السلام عليكم ورحمة الله وبركاته

تحيه طيبه وبعد

هالقسم مايتحمل فلسفه زايده ولا اطاله ولاتنسيق في الموضوع ... هات اشو ف وش عندك

كلنا استغربنا مستويات لاعبين المنتخب السعودي في كاس اسياء .... الحاله اللى كانوا عليها يرثى لها ...

ناس قالوا ان اللاعبين كانوا خشنين معهم جدا ... فريق اخر من الناس قالوا .. ليتها على الخشونه .. البلى بالكلام اللى اقسى من الضرب احيانا .... يعني سمعوا لاعبينا كلام خطير ... إساءه وسب وشتم المذهب .. والوطن .. وحتى الشرف ( والعياذ بالله )... سمعنا كلام كثير من جمهور لم يكن ضمن الأحدى عشر لاعبا في الملعب .. يعني مليون بالميه ماسمعوا .. ( شركه : سمعنا )

ابي استضافة اللاعب ياسر القحطاني ... او خالد عزيز .. او عمر الغامدي .. بحكم انهم لاعبين هلاليين وهذا منتدى الزعيم الهلالي .. وسرد الحقيقه .. يا .. ( إيه فعلا اللى سمعناه صح ) أو .. ( لا موصحيح إن العراقين تلفظو باالفاظ سوقيه ) ونبي اذا فيه الفاظ يذكرونها .... ليس من باب الفتنه .. او فتح جروح الماضي ..

لكن من باب .. حرص ولاتخووون .... وعلشان نعرف بس هل كان تعاطفنا مع لاعبي العراق كان تعاطف يستاهل .. او اخذنا على قفانا .. وقوبل الاحسان بالإساءه كالعاده من الأخوه العرب


تحياتي للجميع ...

ابي احد يعرف ياسر او خالد عزيز يقول السالفه .. مو احد يجي ويقول سمعت محمد لطف قالي ؟!!

وتحيه كبيره لاعضاء منتدى الزعيم

الله واللقافه

طيب كلمه على الجوال لقافه زايده 100%

الله ( ثم ) اللقافه ... انتبه لاتقع في الشرك الاصغر اخي الكريم


تحياتي هع هع هع

وش الفائدة؟؟؟؟

كلامك سليم أبو طلال وصدقني لازم يوضحون الحقائق والدليل اعتذار قصي منير من اللاعبين .

منور اخوي ابو طلال بس وش دخل محمد لطف بالسالفه.

إقتباس الرسالة الأصلية كتبت بواسطة خالي من الهم كلامك سليم أبو طلال وصدقني لازم يوضحون الحقائق والدليل اعتذار قصي منير من اللاعبين . منور اخوي ابو طلال بس وش دخل محمد لطف بالسالفه.

ضروري نعرف !!! ياخي قبل المباراة بليله وسوس في راسي ابليس وقال تمناها عراقيه يارجال .. يستاهلون ..

والدعوه على طرف لساني .. الا ان قوى الخير بداخلي والوطنيه قالت انتبه .. عاد الا الوطن يالذيب .. واغير دعوتي

ودي بس اعرف وش الكلمات ..؟ والالفاظ ..؟

شاكر لك خالي حضورك ومرورك

إقتباس MiSs Ro0oRo مسوين مقابله مع ياسر في احد المجلات .. وقال اترفع عن قول الالفاظ الرديئه اللتي استعملوها اللاعبين العراقيين في قولهم لي ولـ زملائي اللاعبين

مااثق في المجلات .. ودي يجي الله لايهينه .. او واحد ثقه من الاعضاء يعرف ياسر او خالد عزيز او الغامدي عمر .. يقول الكلام بالظبط ... من باب المعرفه ... نورونا ياخي
وشاكر لك حضورك ومرورك اختي

إقتباس yasser10555 الله واللقافه

برضه تقع بالشرك الاصغر ... لاتنسى تحط ثم = الله ثم اللقافه ياالملقوف ... كذا الجمله سليمه


لي عودده

مسوين مقابله مع ياسر في احد المجلات ..

وقال اترفع عن قول الالفاظ الرديئه اللتي استعملوها اللاعبين العراقيين في قولهم لي ولـ زملائي اللاعبين

إقتباس الرسالة الأصلية كتبت بواسطة ماجد مقبل الله ( ثم ) اللقافة >>> ما وده يقع في الشرك يابوطلال اخاف تصير بذمتي اني مانبهته :p الله يرج ابليسك انت منسم في المجلس ومنسم هنا بعد ههههههههههههههههههـ:p :p نبي ناكل عيش قسم بالله مدري شقول غير اني احبك حباً جما شعور متبادل يابو مقبل يطولي عمرك ... اجل شفتني بقسم الجمهور وهم ينفضوني ( مستقوين علي ):sad: لا وصاير مفتي يابو طلال صدقني بعلم عليك الشايب فياض ياحبيلك انت و فياض . ... اكثر واحد يحجز بالمواضيع .. واكثر واحد يستهلك اللون الابيض لكتابة البرايفت ويحووول ياللى ماله ماجد مقبل .. وفياض .. خل عنك بس مشكور على الموضوع ولا يهمك انا بسألك ياسر وش قالو له بس عطني فرصة ;) ;) خذ راحتك ونبي الخبر الاكيد .. بعد لو غيرك كان مااصدقه بس انت ثقه ابو مقبل .. ظروري اعرف وش جاهم كلام ( قلب ) ( كبده )

وشاكر لك حضورك ومرورك ولاتحرمنا من الشوفه

إقتباس blue_9 يالقفي

انت ابخص بعمرك

إقتباس وردهـ هلاليه ياخي وش الفايده من هالكلام ؟؟ ماراح يقدم والا يأخر خلك اكبر من هالأمور و اترك عنك اللقافه !

يعجبني الرد الراقي من عضوه المفروض تكون راقيه بحكم اننا عيال كار واحد
انا اقولك ياختي وش فايدة الكلام .. بس انقزي الله لايهينك للبقاله وجيبي معك لك اربع اكياس فصفص مع هالشاهي واعلمك ... وطالما انه لايقدم ولا يأخر ليش زعلانه ...
اما بخصوص الكبر والصغر كلامي بالملعب ( الميدان ياحميدان ) واها بس
وش فايده اختيارك لليوزر حقك ورده هلاليه ؟؟ لايقدم ولا يأخر ... وش فايدة تسجيلك بمنتدى الزعيم ؟؟؟ لايقدم ولا يأخر ... وش فايدة مواضيعك كلها في منتدى الزعيم .. اتحدى اذا قدم شبر واحد او اخر من مسيره الهلال ...
وش فايدة وضع صورة ياسر القحطاني على توقيعك ؟؟ لايقدم ولا يأخر .. وش فايدة ... الخ الخ
بالعربي انتي لاتقدمين ولاتاخرين ... وتحياتي وحتى التحيه اسحبها .. لاتقدم ولاتاخر

إقتباس الجوهرة حطوا لهم في صفحة العلم تاريخ .. وحنا بماضينا نعيد النقاشي

اختي الجوهرة .. اذا فهم السبب بطل العجب .. والكلام في الماضي مو على كل حال ضياع للوقت .. لاتنسين دايم نسرد ماضينا للاعتزاز ... ولتصحيح الاخطاء .. وايضاء للحذر من امور نكون غافلين عنها
اجل لاتفتخرين بالبطولات الهلاليه .. لانها من الماضي ... ليتك مااستعجلتي خصوصا إن قلمك مميز
شكرا لمرورك وحضورك

إقتباس محمد العامري ياسر ترفع عن قول هذه الالفاظ للإعلام

مافي شي اسمه ترفع .. يقول وش جاه من كلام .... صارت موضه كل من قصر في شي قال جاني كلام اترفع عنه !!

لا اخوي قلنا وش صار لك ؟؟ علشان نعذرك .. نعرف هل انت تحتاج الى دوره في فن التعامل في المباريات الهامه .. او تحتاج إلى دوره في فن امتصاص الحماس والغضب ..؟ علمنا .. نبي نكون بالصوره .. واذا عذرنا .. عذرنا بسبب واضح .. مو نعذر بس علشان ترفع !! وبعدين نسمع منك ولا نسمع من غيرك وكل واحد يقول كلمه من عنده
شاكر لك اخوي حضورك ومرورك ...

إقتباس 20 ياسر الجابر 9 طيب يا أبو طلال أفرض أني ياسر < < يصير خير وقلت لك قالوا كذا ***** وش راح نستفيد ؟!؟!؟! صدقني اخوي بستفيد .. بسوي وزن وتعديل على بعض الامور !! من خلال جوابه راح تتغير سياستي في امور كثيره هل مثلا راح يسحبون كاس آسيا منهم ؟؟ انا ماهمني كاس اسياء كثر ماهمني هالتصرفات اللى سمعتها هل هي صحيحه او لا ؟؟ او كان ( عذر البليد )منتخب العراق مايستاهل الكاس الشعب فقط هو اللي يستاهل من حصل شي يستاهله حنا كجمهور شفنا أصبع يدخل في العين وشفنا رجل تضرب الوجه بدون كوره وهذا دليل كافي أن فيه كلمات صدرت من اللاعبين ماتنقال هذي تصير في جميع مبارياة كرة القدم ... بس اللى ماشفناه ومانعرفه نبي نعرفه الحين بعد ماهداءت الامور والعواصف لكن وش نسوي معوضه أن شاء الله ان شالله لكن تمنيت أن المباراة فيها سامي كان الشوط الأول ينطرد من العراق أثنين بالراحه ,, يعطيك العافيه أبو طلال

الله يعافيك اخوي وشكرا لك ولحضورك ومرورك

رورو بجريده مو بمجله جريدة الشرق الاوسط

ثانيا شباب ليه تقولون لقافه اذا معجبك انت وهو الموضوع لا ترد.

يالقفي

ياخي وش الفايده من هالكلام ؟؟

ماراح يقدم والا يأخر

خلك اكبر من هالأمور و اترك عنك اللقافه !

إقتباس الرسالة الأصلية كتبت بواسطة وردهـ هلاليه ياخي وش الفايده من هالكلام ؟؟ ماراح يقدم والا يأخر خلك اكبر من هالأمور و اترك عنك اللقافه !

كلام صح يعطيك الف عافية