ّكل واحد يجي يقول لنا كيف صار من المغتربين ؟؟
 

ولو هذي يبيلها بيالة شاهي تلقيمه
لي عودة بإذن الله
(صحى لقى نفسه فجأة بالغربة)

بسم الله ارحمن الرحيم

السلام عليكم

عليكم السلام و رحمة الله و بركاته

وبما انا مغتربين وفي مختلف البلدان

تعالوا جاوبوا على هالاسئله وتسلوا عليها على مايستوي الغذا :D :D
وين الغداء و الله أني ميت من الجوع :d

اذا انت مبتعث كيف تم ابتعاثك ؟؟عن طريق الوزاره ولا رحت وحولت على البعثه؟؟واذا منت مبتعث اكتب لاهنت:D

اعتذر عن الاجابه
1\ليش فكرت تدرس بالخارج؟؟
عشاني سمعت الهوايل من جامعاتنا

2\ليش اخترت الدوله الي انت فيها؟؟
لأنه في وجهة نظري هي الأفضل للعيش

Canada is the scond largest land, the first nation of hocky, and the best part of North America.
3\ايش تعلمت من الغربه ؟؟
الكثير و الكثير منها الطبخ و الاعتماد على نفس و حب التعلم

4شكيف كانت رحلتك اول مره الى بلد الغربه؟؟
رحلة مقرفة على الأخير و على الخطوط الهولندية KLM الله ياخذهم

و من بعدها ما صرت اخلي الايتينرني حقي على امستردام .. صرت اطلع لندن أسهل
5\كيف كان دوامك اول يوم بالجامعه وانت جديد فيها؟؟
من 8:30 إلى 4:30

كلها شغل في شفل و ما فيه إلا ساعة و نص بريك
6\ايش احلى موقف طريف مر معك بالغربه؟؟
ما فيه موقف يحضرني الان
7\هل انت مرتاح ؟؟:rolleyes:
ما فيه أحد في الدنيا 100% مرتاح بس أقول الحمد لله على كل حال
8\هل تغيرت بعض من طباعك بعد الدارسه بالخارج؟؟
طبعا .. أهمها أني صرت أقوم نفسي غصب بأربع ساعات خراش و أقول العالم اللي حولي كلهم و عودت نفسي على الشغل في الليل أكثر من أول
9\كيف تقضي وقتك ؟؟
يعتمد على ضغط العمل و على الفترة اللي أنا فيها بس على الويكند لازم بارتي و لا شيء للتسلية
10\هل ندمان على الدراسه بالخارج؟؟
لا .. بس يبقى للوطن رونقه
خلاص كذا كفايه :p :p
كان كتبتي اسئله أكثر .. وش دعوه
ويعطيكم العافيه
الله يعافيك
اتمنى التفاعل :yes:
هذا أن تفاعلت و الله يعين

مشكور بس مشوا الف سؤال لكن لي عودة اذا علمونا منهو المحترف الثالث لأني على اعصابي

السلام عليكم ورحمة الله

أنا كنت طالب على حسابي الخاص وألحقت بالبعثة ولله الحمد


1\ليش فكرت تدرس بالخارج؟؟
التعليم أفضل واللغة هي العامل الأساسي

2\ليش اخترت الدوله الي انت فيها؟؟
لأنه سمعت قبل وتأكدت إنها أفضل دولة في العالم للتعلم والدراسة
أمان وراحة نفسية ومعامله جميلة من الشعب والحكومة وغير كذا جميييييلة

3\ايش تعلمت من الغربه ؟؟
عد وأغلط

4شكيف كانت رحلتك اول مره الى بلد الغربه؟؟
كانت مملة بقدر ما كنت متشوق إني أضع قدمي على أرض نيوزيلندا
غير كذا كانت طويله مرة والمشكلة إني كنت لحالي ملل على كيف كيفكم

5\كيف كان دوامك اول يوم بالجامعه وانت جديد فيها؟؟
من الساعة 9 إلين 4 ومشورة الباصات

6\ايش احلى موقف طريف مر معك بالغربه؟؟
ثاني يوم لي في نيوزيلندا ---- رحت مع العائلة للكنيسة ---- وأول ما دخلت شفت الطبول والمسيقى وأغاني والبيانو ههه
وهم يبكون ويغنون وشيفه الله لا يوريكم والله يا إني ضحكت عليهم وبغيت أروح فيها وقفوا صلاتهم علشاني ضحكت
هههه لكن والله ما قدرت أمسك نفسي وطلعت ولا كان .......

7\هل انت مرتاح ؟؟:rolleyes:
اللهم لك الحمد ولكن الغربة شينه
وأكثر شئ وحشني الوالد والوالدة عسى الله يلقانا بهم إن شاء الله

8\هل تغيرت بعض من طباعك بعد الدارسه بالخارج؟؟
صرت أحب القراءة ويومين أروح المكتبة --- يوم خبرت الشباب ما صدقوا ههههه

9\كيف تقضي وقتك ؟؟
بالدراسة ولا أتمشى في المدينة ومكتبة الجامعة

10\هل ندمان على الدراسه بالخارج؟؟
بالعكس اللهم لك الحمد الواحد يتعب شوي ويثمر لعمره كله


تحياتي لك أختي وأشكرك على هذا الموضوع

1\ليش فكرت تدرس بالخارج؟؟
بصراحة لاني مافيه مكان الا جربته..
جامعه الملك سعوود...<<<اعوذ بالله من الدكاتره اللي فيها<<كلها ظلم في ظلم
جامعه الأمير سلطان الاهلية<<<ماداومت الا اسبوع.
كليه التقنية<<طموحي اعلى من اني اخذ دبلووم..عسى الله يوفقنا وياكم.

عشان كذا قلت مافيه من الجامعات اللي براا
وفوق كذا لغة.. وتعتمد على نفسك في الغربة والشهادة افضل بكثير.

2\ليش اخترت الدوله الي انت فيها؟؟
والله اخترت امريكا للأني مولود فيها..معاي جواز امريكي..
يعني مرتااح ولله الحمد من تعب الفيزا ومشاكلها..

3\ايش تعلمت من الغربه ؟؟
والله اشيااء كثير
اولها: كيف احط ملابسي في الغسالة

4شكيف كانت رحلتك اول مره الى بلد الغربه؟؟
والله ملل وضيقه صدر.. وخووف..لاني كنت لحالي ..واللغه مش ولا بد.

5\كيف كان دوامك اول يوم بالجامعه وانت جديد فيها؟؟
والله يووم طويل من 8:30 الى 4الا ربع

6\ايش احلى موقف طريف مر معك بالغربه؟؟
موقف غبي والله... مره ركبت باص بالغلط .. وذبني في اخر المدينه.. والمشكله ان
المدينه اللي انا فيها ماتوقف لك التكااسي لازم تطلب بالتلفون من الشركه..
والله وادق على ابو العائله اللي ساكن انا معهم.. واقووله الساالفه..قالي طيب وينك فيه..
قلت مدري!!! قال لي ادخل اي محل عندك وعطني اكلم اللي بالمحل..
وارووح اعطي الجوال راعي المحل.. والحمدلله جاني <<<بالمشااكل فهمت كلامه:d


7\هل انت مرتاح ؟؟:rolleyes:
ياربي لك الحمد..
بس ماذبحني الا شوقي للوالد وللوالدة الله يحفظهم ..

8\هل تغيرت بعض من طباعك بعد الدارسه بالخارج؟؟
ايه والله..اولها اصحي نفسي<<<نوومه ثقيل
وقتي صار منظم..
ادخل النت كثييييييييير..
اقرأ كتب..

9\كيف تقضي وقتك ؟؟
اغلب في المعهد.. وبعدها ارجع احل واجباات.. اجلس مع العائله شوي..
اتعشى .. ادخل النت..اناام
والويك إند اروح للشباب في الشقة..

10\هل ندمان على الدراسه بالخارج؟؟
لا الحمدلله.. بالعكس .. متمني اني رحت من زماان.. من بعد ماطلعت من الثانوي..
بس هاذي امر الله..والحمدلله على كل حال.

اذا انت مبتعث كيف تم ابتعاثك ؟؟عن طريق الوزاره ولا رحت وحولت على البعثه؟؟واذا منت مبتعث اكتب لاهنت

أنا مبتعث من طرف الحكومة اليابانية البعثة عبارة عن برنامج تبادل ثقافي و صداقة بين السعودية و اليابان

1\ليش فكرت تدرس بالخارج؟؟

لأنه و بكل صراحة ما حصلت أي فرصة لتكملة الدراسة بالمملكة الجامعات ما تعطي فرصة من غير فيتمين و

2\ليش اخترت الدوله الي انت فيها؟؟

أولا البعثة مخصصة لليابان فقط ، ثانيا مجال التخصص اللي انا ادرس متقدم باليابان أكثر من اي دوله ثانية

3\ايش تعلمت من الغربه ؟؟

هاذي تحتاج موضوع كامل لحالها

4\شكيف كانت رحلتك اول مره الى بلد الغربه؟؟

اليابان أول دولة أزورها و الناس هنا أغرب من ما كنت متوقع بس بين فترة و فترة يطلع لنا ادمي محترم

5\كيف كان دوامك اول يوم بالجامعه وانت جديد فيها؟؟

من قبل ما اكون طالب كنت موظف فما حسيت فرق الا اني رجعت لأيام الدراسة

6\ايش احلى موقف طريف مر معك بالغربه؟؟

الصغار هنا حتي اللي أعمارهم بالسنتين يطالعون فيك بتعجب يحسسونك انهم عارفين ان شكلك غير عنهم ، و ما يحتاج اتكلم عن هوسهم بالعيون و الخشم هههههههه

7\هل انت مرتاح ؟؟

مع اني السعودي الوحيد بالمقاطعة كلها الا اني كونت صداقات مع شباب من تونس و اليمن و فلسطين و مصر لدرجة ان العالم يستغربون كيف اننا محنا من بلد واحد بس علاقتنا قوية

8\هل تغيرت بعض من طباعك بعد الدارسه بالخارج؟؟

الغربة تغير كل شي بس ابخلي الحكم علي هالنقطة للأهل هم اللي ممكن يلاحظون هالشي

9\كيف تقضي وقتك ؟؟

أيام الأسبوع دراسة و نهاية الأسبوع نتمشي بالمناطق اللي حولنا كوننا بمنطقة ريفية تعني انه ما فيه زحمة ولا ازعاج الأسبوع اللي راح بس طلعنا أعلي جبل بالولاية 4 ساعات للقمة و 3 ساعات نزول بس المنظر من فوق شي ثاني

10\هل ندمان على الدراسه بالخارج؟؟

لا ندم ولكن أمل ان العلم اللي نحصلة ننفع فيه و ننتفع

عن طريق وزارة التعليم العالي بالنت سجلت اسمي وقبلوني .

ليش فكرت تدرس بالخارج؟؟

1) لأني كرهت دكاترة كلية العلوم الادارية بالملك سعود .

ليش اخترت الدوله الي انت فيها؟؟

2) لان الوالد الله يحفظه رفض امريكا فقلت استراليا .

ايش تعلمت من الغربه ؟؟


3) الاعتماد على النفس <== يعني انا :)

كيف كانت رحلتك اول مره الى بلد الغربه؟؟

4) طويلة 18 ساعة طيران + توقف 9 ساعات بدبي . واحساسي وقتها صعب اوصفه

وداع الوالده و الوالد واخواني الى الان يطن براسي ..

كيف كان دوامك اول يوم بالجامعه وانت جديد فيها؟؟

5) اختبار تحديد مستوى اللغة وبعدين وزعونا على القاعات وسلمونا الكتب

ودراسة وهوم ورك .

ايش احلى موقف طريف مر معك بالغربه؟؟

6) عندنا بالسكن بكل دور غسالات ونشافات ( غرفة غسيل ) ودخلت بغسل

ملابسي فحطيت دولارين حديد واشتغل النور الاخضر وكبيت التايد ورميت

الملابس وسكرت الباب واشتغلت ويوم طفت وتطلع نشافة واخذ الملابس

واهج لغرفتي :)

هل انت مرتاح ؟؟

6) الحمد لله .

هل تغيرت بعض من طباعك بعد الدارسه بالخارج؟؟

7) كثير ..

كيف تقضي وقتك ؟؟

8) ايام الاسبوع بالمعهد من 9-4 وبعدين احل الواجبات وتلفيزيون الى 8

وبعدين نت الى 1 و الويك اند اروح ازور مكان جديد في سدني .

هل ندمان على الدراسه بالخارج؟؟

لا , ودائما هونها و تهون

Canada's

الف شكر عالى التفاعل والمرور تسلم يدك :clapping:

زعيلالي

الله يعينك:d



AZUZ

على النت والله انك صادق :razz:
كثير ادخل النت اكثر من قبل :sad:


Silver Angelic

مافيه الا انت مميز باليابان :thumbup:
الله يوفقك

الزعيم NZ

الله يرجعك لاهلك بالسلامه

الف شكر

انا ماقول الا الله يرجعكم سالمين غانمين ويوفقكم في دراستكم قولوا امين]

السلام عليكم ,,,

انا مبتعث عن طريق وزارة التعليم العالي .

1\ليش فكرت تدرس بالخارج؟؟
( لان كان طموحي بعد ما تخرج من الثانويه:sad: هو جامعة البترول , ولكن ما صار لي حظ فيها , قلت ما لي الا قدم على دراسه خارج المملكة بنفس التخصص اللي انا ابيه )

\ليش اخترت الدوله الي انت فيها؟؟
( لانها قريبه من السعوديه واعرف ناس فيها )

\ايش تعلمت من الغربه ؟؟
( الاعتماد على النفس اول شي ,, وثانيا الصبر )

شكيف كانت رحلتك اول مره الى بلد الغربه؟؟
( عاديه ثمان ساعات ونصها راحت نوومه هههههه:sleep: ههه)

كيف كان دوامك اول يوم بالجامعه وانت جديد فيها؟؟
(طبعا اختبار تحديد المستوى ,, وبعدين خذونا جوله على كل المدينه اللي ادرس فيها ..ولفينا كل المدينه ما :d خذت ساعه خخخخخ)


ايش احلى موقف طريف مر معك بالغربه؟؟
(ثاني يوم من وصولي لبورمث طلعت العصر ابي اتعرف عليها ... طيب طلعت من 4 العصر ما رجعت الا 12 بالليل ضيعت فيها هههههههه)


هل انت مرتاح ؟؟
( ما نقول الا الحمد لله )

هل تغيرت بعض من طباعك بعد الدارسه بالخارج؟؟
( شي طبيعي )


كيف تقضي وقتك ؟؟
( طبعا ايام الاسبوع بالمعهد والويك ااند اغلبها اكوون بلندن عند اخوياي )

هل ندمان على الدراسه بالخارج؟؟
( الا ندمان اني ما فكرت فيها اول ما تخرجت من الثانوي ,,, لكن الحمد لله )

بصراحه انا راح ارد عليكم بعد اسبوع لاني ماباقي لي شي وبمشي ..

تحياتي لكم