالية ) م وبعدين صار يحرمها زوجها من أشياء كثيرة و السبب هو ديون الزواج ثم تجيك مطلقة بسبب كثرة مشاكل الرجل المادية يا أخي رواتبنا كشباب و في بداية الطريق ما تتجاوز 6000 و هذا الراتب مره حلو بعد كأول مربوط وشلون راح نتحمل تكاليف الزواج اللي ما تقل عن 200000 ريال هذا غير السكن و السيارة و بعدين يجيك ولد و تصعب الحياة ياخي كل ما مسكت الالة و قلت خلني اشوف كم يبي لي عشان اتزوج انصدم بالارقام .. ما أدري وشلون بأوفر 3000 كل شهر و لمدة ست سنوات إذا كان راتبي 4000 ريال مثلا..!!! الان أكثر العوائل تطلب خمسين ألف كمهر للبنت و أنا أقول يا زين كامري 2007 بس :D و خل بناتهم اللي مخلينهم صفقات يعنسون عندهم و الشباب السعوديين صاروا يدورون بنات من دول عربية لعجزهم المادي و لأنهم يبون يحفظون أنفسهم من الحرام يعطيك العافية أخوي على هيك موضوع ..! |
إقتباس:
دا كان زماااان ,, الحين من 80000 وفوق ,, والحل نسوي اضراب عن الزواج لين يرخصون بناتهم |
إقتباس:
قلي وشلون و القصر و الذبائح؟؟؟؟ إقتباس:
تعجبني s60s |
صحيح من نوى على الزواج تيسر له الامور وانا اعرف لك ناس معرسين ورواتبهم على 2000 وعندهم عيال بس رازقهم الله ولازم الواحد يدور بدائل عن الوظايف الحكومية اما ان الحكومة تساعد او تسوي ميزات لاحد فالحكومة ماعليها الا من نفسها |
إقتباس:
|
بادئ ذي بدء أشكر الأخ/ الأخت .. شوفي شموخي على هذا الطرح الجيد لموضوع مهم للغاية !! هذا الموضوع ذو شجون .. ولكن باختصار الحل يكمن في تكاتف الجميع (بمعنى كافة شرائح المجتمع) وتقديرها لأهمية الزواج كحل أساسي ومثالي لمشاكل الفتيان والفتيات !! وخاصة الأطراف المعنية (أسرة الزوجة) .. تحيتي لك ممزوجة بالشكر والتقدير ،،، |
يا طويل العمر الحين علشان الواحد يتزوج اقل شيء200000 الف ريال هذي تكلفة المهر والذهب والذبائح والشقه والاثاث وقصر الافراح اما ان المحلات التجاريه يساعدون فهذا مستحيل ويعطيك العافيه على الموضوع سلااااااااااااااااااااااااااااااااااااااااااااااام |
إقتباس:
ردك أجربني أرد مره ثانيـــــه |
الحديث عن وضع الزواج في مجتمعنا مؤلم للغاية .. :no: :no: وذلك أوصلنا لعدة أمور منها : 1- لدينا الآن أكثر من مليون عانس !!!!! :wallbash: 2- ازدياد نسبة القروض في الأوساط الشبابية إلى أرقام مهولة , ولا أحد رابح من ذلك غير بنوكنا الشجعة جدا . |
المشكلة ان العنوسة كثرت بسبب المبالغ الخيالية والمبالغ الي انت حاطها قليلة اتوقع اكثر |
مشكور ع الموضوع ومستحيل الزواج بسن 18 لانه معروفين شباب السعوديه الله يحفظهم |
بنظري مافيه اي غلاء للي صادق وجاد لانه انسان يتكلم ويقول ان الزواج يكلف غالي بحدود 50 -80 الف وتلاقيه يركب سياره مايقل سعرها عن 120 الف ريال اعتقد انه لحد الحين مو قد المسؤوليه اللي الزواج يحتاجها ولو كل انسان اصبح جاد ومقدم على الزواج بشكل رسمي ماراح يكون المهر هو السبب اللي يرده ماشاء الله اشوف ثلاث ارباع تقريباً ااذا مو الكل معاهم سيارات اخر موديل وسفرات تكلف الشي الفلاني ولما نتكلم عن الزواج يقولون المهور غاليه ؟؟ طيب ومصاريفكم اللي علي سيارتكم وسفراتكم ؟؟ مالها اي حساب ؟؟ اللي صادق وجاد راح تتسهل امورة واللي يدور اي عذر بيلاقيه :) |
شوف حبيبي .... الزواج مايخووف ولايكلف ... دائما فكر في اللى تدفعه وش مقابله ؟!! تدفع مبالغ كبيره وتاخذ قروض واخرتها .. تروح بسفره خارج المملكه اسبوعين ثلاثه وترجع وانت طفران .. يعني قومة صبح حقة سته شهور راحت على الفاضي وتلقاك ماتتحسف عليها .. واكيد على ظهرك مبلغ وقدره من الديون والقروض وخلافه .. اذن خسرت مبلغ من غير مقابل ... طيب انزل وشوف المقابل اللى تدفعه للزواج 7 7 7 7 7 7 لكن فلوس الزواج مقابل استقرار .. ستر .. تكوين اسرة .. اكمال نصف دينك ... ارضاء لوالدينك .. ومع ذالك ربي يرزقك اطفال يكونون لك سند اذا كبرت .. واذا مت ماينقطع عملك من خلالهم اما بالدعاء او اذا كانوا صالحين فمن خلال اعمالهم وتربيتك لهم يعني تخسر خمسين الف على سيارة .. وسفره .. وفواتير جوالات ... ولاتتحسف .. ! وتتحسف على زواج يضمن لك بعد الله الاستقرار والهدوء والطمأنينه .. والاطفال ايضا .. اللى شوفة الواحد يقولك بابا تسوى سفرات الدنيا كلها في الختام ... نعم الزواج مكلف .. لكن من بغى الدح مايقول اح ... والزواج مكلف للي يبي يستعرض بزواجه .. وعلى قد لحافك مد رجلينك الزواج مكلف للي نيته مو صادقه .. لكن لو تنوى الزواج وتتوكل على الله .. صدقني راح تنفتح لك ابواب ماتدري عنها وتتسهل امورك .. وماتدري الا وانت متزوج بقدرة قادر !! حتى المبلغ يتوفر من غير ماتحس ... انت بس اعقلها واتوكل والله يوفق الجميع واسف على الإطاله تحياتي للجميع |
إقتباس:
وربي إني داخله وابي أرد نفس هذا الرد بس كفيت وفيت ... للي يقول المهور وليلة الزفاف والأثاث ..... الخ أنا أشوف الحل لهذه المشكلة إن الأهل يزوجون بناتهم بلوشي .. :upset: وسوووا خير وارموهـ البحر ومو بلازم قاعة ولا حتى استراحه كركبوا الخلق ( المعازيم ) فوق سطح البيت ولو ماعندكم ترى سطح الجيران مايخالف :upset: .. ولا خلوه زواج سوكيتي ومو بلازم ذبايح ( ترى ماقلت بوفيه تقديراً للأوضاع ) أنا وأعوذ بالله من كلمة أنا أقول كرتونين دجاج ساديا :p يأدي الغرض وش هو له الخساير ... والأثاث يمدحون الحراج به الكثير من استخدام الحشمة ... المهم توفر دراهم للسيارة والسفر ووناستك :rolleyes: |
والله ياخوي المشكله فينا احنا الشباب .. :) مانبي نتزوج لأننا خوافين .. :) بالنسبه لي ماابي اتزوج الا ويكون الرصيد يبيض الوجه , على شان اهددها بالثانيه .. :D بيني وبينك الواحد منا يبي وحده تفهمه بس وشلون ندري الله اعلم .. :) |
إقتباس:
لو فيه زواج يكلف بالحد العالي خمسين الف على قولتك كان ما شفت احد عزوبي |
إقتباس:
ربي يوفقكـ ويزوجكـ الي تبيها :p <<مو الموضوع عن الزواج يعني هالدعوهـ بمكانها :d تحياتيـ:) |
إقتباس:
s60s s60s والله مصاريف الزواج بارتفاع مستمر مثل المواد الغذائية يعني المهر والقصر والطقاقات :wallbash: وحلويات وتأثيت الشقة ووو ... يعني تبي تدفع من 150000 وطالع علشان تسوي زواج عادي برايفت لكل الشباب : رح خذ لك سورية جمال ودلع يعني فل كامل ماتكلفك 25 ألف .. يا بلاش أحسن من ام الركب السود :d :d |
إقتباس:
والله انكـ صادق وعلى راس القائمة اخوي اقوله ماتبي تتزوج يقول لا انتم بس اشتروا لي سيارة طيب نشوف وش تسويله السيارة ************ وبعدين اذا الزواج مكلف تلاقي التكلفة في الحفل اللي راح يصير لان كل المهر يروح تكاليف للحفل هذا اذا ماأضاف ابو البنت وكله علشان ليلة وحده والحل الوحيد تحط الزواج عائلي ترتاح وتريح مشكورة اختي على الموضوع |
إقتباس:
حلوووه :d من جد الحين صيف والمحلات كلهم في اوقست يسوون تخفيضات ليش ماينزلون مهور بناتهم:razz: في الصيف بس عالاقل:d المهور المبالغ فيها هي الي خلت البنت زيها زي اي سلعه للاسف :) !! بس بالاخر هم الخسرانيين! بناتهم بيخللوون عندهم !! واذا على المصاريف الي بعد الزواج زي ماقال ابو طلال مد لحافك على قد رجلينك او رجولك:razz: كل واحد يجيب الي على قدو والي يبغا الفشخره والمضاهر يستاهل الي يجيه:) إقتباس:
بس بالمعقول اكيد واشهار الزواج كمان لازم يعني مينفعش سوكيتي:razz: |
اولا .. اشكر صاحب\ة الموضوع على فتح المجال للنقاش فيه وكل واحد يطرح وجهة نظرة .. أذكر كل صيفية كانت دائما تجينا بطاقة زواج لنفس العائلة وكانوا عندهم شباب في سن زواج يعني كل صيفية يتزوج لهم واحد يعني يمكن مرت اربع سنوات على هالحال يعني تزوجوا كلهم .. مع ان حالتهم المادية بسيطة جداً.. كنت استغرب واقول ماشاء الله كيف قدروا يتزوجون وكيف قدروا يدبرون مصاريف الزواج .. لأنهم بسيطين مصاريفهم بسيطة ولانهم ناوين نية الزواج عشان يحافظون على انفسهم ويفرحون والديهم ربي يسر لهم زواجهم .. يعني الزواج نفسة .. والمصير نفسة بس اللي يفرق تعامل الناس معه .. التفكير السطحي للبنت ابي زواج يتكلمون فيه اسبوع والتفكير الغير منطقي للشاب الزواج مكلف وما ابي اتخسر الزواج من بدايتة وهو يدر عليك ارباح ولا يأخذ منك فوائد .. بعض الشباب يقول الزواج يكلفني وهو كل صيفية في اوروبا .. طيب مصاريف اوربا كل صيفيه جمعها وحطها في الزواج .. بس سبحان الله مانسمع عن عدم القدرة الا عند الزواج اما وقت السفر وشراء السيارة والصرف على رحلات وطلعات المادة تتوفر وبسرعة البرق .. ما اقول الا الله يعين اولياء امور الشباب والبنات .. والله يهدينا جميعا ويوفقنا ان شاء الله |
اول شي الاباء لازم يخفضوا المهور ثانيا الحكومة لازم تساعد الشباب وصراحة 50000 الف ماتفرق معاهم اذا دفعوه لكل شاب ثالثا انا على اقساط سيارة ( مكس ) 5 سنوات قدام والحين عمري 23 سنة والراتب 3100 ريال وفي قطاع خاص وليس عندي اي دخل اخر غير الراتب بصراحة شي يتعب يعني الزواج حيكون في سن 32 سنة ما اقول الا الله كريم |
هلا بكل الأخوان اللي هنا واللي مهوب هنا .. أشكرك على طرحك للموضوع ولكن هناك نقطه .. شوف الحين نواجه مشكلتين في الزواج مشكلة المال .. المهور والقصور والولايم ووالسفر للخارج لقضاء شهر العسل .. أعتقد أن كل هذي تكسر ظهر الشاب السعودي وتحطمه .. المشكله الثانيه .. عدم السماح للرؤية المراه قبل الزواج و عن المغيرة بن شعبة أنه خطب امرأة فقال له رسول الله صلى الله عليه و سلم * أنظرت اليها قال لا قال أنظر اليها فانه أحرى أن يؤدم بينكما * أي أجدر أن يدوم الوفاق بينكما. يا أخي الحين إذا جينا نخطب وقلنا نبي نشوف .. يقول لا خل تشوفها أما أنت لا طيب واللي أمه مالها ذوق وش يسوي :D يعطيك العافيه أخوي على هالموضوع |
هلا فيك اخوي شوفي شموخي ... طرحت موضوع رائح يستحق النقاش .. في لابدايه اتفق معك بان الامور تتصعب مع مورور الوقت .. وحال الشبا في تردي مع ارتفاع الاسعار .. وازدياد الكماليات التي قد يحتاجها الزوجين .. ولكن لنكن اكثر واقعيه .. هل المحلات التجاريه والمؤسسات ستساهم في مساعدة الشاب ! لا اعتقد ذلك .. إلا ان كان مؤسسات خيريه كمؤسسة ابن باز "رحمه الله " غيرها ماعتقد ولو حتى بتخفيض ولو كان بموجب عقد النكاح .. لان كلن يدور مصلحته .. والكل تهمه تجارته .. ومالهم بأحد .. "ومانلومهم " اتوقع ان تكاليف الزواج تختلف حسب المجتمع والبيئه .. فاعتقد جنوب المملكه يكون المهر غالي جداً .. اما في نجد اقل منها .. ولكن مثل ماقلت المشكل بالتوابع .. واعتقد اقل شي ممكن يكلف الزواج 100- 130 ألف ريال .. اما العمر المناسب اعتقد ان العمر المفضل 24 وطالع .. لكن مايصل للـ 35 .. لكن تفائل اخوي وان شاء الله ييسر الله .. لكل وللجميع .. تقبل فائق احترامي .. واشكرك على الطرح الجميل .. لموضوع يستحق ان يطرح .. دمت بخير |
مشكور أخوي/أختي على الموضوع الذي يتطرق لقضية تهم مجتمعنا احببت أن أعقب على الموضوع لكن الأعضاء مشكورين قالوا كل مايجول بخاطري ولم يعد هناك شيء لأضيفه |
السلام عليكمـ ..,, المشكلة ليست في المهر . . أو السكن فقط , المشكلة تعدت الى ابعد من ذلك . بعد الزواج فيه شهر عسل .. فيه عامله او عامل في البيت , في مصاريف الملبس والمأكل والمشرب .., الموضوع اكبر من مجرد مهر ..! ! واللي يقول رخصوا بناتكم .. العلة موب في البنات ترى ..! صحيح الرسول قال فيما معناه أن خير النساء اقلهن مهوراً .., اعتقد الموضوع كبير جداً , والله يعين بس ..,,, شموخ شموخي , كل الشكر على الموضوع |
وعليكم السلام ورحمة الله وبركاته موضوع جدا رائع صحيح التكلفه كثيرة بس ودي اقول شي التوكل على الله في مثل هذا الامر والدعاء يسهل كل شي متعلق بالزواج |
إقتباس:
لو تتكلمون وتهددون وتسوون اضراب مردكم لنا:d :d |
ع الاقل نحنا احسن من باكستان والدول ذي هم اللي يزوجون بناتهم على حسابهم ..ولازم يزوجون بناتهم بالاول قبل الشباب >>> ابلوني اذا تزوجنا هههههههههههههههههههههه |
موضوع مميز وردود أميز أما تعليقي على الموضوع _ _ _ _ _ المشكلة تكمن في عدم تحمله للمسوؤلية والراتب قديكون متدني وقد يستحي المعونة من والديه وأرتفاع الاسعااااار الغرف والاحتياجات من ملبس ومشرب ومأكل وغلاء المهور الله يرحم زمان أول سألت أمي كم أبوي عطاس مهر قالتلي ألف رياااااال والان شف 50 ألف وياقلب لاتحزن |
اللي يقولون غلا مهوور ابي ادري ويينهم واتحدى أحد يروح يخطب ويجي أبو البنت ويقول نبي المبلغ الفلاني وإذا قالها فأنه مب رجاال وبعدين اللي يقول المهر والعرس والبيت حنا عاداتنا أن العرس على أهل البنت من إلى بس الرجال يجيب المهر والبييت |
لازم الواحد يتمححححححححححححص الين يقول بس عشان يحس ان بنت الناس اللي خذها مو لعبه الصراحه الشباب موب جادين هالايام يعني اول كانو يزوجون برخيص لان الشاب حتى لو كان عمره 18 بس رجال قد كلمته الحين عمره 30 وباقي يستهبل |
السلام عليكمـ ,, هلافيكـ أختي شوفي شموخي ..! موضوع واقعي وجميل .. يناقش الوضع الأجتماعي الذي حاصل الآن ..! تكلفة الزواج سبب رئيسي لمعوقات الشباب السعودي من الزواج ..! اختي .. لو نظرنا بنظرة شمولية لبعض الأمور لنجدهـا عامل مشترك في هذي القضية ..! أعتقد لهذهِ المشكلة ترجع بنظري إلى الزوجين .. فهناك من يبالغ بمسلتزمات الزواج حيث السكن والمهر وو ..! وبعض الأشخاص لا يهتم كثيراً بتكاليف الزواج .. ياخذها ببساطة تامة متى ماكانت الزوجة راضية عن ذلكـ .. بأختصار التكاليف تعتمد على حسب الشخص ليس إلا .. ! :rolleyes: ؛؛ اختي .. قد يكون تعليقي غير مشتمل .. لظروف سفري الآن .. ولكن أحببت أن أبين وجهة نظري ..! ;) دمتِ بخير .. سليمانـ |
والله كثرت العنوسه وكثرت المصاريف الله يعين بس اما عني انا ففي سن 27 راح اطق الزوجه تشــــــــــــــــاو |
والله اللي ما له أبو أو جماعه تساعده بيعاني بالزواج بس ان شاء الله مع الوقت ترخص المهور وتوابع الزواج |
إقتباس:
|
إقتباس:
خلاص يدفـــع المهـــر والعرس والحفلـ والطقــاقــات :D تدفعهــآآ البنت من المهـــر .!! والله اعلمـ :D |
بداية عافاك عزيزي على طرحك لمشكلة يعاني منها الكثير من شبابنا الأخوان والأخوات ماقصروا كل واحد منهم ادلى بدلوه واعطانا رأيه" على حسب جنسه " :rolleyes: عزيزي مشكلة الزواج عندنا كما سبق واسلفت تكمن في المهور الغالية وتوابع هذا الزواج بحسبة بسيطة اجراها زميل لي اثناء الدوام .. ممن يعاني من العزوبية ومن أهل القصيم .. والمتعارف عند اهل القصيم بشكل عام ان أهل الفتاة من يتكفلون بالزواج 40000 " مهر " 15000 " إيجار شقة " 20000 " تأثيث شقة " مالايقل عن 10000 " اسبوعين عسل " بحسبة بسيطة لاتحتاج الى جهابذة الرياضيات وعلم الحساب : 40000+15000+20000+10000 =850000 ريال :d كيف شاب في مقتبل عمره أول مربوط له 4000ريال مع البدلات والدلع توصل للـ 5000 ريال .. ساكن عزابي بعيد عن اهله .. ايجار شقته 12 الف ريال سنوياً .. ملابسه واكله وشربه والمويه والكهرب .. كلها يدفع حسابها .. مع العلم ان والده الكريم على الله ثم على راتبه التقاعدي يعني لو كل شهر يوفر له 1000 ريال بتوفيق الله .. وبدون مايصادف عانيات عروس كل صيفية .. وبدون سيارة تخرب اخر الشهر .. وبدون مصاريف مفاجئة وبدون وبدون ... الخ بيتزوج بعد 85 شهر اي حوالي 7 سنوات .. مع اشتراط عدم شراء سيارة ام 20 او 25 الف توديه وتجيبه وتشيله بدون اي زيارات مفاجئة للورش يعني بيتزوج بعمر 31 اذا ربي وفقه وتوظف اول ماتخرج وهو عمره 24 .. ولاقعد له 4 سنين يطارد ورى ديوان الخدمة المدنية ولاالوزارات هذي حسابات زميلي .. حقيقة اقنعتني انا شخصياً :sad: إقتباس:
ههههههههه سعودي يالبى قلبك .. واللي سيارته موديل 92 ويقسط من راتبه للبنك .. وابوه داج كما سبق واسلف صديقنا السابق .. وش يسوي !!! إقتباس:
تأكيد لمقولتي " كل شخص ادلى بدلوه على حسب جنسه " :rolleyes: كاتب الموضوع تحيتي لشخصك الكريم .. وجميع من أدلى بدلوه بالتوفيق للجميع |
إقتباس:
اهلين M A D R I D حياك الله ومشكور على تعقيبك كلامك صحيح الزواج راح يكلف مبالغ وانا ما اتكلم عن الكمية اتكلم عن الفكر وليس المادة تقول يكلف 85 الف ريال وجالس تحسب مصاريف اللي هو دافعه اصلاً مثل الشقه هو دافعها اصلاً بحكم انه عزوبي التأثيث موجود من الاساس اللهم بتزيد غرفه نوم مرتبه( اهم شي هذي :D ) وكم غرض اعتقد اذا كلفو بحدود العشرة بتكون صارف كثير شهر العسل حسبته على 10.000 ريال وعلى اسبوعين ومدري كيف حسبتها بالضبط فيه مثل يقول مد لحافك على قد رجولك اذا كان الانسان حالته المادية بسيطة مو لازم يسافر شهر عسل ويصرف مبلغ وقدره ممكن تكون لمكة وجدة اسبوع ماتكلفه ولا 5 الف ريال وهو صارف بعد بعلق على نقطة اخيره تقول سيارتة 92 ويقسط البنك <------- يقسطه على اي سبب ؟؟ وليش يقسطة بالضبط !!!! |
الله يعطيك العافيه |
سلمت اناملك موضوع جميل |
انااعتقد في ذا الزمان كل واحد يدور على مصلحته ومستحيل يبي يساعدون اي شخص على الزواج لإن ماعنده اي استعداد صاحب العقار ينقص الأجار وفيه ناس محتاجين مساكن لو ب50000 ريال وشوف كيف المشاكل والمصايب في ذا الايام من معاكسات وغيرها كله عشان غلا المهور وتكاليف الزواج ..................؟:wallbash: |
إقتباس:
هلا سعودي حبيبي .. حيـاك الاله ياغالي بالنسبة للتكاليف عزيزي .. انا حسبت لك متوسط وقد يكون شي قليل بالنسبة للواقع .. قلت لك إيجار الشقة بـ 15000 مع العلم ان ثلاثة ارباع اللي اعرفهم مستأجرين بمبالغ اكثر من كذا :rolleyes: بتقول لي هو دافع الشقة .. ياغلاي الشقة اللي ساكنها اولا شقة عزاب .. يعني غرفتين وحمام لك عليه وزين كان بها مطبخ هذي نقطة والنقطة الثانية يالغلا ان الشقة مهيب عليه لحاله .. متقاطين هو واثنين او ثلاثة .. لكن اذا بغى يتزوج الله يعينه يبي يستأجر جديد ويأثث جديد ويبي يسفط الـ 35الف لحاله اذا ماكانت حرمته موظفة وواعية وساعدت زوجها مادياً :d اما اذا هي على شهر العسل .. مش مشكلة نخصم الـ 5 الف ريال :d حبيبي تدري ليه يقسّط ؟؟ .. لانه سعودي .. انضحك عليه زي باقي البشر في موجة الأسهم .. وأندق كما باقي المندّقين .. ولاحولك احد يحميه .. ولايعاقب المسؤول عن هالخساير :rolleyes: لاتقول لي ليش دخل الاسهم .. عشان مانخسر بعض :d تحيتي لشخصك الكريم عزيزي .. سعدت بالنقاش معك آديوس |
جميل كــلامك ..؟ لكن من يسمعـــه ؟ <<< متعاطفه معكم ^_^ يسلمووووو هلاليه |
| الوقت المعتمد في المنتدى بتوقيت جرينتش +3.
الوقت الان » 11:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd