تعجبني .. يابو راي صريح !!

صدقني مافي احد قد تجرّأ ان يكتب موضوع بمثل اللي كتبته .. أو بالاحرى ما في موضوع ما انحذف من طينة هالمواضيع !

اتفق معك في كل حرف ..

بصراحة .. كنت انتظر موضوع مثل هذا .. يبرّد القلب ياشيخ !

والله صادق بكل كلمه قلتها

صح لسانك اخوي

صح لسانك
................................................................
وانشاء الله يتعدل الوضع
...............................................................
وبالتوفيق

صح لسانك وان اء الله يرجع كل شئ مثل ماكان واحسن

أخوي مخـاوي البطولات أول شي ويييين النااس وياليت لو تشارك بشكل مستمر فالمنتدى لأننا في حاجة للأقلام المتميزهـ مثلك .. ولايهـون باقي الأعضاء ..


كلنا كنا متفائلين بعد ما انتهى الموسم خاصة بعد اعلان محمد بن فيصل الاستمرار والتجديد للتائب وتفاريس .. قلنا لاااا بس الادراه ناويه نيه السنه الجايه .. بصراحه من كثر ما تفائلت تخيلت وسطنا زيدان والتائب ..

لكـــن فجـــــــــــأهـ !!

الرئيس مسافر لاحس ولا خبر .. تمرينات على ملاعب الأنديه الأخرى (( بسبب اهمال ارضية ملعب النادي لسنوات طويله وتوهم يفكرون فيها )) ..

صفقات أو بالأحرى صفعات جميعها تمت بالفشل وبأعذار واهيه ..

لاعبين منتهيييييييين لازالوا يواصلون الركض على حساب النادي وعلى حسوب ضغطنا وسكرنا ..

للأسف مثل ماقلت كان ودي نتفائل لكــــن الظاهـر بنرجع لأيام أديموس والعجلاني ...

من اهم الأوقات التي يجب ان يتواجد فيها رئيس اي نادي هي فترة الصيف

من اجل التعاقدات ومتابعة الإستعداد للموسم الجديد

شوفوا رئيسنا وين من بداية الصيف على شان تعرفون حبه لناديه وحرصه على متابعة استعداده جيدا !!!

مشكور

أخوي الصوت الهلالي بصراحه أنت تدافع عن سامي بشكل مبالغ فيه ولاتزعل مني والاختلاف في الرأي لا يفسد فالود قضيه ..

إقتباس سامي كانت لديه الرغبة القوية لتقديم شيء الموسم الفائت ولكن ؟؟؟

وين الرغبه القويه ؟ أبي أفهم .. لياقه صفر وعدم انتظام فالتدريبات .. شوي يروح وشوي يرجع ..

سامي الموسم الفائت كان شاطر بس يحظر احتفالات واعتزالات لاعبين ..

إذا كان في شي مو باين للجمهـور بقولك (( ولكن ؟؟ )) ياليت توضحه لنـا عشان نعرف إيش السبب اللي يخلي سامي ينهي حياته الرياضيه بهالشكل اللي مايرضيه ولا يرضينا ..

إقتباس انا اجزم يا بدر الهلال بأن الشلهوب وياسر ينظرون لسامي نظرة خوف على مستقبلهم المظلم اذا كان سامي صانع الامجاد وصانع الفرح وجابر العثرات يحصل له ما حصل دون اي رد فعل ؟ فما بالك بمستقبل باقي اللاعبين من نجوم الهلال انظر لتعامل الاتحاد مع حمزة ادريس وتعامل ادارة الهلال مع سامي ( مع فارق التشبيه بين سامي وحمزة )

طيب ليش ماقلت أن الشلهوب وياسر ينظرون نظرة تفاؤل على مستقبلهم الرياضي بسبب ماحصل ليوسف الثنـيان من تكريم واحتفال من أروع مايكون ؟؟

الصوت الهـلالي .. كلنـا نحب سامي ونعرف وش سوى سامي للهـلال .. بس ياليت نكون منصفين لنادي الهـلال فقطـ

ماعلينا لا من الرئيس ولا الاعبين .. المحسن أحسنت والمخطئ أخطئت .. ولك مني جزيل فائق احترامي ..

حياك الله اخوي محامي الفيلسوف

إقتباس أخوي الصوت الهلالي بصراحه أنت تدافع عن سامي بشكل مبالغ فيه ولاتزعل مني والاختلاف في الرأي لا يفسد فالود قضيه ..

على قولك هي وجهات نظر .. انت تشوف اني ادافع عن سامي بدون وجهه حق وانا اشوف انه مهضوم حقه نظير ما قدمه للهلال والهلاليين

إقتباس وين الرغبه القويه ؟ أبي أفهم .. لياقه صفر وعدم انتظام فالتدريبات .. شوي يروح وشوي يرجع ..

اكيد اللياقة صفر وانا خوك

انا ابي أسألك هل اللياقة ترجع مع التمارين فقط ولا تحتاج جو المباريات الرسمية ؟

سامي عقب المؤتمر الصحفي اللي سواه واعلن من خلاله الإستمرار إلتزم في تمارين الفريق

وابي أسألك وين سامي عن المشاركة بعد مباراة الحزم اللي حسمها

وكم مباراة سامي جلس فيها إحتياط وما لعب ولا خمس دقايق رغم وجوده مع الفريق وإلتزامه بالتمارين

سامي جلس أكثر من نص الموسم على دكة الإحتياط ولو كانت مشاركته تدريجية لشاهدة سامي الذي نعرفه

لكن تجاهل من الإدارة وتحدي من الرئيس بأنه سيحقق الدوري بدون سامي ؟؟

هل لو كان سامي ما هو جاهز في النهائي ما تشوف إن من المفروض مشاركته في النهائي بعد إصابة ياسر

حتى لو ما قدم شيء لكن ما راح تشوف منتشري والمولد قدام يجيبون اهداف في مرماك

وعندي إستفسار بسيط :

سامي موقع من الصيف الماضي يعني سنة كاملة وهو اللاعب الوحيد اللي ما اخذ باقي حقوقه

مع العلم بأن من وقع بعده بفترة زمينة طويلة اخذوا مبالغهم كاملة

اي نفسية واي لياقة اللي تتكلمون عنها وسط هالتجاهل من الإدارة تجاه سامي بالتحديد ؟

إقتباس سامي الموسم الفائت كان شاطر بس يحظر احتفالات واعتزالات لاعبين ..

كثير من النجوم الكبار مثل سامي لديهم إحتفالات ومناسبات ولكن الإدارة الواعيه هي من تعرف كيف تتعامل مع نجم بحجم سامي وتعرف كيف تضع له البرنامج الملائم ولكن للأسف أن نجومية سامي أكبر من تفكير الإدارة ؟

إقتباس إذا كان في شي مو باين للجمهـور بقولك (( ولكن ؟؟ )) ياليت توضحه لنـا عشان نعرف إيش السبب اللي يخلي سامي ينهي حياته الرياضيه بهالشكل اللي مايرضيه ولا يرضينا ..

وضحتلك بعض الأشياء البسيطة جدا .. وارجع واقولك لو تم إشراك سامي بشكل تدريجي لشاهدته بشكل افضل بكثير مما هو عليه الان .. لكن للأسف انا اتجاهل لاعب طوال الموسم واجي في نهايته واقوله انت منت جاهز ؟؟

اكيد ما راح يكون جاهز وهو كل ما يلعب ويقدم مستوى ما نشوفه المباراة اللي عقبها بشكل متعمد ;)

إقتباس طيب ليش ماقلت أن الشلهوب وياسر ينظرون نظرة تفاؤل على مستقبلهم الرياضي بسبب ماحصل ليوسف الثنـيان من تكريم واحتفال من أروع مايكون ؟؟

تكريم ابويعقوب كان من عضو شرف وهو عبدالله بن مساعد ولم يكن من الإدارة الهلالية

وهنا الفرق .. وإذا اعلن سامي إعتزاله رسميا فلن يقصر أعضاء الشرف معه لأنه جابر عثرات الهلال

وبالتأكيد ابويعقوب يستاهل التكريم وبالتأكيد سامي أيضا كونهم علامة فارقه في تاريخ الهلال

إقتباس الصوت الهـلالي .. كلنـا نحب سامي ونعرف وش سوى سامي للهـلال .. بس ياليت نكون منصفين لنادي الهـلال فقطـ

انا من وجهة نظري أن انصافي لسامي هو إنصافي لتاريخ الهلال بأكلمه

إقتباس ماعلينا لا من الرئيس ولا الاعبين .. المحسن أحسنت والمخطئ أخطئت .. ولك مني جزيل فائق احترامي ..

سامي ليس مجرد لاعب مر على الهلال فتره وانتهت .. سامي تاريخ وصانع الفرح وجابر العثرات


تحياتي لك

إقتباس الرسالة الأصلية كتبت بواسطة الصوت الهلالي انا من وجهة نظري أن انصافي لسامي هو إنصافي لتاريخ الهلال بأكلمه تحياتي لك

على كذا انت بتمسح تاريخ يوسف والنعيمه والتيماوي لعيون سامي


لمعلوميتك بعد ماعتزل يوسف رجع سامي لاعب وسط بعد مافشل بالهجوم


ولو تجيب اهداف سامي الي سجلها للهلال ثلاث ارباعها مصلحه له يوسف قدام المرمى له



اتمنىى مانمسح من دافعووو عن شعار الهلال



انا مو ضد سامي



الصوت الهلالي


انت اخوي وغيرك من الي يعرفون بالمشكله الي سكتوو عنها زمانا والحين تبون ندافع عن سامي


ليشش ماقلت لنا بعد ماخسرنا النهائي ان الرئيس تحدىى ان يرفع الكاس بدون سامي


انا كتبت موضوع او رد قلت ان كان بيرفع المفرج الكاس مانبيه ووللاسف حذفته انت او غيرك من المشرفين


سكتووو زمناا والحين تتكلموون عجبااا



ليشش طبلتوو للاداره وهي تسوي الشي هذا ضد نجم خدم الهلال

ليششش بقناة الهلال ثبتوو اغنية لاتقول خيره قل خيبه كبيره


ان كنت خايف مو عذرك


تقدر تكتب الكلام هذا بجريدة الرياضي او بالمنتديات الهلاليه او الجرايد الهلاليه اودخلت المنتدى باسم ثاني وبغفله
من المشرفين المطبلين ان كنت مو منهم وكتبته



الصوت الهلال انت وغيرك من المشرفين


اتركوو لنا الهم والغم والحزن بعد خروج الهلال خالي الوفاض بعد خروج الهلال من الاسيويه

اما انتم حاسبوو انفسكم على ماجرى للهلالنا


وكوونوو على بينه من امركم انكم مشاركين محمد بن فيصل باكثررر من الثلاث ارباع بالخساره


محمد بن فيصل لو ماشف سكوت منكم على الي صارر مارجع


قال ربي ستر علي وارجع العب بالهلال كما اريد



ماحقد محمد بن فيصل على سامي الجابر ( قاهرر الحالميين ) <<<< الا يدل ان الي قال انه نصرواي صادق وماكذب علينا



انتضرك تزين حذف للرد وتبتل بالطبيل


اتمنىى ماتخاف على منصبك بالمنتدى خاف على الهلال <<<< اي مشرف بيزين حذف لرد هذا


تحياتي

ردعلى الاخ(البدددر)

(لمعلوميتك بعد ماعتزل يوسف رجع سامي لاعب وسط بعد مافشل بالهجوم)


في عام 2005 كانت طريقة الهلال 4|5|1 وكان سامي وحيداً في الهجوم !!!



(ولو تجيب اهداف سامي الي سجلها للهلال ثلاث ارباعها مصلحه له يوسف قدام المرمى )


في احصائية قدمها أحدالإعلاميين المبدعين أكدت بأن يوسف صنع لسامي 9 أهداف فقط ،،

وسامي سجل أكثر من 100 هدف للهلال (فكيف تقول بأن يوسف صنع ثلاثة أرباع أهداف سامي)!!!!




إلى (الصوت الهلالي) أؤيدك في كل ما قلت خصوصاً أنني كنت سأكتب موضوعاً عن هذا الكلام

لقد كتبت عما يدور في ذهني وكثير من الجماهير الهلالية فشكراً لك يامبدع .