مساء الخير
موضوع الخوجلي الصراحة ما يختلف اثنين إنه حارس جيد ولكن المقارنة مع الدعيع أظنها صعبة شوي لسبب بسيط إنه مثل ماقلت يوم الدعيع يصد ضربات الجزاء في كاس العالم للناشئين كان يلعب بالحارة هو وشرابه
وأقول يابو هيا إن الخوجلي اللي ساعده على البروز هو فريقه الخايس ودفاعه اللي من الحارثي والداود وأنت جاي ولهذا فهو يعوض ضعف دفاعه ويصد بعض الكرات مما يجعله حارسا عملاقا عند جماهيره وبعدين كاحتياطي للدعيع لا باس أما إنه يحل محله فهذي من عجائب الدنيا ومطالبة غير مبررة ...
أما الخلافة فهذا موضوع ثاني لأنك أثبت ياخوي إن خلافة الخوجلي للدعيع ما يمكن تصير ولا يقبله المنطق لأن العمر قريب لكن والله إنك بلشه مع النصراويين تلقاهم كل يوم يقولون من وين طلع لنا هالياقاهرهم ما يخلينا نتهنا بأوهامنا إلا ويفضحنا
ولكن الله يحفظ لنا الدعيع اللي أعتبر انتقاله للزعيم من أهم الانتقالات التي حصلت بين الأندية وللزعيم خاصة مع احترامي للاعبين الباقين .
أما عبد الرحمن بن سعود وحواره في دبي فهو بصراحة مسرحية والله العظيم مسرحية ولو خيروني على قولتك بين حضور مباراة مهمة أو مشاهدة حوار مع الرمز لاخترت الحوار بدون تردد لأنك بصراحة تضحك من اعماق القلب وفي الحوار بصراحة طلع لنا بأمور ما أقدر أقول عليها إلا خربطه وتهريج وتجريح بخلق الله ولكن الجديد في الحوار هو تطاوله على شخصيات مهمة للغاية بالإيحاء ولم يصرح بذلك يابو هيا ( وخله يتحمل ما يجيه )
وفي الختام لايسعنا إلا أن نقول ( ياشينك وأنت ساكت أو تتكلم )
الحمد لله على النعم التي لا نحصيها
أما البلنتي والله إنك منتهي ( امون ) ما أدري من وين تجيب هالحركات لكن الصراحة بلنتي واضح والمفروض ينطرد ...
الله يوسع صدرك بالعافية يابو هيا
سعود بن تركي وش فيه يابو هيا كلامك يوحش وشكلك عندك شيء أنت وبعض الأخوة فيه نقاط متبعثرة في أكثر من موضوع تتحدث عن غياب الأمير سعود هل من جديد يابو هيا وهل غيابه بدون مبررات ؟
آمل إفادتي عن الموضوع ولك كل التحيات من أخوك عيون االصقر