والله شي يقهر !! ظاهره انتشرت بكثره ! (صوره )
 

بعد أن سرقوها 3 مرات.. مواطن يناشد اللصوص عدم سرقة سيارته
-
لم يجد المواطن محمد القحطاني –وهو معلم في إحدى ثانويات الرياض- من وسيلة لإيقاف سرقة سيارته المتكررة سوى تعليق لوحة صغيرة على زجاج سيارته يستجدي فيها اللصوص عدم كسر الزجاج لأن المسجل مسروق و"الاستبنة" مسروقة.
محمد الذي حرم نفسه من الاستمتاع بالمسجل والاستفادة من الإطار الاحتياطي "الاستبنة" وصرف أكثر من خمسة آلاف ريال على إصلاح سيارته جراء هذه السرقات يوضح لـ "الاقتصادية" سبب تعليقه لهذه اللوحة فيقول: إن قيام اللصوص بسرقة سيارته لثلاث مرات وذلك عن طريق كسر الزجاج الخلفي ومن ثم فتح السيارة وسرقة المسجل والإطار الاحتياطي "الاستبنة" وعدم استفادته من البلاغات التي قدمها للشرطة جعلته يلجأ إلى هذه الطريقة، لعل اللصوص يمتنعون عن كسر زجاج سيارته مرة أخرى، ويشير القحطاني إلى مكان مسجل السيارة الذي تحول إلى درج وضع فيه بعض الحلوى وقارورة ماء، ويقول ساخرا: انظر لقد حولت المسجل إلى ثلاجة. عندها سألته: ألا تخشى من قيام اللصوص بسرقة ثلاجتك؟!
وينفي القحطاني استهدافه شخصيا من أعداء له، ويستدل على ذلك بحصول السرقات الثلاث في أماكن متفرقة متباعدة ومعها سيارات أخرى، ويوضح طريقة سرقة سيارته في المرة الأخيرة فيقول: " في أحد أيام الجمع الماضية حدث أن تأخرت عن صلاة الجمعة ودخلت المسجد مع الركعة الأولى وما هي إلا دقائق.. خرجت لأفاجأ بسرقة ثماني سيارات دفعة واحدة من طراز سيارتي نفسه ومنها سيارتي بالطبع، كلها سرق منها المسجل والاستبنة عن طريق كسر الزجاج بطريقة احترافية".
ويضيف: "واضح أن المستهدف هو سيارات من طراز معين معروف؛ لأن جهاز التسجيل فيها سهل الفك وكذلك الاستبنة".
ويؤكد القحطاني أن القضية ليست قضيته شخصيا، إنما هناك خلل عام ينبغي إصلاحه، ويقول: "أتوقع أن المسألة أكبر من أن تحلها أجهزة الأمن بمفردها، يجب أن تدرس هذه الظاهرة لمعرفة مكمن الخلل وبالتالي معالجته، ويجب أن يوضع لظاهرة سرقة السيارات إطار معين وتتم الاستفادة ممن قبض عليهم في هذه السرقات وإجراء دراسة شاملة عليهم وتحديد الأسباب ومن ثم استنتاج الحلول، وبعد ذلك سنكتشف أن الحلول يشترك فيها العديد من الإدارات والأجهزة الحكومية كوزارة الشؤون الاجتماعية، وزارة الأوقاف، وزارة التربية والتعليم، وزارة التجارة، كل حسب تخصصه وصلته بأسباب المشكلة. وفي النهاية ستخف الأعباء عن أجهزة الأمن في مواجهة هذه المشكلة".
وحول مسؤولية المواطن في حدوث هذه الحالات يقول القحطاني إنه لا ينكر أن هناك حالات إهمال من المواطن تتسبب في سرقة سيارته لكن من يسكن في شقة على شارع عام أين يضع سيارته؟ أما عن وضع جهاز إنذار فيقول إن الإنذار موجود لكن إذا كان الشخص داخل البيت أو نائما فكيف يسمعه؟ وإذا سمعه فكيف يلحق باللصوص وهم يسرقون السيارة في ثوان؟ وإذا لحق بهم فكيف يواجههم؟


ادخل على الرابط اللي في توقيعي ( يوجد صوره )


ما ادري وش الحل في سرقة السيارات :wallbash:


لو كان يطبق حد السرقه هل تعتقدون ان توجد سرقات مثل اللي حاصل هالايام !!

للا سف اللي يسرق يطلع بالواسطه بعد اسبوع بحجه ماثبتوا عليه شي !!


تعليقكم على الخبر...

ايه والله قسم بالله موضوع حساس كلنا نعااني منه وبقووه بعد

يااخي انا اعرف وااحد سااكن بشقه ودايم يسرقون كفرااته يقول قاعد اتغداء

ويقول اسمع صووت تحت ويفتح الدريشه ويطل ويلقا ثلاث شباب يفكون الكفرات

يقول لو نزلت مهوب ممديني عليهم خلاص قدهم خالصين يقول قعدت اترجااهم من فووق

يقولهم تكفوون خلووها :cry: والله جد الاياام هذي سرقة السيااره زي السلام عليكم

من كثر مانسمع بالسرقه اذا قاال واحد سياارتي انسرقت ماننصدم شي عادي

قبل فتره واحد اعرفه شخصياً طالب في الجاامعه ماخذ سيارة الوالد ويتمشا في العلياء

يقول جواني شباب وصدمووني من ورى ونزلت مرتااع يقول نزلت لقيت وااحد قاعد يشوف الصدمه

والثاني فتح الباب ورااح من ورى وركب السياره وانحااش والي وااقف معه دف الولد

وركب السيااره ونحااش السرقه هذي لها ثلاث سنوان وليومك السياره مارجعت وخلاص مايحترون انها ترجع اساسا

قبل فتره واحد ملبق عند شقه ينتظر اهله يجوون عشان يمشوون ابها واعرفه شخصياً

يقول يوم نزلت اصلي مالقيت سيارتي المهم هذا صار وااصل وبلغ وكتبو عنها بالجراايد

المهم هو كان مقدم بلاغ وتفاجاء يوم رااحو يدورون ع البلاغ مالقووه صارو حاطينه باقرب درج

ولا عممو البلااغ واذا قالو قالو [[ امن وآمان ]] يعني جد نلعب ع انفسنا لكن الله يكون بالعوون

مكمن الخلل معروف مسبقا ، وهو ما تحاول الدوله القضاء عليه ولن تقضي عليه ألا وهو البطاله ، وعدم وجود مقاعد دراسيه بالجامعات بالنسبه للطلاب.
فالحكومه قد خصصت وزاره للعمل للقضاء على البطاله ، وحتى الآن لم نرى هذا التغير الذي وعد به وزير العمل.
فعندما يذهب الشاب إلى إحدى الشركات يقابل بجفاء وقتل للطموح ببدايه عمله حتى يمل من العمل لديهم إذا كان مفروض فرضا عليهم من قبل وزاره العمل ، أما إذا لم يقبل الشاب وهو بحاجه للماده فربما يتعرف على أصدقاء سوء يدلونه على الكسب السريع المحرم ، وهي السرقه.
المشكله كبيره ولن تحلها وزاره العمل فقط ، بل تحتاج إلى جهد كبير من جميع أجهزه الدوله.

اخوي zoom مشكور على الموضوع الحساااااااااااااااااس جدا
يعطيك العافيه

حراااااام
الله يصبره
والله شي يقهر
احيان اقول ليه ما يطبقونه
بس ارجع واقول حرام اللي سرق انسان وما سرق الا لحاجه

السرقة صايره زي السلام عليكم ..!




هامور هذي الحركة طايحين فيها الحيين .. يجونك شباب ويصدمونك من ورى .. اذا وقفت مسكوك وتوطوا ببطنك وخذوا السيارة وراحوا .. :upset:


<< << صايره لـ ولد جيرانهم ..! :confused:

انتبه اذا احد صدمك في الدائري من ورى لا توقف له ..! :nono:

خخخخخخخخخخخخخخخخخخخخخخخخخخ .. :D



قبل اسبوع اعرف واحد خويي المهم ابوه عطا السواق السيارة يجيب لهم اغراض السيارة جيب لكزس 2006 المهم جاب الاغراض ويوم جاء وقف عند البيت مسكوه ثلاثة وتوطوا ببطنه وخذوا السيارة .. والى الحيين ما لقوها .. السالفة صايرة بـ حي السليمانية .. :no:

اما سالفة سرقة الكفرات منتشرة بـ شكل كبير ..! :eek:


والله يكفينا شرهم ..! :sad:



-- --



:sad: .. :sad:

شكرا لردودكم ولي عوده ابمسطكم فيه:d

ايه والله شي يقهر انا شريت سيارتي وبعد اقل من شهر

سرقوا سيارتي مرتين وفي اسبوع واحد بعد

حرامية .. الله لايوفقهم

بس يالغلا فيه اكثر من طريقه على شان يسدون حاجتهم

مو يسرقون ..!!:no:

الله يعطيك العافيه اخوي على الموضوع

الله لا يوفقهم ان شاء الله


ويكفينا ويــاكم شــر الســرقــات