افضل معهد لغة انجليزية؟؟؟؟
 

السلام عليكم ورحمة الله

كيفكم مع هالبراد اللي يرد الروح :nono: :nono:

الله يكفينا حر جهنم قولوا امين

يالريع بغيت اسألكم عن افضل معهد لغة انجليزية بالرياض وبالذات في شمال الرياض

محتار بين دايركت انجلش او المجلس الثقافي البريطاني او وول ستريت

ياليت اي واحد جرب اي معهد يقول وش ايجابيته وسلبياته

الله يعطيكم العافية وماتقصرون

انتظر ردودكم....

انا مجرب معهد الغصون ألي بعد جيان ألي عند فرفتي لاتفربله لانه خايس

وتبي نصيحتي رح خارج المملكه عشان تتعلم غصب ((عن ظهر قلب))



برب أناظر ردكـ

ان شاء الله بيساعدونك الاعضاء ...:)

أفضل معهد انجليزي موجود و ببلاش





رح لقسم منتدى الهلاليين المغتربين

و فيه برامج و كتاابات لتطوير اللغة الانجليزية

هذا بالنسبة للقراءة و الكتابة

يالنسبة للمحادثة .. أتوقع دايركت انجليش افضل ( فقط للمحادثة)

للأمانة ما جربت و لا معهد له اسم في الرياض لاني تعلمت الانجليزي من النت بجميع المهارات .. إذا تبيني اساعدك في مواقع .. تعال على الخاص ..

و بالنسبة للاسماء المطروحة فاعتقد أن المجلس البريطاني لا يعلى عليه حسب كلام أحد الأصدقاء

فتك بعافية ..!

^^^^^^^^^^^^^^^^^^^^^^^^^^^^^^^^^^^^^^^^

صدقت يالكلاسيكو

أهم شيء تكون العملية مكثفة جدا
يعني أقولك من تجربتي

اذا صرت تمارس اللغة بشكل يومي و تنسى العربي
راح تجيك فترة يصعب عليك ترتيب الفكرة بالعربي
شغلك بالانجليزي بيطلع أسهل عليك و هذي أكثر فنرة تتعلم فيها

و حاول أنك تجمع بين اللغة و الجانب التثقيفي بحيث أنك تقرأ و تتكلم عن قضايا تهم العالم ..

اللغة تحتاج ( هزة ) قوية في البداية ثم بعدين الأمور تسهل و تحب أنك تتعلم و ما تعاني من أي مشكلة

و الله يوفقك ..

مشكوووووورين يااخوان على الردود وتفاعلكم مع الموضوع وماقصرتوا والله وافدتوني جداااا

ولي رجعة ان شاء الله

الف شكررررررررررر

أنا داخل معهد وخلص قبل أسبوع والله ماستفت شيء معنه من المعاهد الممتازة

بالنسبة لمعهد دايركت انقلش فهو من اسوأ المعاهد حسب وجهة نظري

والله اني رايح لهم وسائلهم عن برامجهم قالي المصري بالحرف الواحد حنا الي علينا اننا نعطيك شهادة في نهاية كل برنامج بغض النظر عن مستواك اللغوي

وانا من رايي انا المعهد البريطاني في حي السفارات هو افضل معهد لتدريس اللغة الانقليزية

أخوي سمع نفس الشيء من معهد ثاني و للمعلومية الشهادة اللي يعطونك اياها لا تقدم و لا تأخر بس ( تجارية ) عشان تسجل عندهم ..

بس حتى البريطاني في مشاكل في تقوية القدرة على الاستماع و الفهم و ما فيه شيء كامل .. لازم تخبي المعهد لممارسة المحادثة و استفد من خدمة النت أيضا

و بأقولك شيء اللي يقول لازم تطلع برا .. بصراحة انسان ( قديم ) شوي ..
كل شيء تقدر توصله عن طريق النت حتى الأجانب و فيه برامج جدا ممتازة و مفيدة للتعرف على ناس ثانين يبون يتعلمون الانجليزي

تلقى ناس عن طريق سكايب.. غرف في البالتوك .. مواقع تطوير الاستماع زي هذا
http://www.esl-lab.com/

ثلاث مستويات .. اختر المستوى السهل اذا كنت مره ميح و تدرج و اذا ما فهمت عده كذا مره بس بتلفاهم عارضينه بطريقة ممتازة جدا

و تلقى قطع للقراءة مره ممتازة و مفيدة مثل هذا
http://www.englishlearner.com/online/readadv2.html

أقرأ و جاوب

و إذا بغيت تبحث أكتب في قوقل reading comprehension test و تطلع لك مواقع كثيرة

و فيه كتابي أعتبره أعظم كتاب في تعليم القراءة ما أدري إذا موجود عندكم و لا لا
اسمه Reading smart يدرب فيه على كيفية القراءة في أي لغة مو بس الانجليزي و يعلمك وشلون تفهم الكلمة بدون ما تعرف معناها و يسرع القراءة حقت و يثقفك باراء حلوة .. و حتى اللي الانجليزي لغتهم الأصلية يستخدمونه .. و مستوى الكتاب مش مره عالي .. بس يبي لك تتمرن شوي على المواقع اللي قلت لك أول

و باقي مهارة وحده اللي هي الكتابة و قلت لك قبل كذا راح يكون قيه قرصة تكتب مقال أو أي شيء و يقيمه لك ناس دارسين برا أو تقرأ اللي يكتبونه و تتعلم و هذا راح يكون في منتدى الهلاليين المغتربين اذا شفنا تفاعل

ودي اتكلم اكثر بس احس اني طولتها يالله يالله وداعة الله s13s

أخوي خذ الكلام اللي يجمد على الشارب من شخص جرب كل هذه المعاهد

طبعا ً مع حبي وإحترامي للاخوان قبلي /


إذا أنت ميح في اللغة الانجليزية يعني تبغى تأسيس

رح ( المجلس الثقافي البريطاني ) ممتاز جدا ً جدا ً

في تأسيس اللغة الانجليزية ...


أما إذا أردت تحسين بعض مهارات اللغة لديك

كالمحادثة والاستماع فعليك بـ ( دايركت إنجلش ) ..



أما ( وول ستريت ) فلا تقربه نهائيا ً بتضيع فلوسك على

الفاضي .. لأنك تروح تجلس على الكمبيوتر وتحط السي دي

ويتشغل لك برنامج ماتعرف وش الصح من الخطأ ..

يعني ما أحد يعلمك .. نصيحة لاتدخله والله اني دفعت لهم 5500 ريال

وسحبت بعد 3 اسابيع والله يعوض علينا ..





يبقى الخيار الأول هو المفضل لدي ..

والاختيار لك عزيزي ..

والله ماعندي خلفية يالغالي

أفضل معهد من وجهة نظري هو els موقعه شارع التخصصي شمال أسواق اليورومارشيه ،وعلى فكره جميع المدرسين اللي فيه لغتهم الأم هي الإنجليزيه.