|
وتلومني فيك يوم أغليك اول شي احب ابارك لقائد مسيرتنا خادم الحرمين الشريفين الملك عبدالله بن عبدالعزيز وصاحب السمو الملكي الامير سلطان بن عبدالعزيز ولي العهد والى صاحب السمو الملكي الامير سلطان بن فهد والى صاحب السمو الملكي الامير نواف بن فيصل قائد منتخب الاحلام (dream team) وإلى كافة الشعب السعودي بكل مناطق المملكة بهذا التأهل الى نهائي اسيا وهذا ليس بمستغرب على منتخب قهر كل الظروف من سفر بين دول وصعوبات ومعوقات كبيرة واجهها بكل بسالة وأثبت للعالم اجمع ان الكرة في اسيا ليست حكرا على اليابان وكوريا ... صراحة مباراة اليوم من العيار الثقيل وصنفت من افضل مباريات اسيا على الاطلاق وان كانت اليابان مسيطرة في اغلب المباراة الا ان نجومنا ابوا الا ان يفرحون شعبهم ويهدون انجازهم الى شعبهم الغالي ... وقدم نجومنا مستوى مميز امتدادا لمستواهم المتطور من مباراة الى اخرى بداية من كوريا ونهاية باليابان وعقبال العراق ان شاء الله ... في خاطري كلمة لكل لاعبين منتخبنا الابطال في عبارات مختصرة : ياسر المسيليم : انت بطل بس ياليت تنتبه من العرضيات اسامة هوساوي : استمر على مستواك يااسد وليد عبدربه : كبير ياوليد احمد البحري : مستواك في تحسن بس ياليت ماتسمح لللاعبين مايرفعون وانت واقف تفرج كامل الموسى : بيض الله وجهك خالد عزيز : وش اقول بس وما اقول الا لله درك يابطل سعود كريري : ياليت تراجع حساباتك شوي تيسير الجاسم : بالفعل انت من يقلب موازين المباريات احمد الموسى : كبير كبير يااحمد وانتبه من الغرور عبدالرحمن القحطاني : مستواك في تطور عبده عطيف : والله فقدناك عمر الغامدي : والله الاصابة حرمتنا من ابداعك يابو فهد سعد الحارثي : ماقصرت يالغالي وتبقى لاعب مهم مهما كان مالك معاذ : صمت عن التسجيل وافطرت في مباراة اليابان وكان احلى فطور يابطل قائد منخبنا ياسر القحطاني : انت اللاعب الافضل في اسيا وانت كبير هدافيها وبانتظار رفعك لكاس اسيا يالقناص وليسامحني بقية اللاعبين اللي ماذكرت اساميهم ... وما انسى المدرب المغمور سابقا الكبير حاليا انجوس اللي صنع منتخب الاحلام .... وسامحوني على الاطالة وان شاء الله نحتفل بالكاس يوم الاحد القادم وتقبلوا تحياتي اخوكم : الباسل |
مشكورررررررر واصل ابدعاك ان شاء الله ياسر يرفع الكاس |
كلامكـ رائع..ونصائح اروع عوووافي |
مشكور ,,, |
وإن شاء الله نحتفل بالكأس يوم الأحد |
يعطيك العافيه بس لي نقطه عن احمد البحري والله العظيم انه نجم وفنان والله يوفقه |
إقتباس:
الله يسمع منك ان شاء الله يارب ولا تحرمنا من ردودك ومشاركاتك يالغالي |
الى الاماام وواصل ابداعك |
إقتباس:
شكرا على مرورك وعلى مشاركتك وابداء رأيك |
مشكور يالبــــــــــــاسل عالموضوع الحلو ولاعبينا يستاهلون كل خير وانشاءالله يرجعون بالكاس |
يعطيك العافيه اخووي الباسل ومشكور ماقصرت على الموضوع الرائع وأنا اشوف ان الشباب ماقصروا وبيضوا الوجيه وأعطوا صوره جميله عن بلدنا والى الأمام ان شاء الله تقبل تحياتي |
واله بصراحه يااخ الباسل ترى البحري ماعطيته حقه مع احترامي لك هو اللي يغطي اغلاط كريري والحارس واسامه ووليد وانتبه للنقطه هذي وبدون تعصب الله يرحم والديك |
كل الشكر لكل من شاهد الموضوع سواء رد عليه او لم يرد وبالنسبة للموضوع يكون اراء خاصة فيني وقد اصيب وقد اخطئ واختلاف الراي لايفسد للود قضية ودمتم في حفظ الرحمن |
بالتوفيق للمنتخب السعودي |
| الوقت المعتمد في المنتدى بتوقيت جرينتش +3.
الوقت الان » 02:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd