|
الوضع مايطمن |
ماشاء الله عليك مدهر مواضيع هاليومين ابو هيا عودة حميدة إن شاءالله بس للعلم .. منذ متى و أخبار الجرايد ( الصيفية ) تعتبر مصدر ؟ نعم نعلم انه هناك تخبط في الهلال حاليا .. لكن هذا لا يعطينا المجال لتصديق كل ما هب و دب من اخبار الصيف و تظل الادارة هي المصدر الرسمي للخبر و ان شاء الله نسمع نفي من البرقان :) |
أخوي ابو هيا وضع الهلال في هذه الفتره من أسوأ المراحل اللي يمر فيها الهلال من سنين طويله نائب رئيس ممتاز ومجتهد يستقيل بسبب الوضع السئ واللامبالاه من رئيس النادي صفقه باسكال تفشل ليس بسبب ان اللاعب جدد مع النادي ولكن لتأخر الهلال في تسليم اللاعب مستحقاته ووضع المفاوض الهلالي شويش الثنيان في موقف لايحسد عليه سامي اللاعب التاريخي لنادي الهلال يحارب ولايسلم مستحقاته البعثه في تونس ولايوجد ادنى اهتمام من الاداره الموقره وكل شي براس الاحمد والمديد الأنديه تنهي صفقات وتدعم فريقها بلاعبين ونحن لاحس ولاخبر وحتى لو يوجد مفاوضات فيحتاج اللاعب للوقت الكافي ليتأقلم مع الفريق ومباراتنا امام الوحده الاماراتي اصبحت قريبه جدا الله يرحم حالك ياهلااااااااااااااااال |
أبو هيا فرحنا بعودتك فانت قلم رائع لا يجامل على حساب مصلحة الزعيم و نتمنى أن تستمر يبدو فعلا ان الطاسه ضايعه بالهلال خصوصا أن ثبت تصريح البرقان و لا أعلم لماذا احساسي أن كلام الادارة عن الاجنبي الثالث هو مجرد محاولة لالهاء الجمهور عن الاوضاع الغير مستقرة في الهلال و آخرها استقالة طارق التويجري اتمنى أن تكون ظنوني خاطئة و لكن الاكيد أن الهلال لا يسير بالطريق الصحيح :no: |
هلا أبو هيا .. تمنيت أن تكون عودتك وسط أوضاع أفضل لنستمتع بمقالات ترسم الابتسامة على شفاهنا كما تعودنا ... ولكن في ظل هذه الأوضاع المأساوية .. يبدو أن الابتسامة ستغيب طويلا !! أبو هيا .. الدوري الأندونيسي بأي قناة ؟! لايصير مشفر !! حسبي الله عليك ياصالح كامل !! |
أبو هيا :) حسب ما يظهر لي أن إدارة الهلال لم تستطع توفير مبلغ الصفقة فكان التأجيل اللي ما يبيه باسكال .... و في نفس الوقت مستحين الجماعة في أمريكا إنهم يقولون ما قدروا يتممون الصفقة فحطوها براس الضعيف باسكال ... إنه ما يبي الهلال .. بعد ذلك ( نشب ) جمهور الهلال للرئيس عن سبب عدم إتمام التعاقد فما كان منهم إلا التصريح برفع دعوى في محاكم الفيفا .. و كل هذه الخطوات ليس لها وجود إلا في المنتديات و الصحف المحلية فقط وليس لها أي وجود على أرض الواقع !! إذاً ... أعتقد والله أعلم أن تصريح عبدالله البرقان (( صحيح )) .... ختاماً / يا زين رجوعك لنا يابو هيا ;) |
هلا بك ابو هيا ما معنى هذا ؟!! طبخه اعلاميه يوجد من يوجهها والضحية جمهور الهلال نتمنى ان يكون هناك توضيح وخصوصا من البرقان وان كنت لا اتوقع |
يا جماعـــة الســكــوت المخيف هذا خطير . اعضاء الشرف وينهم نبي احد يطلع لنا ويطمنا بصراحه صرنا نصدق كل خبر نسمعه حتى اخبار الرياضي اللي كنا نضحك منها صرنا نفكر فيها هل صحيح اما كعادتها اكرر الوضع خطير خطير جدا |
إقتباس:
تقوله صادق .. وعنده شباب ممتازين معاه ( الكلثم - الصويلح - العنبر - الخراشي ) .. |
إقتباس:
انا مثلك اقول اتمنى اسمع نفي للبرقان .. بعدين فيه نقطة مهمة .. ترانا ما صدقنا كل ما هب ودب .. بالعكس حنا نحطها هنا نسأل عن صحتها .. يعني لازلنا نبحث عن معلومة صحيحة .. ما صدقنا احد إلى الان ... تحياتي .. |
ابو هيا يشرفني الرد علىى موضوعكـ انا مع تصريح البرقان لعده اسباب 1_ لآنه مسئول الاحترٍاف بالنادي وعنده داريه تامه بمساله العقود 2_ لآن النادي الفرنسي جدد معه ( حطها في عقلكـ نادي اورٍبي يوقع معه عقد وهو موقع مع نادي ثاني ماظن تصير لآن العمل عندهم بحترٍآفيه يعني انسى تمشي عليهم يعني يعرضون نفسهم للعقوبات بالسهوله هاذي !!!) _ وبعدين آداراه نادينا عودتنا دائما ان ترٍمي فشلها على الغير يعني انسى انهم يصرٍحون ويقولون حنا تاخرٍنا في الحسم وفي دفع المقدم . _ ملآحظه خآرٍج الموضوع خاصه للمشرٍف الي حذف ردي على موضوع ابو سلطان المثبت يعني لآزم اداهن واجامل !! عجبى والله !! اخوي انا ماسبيت او قلت كلآم خارج حدود الادب لكي تحذف رٍدي والآ ابو سلطان محمي عن النقد ! حنا ماجينا هنا الا لآجل الهلال يعني اهــم شي مصلحه الـــهلآل واتمنى انكـ ترٍسل لي رساله خاصه وتوضح لي الاسباب الي خلتكـ تحذف الرٍد _ ابو هيا مشكورٍ علىى جهودكـ وموآضيعكـ المميزٍه ودمتـــ بـــود |
لا حق وهم يحزنون وانا اخوك كل مافي السالفة امتصاص لغضب الجمهور البلوي يعقد صفقات وهمية والجمهور ينسى بعد يومين فما بالك بحق نادي الجمهور راح ينساه في ساعته فلذلك مااقول الا خذ وخل ومن متى صارت انديتنا اذكى من الاندية الفرنسية قال ايش ..مليونين يورو ..احلق شنبي اذا اخذت يورو واحد سانت اتيان ماوقع مع اللاعب الا بعد ان تاكد ان كل شئ ماشي تمام ولا فيه عاقل يصدق ان النادي قبلها بيومين يوقع مع الهلال ..وبعدها يروح يسوي مثل هالمخالفة علشان يدفع مليونين يورو ولكن مااقول الا ..لك الله ياجمهور الهلال |
والله مدري وش آخرة هالوضع اللي صاير في النادي ، الاخبار ما تبشر بالخير ابد والبركة في الادارة ، الرئيس مصيّف ونائبه مستقيل واعضاء مجلس الادارة مختفين ، والضحية النادي وجماهيره :( والله قهررر الهلال يصير فيه هالشيء والسبب ادارة غير قادرة على قيادة نادي بحجم الهلال ، تكفووون يا اعضاء الشرف ترا الهلال امانة باعناقكم لا يضيييع :( |
:: وسـع صـدرك أنـت فـي الـهـلال :: |
ما شاء الله عليك توي راد عليك في موضوعك الأول إلا وأتفاجأ بك في موضوع آخر الله لا يغير علينا وعقبال باقي الأقلام سمو الأمير محمد بن فيصل لا أدري ماذا يريد بالضبط فمشاكل مع البقرة البلوي ثم مع البلطان ثم مع القيادة الرياضية ثم مع سامي وأخيراً مع الجمهور الهلالي لا أملك إلا أن أقول مع أستاذي الغريب (تبي الصدق ليتك رحلت) |
| الوقت المعتمد في المنتدى بتوقيت جرينتش +3.
الوقت الان » 12:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd