مساكم الله بالخير ..
أول شئ أشكر أخوي صاحب الموضوع على رؤيته المتفائلة المتعقلة ..
الشئ الثاني ، والله ياشباب إن الواحد يستغرب من بعض الكتابات الي يشوفها !!
واحد من الأعضاء الي ردوا يقول إن اليابان منتحب خارق ؟؟؟؟؟!!!!!!!!!!!!!!!!!!
هذا العضو ياإنه مايعرف وش معنى كلمة خارق ياإنه مايعرف بكورة القدم شئ ..
ياناس منتخبنا منتخب شاب طموح يبحث عن إنجاز يسجل بإسم الوطن ويقوده
مدرب مغامر رائع بكل ماتعنيه هذه الكلمة من معنى ، رجل شرعبالعمل وترك
الثرثة والقيل والقال للمتخصصين بها ، ياسعوديين منتخبنا منتخب متطور
ويوم ورى يوم يبهرنا ، ولايؤخذ كلامي على إن منتخبنا ماعنده سلبيات ،
منتخبنا فيه سلبيات ولكنها تعالج بكل فتره وهذا الفريق فريق يعد للمستقبل
الكل كان يتوقع خروجنا من الأدوار التمهيدية ، وهانحن اليوم في مواجهة اليابان
في نصف المهائي فلله درك ياوطني ولله درك يامنتخبنا ولله دركم ياقادتنا .
نهاية الكلام :
في مباراة أوز باكستان سألني أحدهم قبل المباراة عن توقعاتي ، قلت 2-1
لمنتخبنا ولي مع التوقعات صولات وجولات لايعرفها إلا المقربين إلي ، وهذه
التوقعات إجتهاد وفيها توفيق ، على كلن الي أحب أقوله لكم ، والله ياشباب
فيني شعور وإحساس أتمنى لو إنه يخرج ويقابل الناس ويخبرهم عن مافيه
لكني بترجم لكم هالمشاعر ، وربي يشهد إني مرتاح لهالمباراة بشكل ماتتصورونه
كل المباريات الي راحت كنت متخوف شوي إلا هالمباراة مدري وش سر هالراحة
الي أعيشها ، بالفعل أنا مرتااااح والرسول صلى الله عليه وسلم كان يحب الفأل
آسف جدا على الإطالة لكنه منتخبنا الوطني وعندما يكون الكلام عن منتخب بلدي
فلتتحمل صفحات الإنترنت ماسأكتب لأني سأطيل وبلا حرج ..
محبكم .. والوعد بكرة يالمنتخب الخارق
!!..... The Best 4 ever
التوقيع
الوضع العادي
