|
من مشجع نصراوي ::: شكراً جماهير الزعيم السلام عليكم انا مشجع نصراوي و اشتركت في المنتدى لسبب رئيسي و هو شكر جماهير الزعيم بعد مبارة كوريا اللي اضاع فيها سعد الحارثي هجمة لا يضيعها سعد. تمنيت ان تفعل عضويتي باسرع وقت لاشكركم على الوعي و الإنصاف اللي افتقدنها لفترة طويلة. طبعاً بعد خروجنا من كاس آسيا نقول الحمد الله على المنتخب اللي يبشر بخير و اتمنى ان المدرب و الاتحاد السعودي يستفيد من الاخطاء اللي صارت في هذه البطولة و و يتجنبوها في البطولات القادمة. و الحين ابي اوجه موضوعي لكل رياضي منصف و محب للاخضر بدون المجاملة لالوان الاندية و هالشي ممكن يوضح نقطة مهمة و هي اختلاف جماهير النصر مع المنتخب و اسبابه. المشكلة تكمن في عدم منح سعد الحارثي للفرصة بينما نجدها تمنح لمن هم اقل منه مستوى امثال (احمد الصويلح, محمد العنبر, يوسف السالم, صالح بشير) طبعاً بتواجد المدرب السئ جداً باكيتا و اللي نجح مع فرق ممكن انها تنجح مع اي مدرب (الهلال و منتخب البرازيل للناشئين) و هالفرق لما تلعب بطريقة دفاعية و تقتنص هدف في اي وقت اكيد انها راح تحقق بطولات و الفرق هذي كبيرة فاتمنى ان ننضر للموضع بإنصاف. يعني اللي ابي اقوله بإختصار لو سعد الحارثي يلعب لنادي الهلال و لم ياخذ فرصته بل يلعب أخر عشر دقايق او بمنى اصح يدخل في الدقيقه 88 او يتم استدعائه و يكون خارج التشكيلة مثل ما حصل في دورة الخليج ايش راح يكون شعورك كمشج هلالي؟ طبعاً انا ما اقول انه افضل من ياسر او انه المفرض يلعب مكان ياسر لكن اقول انه انظلم و ما اخذ فرصته مثل مالك مثلاً و هالشي هذا راح ياثر على اللاعب و المنتخب. في الختام اشكر كل مشجع هلالي منصف و بالتوفيق للهلال و النصر في الموسم المقبل و اللي برجوعة راح يكون المنتخب في افضل حالته بسبب المنافسة اللي راح تصير في الدوري بين اللاعبين و المناسفة على المراكز في المنتخب. و ان شاء الله الموضوع الثاني اكتبه لإبارك لكم في بإنجاء للاخظر |
تسلم ع الموضوع واهلا بكـ |
مشكرر على الطرح الرائع ( مع انو فيه انحياديه ) |
مشكور اخوي على حياديتك انا من الناس المعجبين بسعد مشكلة سعد انه من بعد تصفيات كاس العالم شاف نفسه وصار يتكبر ويرى نفسه اكبر من انه يكون بالاحتياط على عكس بعض اللاعبين اللي يحترقون ويبذلون مجهود بالتمارين هذا ما يعني ان سعد من افضل المهاجمين السعوديين بالوقت الحالي |
سعد نجم و صغير في السن و ينتظره مستقبل مبهر يجب عليه أن يعمل أكثر و يجتهد أكثر حتى يثبت للجميع نجوميته ياسر مالك سعد نجوم نفخر بوجودها |
ايه هذا اللي نبيه .. سعد مهاجم متمكن .. وأرى انه اذا دخل بديل في آخر عشرين دقيقه .. يعمل بشكل افضل وقد يحسم لك مباراه .. تمنيت انه ياسر + سعد في خط الهجوم .. سعد رأس حربه وسياسر مهاجم متحرك . مشكور على مشاعرك :) |
إقتباس:
والشكر كله للادارة .... |
صح كلامك وانا من محبي سعد الحارثي ابو مشعل ومشكوووور على الموضوع |
سعد بطل ... لكن ما عطووه فرصة .. صدقوني لو يعطونه فرصة بيضيع ثلاث هجمات لا اكثر .. لكن شوفوا وش بيسوي بعدين سعد بطل لكن المدرب لو يلعبه آ خر ثلث ساعة راح يسووي اشياااااء و اشيااااء ,, لكن شوفوه مع النصر الموسم الجاي وش بيسوي حيث بيكون معه التون خوزيه ومرزوق العتيبي .. لكن ان شاء اللــه الأخطاء يدرسونهــآآ . << ملاحظة : انا كنت من مشجعين النصر ولكني الآن تركت التشجيع .. ولا اشجع اي فريق لكن لا زال حب النصر في قلبي .. وبالتوووفيق لكل لاعب سعودي .. |
مشكلتنا العاطفه.....!!! اولا مشكور على روحك الرياضيه واخلاقك الراقيه..s60s ثانيا والاهم وهي ان سعد مظلوم لانه ما يلعب الا اخر خمس دقايق.. يأخي الاعب يوجد من هو افضل منه فلماذا يلعب !!!! خله ينطق في الاحتياط الين يثبت نفسه وبعدها المدرب يدوره والجمهور يدوره.. اما عشانك نصراوي ولا عندكم الا هالولد تبون تلعبونه غصب على حساب لاعبين افضل منه .... هذا منتخب ... يعني للجميع ... والافضل هو فقط من يلعب.. اختلاف الراي لا يفسد بالود قضيه;) مشكور,,, |
محد ينكر ان سعد لاعب كبيـر ,, وهلا فيك بالمنتدى |
يسلموو اخوي على الموضوع المطروح بعقلانيه وانا ودي اكلمك بالمنطق شووي ،،، انت انسى سعد النصرااوي خلنا في سعد الاخضر ،، هل يستحق يلعب اساسي في المنتخب ...؟؟ لا واقولها للمليون لا ببساطه اهدافه حظ صدفه .... اتمنى التوفيق لسعد واتمنى انه يكون بافضل المستويات مهما كان فهو لاعب سعوودي شكرا أخوي على موضوعك وياليت جماهير النصر مثلك ...!!!! |
إقتباس:
وسعد لاعب كبير ومايحتاج شهادة منا ...وبالنسبة لإدخاله في التشكيلة أعتقد هذا من عمل المدرب ...وياليت تشاركنا دايم بالمنتدى ..:yes: إقتباس:
|
دام المنتخب يلعب كلنا اخوان والحين نرجع للعبة القط والفأر بالرجوع لمنافساتنا المحلية ههههههههههه تحياتي اخوي على طرحك الراقي وانت والشهادة لله مثال لكل رياضي مثالي الف شكر على مشاركتك المتميزة |
منور ياغالي وسعد كبير وهاردلك لمنتخبنا |
| الوقت المعتمد في المنتدى بتوقيت جرينتش +3.
الوقت الان » 08:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd