+::+ عذروب (ياسر وسعد) لعبهم الفنان .. يازين (سعد وياسر) ومحلى عذروبهم +::+ - نادي الهلال السعودي - شبكة الزعيم

عبدالملك ابن سعود · #1 14/07/2007, 08:08 PM

السلام عليكم ورحمة الله وبركاته

أول شي أحب اقول ألف ألف مبروك

بصراحه ,,

اُثلجت صدورنا
وابتسمت شفاهنا ..

وسبحان الله كنت متفائل اليوم بالفوز لحد آخر لحظه

والحمدلله ربي ماضيع تعب منتخبنا ولا خيب أملنا ..

وبصراحه شويه علينا هدفين كان فيه فرص (كثيره) بس مانكره (الخيره) !

مستوى اللعيبه كان ولا أروع ,,

روحهم تفائلهم أملهم بـ الله هذي كلها مجتمعه

كانت كفيله بتحقيق هذا الفوز ..

وبصراحه أنا تضايقت عشان الهدف الحاسم للفوز كان
من سعد !!

كنت أتمنى انه من ياسر أو من أي لاعب من لعيبة الهلال !

أنا هلالي مااعترف بشي اسمه المنتخب ؟؟

مايهمني الا اللون الأزرق غيره لا !!

كنت أتمنى ان كل الهدفين من ياسر أو على الأقل الهدف

الأخير ليش كذا ليش ؟؟

خويي خالد كان يتمنى ان كل الهدفين من سعد

لكنه مبسوط كثير ومرسومه على شفاهه بسمه خبيثه كل مايشوفني

وكأنه يقول (حرّه) موت قهر ياعبدالملك مايجيبها الا نصرها !!

ياناس لعيبة الهلال أحسن من لعيبة النصر !!

أصلاَ َ < سعد > مايعرف يلعب بس هذي جت بالصدفه صدقوني !!

حتى اني انبسطت يوم ضيع سعد الهدف في مباراتنا مع كوريا ..

بس خويي خالد يقول لا

مافيه شي غير النصر !!

ويقول < ياسر > مو لعّيب مافيه غير سعد !!

وتبون الجد شانت النفوس هالمره مرّه !!

لحظه !

أنا جالس أتكلم عند الدوري؟ والا عن كأس خادم الحرمين ؟؟

يمكن عن كأس ولي العهد !!

لالا تذكرت !!

كأس آسيا ..

يعني منتخبنا هو اللي يمثلنا ؟

ايه يمثلنا كلنا !!

طيب دامه يمثلنا كلنا ليه أنا انقهرت يوم سجل سعد الهدف ؟

هل كنت راح أكون مبسوط لو كانت النتيجه تعادل مع الخصم ؟

لاطبعا ...

ونفس الشي خويي خالد هل كان بيرضى لو كانت النتيجه 0/1 بس أهم

شي مايسجل أي لاعب غير لعيبة النصر؟؟

لالا طبعا مايرضيه غير الفوز !!

طيب ليه التعصب بهذي الطريقه وكأننا في مباراة دوري !

هذا (( المنتخب السعودي ))

مافيه شي أسمه هلال نصر اتحاد أهلي كلنا واحد كلنا نمثل السعوديه !!

هذا كان نموذج من اللي يحصل من بعض المتعصبين!

بصراحه شي يدمي القلب .. المفروض تكون فرحتنا كبيره

خلاص ننسى كل شي مانفكر الا في الأخضر

المفروض تكون قلوبنا على بعض ,,

مايهم من يسجل الهدف أهم شي الهدف

( ســـعودي ) !!

أنا هلالي ولكن مافيني أي ذرة تعصب !

أتمنى ان كل لاعب من لعيبة المنتخب يسجل هدف لتبقى ذكرى حلوه

وفرحه كبيره ونصر نفتخر فيه قدام غيرنا ..

ألف مبروك الفوز مره ثانيه ..

وألف شكر سعد , ألف شكر ياسر

ألف شكر لللعيبه كلهم بدون استثناء ..

قلوبكم كانت على بعض وهذا الشي حسيناه فيكم الله يوفقكم ويحفظكم ..

وأتمنى من الجماهير المتعصبة أن يحذون حذوكم ويبعدون عندهم التفكير العقيم ..

تقبلوا وافر تحياتي ..

عبدالملك ابن سعود

بيرلوا · #2 14/07/2007, 08:29 PM

إقتباس


	( ســـعودي ) !! أنا هلالي ولكن مافيني أي ذرة تعصب ! أتمنى ان كل لاعب من لعيبة المنتخب يسجل هدف لتبقى ذكرى حلوه وفرحه كبيره ونصر نفتخر فيه قدام غيرنا .. ألف مبروك الفوز مره ثانيه .. وألف شكر سعد , ألف شكر ياسر ألف شكر للعيبه كلهم بدون استثناء .. قلوبكم كانت على بعض وهذا الشي حسيناه فيكم الله يوفقكم ويحفظكم .. وأتمنى من الجماهير المتعصبة أن يحذون حذوكم ويبعدون عندهم التفكير العقيم .. تقبلوا وافر تحياتي .. عبدالملك ابن سعود

لآهنت يآلغآلي كفيت ووفيت

مشكور

AUTI · #3 14/07/2007, 08:48 PM

إقتباس

الرسالة الأصلية كتبت بواسطة عبدالملك ابن سعود


	مايهم من يسجل الهدف أهم شي الهدف ( ســـعودي ) !!

ياســ20ــر + سعــ11ـــد = عينين في الراس

اكشخ واحد · #4 14/07/2007, 09:08 PM

عداك العيب

ياشباب تذكرو ان جماهير النصر كم مره شجعت الهلال في البطولات الخارجيه

يعني تشجع الهلال وجماهير النصر استقبلت الشلهوب في المطار بعد جائزة افضل لاعب في اسيا

وانا شخصياً شجعت النصر في البطوله العربيه.

يعني والله حنا سعودين سعودين الكلام هذا صار للانديه.
ليه مايصير للمنتخب؟؟
تكفوووووووون ترا هذا المنتخب هذا الاخضر

الزعـ20ـيم · #5 14/07/2007, 09:25 PM

أهم شي ســــــــــــــعــــــــودي

عبدالملك ابن سعود · #6 15/07/2007, 04:29 PM

اشكركم على مروركم العَطِر ..
تقبلوا التحية ..

الهلا فهد لـي · #7 15/07/2007, 04:51 PM

تسلم يدينك يالغالي وكللامك عين العقل لنبعد عن التعصب ونرجع له اذا بدا الدوري

عبدالملك ابن سعود · #8 16/07/2007, 05:24 PM

أشكرك حبيبي على مرورك ..
تقبل تحياتي