|
انا في حيره من امري ممكن مساعده والنصيحه بسم الله الرحمن الرحيم ,, والصلاة والسلام على افضل الأنبياء والمرسلين سيدنا محمد اخواني اخواتي حبيت استشيركم وخاصة اني في حيره من امري ,, اخواني انا الحمد لله والمنه اني الله وفقني وطبعاً هذا كلة بدعاء الوالدين اني انقبلت في عدة محلات منها جامعة الملك عبدالعزيز علماً اني مسجل في كلية الهندسة وانقبلت لكنهم ارسلو لي كليات النظام مادري هل هذا قبول هندسة او قبول مثل جامعة الملك سعود حسب الأماكن الشاغرة جامعة الطائف تخصص هندسة او إدارة مالية كلية الجبيل الجامعيه ,, سكيكو ,, ترشيح مبدئي للإختبار شركة فلا للإبتعاث ,, ترشيح مبدئي للإختبار وعندي والله اني محتار ماني عارف وين اقدم علماً اني عندي طموح للبترول او هندسة الرياض لكن ماأظمنهم وخصوصاً ان نسبتي في التحصيل مو لذيك الزود فياليت تساعدوني وتشورون علي والله اني محتار علماً ان موعدي للإختبار في سكيكو وتسليم الشهادة في الجبيل الجامعيه يوم واحد وإذا سلمت ماقدر اخذ الشهادة وكذلك في جدة ونفس الوقت مع الطائف في نفس الوقت على ان جده ماتسلم الملف الا بعد 3 شهور فياليت تساعدوني الله يساعدكم إن شاءء الله وتشرون علي علماً ان ميلوني هندسية 100 % تحياتي لكم |
يا طويل العمر جامعة الطائف لا تروح لها لان شهادات الجامعات الجديده عادة الشركات لا يعترفون فيها وشكرا |
يعني الطائف اخليها تولي ,, |
من أعظم العبادات حال تشتت الذهن ونزول الحيرة بالإنسان صلاة الاستخارة التي دل عليها النبي صلى الله عليه وسلم إذا قال : (( إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " )) رواه البخاري |
اخوي محمد انا انقبلت العام الماضي في جامعة الملك فيصل كلية علوم الحاسب في الاحساء وكنت خلاص بروح لها ورافض تدخل الاهل كان المفروض اسلم الملف وم السبت ليلة السبت صليت صلاة الاستخاره وطلبت من الله الخيره في الامور وبعد كلام الوالده تركتها ودخلت كلية العلوم في جامعة الملك سعود وهي اللي يقولون لها مقبرة الجامعه مواد صعبه جداص جداً تخيل رياضيات وكيمياء وفيزياء وحاسب واحصاء وانجليزي كلها مواد ندرسها بشكل مفصل وممل بعد دعوات الوالده لي نجحت فيها كلها خلاصة الكلام امك امك امك هي سبب سعادتك في الدنيا واسمع كلامها ولا تنسى صلاة الاستخاره والله يوفقك ترا والله الكلام طالع من قلبي اخوك ومحبك محمد |
إقتباس:
جزاك الله خير s60s |
ابعد عن الجامعات الجديدة وحاول تروح للكلية الي يعترفون فيها اصحاب التوظيف |
مشكورين اخواني على الرد ومثل ماقال الأخ محمد صلاة الخيره افضل ومشكور اخوي على الحديث ومشكور اخوي إنسان عادي على النصيحه وإن شاء الله نشوف راءي الأعضاء الباقين |
هلا فيك .. إقتباس:
والله يوفقك .. دمت بخير |
ما اقول الا الله يوفقك وانا والله ما عرف لاجامعات ولا مشغله حدي مدرسه |
مشكورين اخواني عللى الردود وصحيح مثل ماذكرتم افضل الأشياء في الإستخاره |
هلا بـ محمد بن عبد المحسن . هندسه s45s :( وه بس يازين الهندسة الإلكترونيه ... أتمنى وأتمنى وأتمنى وأتمنى إلى يومك أني ادخلها لكن يــــــــــالله قدر الله وماشاء فعل ...:) من عندي تؤكل ع ربك وصل وأستخير وفي كل صلاة لك أدع ان ربي يسهلك امورك ويكتب لك التوفيق ، تحرى ساعات الإستجابه :) عندك الحين قبل اذان المغرب أجلس بـ غرفتك وادعوا ترى يوم الجمعة في ساعة مستجابه فيها الدعوه عاد الله أعلم وشو هـ الوقت :) . بـ النسبه لـ ميولك عندي تدخل قسم أنت تحبه أفضل بكثيرررر من أنك تدخل قسم مالك رغبه فيه :) .. ع العموم ماعندي خبرة وش أفضل كلية فيها قسم هندسه ويمكن اخواني الأعضاء يفيدونك أكثر .. بـ التوفيق لك ،، الفيروسه الزرقاء |
الله يكتب اللي فيه الخير لك , |
الله يوفقك ويكتب الي فيه الخير لك |
إقتباس:
فتراها احسن كلية هندسة في السعودية حصلت من سنتين على الاعتماد الاكاديمي ( ABET ) وهذا الاعتماد يعني تقدر تتوظف بشهادتهم في اي مكان بالعالم وترى الاعتماد هذا حتى جامعة الملك فهد بالظهران ما حصلت عليه إقتباس:
إقتباس:
بس انت تقول ميولك هندسة جامعة عزوز اطلق شي إقتباس:
إقتباس:
يعني ما يبون الا كباتن ولا بتحصل عندهم تخصصات هندسة كهربائية او تخصصات الهندسة الحلوة اتمنى اني افدتك وعليك بصلاة الاستخارة |
| الوقت المعتمد في المنتدى بتوقيت جرينتش +3.
الوقت الان » 01:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd