|
نـهـآيه الفدآغه ( يـآتـرأمن العضو المقصوٍد ) السلام عليكم ورحمة الله وبركاته ,,كيف حالكم شباب وصبآيا ،.. آدخل في الموضوع عـرٍض بسم الله الرحمن الرحيم , وانا جالس علىى المنتدى لآحظت لي هنا عضوٍ يمتاز بالفدآغه :d في مواضيعه وردوٍده ,, قلت ياولد خلنا نجرٍب حظنا ونكتب عنه قصه يمكن تنجح وتنتشرٍ ويصيرٍ لها اصدا واسعه __> ياخوي اخلص ولآيكثرٍ :d طبعا العضوٍ سميته سالم ولآ هو بنكـ مختلف خفت يشغل واسطاته ثم يوقف العضوٍيه :D الي انتضرٍتها سنه ونص عشان يفعلونها .:" وشوي شوي علي لاني اول مره اكتب,, يعني إذا ماعجبكم الموضوع نادوني على جنب وعلموني ,, ماله داعي الفضايح قدام الناس وعلى قول المثل ,, السفن أب أحسن من بيتزا هت ,, :d مثل ماتشوفون فقد انتشرت ظاهرة الزواج هالايام ,, والله تحس إن هالناس فاضين ,, كل يوم تسمع عن ناس بيتزوجون ,, طيب أنا اللي أبي أفهمه ,, إذا تزوجوا الناس كلهم من اللي بيروح المغرب وسوريا ,, يعني العلماء يتعبون ويسهرون أيام وليالي إلين اخترعوا المغرب وسوريا ,, وآخرتها نسحب عليهم ,, وللمعلوميه فالعالم أديسون هو اللي اخترع المغرب ,, وقصة اختراعه للمغرب إنه بعد ما اخترع المصباح الكهربائي توهق فيه مايدري متى يشغله ,, عشان كذا اخترع المغرب عشان إذا جا المغرب يشغل المصباح الكهربائي ,, نعن ابوه أديسون مابقى شي إلا واخترعه ,, :d :d سالم ,, واحد من الشباب اللي قرروا يتزوجون ,, كان بيطير من الفرحه ,, أخيراً لقى اللي تقبل فيه لأن وجهه ماحد يقدر يتحمل يطالع فيه أكثر من خمس ثواني ,, تصدقون إنه حتى إذا طالع في المرايه يشوف نفسه خمس ثواني بس بعدين تروح صورته وتخليه :d ,, ومره كان توه صاحي من النوم ويوم وقف قدام المرايه طرشت صورته عليه من شين وجهه ,, حتى سمعت إنه هالايام صار إذا طالع في المرايه تطلع له صورته متلطمه بشماغ ,, مع إنه موب لابس شماغ بس من الشين والخياس اللي فيه تطلع صورته متلطمه ,,:d :d وكان سالم كل ماعلم واحد من أخوياه إنه بيتزوج يبدون الشباب يقدمون له النصايح كعادة الشباب في مجتمعنا مسوين نفسهم فاهمين في كل شي ,, وهم مايدرون وين الله قاطهم من الدلاخه اللي فيهم ,, يعني لو تسأل واحد منهم وش اسمك بيقول لك 25 سنه ,, :d :d وكانت أغلب نصائح الشباب أخويا سالم تتركز على الشدّه مع الزوجه ,, يعني مثل لازم تكون شديد معاها ,, وماتعطيها وجه عشان ماتآخذ عليك ,, ولازم تخالفها في كل شي عشان مايقولون إنك خروف ,, ولازم تبين لها إنك قوي وشخصيتك قويه ,, ولازم توريها العين الحمرا ,, والمشكله إن سالم دجاجه وماله شخصيه ,, فكيف يوري زوجته العين الحمرا وهو حتى العين السحريه مايقدر يوريها ,, :d :d قرر سالم إنه يسوي مثل ماقالوله أخوياه ويصير شديد مع زوجته عشان تخاف منه وتعمل له ألف حساب ,, ومرت الأيام وتزوج سالم ,, :clap: وفي يوم الزواج كانت العروس تركب في السياره الفاخره اللي استاجرها سالم لأن سيارته الصدقيه كرسيدا 89 مركب لها وجهية هايلوكس ومركب لها درايش بيت من اللي تنفتح على جنب من الفقر ,, وللمعلوميه حتى بيبان سيارته شايلها ومركب لها أبواب حديد مثل حقت البقالات وحاط فيها أقفال ,, يعني إذا جا يركب سيارته كنه يفتح بقاله ,, يعني إنه إذا كان يمشي بسيارته وأذن للصلاة يوقف على جنب وينزل من السياره ويقفل الباب الحديد ,, لأن الهيئه لو شافته يمشي وقت الصلاة بتلقطه للمركز ,,:D :D قالت العروس لسالم وهي راكبه في السياره بينما أخوها يسوق السياره ,, تعال ياسالم إركب جنبي ,, تذكر سالم كلام أخوياه وانه لازم يكون شديد ومايطاوع الحرمه ,, التفت سالم لعروسته وقال لها ,, لالالا أنا باروح مشي بيتنا قريب ,, استغربت العروس من رد سالم بينما سالم كان بيطير من الفرحه لأنه كسر كلام زوجته وذهب لبيتهم مشي وهو لابس بشت ,, طالع شكله وهو لابس البشت ويمشي في الشارع آخر الليل كنه شيخ قبيله ضايع ,, :d :d وصل سالم لشقته وهو يفح من التعب ,, ولقى زوجته تنتظره في البيت ,, وجلس يسولف معاها وهو منبطح من التعب ,, وجلس سالم يحكي بطولاته لحرمته وكيف إنه كان في المدرسه قوي ويخافون منه وكيف إنه ذبح عشره ,, وانه مات ثلاث مرات ولا صار له شي ;) ,, وانه وانه وانه من النصب اللي ما يدخل العقل ,, والصدق إنه رخمه حتى في أحلامه ينطق ,, وماعمره حلم إنه يطق أحد ,, حتى إنه مره كان نايم مع شباب في شقه وتحلم بالغلط إنه يطق خمسه ,, وفي وسط الحلم قام خويه اللي جنبه ورفس سالم على وجهه ,, وقام سالم وهو مفزوع ,, وقال له خويه ,, هالحين يا الكلب تسرق حلمي وتعطيني حلمك المخيس ,, انحرج سالم ورجع الحلم لخويه وأخذ حلمه اللي دايم ينطق فيه ,, وأول مانام مسكوه اللي في الحلم وقالوله ,, يابو الشباب بغيت توهقنا مع الرجال وتخلينا نطقه ,, ابتسم سالم بخجل وانبطح على ظهره عشان يطقونه اللي في حلمه ,, :d :d في اليوم الثاني كان سالم معزوم هو وزوجته عند أهل الزوجه للعشا ,, توجه سالم وزوجته بسيارتهم ,, وكان سالم كاشخ ومشخص ,, وكان طول الطريق مسوي نفسه شديد قدام زوجته وكل مامرت من جنبه سياره قام يسب ويلعن مسوي نفسه عصبي ,, وكان يتمنى يشوف هندي ولا بنغالي عشان يتلقف عليه ويطقه ويثبت لزوجته إنه قوي ,, وكانت زوجته تقول له ,, تعوذ من الشيطان يابن الحلال ,, ويرد سالم ,, وش أسوي في نفسي الله خلقني عصبي وقوي في نفس الوقت ,, والله غصب عني صرت قوي ,, s32s s32s وبينما سالم يقود السيارة ومتقمص دور القوي ,, مرت من جنبه سياره فيها واحد نحيف وقصير ,, لمحه سالم وبغى يطير من الفرحه لأنه لقى له واحد ضعيف يقدر يثبت رجولته عليه ,, أسرع سالم بسيارته ولحق راعي السياره الضعيف ,, وقام يضرب له بواري وفتح دريشته وقام يصايح عليه ويسبه ويطلب منه إنه يوقف على جنب ,, s124s s124s دخل راعي السياره الضعيف في شارع فرعي ووقف سيارته ,, بينما سالم الذكي وقف وراه وفتح دريشة سيارته عشان زوجته تشوف وتسمع المشهد وتشوف كيف إنه قوي ,, نزل راعي السياره الضعيف من سيارته ونزل سالم من سيارته وهو معصب ويصايح ,, اقترب سالم من راعي السياره الأخرى ومسكه مع حلقه وقال له بصوت مرتفع عشان تسمعه زوجته ,, ليش تحدني ياحمار ,,,,,,,,, استغرب راعي السياره وحلف إنه ماحده ,,,,,,,,, سكت سالم قليلاً وهو ماسك راعي السياره مع حلقه ويحاول أن يجد عذر مقنع عشان يضرب راعي السياره الأخرى ,,,, قال سالم بعد فترة سكوت ,, طيب ليش تقطع الإشاره :d ,,,,,,,,,, رد راعي السياره إن الشارع اللي كانوا فيه سريع ومافيه إشارات من الأساس ,,,, رجع سالم يفكر وهو ماسك الرجال مع حلقه ,,,,,,, حاول الرجال إنه يفك يد سالم من حلقه وقال له ,, ياخوي إنت ماسك حلقي وتفكر ,, تراه حلق موب كتاب رياضيات عشان تمسكه وتفكر:d ,, فكني يابن الحلال ,,,,,,,,,,, قال سالم ,, يابن الحلال اصبر خلني أدور سبب أطقك عشانه ,,, استغرب الرجال من رد سالم وقطع سالم استغرابه بقوله ,, اييييييييه لقيت سبب ,, هالحين ياحمار ليش ماربطت حزام الأمان ؟؟,,,, قال الرجال الضعيف ,, وانت وش دخلك أربطه ولا ما أربطه ؟؟ ,,,,, قال سالم ,, أنا أفهمك وش دخلني ياملعون الوالدين ,, هالحين حزام الأمان فرضته الحكومه والحكومه مسؤوله عن الشعب وانا واحد من الشعب ,, وانت ماربطت حزام الأمان يعني كنك تقول للحكومه كلوا تبن,, ومثل ماقلت لك إن الحكومه مسؤوله عن الشعب وانا من الشعب ,, يعني انا آكل تبن ياحمار :d ,,,,,,, وسدد سالم لكمه خطافيه لوجه الرجال الضعيف وقام يطقه ويبقسّه ويرفسّه وهو ينظر لزوجته بطرف عينه ليتأكد أنها تشوف قوته ,, والرجال كان يصيح بصوت عالي ويقول ,, صاااااااااالح صااااااااااااالح ,,, وسالم يواصل الضرب ويقول ,, على بالك تبي تخوفني ,, :razz: وبينما سالم يضرب الرجل وخاش جو ,, انفتح باب الراكب السيارة الرجل الضعيف ونزل منه رجل كبييييييير وضخم وطويل ,, كان الرجال هذا سادح المرتبه ونايم جنب السواق وما انتبه له سالم ,, وكان هذا الرجال هو صالح اللي يناديه خويه الضعيف ,, انصدم سالم يوم شاف الرجال الكبير وتشنج مكانه وهو ماسك الرجال الضعيف مع حلقه ,, حاول سالم يوخر يده من حلق الرجال لكنه ماقدر لأنه جسمه مهنق ,, وأعضاء جسمه ماعاد تقبل أي أوامر من الخوف ,, اقترب صالح الضخم من سالم ,, وسالم يحاول يصرف الموضوع ويقول للرجال الضعيف وهو ماسك حلقه ,, خلاص ياخي لا تضرب ,, والله ماسويت لك شي وانت لك ساعه تضرب فيني وانا مقلت لك شي ,,, صرخ الرجال الضعيف في خويه صالح وقال له ,, والله انه نصاب هو اللي طقني شف وجهي كله دم ,,, قال سالم ,, لا تصدقه ياصالح هذا الدم اللي فيه دمّي ,,,, قال صالح لسالم ,, طيب ليش ماسك حلقه ؟؟,,,, رد سالم بدلاخه في محاوله للتصريف ,, انا جالس أقيس حرارته بس !!:razz: :razz: ,,,, تنرفز صالح وزعل وقال ,, تقيس حرارته من حلقه والله لو انه خروف :d :d ,,, حاول سالم إنه يثبت لصالح إنه مظلوم وقال له ,, والله هو اللي ضربني حتى أوريك بعد ,,,,,, فك سالم حلق الرجال الضعيف وجلس سالم على الأرض يدور أي جرح قديم في جسمه عشان يوريه صالح ويثبت له إنه صادق ,, رفع سالم الكم حق سرواله ولقى جرح قديم في ركبته ووراه صالح وقال له ,, شف وش سوى فيني خويك ,, يرضيك كذا :sad: ,,,,,, عرف صالح إن سالم كذاب وضربه لكمه على عينه وصار سالم مايشوف زين وصار يشوف ضباب من قوة اللكمه ,, وكمل صالح ضرب سالم قدام زوجته ,, وكف رايح وبقس جاي ورفسه جايه وكوع رايح ,, وسالم طول الوقت يترجى صالح إنه يتركه ,, ويقول له ,, تكفى خلني أروح قبل ماتمطر ,,,,,, لأن سالم صار يشوف ضباب يحسبها بتمطر من الدوخه ,,,,, أما صالح فكان مواصل الضرب في سالم باستمتاع ,, وسالم يحاول يصرفه ويقول له ,, تكفى خلاص تأخرت على العشا حتى شف الساعه بعد ,,,,, وبعد مده انتهى صالح من ضرب سالم ,, وركب صالح وخويه سيارتهم ومشوا ,, أما سالم كان منبطح على الأرض من كثر الطق اللي جاه ,, وزوجته في السياره تراقب الموقف بخوف ,, تحامل سالم على نفسه ووقف وتوجه لسيارته ,, ومن الدوخه فتح الباب اللي ورى وركب ,, وجلس يدور الدركسون وهو معصب ويقول لزوجته ,, وين وديتي الدركسون يابنت الناس ؟؟:D :D ,,,,,,, قالت زوجته وهي ترتجف من الخوف ,, انت راكب ورى ,, تعال اركب قدام ,,,,,, انتبه سالم إنه مضيع وحاول يصرف زوجته وقال ,, أدري أدري إني راكب ورى بس كنت أبي أشيّك على زيت الفرامل !!!! :D ,,,,,, ركب سالم قدام وهو دايخ ومايشوف ومتفشل من زوجته ومايدري وش يقول لها ,, وساق سالم السياره وهو مايشوف إلا ضباب وحاول إنه يمسك الطريق ,,,, وقال سالم ,, أهم شي إني عرفت بيته ,, والله ما اتركه الحمار والله ما أخليه ,, أهم شي إني عرفت بيته :33: ,,,,,, ردت زوجته باستغراب ,, كيف عرفت بيته ؟؟؟,,,,,, رد سالم بغضب ,, وش دخلك انتي ,,,,, سكتت زوجة سالم لأنها حست إن زوجها متفشل منها ويحاول يصرف الموضوع ,,,, :d وبعد فترة سكوت قال سالم لزوجته ,, والله البلشه هالحين كيف بنروح للعشا عند أهلك ودم الكلاب على ثوبي ووجهي ,, طالعت زجته فيه وقالت ,, دم الكلاب هاه ,, ايييييه مو مشكله بس لازم نروح للعشا لأنه لنا وابوي عازم ناس واجد ولو مارحنا بتفشله وتفشلنا ,,,, قال سالم وهو مازال دايخ ,,, مو مشكله بنحضر العشا أهم شي إني عرفت بيته !!!!!!!!!!! :d :d وصل سالم لبيت أهل زوجته وطلب منها إنها ماتعلم أحد باللي صار ,, وانه بيصرف أهلها ويقول لهم إنه طاح من الدرج ,,, وافقت زوجته ودخلت من باب الحريم ,, أما سالم فدخل من باب الرجال وهو مايشوف زين من الطق اللي جاه ووجه مبقع كنه برنامج قوقل إيرث :razz: ,,,,,,,, دخل سالم المجلس وماشاف أحد في المجلس ,, وجلس سالم في أول مكان جنب باب المجلس وهو يقول في نفسه ,, هالحين عيال الكلب ذولي مزعجيني تعال بسرعه وآخر شي أجي ما أحصل احد ,,,, وبينما سالم يكلم نفسه انتبه إن فيه أصوات حوله وسمع صوت ناس يرحبون فيه ,,, ويوم دقق في الوضع لقى المجلس مليان رجاجيل واقفين يحترونه يسلم عليهم وهو زلبهم وسحب عليهم وجلس على طول ,,,, تدارك سالم الموقف وقام وهو يقول ,, ماعليش يالربع أهم شي إني عرفت بيته :d :d ,,,,,, وقام سالم يسلم على الحاظرين وعمه أبو زوجته وراه يعرفه عليهم ,,, وبينما سالم يسلم وصل عند واحد وسلم عليه ,, وحس سالم إن يد اللي سلم عليه قاسيه ,, وكان عمه يسحبه لكنه ما اهتم وقام يحببه ويبوسه ويسأله عن أخبار عياله واهله والتفت سالم على عمه وقال له ,, ماعرفتنا على الحبيب ,,,, وسحب العم سالم بقوه وقال له ,, ياثور هذا باب المجلس فشلتنا ,,,,,, انحرج سالم من الحاظرين وحاول يصرف الموضوع وقال ,,, ماشاالله هذا باب المجلس ,, والله كبر بسرعه قسم بالله إني اذكره من يوم كان باب دولاب ,, شفتوا كيف الأيام تمشي بسرعه وكبر وصار باب مجلس ,,, بس والله اني متحسف إني مالحقت عليه أيام المراهقه يوم كان باب حمـّام ,, بس ولا يهمكم يالربع أهم شي إني عرفت بيته ,,,,,, قال عم سالم لسالم ,, بيت مين اللي عرفته وازعجتنا فيه ,,,, ارتبك سالم وقال ,, بيت الباب !!!,,, :d وبعد مرور فتره قصيره قلط عم سالم الرجاجيل على العشا ,,, دخل سالم وهو مايشوف من الدوخه وجلس في أقرب مكان ,,,, وحاول عم سالم والرجاجيل إنهم يقومون سالم لكن سالم قال ,, والله ما أجلس إلا هنا عادي كلها نعمه ,, وعم سالم يسحب سالم ويقول له ,, قوم لاتفشلنا ,,,,,,, وسالم يقول ,, ياعم كلها نعمه خلاص باجلس هنا ,, رد عمه بغضب وقال ,, ياحمار إنت جالس قدام الجدار وصحون العشا وراك :d ,,,,,,,, وكان سالم يحسب إنه جالس على صحن عادي وعمه يبيه يقوم ويجلس على صحن المفطح مادرى إنه مقابل الجدار ,,, وقال سالم في محاوله لتصريف عمه ,,, ترى حتى الجدار نعمه من الله:thumbup: ,, واهم شي إني عرفت بيته !!!!,,,, :d :d انتهى العشا وأخذ سالم زوجته وتوجهوا لبيتهم ,, وفي الطريق لفت على سالم سياره وحدته ,,, حاول سالم إنه يركز في السياره ولمح واحد نحيف وقصير ,, لحقه سالم وقام يكبس له وزوجته تقول له اتركه وماله داعي المشاكل ,, وسالم ماعبرها ,,, وقف راعي السياره الثانيه ونزل ,, وقف سالم المره هذي قدام راعي السياره لأنه مايضمن الوضع ومايبي يتفشل مع زوجته مره ثانيه ,,, ونزل سالم بأدب وابتسامه وتوجه لراعي السياره وسلم عليه ,, وقام سالم يفتش سيارة الرجال وفتح البيبان والشنطه ويسأله وين مخبي صالح :d :d ,, وراعي السياره مستغرب ويقول ,, من صالح ؟؟؟,,,,,, وبعد ماخلص سالم من تفتيش سيارة الرجال وتأكد إن مامعاه صالح قال له ,,, عن إذنك شوي بس لاتروح ,,,, انطلق سالم وركب سيارته ورجعها إلين وقفها ورى سيارة الرجال وفتح الدريشه عشان زوجته تشوف وتسمع اللي بيصير ,,,, ونزل سالم وهو يبتسم ومسك الرجال وقال له ,, متأكد إن مامعاك صالح ؟؟ ,,,, قال الرجال بتعجب ,, ما معي شي يابن الحلال وش تبي انت هاللحين ؟؟,,, تنفس سالم الصعداء وتغيرت ملامح الأدب واختفت الابتسامه وقال بغضب وعصبيه وهو يوجه لكمه قويه لوجه الرجال ,, أنا آكل تبن يحمار ,,,,,,,,,,,,,,,,,,,:d :d :d اتمنى ان الموضوع اعجبكم . . وترٍاني انا الي كاتبه واستغرٍق معي ساعتين عدا ونقدا :d . وتقبلو تحيآتي ,, ولآتنسون ترٍا ي اقصد به عضوٍ :d |
حجز اليوم حجوزاتي كثيره شكلي بضيع السفره من كثر ما حجزت ________________________ عدنا إقتباس:
إقتباس:
إقتباس:
إقتباس:
إقتباس:
بس إنت مطول بالسب ، أكثر كلامك بيتم تنسيقه من جديد من وراك :d:d إقتباس:
بالنهايه يعطيك العافيه على القصه الحلوه هذي :d بصراحه بالنسبه لأول مره تكتب فيها حلوه وبإنتظار جديدك |
:D :D :D :D :D :D:D :D :D يعطيك العافية على الموضوع موضوع خفيف ويونس صراحة وبصراحة الساعتين ما ضاعت هباء طلعت منها شي يعطيك العافية مرة ثانية بس تعال إقتباس:
ما كان ودي انك كتبتها هذي لانه ليو ميسي ذكرها في موضوعه بالنص وبدون ما يتغير حرف واحد اما العضو فانا بصراحة ما عرفته .. بس عرفت بيتهم :D |
إقتباس:
تـسـلـم آخوي على المرٍوٍرٍ الجـميل (لكن ماقلت لي من العضو الي اقصده :confused: ) وٍتشرٍفت برٍدكـ آخـــوٍي |
إقتباس:
مـسـوٍي تحـشرٍ ني :d عـآدي واذا قالها ليو ميسي خــلآص الحقوق حـصرٍيه :d وعلىى فـكرٍه ترٍاها نكته معـرٍوٍفه يعني وش المشكله لو كتبتـهآ :rolleyes: .,,.: وٍمشكوٍرٍ علىى مـرٍوٍرٍك الـعطـرٍ وحنـا ماكتبنا الموٍضوٍع الآ للوٍنآسه وانشالله انكـ تونست يابـ ع ــدي :,: وٍدمــتــ بـــوٍد |
بصراحه ما عندي فكره عن العضو أخاف اني اقول اسم عضو وما يطلع هو وبعدين يزعل علي العضو فما راح اقول ايه اسم |
الله يعينه مسكين رحمته :D ورا ماتعرفني عليه عشان لا تزوجت اطقه قدام زوجتي دام قبله ينجلد :clap: |
^ ^ ^ ههههههههه مثل ماقلت في بدايه الموضوع عشان مايوقفون العضويه يمكن يطلع واسطه :d بس انتم وشطارٍتكم ,. ومشكوٍرٍ على المرٍوٍرٍ اللطيف ,.’ |
إقتباس:
ياخوآ آف :d < __ يحاول يستفزٍكـ عشان تذكرٍ اسم العضو :d علىى كيفكـ يالغالي تبي تذكرٍ ولا لا الامرٍ رٍاجع لكـ |
:clap: :clap: والله إنك منتاب صاحي والله إني ودي أفصفص موضوعك وأجيب العضو بس الحمدلله عرفت بيته :d بوصيك على شي انتبه تكتب موضوع إلا في الاسبوع الجاي عشان ما يفوتني |
إقتباس:
ايه خرٍيج شـهـآرٍ :laugh: وفصفص علىى كيف كيفكـ لين تجيبه ولاتستغرٍب يمكن يكون انت :laugh: آمـآ عن وصيتكـ كم تدفع :d __> يكلمكـ جد :laugh: ارسل لي رساله خاصه عشان نتفاهم علىى السعرٍ وانشالله مانختلف :d :d |
اخوي ماشاءالله وش هالخيال الله لا يضرك صرااحه موضوع رهييب ورحمت سالم يوم نزل عليه صاالح بس هذي نهاية المهاايط مثل وااحد عندنا بالمنتدى :d نزل علباله بيتهااوش في الاخير قال مساء الخير ترى ابد ابد ماقصد المشرف سهل :p :p والله فقدنا ابو حاتم شكله مساافر :d ع العموم حبيت اقولك حااجه ترى فيه عضو اسمه سالم وهو صاحب نك كلي هلالي شكلك تقصده <==== ورطه :thumbup: |
إقتباس:
تسلم آخوي وانت ارٍهب _> اما ارٍهب :nono: المهم بما معناه انت افضل :thumbup: بعدين يقولون آن الهوٍآميرٍ في سوق الاسهم بعد نكسه السوق انهبلو وانت هاموٍرٍ يعني ليه مايكون انت :D > حشرٍتكـ صح احسن مسوي بتنكبني مع الناس :D وٍمشكوٍرٍ آخــوٍي علىى الـمرٍوٍرٍ الخفيف واللطيف ـ> لاتسالون كيف جت :D |
عرفت منهو الهضو أنا هييي>>يستخف دمه بوقت ماله داعي والله يأخوي تمنيت أني أعرفه بس مافي أمل |
إقتباس:
ههههههههههه الهضو :D,. والله كل شي جايزٍ من بعد الهضوٍ ههههههه ,,,.. مشكوٍرٍ آخـوٍي علىى المرٍوٍرٍ ولآهـــــــــنــــــــــــــــت |
:D :D :D شوف اخوي انا الظاهر فهمتك غلط :D لانك قلت وسوسو وانت هامور فيه بنت هينا بالمنتدى يوزرها سوسو فهمت :D كيف افهمه هذا انا فكرتك تقول انت صاحب يوزر سوسو اذا انت تقصد الوسوسه فانا اعتذر منك اخوي :no: |
مايبيلها هذا واحد من اللي راحوا للمملكة وعزموا العالم ومامعهم الا اثنعش ريال بس !! تسلم والله ضحكتني خصوصتن يوم قاعد يدور سبب يبي يجلد المسكين ههههههههه وتقبلوا تحياتي ،،،، |
هههههههههههههههههههههههههههههههه << إن هذا المستخدم قد انسدح من الضــحك مشكووور على الموضوع وبـانتظاااااار جديدك |
محجووز لحين عودتي من المقناص :d وعلى فكره تراني عرفت من تقصد آآه منك ماتخلي حركاتك ياغازي القصيبي :d اخوي تصانيف لي رجعه .. والله على كثر ماحجزت في هالمواضيع ضيعت دربهم مدري وين القاهم الحين . كله من فياض هو اللي علمنا كيف نحجز :razz: |
يعطيك العافية |
ههههههههههههههههههههههه موضوع خطيير صراحهـ :d :d :d قريت بدايتهـ والحين بكملهـ :razz: ألا بسألكـ لآيكووون قصدكـ سالم الي هو العضو كلي هلالي :laugh: يعطيكـ العافيهـ ياغاااااالي :) |
هلا وغلا اخوي تصـآنيـف .. وبصراحة تصنيفك بها القصة رايق ... s60s والف مبروك زواج سالم ومنه المال ومنها العيال :d الا تعال وين صالح >>> وده يكمخك خخخخخخخـ :clapping: ماشاء الله تبارك الله عليك اسلوب سلس وخيال خصب .. وقصة انسيابية .. >>> اما خصب وانسيابية احس انها قوية .. ;) وعلى قولة عبيط !! الساعتين ما ضاعت هباء .. :razz: اما العضو ابشرك تراني خلاص عرف بيته ههههههههههــ.. :d :d على فكرة اشوفك حاشر العالم في ردود ياويلك لو تحشرني خخخخـ :p :p مايستفاد من القصة .. :p 1- ان سالم عرف بيته 2- ان الرجل لازم يصير قوي قدام زوجته 3- ان الضعيف عادة وراه ناس اقوياء 4- ان فرامل سيارة سلم ورا 5- ان باب المجلس صار كبير خخخخخ 6- انك لازم تربط حزام الامان :clap: تسلم اخوي تصـآنيـف على هيك موضوع مقرمش s60s والله يعطيك العافية ,,, |
هع هع هع هع هع هع هع هع هع هع هع هع هع هع هع هع هع هع بس يا ليت مرة ثانية تلمح من هو العضو :d أضحكتني أضحك الله سنك :) لا هنت يا أخ تصانيف |
طيب منهو الهضو <<÷÷÷÷ههههههههه÷÷÷÷÷ منهو العضو ألي سياره 89 لايكون المشااغب:d:d |
اية بس عرفتة ماغيرة هذاك وش اسمة اية هذا وش ااسمة يا ربي على طرف لساني اية هذا الي قلتة تو اية هو هو ما غيره ما شاء الله على جبتها <<<<اطلعي منها انتي بس :D بس سالم يستاهل خلة هذا الي بسوي نفسة شي وهو سبيكة :D |
إقتباس:
هذي كني قاريها في موضوع ليو ميسي والله تعبت وانا اقرا موضوع حلو يوسع الصدر ماعرفت من تقصد يعطك العافيه.. |
اسمع تصانيف هذا الموضوع احسن موضوع قريت بكل منتديات العالم |
امنى تالفلي قصه بس تكون حلوه طراره وتتشرط |
إقتباس:
خــلآص آخـوٍي ماصارٍ الآ كل خيرٍ مسحنا كل الي كتبناه ,,. اما انكـ مفهي من جد :laugh: |
إقتباس:
اوووووف والله البلشه :d والي عزٍمهم وين يوديهم :d واخرٍتها كالعاده قطه :d والله ان الهيياطـ بصفـه عآمه نهايته ماساويه :sad: مشكوٍرٍ خــيــوٍ على المرٍورٍ الرٍائع ,’, وجعلها دوٍم الظحكه مو ٍ يوم ,. |
:) ـــهههههههههههههههههــ :( رحمته هالمسيكين سلوم :D بالله وش يبي بالحياة هالكمخة؟ :D الله يعطيك العافية يالغالي .. وما شاء الله عليك أسلوب جميل .. وفعلاً مثل ما قالوا الأخوان .. ساعتين ما راحت على الفاضي :) تسلم هالديات يا بطل ولا تحرمنا من جديدك .!! <<<< يرفع عشان ما يقول أنه هو الهضو :D بالنسبة للعضو .. فلا أظنه احد .. لأنها قصة خيالية .. لكن هالحركة عطت الموضوع حلاوة أكبر ;) تحياتي .. وترانا أصدقاء :D ملك الهلال.. وشو المشاغب الله يهديك :D هذا أما هامور .. أو ليو ميسي :D |
s40s |
^^^ ^^ ^ ولكم بااااااااااك لا تعبت يالغالي ، وحمد لله ع السلامه ترانا ابد ابد ما فقدناك |
إقتباس:
:eek: :eek: :eek: :eek: :eek: :eek: :eek: مشكــوٍوٍرٍ علىى الـمرٍورٍ الــجمـيل :eek: :eek: |
إقتباس:
مشـكورٍ يالغديرٍ على هالمرٍورٍ الرٍائع يافاهمني s60s :laugh: |
إقتباس:
الله يعافيك وزين رديت قبل لآيوقفونكـ :D خيرٍختآميه :laugh: |
بآآآآكـ ., تصدقون اسبوعين مضيع كلمه المرٍورٍ :d اخرٍتها طلعت انا الدلخ :d ____________________________________________ إقتباس:
من اي شي آخـرٍ لان الضحكـ وسيله للترٍفيه عن الانسان < _ وش عندهـ ;) لا بس حبيت اتفلسف شوٍي :d ومشكوٍرٍه على المرٍورٍ الاخطـرٍ كخطوٍرٍه ياسرالقحطاني اما مرٍمى النصرٍ < _ يمديكم ;) بعدين انتم وش فيكم على العضوٍ كلي هـلآلي والله مدرٍيت ان اسمه سالم :d لازم تشبوٍنها بيننا يعني .,الله يهديكم بس :d والله يـعـآفيـك آخــتــي ,. ودمــتــي بــــوٍد |
^^ ^^ ولكم بااك اجل نسيت الباسورد هذي مشكلة الدلووخ :p اقوول رجعت اقراء موضوعك وابي اعرف من تقصد :d فشد انتبااهي نقطه كتبته انت وعلق عليها احد الاعضاء الي هي سياارة سلوم :p سيارة سلوم هي نفس سيارتي في موضوع ليو ميسي :p ليكوون تقصدني بس المهم انا لي عووده بعد ماسمع جوابك :d |
هههههههه الله يرجك ودي اشوفه سالم ههههههههههه |
إقتباس:
وانت مدرٍسه في الكلام السلس وحنا طلاب عندكـ >> وش رٍايكـ ;) وماعليك وش دعوى احشرٍكـ بس تعال وش عندكـ تنافس على احسن شيف :d :d الله يهديكـ بس هاذي اخـرٍتها :) لا لاتصدق تراي امزٍح وابشرٍ باللي يصوت لكـ بس التصويت بفلووٍس :d << قعيطي :d لا جد كيف طرٍيقه التصويت :rolleyes: ومشكوٍرٍ مرٍتن ثانيه علىى مرٍورٍك اللطيف واشادتكـ وتحليلكـ للقصه ولاهــــنــــــت |
إقتباس:
دوم هالظحكه يارٍب موٍ يومـ ,. والكتاب باين من عنوٍانه >> وش دخلها :laugh: وحنا ماحطينا هالموٍضوٍع الا عشان تفغرٍ :D قصدي تضحكـ :D ولاهنت انت ولاتدف :D ومشكووووٍرٍ علىى المرٍورٍ يابعدي |
إقتباس:
تبيني اعلمكـ هاه والله لتبطي عظمـ :d اقولكـ الرٍجال وٍاصل :d يعني لو يوقف العضويه وش بتسوي لي انت :d والله منت مسوي شي :sleep: يعني خلها كــذآ احسن لي واحسن له ومشكوووٍرٍ علىى المرٍورٍ ,., ولاتظحكـ علىى الناس ثم يبتليك الله :d |
إقتباس:
عليك مو نورٍ عليك لمبه وش هالذكاء الخارٍق :d اطلعي منها بقوووٍهـ :d وسالم ضحيه للغباء _ الشعوٍب والامم وجدو لكل مشكله حل الا الغباء :laugh: يعني تحمدي رٍبكـ ولاتظحكين علىى الناس ثم يصكك الغباء :laugh: والله ماتسوى عليك :D ومشكوٍرٍهـ علىى المرٍورٍ .,. |
إقتباس:
|
إقتباس:
امششششش والله الترٍفيع يناااس في العاالم مرٍهـ وحدهـ :d طيب هذا احسن رٍد قريته في كل منتديات العالم ( العرٍبي :d ) والله طيرٍتني بالعجه وانا آخـوٍكـ :d تسلم آخـوٍي على هالشطفه الجآمـدهـ :d ولا هنت |
ههههههههههههههههه والله اني قاعدن اضحك ولا فكرت اني اجيب اسم العضو .. علشان ما نخسر اخوتهم .. وتراي ما شيكت على الردود .. يعني لو كان من بينها .. لا تقعد تطلع علينا هرجن من أحد هرجانك :D الا صدق جمع هرج .. هرجان ! |
إقتباس:
هــلآ اختي وليش لا حنا آخـوٍان ومافيه اي مشكله انشالله تبيني آئلف لكـ كتاب :d وهذا ايميلي تحت .,,.. يشباااب ترٍاني موٍاصل يعني لحد يشرٍه :d ومشكورٍه على هيك موضوع >> ضربت معه الفيوٍزٍ :laugh: قصدي مشكوٍرٍه علىى المرٍوٍرٍ :d |
إقتباس:
هــلآ فيكـ ياصقيقي :d والله انت الي فاهمني تصدق انكـ وليده :d كنت ناوي الفها عليكـ بس صرٍآحـه بعد ماشفت الي حصل لـ .... غسلت يدي :d وعرٍفت انكـ منت ببسيطـ يعني لو ما اضبطكـ , موضوعي بينقلب شات :d :d ومشكووووووٍرٍ علىى الكلام الحلو الي جاء منكـ ياصقيقي والله لايهينكـ :d __________________________________________ للمطعسه :d وليده = رٍجلُ ذوٍ امكانيات خارٍقه في التفكيرٍ :d صقيقي = صديقي :d ولاهنتو >> ماسكه :d :d |
إقتباس:
ايوالله نسيته :D >> هاذي نهاية الي يظحكـ على خلق الله > يبلاه الله :D وماعليك ما اقصدك جاي تدوٍرٍ الهوٍآش :D انا غااسل يدي بديتوٍل من عقب طبتكـ علي في موضوع موسوسين :D والله اني كل ما اذكرٍها اضحكـ :D |
| الوقت المعتمد في المنتدى بتوقيت جرينتش +3.
الوقت الان » 02:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd