السلام على اوين والاعضاء الاعزاء
 

واللــه معاك حق في بعض الي قلته يااوين..
صح فيصل مخلص بس لسانه طويل ..ويكفي انه تكلم على الرئيس الذهبي
لا تقول اعتذر وخلاص ..صح اعتذر بس ليش يغلط من الاول..
والكلام الي قاله وانا سمعته ماينقال..وبعدين لايمكن ان يكون الامير
بندر وراء هذا الشئ على حساب الهلال..لكن فيصل زي مايقول المثل
(دبور وزن على خراب عشه)..
لوكان فيصل مؤدب مع رئسه كان ماحزنت عليه ..لكن واحد وغلط على
الرئيس الله العالم وش بسوي بعد..انا اقولك فيصل والله على مااقول
شهيد انه يجتمع مع اخوياه ويطيح حش في النادي وش رايك..
وحاط راسه براس ابو ناصر..
معليش ممتاز في لعبه بس ماينفع وهو على ذا الحال..انا معك المصيبيح
مخطئ وفيصل مخطئ وكلهم ماينفعون للهلال ..
فهد بعنجهيته..وفيصل بتطاوله..ولو كان للامير بندر يد من حقه
لان لو انت انقالك الكلام الي انقال عن الامير مراح تسكت واللــه..
وبعدين الامير يامر على كل اللعيبه اذا بغى..
وفي الختام الحمدلله راح فيصل وانشاء الله يلحقه فهد والرئيس معهم..
ويرجع لنا الرئيس الذهبي ابو محمد..امين

ببساطة وبدون لف ودوران العملية كلها تصفية حسابات شخصية
بطلها فهد المصيبيح ، وهو المربي الفاضل واللاعب الخلوق سابقاً
وحالياً هو الاداري النشيط ، ولكنه ليس منزهاً عن الخطأ .
وفيصل ابوثنين هو ابن الهلال وتقلد شارة القائد في كثير من المناسبات
وحمل عدة كؤوس واعتلى منصات التتويج مع الزعيم ، ولكن هذا لا يعطيه
الحق في التطاول والتهكم على الغير عندما يحاول طرح وجهة نظره .
ابوثنين اخطأ في حق المصيبيح ولكن المصيبيح اخطأ في حق الهلال.
ارجو ان لا يكون الهلال ضحية تصفية الحسابات الشخصية .

وسلامتكم،،،،،،

السلام عليكم

الأخ أوين ... بما أن كلامك عباره عن مفردات حقير ووضيع ودناءه ووقاحه وغبي وابن عمه ومدري ايش .... فسأقول لك ان ابو2 راح والمصيبيح باقي . واللي مهو عاجبه يشرب من مي البحر .
ألا الأمير بندر بن محمد والمصيبيح . ما أعتقد فيه هلالي صميم يسمح بالغلط عليهم .

ياخي اذا تبي تقنعنا فأنتقد بكلام واضح وصريح ولا داعي لدس السم بالعسل ... فإذا كنت تعشق الهلال فالهلال باق ، وإذا كنت تعشق ابو2 فأبو2 فارقنا والله لا يرده هو ومن يتعصب له .

وبعدين وش دخل الثنيان والتيماوي بالسالفه يا ذهين انت !!
والا تبي تقوم الجمهور على المصيبيح وبس ... وربي أنك غريب . لا بعد تعرف ان المسعري والقحطاني والعتيبي والنزهان مالهم جماهيريه وتحشرهم بالسالفه وتخليهم شله الأنس للمصيبيح ... دنتا ذكائك خارق يا أخي .. هع
ياخي كماهو معروف التيماوي أعتزل بطوعه وأختياره شاف انه أعطى ومايقدر يعطي أكثر فأعتزل وهو بالقمه سواء بمستواه الفني أو مستواه ((الخلقي)) ... والثنيان يتدرب بكل جديه وحماس وأنضباط .
وياكثر ما أشاد التيماوي والثنيان وغيرهم بالمصيبيح .

اما قولتك ماعلي من نواف التمياط وكلامه بردك على أحد الأخوه فهو المضحك المبكي . تسمع كلام ابو2 وتترك كلام التمياط !! تعجبك شخصيه ابو2 أكثر من شخصيه التمياط !! لايكون ابو2 نجم دولي فايز بلقب أحسن لاعب آسيوي وحنا ماندري !! لايكون ابو2 صاحب مشاركات تطوعيه ويدعم الأنشطه الأنسانيه وحنا ماندري .... ياخي علمني تراي غشيم وماعرف عن ابو2 شي .

وأخيرا ياليت نشوفك وانت رايح لليفربول ومانشستر وبرشلونه وجاينا بشهاداتك علشان تخدم الهلال .... والا رح مع رفيقك ابو2 اللي تبرعله سمو الأمير أحمد بن سلمان على تكمله دراسته ... هذا وهو ميسور الحال .

عـــــــــجـــــــــــــــــبـــــــــــــــــــــــــــــــــــــــــــــــــــــــــــــــى

ترددت كثيرا عندما حاولت الرد ولكن جزمت بأن أقول شهادتي فافهد المصيبيح حقق مع الهلال تسع بطولات في موسميين وحقق للهلال إنظباط لم يشهد له مثيل وأيضاء شهد له نجوم الهلال الكبار سامي نواف الدعيع وحتى الثنيان نفسة جلسة مع لاعبي الهلال لمدة تزيد عن نصف ساعة ووجدت الحب المتبادل بين الأستاذ فهد واللاعبين فهد يا أخوان نموذج مثالي لمعنى الإحتراف وأعتقد أن جميع الأندية تريد فهد مديراً للكرة لها:mad:

بسم الله الرحمن الرحيم ...
 

الاخ القاضي .. ياليتك اخوي وضحت لي وش المباديء اللي طالبت فيها ولا طبقتها !!؟ وبعدين كلامك عن فيصل من الكلام اللي يُلقى على عواهنه ومن التهم اللي لفقت له علشان يلقون سبب يتخلصون منه وانت للاسف جاي تردده .. !! مشكور اخوي على مشاركتك ..

الاخ او الاخت المملكه ... عيب!! والمطفوق!! خبط لزق !!... ليه الغلط ياااااااخي ؟ ياليتك رديت على الموضوع مهوب على كاتبه ! عموما انا والله ماهمني كوني عضو جديد او قديم انا كل همي الهلال ومصلحته وبس ... اما ان كان هذي نظرتك للامور فهذا شي راجعلك وما اقول الا كل يشوف الناس بعين طبعه ..! ومشكور/ه على المشاركه .

الاخت redheart .. كنك مطيحه الميانه حبتين والا !!؟ عموما الله يسامحك ...

وبعدين اللي يطالب بحقوقه بعد ماصكت كل الابواب في وجهه يصير قليل ادب !؟ وكلامي عن النجم الكبير ابواثنين مع مسؤول الحضور والانصراف ماراح اعيده لاني سبق وقلت وجهة نظري فيه ... شكرا على المشاركه .

الاخ عبادي .. اخوي .. فيصل لسانه طويل بالحق مهوب بالباطل زي ماقلت وبالعكس اللي في مثل وضعه لازم يطالب والا راح توكل حقوقه بدم بارد .. وبالنسبه لكلامه عن بندر انا سامعه واكبر ما قال ان بندر راعي الب***** , وفيصل قايلها في لقاء عابر وبعد ماوصلت لبندر اعتذر له وعادت الامور في لحظتها تمام كما كان يبدوا , لكنها فيما بعد رجعت ويبدوا ان الحقد لازال موجود والمصلحه الشخصيه طغت على مصلحة الهلال للاسف ... وانت تقول اخوي (( صح اعتذر بس ليش يغلط من الاول )) .. يااخوي ترى ما فيه احد ما يخطي وخير الخطاؤون التوابون .. وفيصل اعتذر وش تبي بعد !؟ تبيهم يعلقونه في الصفاة يعني !!!؟ عموما مشكور على المشاركه .

الاخ لاهين عاد .. كلامك صحيح والعمليه كلها تصفية حسابات لكن من طرف واحد !! شكرا على المشاركه .

الاخ هلالي من الجوف .. مشكلة البعض انه يعتقد انه وصي على الهلال ويعتقد ايضا انه هو من يحدد الهلالي الصميم من غير الهلالي ويبدوا انك واحد من هالحبايب ..! والا وش معنى قولك (( ألا الأمير بندر بن محمد والمصيبيح . ما أعتقد فيه هلالي صميم يسمح بالغلط عليهم )) و (( (( المصيبيح باقي . واللي مهو عاجبه يشرب من مي البحر )) و (( وإذا كنت تعشق ابو2 فأبو2 فارقنا والله لا يرده هو ومن يتعصب له . )) .. ودي اسألك متى عينوك الوصي على الجمهور يا محامي الهلال انت :) !!؟ لاتصير عبدالرحمن ابن سعيد وحنا ماندري :D !!؟

ربع ابن مصيبيح اللي ذكرتهم المرضي عنهم هم اللي يمثلون الهلال في الوقت الحالي رغم انهم بأتفاق الجميع .. عباره عن كديش مجمعين يعني الكوره يمين وهم شمال .. بس عشانهم مايعرفون الا قولة سم طال عمرك والله يخليك ذخر لنا وانت سندنا ومالنا غنا عنك .. رضى عنهم فيلسوف زمانه وخلاهم شلة الانس .. هاه عساك فهمت يالوصي :):D ..!


تقول لافظ فوك (( اما قولتك ماعلي من نواف التمياط وكلامه بردك على أحد الأخوه فهو المضحك المبكي . تسمع كلام ابو2 وتترك كلام التمياط !! )) .. ماقلتلك انك مصدق انك وصي على مايكتب !! ماباقي الا تكتبلي اللي تبي وترسله لي وانا انزله بيوزري :D ..! يااخي الثنيان اللي اجمع الجميع تقريبا على حبه وعلى موهبته ..بالرغم انه ماقد اخذ احسن لاعب في اسيا ولا قد شارك مثل نواف في نشاطات خيريه .. هل معنى ذلك اني ما اخذ بكلامه !!؟ ولا اصدقه !!؟ منطقك غريب وعجيب ولا ادري وينك جايبه منه الله يصلح بالك !!:)

ولا يهمك نبي نروح لم انجلترا ونجيب ان شاء الله الشهاده الكبيره :D بس ياليتك تسأل مصيبيحك من اي جامعه في انجلترا خذ شهادته لان مما يبدوا ان هالجامعه مهيب بسيطه ويبدوا انها صقلت مواهبه الفذه بطريقه ممتازه .. وما اقول الا ياليت هالجامعه بدل ما انها صقلت مواهبه ياليتها صقلته هو بكبره وفكتنا منه :D :) :D .. ومشكور على مشاركتك.

الاخ مجنون الزعيم .. الله يهديك بس تبيهم يتطاقون قدامك ..;) المسأله وانا اخوك اكل عيش و بعض الشباب محتاجين ولا ودهم ينقطع رزقهم ... فما قدامهم الا يجاملون الراس الكبير ابن مصيبيح ... مشكور على المشاركه .


اوين ,,

للرفع .. لتعم الفائده ..!

ارحل يامصيبيح وكفاية تدمير في الهلال









الله يرحم أيامك يا ابوثنين:(

الاخ الز2001عيم ... للاسف ابن مصيبيح يبي يقعد على قلوبنا مثله مثل حسن النكبه والمسعري والنزهان وتركي القحطاني وباقي الشله ... والسبب بأختصار هو العــنـــاد والوسايط ...

يعني معك واسطه تمشي امورك .. مامعك وش جايبك للنادي من اساسه ..

مشكور على المشاركه اخوي .

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 

كلام غريب واسلوب اغرب

للاسف ان رموز الهلال والتي افنت عمرها فيه يتطاول عليها البعض ممن لم يعرف الهلال الا من سنوات تعد على اصابع اليد الواحدة .

فهد المصيبيح والذي كان في وقت مضى احد ابرز نجوم الزعيم ومازال يتعرض للشتم من اجل لاعب عادي دخل النادي وخرج مثله مثل غيره حاول ان يكون له شان فيه ولكن لم يستطع

للاسف يتطاولون على المصيبيح من اجل لاعب ليس له تاريخ يذكر ولم يقدم ربع ماقدمه فهد المصيبيح للهلال الا بلسانه .

اخيرا .. هذا اللاعب كان اخر عهد له بالهلال عندما سجل هدف ولااروع في مرمى الدعيع وسمح للفريق العادي ان يلعب معنا اشواط اضافية :mad:

بسم الله الرحمن الرحيم ...
 

هلا اخوي ابو محمد الهلالي .. متى المعرفه الله لايهينك !!؟ متى عرفت اني اشجع الهلال من سنوات تعد على اصابع اليد الواحدة !!؟ :)

انا واعوذ بالله من قولة انا , انا وبلا فخر اشجع الهلال من سنوات تعد على اصابع يديك ورجليك :):D .. اصلحك الله ..هذا اولا .

ثانيا تقول عن ابن مصيبيح


للاسف ان ابواثنين لم يخرج وانما اخرج باساليب ملتويه وبالتطفيش الذي لم يسبق للاعب ان واجه مثله ..


وبعدين يااخي ماتذكر للكابتن الكبير والمخلص ابواثنين الا ذاك الهدف اللي سجله في مرماه من شدة حماسه واخلاصه والدليل انه كان افضل لاعب في تلك المباراة بشهادة الجميع ... يعني نسيت كل شي وجاي تذكر هالهدف !!؟ اسلوب غريب وفيه جحود اغرب ..!

ابن مصيبيح ( كان ) لاعب مثله مثل بقية لاعبين الهلال كنا نذكره بالخير ونثني عليه ... لكنه للاسف افسد كل ذلك بعد ان تولى الاداره في الهلال واتبع اساليب غريبه لتطفيش النجوم بحجة الانظباط والانظباط منه بريء... وبسبب سياسة التطفيش لم يبقى الا الكديش للاسف اما النجوم فقد ذهب البعض والبقيه في الطريق اذا مااستمر فيلسوف زمانه في تطبيق اسلوبه الغبي والعنجهي ....


عموما مبروك عليك وعلى ابن مصيبيح لقب افضل اداري من صحيفة اهرام فوتبول :):D وسلملي على المصاريه اللي يعرفون ابن مصيبيح :)...


اوين ,,

مع احترامي الشديد لكل واحد تكلم فيكم ارجع واقول ان المصيبيح اهو السبب الحقيقي في تدهور الهلال في الاونة الاخيرة
وشكرا

اخوي... اوين

بغض النظر عن الموضوع الرئيسي...

أتمنى منك انك تراجع اسلوبك في الطرح والحوار , فطرحك للموضوع فيه اساءات لشخص من تتحدث عنه وليس لعمله ..!! اعتقد انك تستطيع ايصال رأيك بدونها.

اما حوارك مع الاعضاء فيتم بطريقة غريبة جدا!!!!!

اخوي... صدقني المنتدى لايحتمل هذه الاساليب لأن هدفه في النهاية هوخدمة الكيان الازرق وليس الحفر والتنبيش عن مشاكل لافائدة في طرحها , فكما ذكر احد الاعضاء فيصل ذهب بخيره وشره والمصبيح مازال يخدم الزعيم.

اذاكانت لك بعض المآخد على المصيبيح يمكن طرحها بأسلوب أرقى , وعندها سوف نتناقش فيها بطريقة حضارية.

الأخوة الكرام
 

الأخوة الكرام
لكل منكم رأيه الخاص ولكن يجب أن ندرك جميعاً أن الأستاذم فهد المصيبيح رجل مسؤول وهو الأقـرب إلى اللاعبين وبالمؤكد أنه تهمه مصلحة النادي فوق أي اعتبار وهذا ما نضنه فيه ، وكذلك اللاعب الخلوف فيصل أبو اثنين لاعب متمكن وقادر على العطاء ولكن قد يكون هناك موضوع الادارة أعلم به ، ونحن كجماهير لا نعلم ما يدور بالضبط ، ووهناك أمر مهم وهو عندما نناقش مسألة تهم النادي يجب أن نضع في عين الاعتبار بأن هذا النادي في أيدي إدارة عاملة تسعى لكسب حب الجميع وتفعل ما بوسعها لإرضاء جماهير النادي ولكن هم بشر ليس معصومين من الخطأ والأهواء ولكن دعوهم يعملوا ومن كان منكم لديه ملاحظه واقتراح معين فله أن ينقله إلى الشخص الذي يريد معاتبته مباشرة وبلاش تجريح لأولئك الأفذاذ العاملين ، فإن لم تعمل معهم فزودهم بمقترحاتك وآراءك ولكن دون تجريح لمشاعرهم واللعب بسيرتهم على صفحات المنتديات فهم بشر يصيبون ويخطئون .
تقبلوا فائق تحياتي ، مع أملي أن يرجع (( فيصل أبو اثنين )) للملاعب عاجلاً وأن تحل جميع قضايا الهلال بتأن وروية ومصلحة النادي فوق كل اعتبار .

أقول
.
.
.
.
.
.
**************هل هذه طريقة إقناع!!!!!!!!!!!!!!!!!

بسم الله الرحمن الرحيم ..
 

الاخ النمـ( 15 )ــر .. كلامك سليم 100% .. وهذا مايحاول بعض المحسوبين على الهلال وبعض المستفيدين من الوضع ومعهم المغرر بهم التعتيم عليه مع انه واضح وضوح الشمس وهذا ماتعبنا من ترديده لكن مانقول الا ..

لقد اسمعت لوناديت حيا **** و لكن لاحياة لمن تنادي

مشكور اخوي على مشاركتك .


الاخ alhawey 11 ... ياغالي ردودي على البعض تأتي على حسب اسلوب الشخص .. فمن يتكلم بأحترام ارد عليه بأحترام وان اختلف معي ومن تكلم بأسلوب اخر ارد عليه بمثل اسلوبه .. فمثلا الشخص صاحب اخر رد قبل ردي والذي كلف على نفسه وسجل وكتب اول رد له ليقول لي يااوين عض على شحم :D برأيك ماهو الرد المناسب له !؟

وبعدين تقول ..

اخوي قضية ابن مصيبيح ليست من الماضي لكي انبش وابحث عنها بل هي على السطح وهي سبب اغلب مشاكل الهلال الحاليه .. لذالك كتبت هذا الموضوع عنها ليتم علاجها ...

عموما مشكور على المشاركه .

الاخ راغب فن الزعيم .. اخوي ذكرت جمله مهمه تمثل سبب اساسي في المشكله وهي ..

للاسف ان هناك من يريد ويحرص على ان تظل هذه الجماهير جاهله بما يدور داخل النادي ليتم تفريق اللاعبين على الانديه الاخرى وتطفيش البقيه لكي نصفي على ارباع وانصاف اللعيبه وذيك الساعه لا بكى ينفع ولاشكوى تفيد ... لذلك يجب ان يتم تدارك الوضع وايقاف المسؤول عن كل ذلك عاجلا غير اجل ... لكي لانقول بعد خراب مالطا ليت اللي جرى ماكان ..!

ومشكور اخوي ..