|
يمدحون دايركت انجلش اثر من واحد درس فيه يمدحونة |
هل للعمر تأثير باستيعاب اللغة ؟!! و هل فيه أشياء ممكن تظيفها غير اللي ذكرته في ردك السابق ؟! |
إقتباس:
كل ما كان الانسان أصغر كلما ما كانت قدرته على استيعاب اللغة أكثر و لكن فيه شذوذ و هو أن التعلم في سن السبع طعش و الثمان طعش أفضل من اللي قبله بشوي لان الحسم يكون في مرحلة انتقالية من الطفولة الى الرجوله او الانوثة و بسبب التغيرات الفسيولوجية في الجسم لذلك الانسان في عمر خمس طعش و ست طعش يفقد التركيز على التعلم و أيضا تعلم مخارج الحروف في الصغر أسهل و لو تشوف اللي متعلمين الانجليزي و اعمارهم ما تتجاوز العشر سنوات راح تلاحظ أن نطقهم بالضبط زي المتحدثين الأصليين امل أن تكون الاجابة واضحة يالله يالله وداعة الله |
إقتباس:
انا جربتهم مااستفدت غير المحادثه فقط لو حبيت تاخذ عندهم خذ محادثه بس تقدر تاخذها بالساعه إقتباس:
يريت الي جربهم يقولنا استفاد ولالا :yes: عندهم نساء ولالا؟:rolleyes: |
^^^^^^^^^^^^^^^^^^^^^^^^^^^^^^^^^^^^^^ نصيحة لا تخلون المعاهد هي المحطة اللي تمرون فيها عشان اللغة تعلم اللغات رغبة داخلية و تحدي نفسي بالعربي ( اللي يبي يتعلم انجليزي راح يتعلم ) النت يأتي أولا و اللي يبي موقع في تحسين أي مهارة يقولي و راح احطها هنا و ممكن تسوي برنامج متكامل تماما .. كلمت ناس كثيرين تعلموا لغات كثيرة بالنت أعرف كندي تعلم أشياء كثيرة عن الصينية هنا و رايح يصير مدرس انجليزي في الصين الشهر الجاي و أعرف سعودي و الله أني ما صدقت أنه ما طلع برا .. لغته مره متطوره و أعرف تايوانية كلمتها مرتين بس المره الأولى كانت لغتها مره ضعيفة و بعدين 6 شهور كلها إضافات لناس تبي تتكلم انجليزي كتبت التوفل و جابت درجة القبول في الجامعات الأمريكية.. و أنتوا عاد كيفكم الله يوفقكم |
صباح الخير من وجهة نظري وول ستريت افضل المعاهد لانه تعليم ذاتي اذا كنت ناوي تاخذ لغة وليس تضيع وقت وارضاء للنفس ادخله لانه يعطيك الحريه المطلقه بالدراسه ولاتواجه اي احراج في كسب اللغة وعندما تنتهي من اليونت اللي تدرسه تذهب لاحد المشرفين لكي يحدد لك لقاء مع المدرس للمناقشه في اليونت اللي اخذته ومن ناحيتي انا استفدت استفاده ولله الحمد رائعه والخيار الاول والاخير لك اخي ولكي تعم الفائده جزاك الله خير لولاه غالي |
حبيت اشكر الجميع على تفاعلكم مع الموضوع وصراحة استفدت من ردودكم كثثثثثثثثثثثثير عندي استفسار عن القواميس الالكترونية اذا احد يعرف افضل نوع منها ياليت يفيدنا ماقصرتوا والله يعطيكم الف عافية.... |
اخوي في برنامج السفر الى استراليا بـ 5300 وفي كندا وعدة دول (مختلف السعر) شامل الاعاشة والسكن مع عائلة اذا تبي رقمهم قلي |
المعهد البريطاني في السفاراة مررررره حلو بس انو الدوره تستمر الى 25 رمضااان يعني دراسه وصيام ودوره عشان كذا ما دخلتها ودخلت اكادميه الفيصل حلوه توي طالعه منها من سبوع و معلمينها اجانب من غير الدول العربيه واو سعوديين بس السعوديين بمستوا عالي مره وللي مستواهم بسيط اما العالي لا اجانب وحلو مرره على فكره اكادمية الفيصل قسم الرجال في حي الملك فهد عند حق المعوقين وان شاء الله تستفيد . . . . بنت عبدالعزيز |
إقتباس:
عندك القاموس الناطق مره حلو ويفتح النفس وملون . |
اخوي سامي200 هالبرنامج كم مدته اذا تعرف؟؟ شكرا على ردك... |
مشكورة اختي بنت فهد وماقصرتي المجلس الثقافي البريطاني جربته وصراحة حلو المشكلة انه الدورة تبع العمل يعني مهب على كيفي اختار المعهد اللي ابي اكاديمية الفيصل ماتناسبني مع انهم يمدحونها لانه صراحة كرررررررررررررررف وانا مااطلع من الدوام الا الساعه خمس يعني مستحيييييييييل الله يعطيك الف عافية..... |
إقتباس:
عندك هذا الموقع اولاين اذا كنت احد مستخدمي الدي اس ال يترجم لك من الانجليزي الى كل لغات العالم مع النطق و أمثلة و مواقع www.answers.com |
Canada's gallant مشكور اخوي وماقصرت وتعبناك معنا والله بس ياليت تقول لي كيف استخدم هالموقع اذا ماعليك كلافة مشكوووور.... |
أنــا مشـترك في وول ستريت حاليا تبي الصدق هو يناسب البعض و البعض الاخر لا الي ناوي يتعلم انجليزي راح يتعلم والي ما يبي عمره ما راح يدرسه وول ستريت عنده مميزات و عيوب من مميزاته في حصص محادثه لمدة ساعه تقدر تاخذها و تقدر ما تاخذها على راحتك وهذي الحصص كلها بالانجليزي نادر ما يتكلم احد بالعربي و الوقت غير محدد انت تقدر تختار حصص المحادثه بالوقت الي يناسبك و تقدر تتدخل المختبر في اي وقت لكن من عيوبه ما فيه استاذ يشرح لك الكتاب لكن تقدر تساله عن بعض مسائل الكتاب و يشرحها لك هذا المعهد قد يناسبني و ما يناسبك يعني انت فكر مليون مرة في المعهد الي تختاره مو علشان الفلوس لكن علشان وقتك ما يضيع وتندم انك اشتركت في هذا المعهد انا قابلت طلاب في المعهد وقالوا ياليتنا ما اشتركنا ضيعنا فلوسنا و وقتنا وفيه ناس مستمرين فيه من سنه يعني انت شف الطريقه الي تريحك واي مساعده ارسلي على الخاص |
| الوقت المعتمد في المنتدى بتوقيت جرينتش +3.
الوقت الان » 10:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd