|
لدي مشكلة في توفير راتبي؟؟؟ وش الحل..... من الي فيكم يا شباب لديه حل لنا يليت تقولونه وتفيدونا ..... انا من 8 سنة وانا ماستطعت ان اوفر من راتبي مايعنني على نوائب الدهر الابالسلف يعني اذا نويت ادخل الاسهم مثلا تدينت فلوس وسددت بالتقسيط:no: والله راتبي جيد حول السته لكن الله المستعان:wallbash: |
خصص شوي للصدقه |
8 8 8 اتفق مع الاخ .. تصدق ولو بشي يسير .. وحاول توزيع راتبك على متطلباتك الشخصيه بادئ بالاهم ثم الاقل اهميه .. اما المكلمات فحاول تتنازل عنها لو شهر واحد .. وشوف الفرق ! وهناك طريقه اخرى هي انك تجعل 500 ريال على جنب كل شهر .. وخلال السنه شوف راح بتكتشف انك وفرت ! تقبل فائق احترامي .. دمت بخير |
والله تكلموا الأخوان بما فيه الكفاية فعلاً الصدقة الصدقة الصدقة من أكثر واحد اذا وعد يوفي بوعدة ؟ من ؟ . . الله اكيد بتقول مايحتاج لها سؤال الله قال في محكم التنزيل { يربي الصدقات} يربي الصدقات يعني يزيدها وش تبي أكثر من كذا ،،،، والرسول صلى الله عليه وسلم قال { اعقلها وتوكل } انت بعد لازم تبذل سبب وانا اقترح فتح حساب بدون بطاقة صراف وتروح للبنك وتكتب امر مستديم للتحويل لهذا الحساب باللي تقدر عليه ولاحظ لاتظغط على نفسك بعدين ماتقدر تكمل يعني احسبها مع نفسك وحط تحت اللي تتوقع ،،،، تقبل تحياتي ،،،، |
أولا الصدقة لا تنساها :) وثانيا أنا باذكر لك قصة وبإذن الله بتستفيد ..s60s فيه مرة أحد المعلمين عطاني لاب توبه يبيني أسويله عرض بوربوينت طويييل ..:eek: المهم يوم رجعت البيت وأفتح اللاب توب إلا وبسطح المكتب ملف أكسل اسمه التوزيع .. طبعا أنا من غريزة اللقافة اللي فيني قمت وفتحته ...:upset: :p وألاحظ إنه مقسم راتبه بالتمااااام:yes: .. جزء صدقه .. وجزء للأقساط .. وجزء للوالد والوالدة .. حتى لبنزين السيارة جزء ..:p يعني ما خلا شيء وفيه .. تحت الباقي .. وهذا الظاهر اللي بيوفره :) فأنت نظم راتبك على هذا النحو <<<< متعوب عليها :D ما يستفاد من القصة : :yes: * أحد الأساتذة أعطاني اللابتوب حقه وهذي مستحيل تصير لأي واحد منكم لأن أغلبكم شياب .:D * لا تحط ملفاتك الخاصة بسطح المكتب وإلا شافوها الملاقيف أمثالي .:D * نظم راتبك ووفر حتى تستفيد منه في يوم من الأيام العسيرة .;) وشكرا s13s سكبكب |
فيه عدة طرق لتوفير لنوائب الدهر 1ـ الصدقة والزكاة >>>>> لازم تزكي اموالكـ وانت شكلكـ ماعندكـاموال كله ديون في ديون بس يله عليكـ بالصدقة 2ـ اكثر من الاستغفار 3ـ افتح حساب اخر غير الحساب اللي ينزل فيه الراتب يسمى (حساب توفير) اتفق مع البنكـ انه يستقطع جزء من الراتب ويحول في حساب التوفير انت من يحدده المبلغ المستقطع بعد تحديد مسؤلياتكـ و متطلبات الحياة ملاحظة لاتطلب بطاقة صراف لحساب التوفير الا بعد مضي سنة او اكثر او اذا وصل الحساب لمبلغ معين ولاتنسى الزكاة اذا حال عليه الحول تذكر قوله تعالى (وَالَّذِينَ إِذَا أَنفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَامًا ) هذا اجتهاد ورأي قد يناسبكـ وقد لايناسبكـ |
والله العظيم حلولكم اكثرها تم تطبيقها لكن من غير فائدة المواد الغذائية اسعارها كل يوم في ارتفاع عندك الكهرباء بعد انا من سكان العاصمة يعني 6 شهور المكيفات وجميع البيت في حالت استنفار البنزين ::::::::نوعاااااان ::::ههههههههههه افهم ياشاطر؟؟؟ الجوال +النت+هاتف المنزل العلاج الآن في الخاص ، والأطفال الصغار تعليم خاص ، وكل يوم تجديد لشيء في المنزل ؟؟؟؟؟؟؟ واخيراً الصدقة اي بالله الصدقة هي العلاج لكن الله يكتب الي فيه الخير انشاء الله نحن نحب الجميع يشارك بطرقهم اشكركم مرة ثانية على الطرق ولاساليب للتوفير ومنكم نستفيد |
انا رائي من رائ الاعضاء |
إقتباس:
أحيانا يبي لك تطنش قضية التوفير عشان توفر و الله من جد الشهر اللي اتعصر فيه عشان اوفر .. اتعذب و تتطلع لي مصاريف ما ادري وش جابها هذا و ما عندي جوال بس عندي كهرباء و انترنت و تلفون و وو .. و الشهر اللي اسحب على أم التفكير في التوفير تلقاني موفر قرشين في نهاية الشهر و برضوا زي ما قالوا الأخوان .. عليك بالصدقة .. و الله يعينك :yes: تحيتي |
أتفق مع الأعضاء بمسأله الصدقه وكثره الإستغفار |
مالك إلا الصدقـه ... وأنك تروح لوالديـك ويدعون لك بالبركـة .. وكثـرة الاستغفـار .. |
اشتغل حرامي بعد الظهر ............ لاتزعل مني .. بس لاتتوقع انك توفر من راتبك .. خصوصا انك تبيه للأيام السوداء والراتب ( معاش ) يعني للإعاشه بس .. حقت شهر .... صحيح كلام الاخوة الاعضاء في مسأله الصدقه .. لكن ايضا عليك بدخل اخر .. بس مو بشغلة حرامي بعد الظهر لا هههههه ياتدور لك شغل اخر .. او تسوي بزنس خاص حتى براس مال بسيط .. التجاره هي اللى فيها خير صدقني والله يرزقنا واياك ويجعل رزقك من حلاله ويبارك فيه تقبل مروري |
عليك بالصدقه |
أنا رايي ياطويل البقاء والسلامة إنك تاخذ قسط مثلاً خمسين ألف وتدخل مشروع أو أسهم أو أرض وتخليها عندك وتبدأ تأخذ من راتبك للقسط (فمثلاً القسط ألف وخمس شهرياً ) طبعاً راح تنزنق أول ثلاث أشهر لكن بعدين راح تتعود وتأخذ على الأمر .. وبعد سنتين ونصف تقريباً تجد أنك سددت القسط ووفرت لك قطعة أرض بخمسين ألف 00 |
اخوي اولا لازم تتاكد انه مصدر هالراتب حلال معليش بس لو كنت تشتغل ببنك وكلنا عارفين كيف تبي البركة بالراتب ثانيا الصدقة والاخوان اشبعوها نقاش ثالثا من الان وصاعدا لا تاخذ اي قرض ابدا حتى تنتهي من سداد كل القروض الحالية رابعا مد رجولك على قد لحافك انت طلبت اراء وانا اقول ما يحتاج مدارس خاصة للاولاد خصوصا انه انت شلكلك باقي صغير يعني الاولاد اكيد تحت المتوسطة او حتى بالثانوي ممكن المدرسة الخاصة جيدة لطلاب الثانوية وحتى هالحين الغوا اسئلة الوزارة يعني مايحتاج مدارس خاصة ابد خامسا اسال الله الرزق والبركة لان الله قادر ان يجعل بركة 10000 في راتبك وقادر ان يرزقك من حيث لا تحتسب اسال الله ان يرزقنا واياك رزقا حلالا طيبا مباركا |
| الوقت المعتمد في المنتدى بتوقيت جرينتش +3.
الوقت الان » 12:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd