|
الى المغتربون فقط ,,, قصائد ,,, بسم الله والصلاة والسلام على رسول الله بحكم ان معظم رواد هذا المنتدى من الطلبة السعوديون المغتربون فقد احببت ان اشارك بنصيحة عباره عن ابيات شعريه ارجوا ان يكون لها وقعها في قلوبكم وهي كناية عن ما يتمناه كل اب وام من ابنائهم بل وهي كل ما يتمناه وطنكم الغالي على الجميع فالغربه هي اولا واخيرا من اجل التحصيل العلمي للرفع من المستوى التعليمي الشخصي والأجتماعي وعليه فإن الأجتهاد في ذلك هو اولا جهاد في سبيل الله ثم سبيل من السبل التي ترتقي ببلدنا الغالي وهذه الرسالة التي علينا جميعا ان نضعها نصب اعيننا جميعا. والقصيده الأخرى او الأبيات هي عباره عن مناجاة في الغربه. لن اطيل عليكم واليكم القصيدتين والتي ارجوا ان تحوز على رضاكم. عزيزي المبتعث عزيزي المبتعث كلمة وارجوا الله تفــهـــــمــها نصيحة مخلصٍ وانت اللبيــب اللي تقـــــدَرهــــــا نبـيك تـقول للعالم انا سعـودي وتحشــــــمـــــها وترفـع راس ابوك وجدك ودارك تعمَـــــــرهـــــا نبــيك تصير تحت الله فوق الناس واعـــــلمــها نبيك تـمثل بلادك أعــز النــاس واخيــــرهـــــــــا تحر الصـدق مع ربك وحلــــلَها وحـــــرمـــها آمانه والآمــانه واجد من الناس مَخــــــــرهــــــــا ولا ترضى بغير النايـفه ترقى تجهــــــمــــــها ترى بعض الدخــان جبال سـحبٍ من يســـــورهـا عجب كل العجب تلـقاه في ناس تسلــــــمــــها مفاتيـح النجـاح وتنـطله كنـه يـعـــــــذرهــــــــــــا وترى راع الحـطب لـولا عويداته يجــــمعــها خـبت لـه نــار والظلمى تجيب اللي يحــــــاذرهــا سباع ومن وراهـا ضباع ترقب في معـــــتمها تـبي لو عيـنه بلحظه يغمــظها وتغـــــــدرهــــــــا مثل ما نـرفض ارهابي ونرفض حكم متهمـها نـبي نثـبت لكل الـناس بعـلومٍ نطــــــــــورهـــــــا نبي نـنزل الى من طـار منا طير في قمـــمـها والى مـنا زرعـنا نقـطف من الزرعـه أثمــرهــــا وترانا منــبع الحكمه وحنا اللي نعمـــــــمــَها وفتـحنا الأندلـس والشـرق وامَنا مخاطـــــــــرهـــا فلا نفسـك تقـللها ولا بالطـيش تهضــــــــمـها وجاهـد نفـسك وجـبـها شهـاده لا تحــــــــيرهـــــــا رفعـت الراس بأولـها ومن يقـوى مـقادمــــها يـبي يقـوى بعـون الله يكـملـها الى اخــــــــرهــــــا تـعقل واتكـل بالله عسـى ربـي يسلمـــــــــــها وهي تجـري ومرسـاها عـلى الله قبـل قــــــــدًرهـا ومـبداها عزيزي المبـتعث كلمه تفهــــــمــها ونهايـتها عزيـزي المبـتعث نهـجك تـــخــــــيرهــا وهنا رابط القصيده صوتيا : القصيده الثانية وهي مناجاة في الغربه حب الديار البين وسمه فوق كتفي من الـــــــــغول ولا الناس مثل الناس ولا الدار بالدار الغربه الغربه عسى الغربه الــــــــزول خلت ضلوعي عوشز وقلبي الــــــنار وحب الديار الريح تلفح على الحــــول وكن العظام الشعل جسمي لها وجـار والشوق لديار الأخلاءعلى القـــــــــول شوق فلا مثله مع الشوق لا جــــــــار وانا سعودي والسعودي على الطـــول ما يعجبه غير السعوديه ديــــــــــــــار احب البلاد ومالي بحبها حـــــــــــــول بحجازها وبنجدها جعلها تجــــــــــــار ويادرا والله باقي الشيب والـــــــــزول وامرار حي وميت بعض الأمــــــــــرار انشهد اني شفت بفراقك الـــــــــــهول ولالي بغير رياضك جنان وامطــــــــــار وهنا رابط القصيده صوتيا : ملاحظة: اذا كانت الروابط لا تعمل بمجرد (الظغط عليها) يرجا نسخها ووضعها بالتالي في خانه العنوان في اعلى الصفحه والبحث وبذلك يتسنى لجميع الأستماع ارجوا ان تحوز القصيدتين على رضاكم والسلام عليكم ورحمة الله وبركاتة |
الله يعطيك الف عافيه بس قلبت المواجع شوي الله يحفظ لنا السعوديه ويحميها من شرور عيال الحرام والله ياليتني في السعوديه احلى بلد والله مايحس فيها اللي برا |
ماشاء الله يابو محمد صح لسانك |
صح لسانك يابو محمد نصيحه في محلها وترفع معنويات المغتربين وفقهم الله |
صح لسانك يابو محمد مع اني استمتعت فيها اكثر بإلقائك في الروم نبي اكثر وشكرا |
صح لسانك اخوي ولا شك انه بترفع معنويتنا تقبل مروري سلام |
صح لســـــــانــــــــــكـــــ يا ابومحمد يا "شاعر المغتربين " :d وماااااااااا قصرت وننتظر منك كل جديد :d |
الله يابومحمد قلبت المواجع والله ... لافظ فووك والله .... قصائد ولاروع واسمح لي ان اسميك بشاعر الزعيم او شاعر المغتربين كل حبي وتقديري لك ياعزيزي |
صح لسانك يا أبو محمد بس لي ملاحظة على العنوان إلى المغتربين و ليس المغتربون الظاهر بديت تنسى العربي don't worry, it always happen يعطيك العافية |
صح لسانك |
ما يحس بالنار إلا واطيها أعانكم الله على نار الغربة وردكم إلى أرض الوطن سالمين غانمين وحفظكم الله أينما كنتم |
صح الله شانك واعتلى شانك هذي ثمانية ابيات من اربعين بيت هذي قصيدة لي إنشالله انزلها بعدين لكم وهذا اولقصيدة احكتبها وكتبتها بالغربة اتركم مع الابيات الوزن لك عليه ما عدلتها ابد انا بس بعدلها بعدين وخبريها إني بالحيل مشتـاق لحظــــــــــة الرحــــــــــاب ***** مثل شوق المسلين لعيد الفطـــــر والاضحيـــــــــة وطمنيها إني مبتعـــــــد بالحيــــــــــل عن الشــــــــــراب ***** وما مسيتــــه وأســــــال الله إنــــــي ما اشتريــــــه و مبتعد عن الفواحش والاثم ورقصـــــــــة الــــــــــراب ***** ومبتعد عن التحديق وملاحق البنت الفاتنيــــــــــة ومتذكر مقولة كما تدين تدان إلا الخــــراب ***** ومرتجي من الله يطبـــع بقلبــــــــــي حسن النية وأطلب من الله أنه يطوي علي طــــول الاغــــــــــتراب ***** وتجعلها تمضي مثل سرعة الرياح الموسوميــــــة واطلب منكـــم كثــــــــــر الدعــــــــــاء المستجــــــــــاب ***** مــــــــــن اعمــــــــــاق قلوبكــــــــــم الحنيــــــــــة وجعل الله يشافي خالد ويهون عليــــــــــه الاتعــــــــــاب ***** ويتشافى بعون الله بالعطلــــــــــة الصيفيــــــــــة واختم قصيدي باســــــــــم الله منــــــــــزل الكتــــــــــاب ***** الخالـــــــق الــــــــــرازق دافــــــــــع البليــــــــــة سلام عليكم |
إقتباس:
كل القصيده رائعه واعجبتني ماقتبستها ... وبإنتظار بقيه القصيده عزيزي .... والله يرجعنا باسرع وقت لاهلنا سالمين غانمين رافعين الراس بإذن الله عز وجل مروورك الرائع اسعدني ومشاركتك اكثر ياعزيزي |
صح لسانك يابو محمد الله عليك والله مبدع بكل ماتعنيه الكلمة من معنى الله على هاالابيات والله يردكم لارض الوطن سالمين غانمين اخوك ashg alzaeem روم الهلال في البالتوك |
إقتباس:
اعلم ان الله يراك وآآه يالثمامه . |
| الوقت المعتمد في المنتدى بتوقيت جرينتش +3.
الوقت الان » 02:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd