|
رأيي حول قناة الكاس والتعصب اللي يقال بين الاعضاء .. السلام عليكم .. مبروكين التاهل لنص النهائي وعقبال ما نفرح بتعطيل الكمبيوتر الياباني .. آمين :) صراحة انا قريت كذا موضوع بالمنتدى حول قناة الكاس القطرية وحول انها متعصبة ومذمّمة لكل ما هو سعودي سواء كان بالانجازات او بالاخفاقات .. اي نعم كانت وجهة نظري قبل البطولة هكذا وكنت اقول ان القناة متعصبه لابعد درجة , ولكن اللي شفته بهالبطولة غير .. برأيي قناة الكاس كانت من اكثر القنوات محادية وغير متعصبه لفريقها القطري , وشفناها كيف كانت تتغنى بالفوز على الاوزبك والتاهل لنصف النهائي مع العراق الشقيق .. اي نعم المجلس يملك ماجد الخليفي << ان ما غلطت باسمه >> وهو اكبر حاقد على الكرة السعودية باكملها .. وهذي الحقيقة ما يمكن اننا نخفيها .. بس لا تاخذون الجانب السيء ونمسح الجوانب الايجابية .. أولا ً برنامج المجلس " عموما ً " بعيد عن التكلف ومافيه من المبالغة بالكلام والتحليل بل على العكس تلقى الكلام بين الشخصيات خفيف جدا وفيه الكثير من المزاح والضحك ، وبدون فلسفه وبدون غصب اراء .. ثانيا ً أغلب المحللين المتواجدين بالبرنامج محايدين الا الاخ ماجد .. حتى مذيع البرنامج " اللي كنت اقول عنه في وقت سابق بأنه متعصب " شفته هالبطولة حيادي لابعد درجة و مبارك للمنتخب السعودي والمنتخب العراقي بدون اي زعل ولا تعصب .. وغيرها كثير ! بصراحة اتمنى من الاخوة الاعضاء اعادة النظر في هذي القناة ، وبرأيي انها افضل من ناحية الحيادية والتكامل وبمراحل من قناة الجزيرة " المتعصبه " ودمتم سالمين .. :) شباب ترا الموضوع كله على بعضه ابداء رأي فـ رجاء خاص .. لحّد ياكلني :rolleyes: :d وياليت كل من قرا الموضوع " كاملا ً " انه يبدي رأيه .. والاختلاف بالراي لا يفسد للود قضيه .. s45s |
اخوي الحين فيه اثنين غير الخليفي واحد امارتي وواحد عماني |
القطو الازرق أوافقك بالرأي قناة الكاس تغيرت 180 درجه .. وبالتوفيق لصقورنا الخضر |
هههههههههههههههههههههههه..محد ماكلكـ القناه حياديه لكن فيه بعض المحللين يرفعون الضغط.. مثل القطري ماجد الخليفي< اظن هذ1 اسمه دآئما يحآرب منتخبنا شكرا لك على الموضوووع.. |
ألمجلس بخير .. ول لم يكن الخليفي موجود .. وشكرا للقناة للاحتفال بالاخضر . دمت بخير |
والله انا متابع القناه من اول مفتحت حتى في الدوري القطري الخليفي متعصب للغرافه بشكل غير طبيعي حتى دائما ما يدخل في جدال مع خالد جاسم المذيع المتالق وصدقوني خالد يفرح للسعوديه كثير من جهة ماجد سبق وتداخلت معه بالبرنامج وجالس يبرر عموما الخليفي والسيلطي وجهان لعمله واحده بينما باقي ضيوف المجلس رائعين جدا تحيتي لك. |
انا معك اخوي قناة الكاس تفوقت على قنوات كثيره منها المشفره ببرامجها وأخراجها .. يعني مع أاحترامي للقناة الوحيده الرياضيه لدينا لم نرى فيها برامج تثري بهذي البطوله بل مانشاهده هو أغني وأصبحت وكأنها أف أم ... ولكن نحن ومع الأسف لا نرضى بمن يتلكم بوضوح ودون مجامله قناة الكاس قناة حقانيه وأخص مقدمها المبدع خالد جاسم ماشاء الله عليه حضور ويدير الحوار بشكل جيد |
النقطة السوداء لاتزال كما هي وهي ( ماجد الخليفي ) وماعدا ذلك البرنامج يستحق المتابعة تحياتي |
إقتباس:
|
المشكلة ان ما نعرفلهم ينقلبون في اي وقت على حسب الظروووووووف |
ياشباب وش سوا اخليفي هذا |
والله انا ما اتابع التححليل بين الشوطين ولا حتى بعد المباراة خصوصا اذا كانوا الشباب معي احنا نحلل بانفسنا بس انا اتابعهم في الليل برنامج مرة محترم باستثناء الخليفي طبعا وجابوا واحد جديد جيد عماني مو اللي بعارض ..... الثاني هذاك عاجبني |
مشكورين ع المرور .. واتمنى اشوف اراء اكثر حول الموضوع .. :) |
إقتباس:
هذا الكلام والله يفك السعودية من شر هذا الحاقد :thumbup: :thumbup: :thumbup: :thumbup: :thumbup: :thumbup: |
اشكرك اخوي على ابداء رأيك .. غير هذا الشخص الذي يسمى ماجد الخليفي .. هناك اللاعب الكويتي السابق .. عبدالعزيز العنبري اذا كنتوا متابعين البرنامج زين كان دققتوا في كلامه وقت مباراتنا مع البحرين وشلون حطم المنتخب السعودي بعدين ابي اعرف شي واحد ليش ابعدوا .. خليل الزياني .. ؟ الف شكر على موضوعك أخوي .. |
| الوقت المعتمد في المنتدى بتوقيت جرينتش +3.
الوقت الان » 08:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd