عليك بالعيسى صحيح انهم غالين
لكن مهوب مثل الجميح يرخص لك ويبهذلك بعدين

الله يعينك بس

الله يعينك ..

ياخي رجيع الاسترالي وش ترجي منه

وتلاعب الجميح ومنهم على شاكلته للاسف

اقولك ارفع شكوى الى المركز الرئيسي للشرق الاوسط في دبي وشوف شلون يربون الجميح من

اكبر واحد الين اصغر بزر

واقولها لك الشركة الام لاترضى باللعب بسمعتها انا اعرف انه شخص اشتكى عليهم في هامر وهم ابتلشوا

وصلحوه له وعطوه سيرة مدة الاصلاح يستخدمها ولارضي الا بسيارة فارهة عطوه يوكون حتى صلح

الكلام دى موديل 2005 لانه ارسل ايميل للشركة الام

اتصل على الارقام هذي

0097144290352

0097144290353

طبعا هذا رقم جنرال موترز بدبي

لاتخلي شي الاوتقوله

الدعاء ولاغير الدعاء

والله يالغااالي غريبة انا انسان معي لومينا لاعن جدها وخرب علي القير أربع مرات (سواء استخدام مني ) وأوديها الوكالة وغيرو القير لي أربع مرات وبتكلفة كل قير لحاله 22000 ريال تقريبا ولا قالو شيء وكل مرة يستقبلوني أحسن استقبال ويعطوني موتر بديل بعد 48 ساعة من ادخل موتري وغريبة مشكلتك كمبيوتر بس (برمجة تكفي) بـ1300 ريال ويسون معك كذا !!

انت كابرس اما انا شاري كاديلاك 2005على عزه وفل كامل بعد وما يشتغل تخيلوا او يطفى وانا مشغله وكل مارحت لمهم قالوا لي البطاريه اظاهر ما عندهم غير ذا التصريفه

أنا بعد مستغرب من اللي صار لك أخوي .. لأني تعاملت معهم كثير .. صحيح ان فيهم كذب ونهب صريح عينك عينك .. لكن اللي صار لك وانا اخوك ما ينسكت عليه .. ياخوي فلوسك هذي تعبك وشلون ترضى أحد ياكلها منك وانت واقف ما تتحرك؟؟

انا كل ما وقفت لي شغلة مع الجميح اتصلت على جنرال موتورز بدبي .. وهم هناك يدبرون أمورك عند الجميح .. خلاص انت علاقة مع الجميح تنتهي بعد ما تتصل بجنرال موتورز ،، تصير تتابع مع واحد من موظفين جنرال موتورز يعطيك رقم جواله ويكلمك ويعلمك بكل خطوة تصير.. وطبعا مدام جنرال موتورز هي اللي تبي تتابع مع الجميح طبيعي ان الجميح يبي يمشي الشغل تمام غصبن عليه لأن عمه واقف على راسه .. وانت الكسبان وانا اخوك .. مع اني مابي منك تكسب أبي تاخذ حقك منهم بس .. لأن مسألة ان احد يبهذلك وياخذ فلوسك بشكل مباشر او غير مباشر هذي جريمة .. وين عايشين فيه حنا؟؟ محنا عبيد عنده تعبنا وفلوسنا له طال عمره ..

اتصل على الأرقام حقت جنرال موتورز اللي حطها لك اخوي مجنون الموج الأزرق .. وأكد على جنرال موتوز قل لهم "انا مالي تواصل مع الجميح أبداً .. انا أبيكم انتم تتابعون معه وتعلموني"

ولا تترك حقك.. والكابرس يعوضك الله بأحسن منها بإذن الله

والله حراااااام عليهم انصح اي واحد لايشتري سياره من وكاله شفر ليت

الله يعينك على ما ابتلاك به
ويمكن تكون خيره لك

الله يكون في عونك يابدر ........... وش دراك اني ببيع الكابريس حقي 2005 ....... واشتري كامري ولو 2006 ........... المهم والله ارتاح من بعض مشاكلها ............

والله الددسن احسن هههههههههههههه؛؛