|
ماعترض على ابعاد الجمعان لكن وين العدل سبحان الله اوكي انا معكم ان الجمعان يستاهل الابعاد لكن انتضروو القائمه وبتلقون العجب العجاب بتلقوون فيها فهد المفرج الي غاب عن كل التدريبات من يوم بدت الي يتمشىى بالشرقيه عندكم خبر عنه وغيره سامي الي مصيف وتارك النادي اوكي سامي له عذره لاعب كبير ومانبي نرهقه بالتدريبات لكن فهد المفرج وشلون هذا غايب من يوم بدت التدريبات انتم تدرون ليه الجمعان غاب عن التدريبات مات احد اقاربه وجايب معه العذر لكن بسئلكم وش يفرق غياب الجمعان عن المفرج اكيد المفرج معه عذر عذره الواسطه الجمعان لو تموت امه لازم يحضر لانه للاسف مامعه واسطه والله الجمعان يساوي احمد الصويلح والعنبر جيمع لكن اصبرو عليه هو الي راهن عليه عبدالله بن مساعد ويوسف الثنيان لكن للاسف تغير الهلال انا معكم نعم للانضباط لكن على جميع اللعيبه |
توقعتك بتقارن بينه وبين سامي كان قلت معاك حق.. لكن بتقارن المفرج وهو في التمارين مواظب..وتخلي سامي وتتكلم عنه كذه؟؟ شيفيدنا تاريخ سامي في البطولة الآسيوية؟؟ يعني نقدم لهم تاريخ سامي ونفوووز؟؟ لاتصيرون عاطفيين..وانا مابي اكتب موضوع لأن الادارة اللي مايعجبها تحذفه والدليل لي 4 مواضيع محذوفة اخرها امس..وليتها تحترم العضو وتبلغه |
من قالك أن المفرج غايب ؟؟؟ إقتباس:
أجل لو تبي تكتب وش بتسوي و أوافقك في النقطة الأخيرة |
الجمعان هو عدو نفسه واتمني من الاداره ان تعرضه على قائمه الانتقال |
الجمعان نعم هو عدو نفسه مشكوووووووور وماتقصر |
الجمعااااااااااااااااان عاالمي مظلوووووووووووووووووووووووووووم وبقوووة:cry: :cry: بس فيه عليــــــه ملامــــــــــــــــــة:upset: يالحبيب سااامي وااسطاات:thumbup: وبس يصيف ويجيك بعدين اذا طاح الفاس بالراس بعدين هوو القائد يعني القدووة والمفروض يكون هو اول لاعب يجي التمارين حرصاا على اسـيـا بس وااااسفاااااااااااااااااه:cry: :cry: :cry: :cry: ولاعزاء للمدافعين عن ساامي صح سامي ماقصر هو لاعب الهلال الاولـ بس يكون الدلع من قبل الاداارة باشيااء مااديــــــة((مال سياراات)) مو دلع معنووي على حساب بقية الاعبين ((اجازات استثنائية مايجيك الااخر المووسم...)) بس يظلـــ ساااااااااااااااااااااااامي كبير والقلب حبه موو ممكن يقدر ينسااه بس الصررراحة انه مدلـــــــع على حسااب بقية الاعبينـــــ:upset: :upset: بس ودي يكوون في احسن حالاته في هالموووسم وياااربـــــــــــــــ يكون ساااامي 1426:eek: :eek: :eek: :eek: |
إقتباس:
>> يضحك يقول اللهم لاشماته اجل اربع مواضيع ههههههههههه حبيبي تراه سامي............. يعني لا تتعب نفسك... وريح راسك... والله لو تكتب ليل نهار... سامي ثم سامي ثم سامي ثم سامي.................. |
إقتباس:
|
عندك واااسطه تمشي ماعندك اقعد محلك |
هلا بك اخوي ماراح ادافع عن سامي او المفرج لكن راح احدثك عن الجمعان بسأـلك تذكر متى اخر موسم كان الجمعان فيه منظبط ؟؟ انا شخصيا من البطا ما أذكر !! تقول اعطو الجمعان فرصة وانا أقول لك كم تعتقد عمره ؟ هو لاعب ناشء عشان نعطيه فرصة ونصبر عليه ؟ انا اذكر انه كان لاعب في نهائي عام 1418 وكان لاعب قبلها .وعليك الحساب ؟ انت تحمست للدفاع عن الجمعان ومشكور على حماسك بس لعلمك مافيه لاعب في تاريخ الهلال الطويل سوى اللي سواه الجمعان قبل نهائي آسيا بيوم او يومين يركب طيارة اكبر اعداء الهلال البلوي ومع اشد الناس كرها للهلال سعيد العويران ويسافر ويضرب بالزعيم ورجال الزعيم وجماهير الزعيم _ وانا وانت منهم _ عرض الحائط مع انه وقتها كان من اهم اللاعبين بالتشكيلة والنتيجة ؟ خسارة بطولة آسيا على ارضنا وبين جمهورنا ولا تزال مرارتها في حلوقنا .. مرارة الخسارة ومرارة الفوضى التي احدثها بتصرفه والتي اثرت على استقرار الفريق وساهمت في الخسارة المرة وبعدها بكل بساطة نجي ونطالب بالجمعان ونقول عطو الولد فرصة !!! اصبرو على الولد !!! حتى متى واللي يتكلم عن الواسطات انا ما راح اتكلم عن سامي ولا عن المفرج بس جزم ان بقاء الجمعان لهالوقت بنادي مثل الزعيم اكبر واسطة و واخيرا .. تقول المفرج عندكم خبر عنه ؟ وش رايك يعني الجماهير هي اللي لازم يصير عندها خبر او الادارة ؟ يعني كل لاعب بيغيب او يصير عنده ظرف يتصل على جماهير الهلال واحد واحد يعلمهم وإذا ما سوى كذا معناها فوضوي وعنده واسطة شيئا من التعقل والمنطق من اجل مصلحة الزعيم ودمتم |
المفرج راح الخميس للشرقيه لتلبية الدعوه اللي تلقاها من قافلة الخير علشان يلقي محاضرة يوم الجمعه و رجع السبت هذا كل مافي الأمر يعني وين راح يصيف و يتمشى بالشرقيه يالغالي |
إقتباس:
|
الجمعان اكثر لاعب اخطا واخذ فرصه لكن مادام ما عنده واسطه تهول اخطائه وغيره يسوي اكثر من كذا والا فيه غيره مسوي اكثر منه لكن الواسطه وماتسوي تخلي الغياب والسياحه وضرب مصلحة النادي عرض الحائط غياب بعذر لكن حنا ما دج فينا الا مشجعين اللاعب الواحد حتى وان كان اسطوره فالهلال له الفضل الاكبر بعد الله في بروزه والمفروض يرد الجميل للنادي مو يستغل تاريخه لجمع المال والمال فقط والنادي بحريقه اتمنى من كل لاعب هلالي يحافظ على سمعة الزعيم وعدم العبث بها تقبل وجهة نظري |
الجمعان أخذ مليون فرصة وأثبت إنه في جهة والانضباط في جهة يعطون الصويلح والعنبر والكلثم والسعود فرصة أصرف |
السلام عليكم .. حياك اخوي البدر في إعتقادي والله العالم .. أن الجمعان مبيت النيه لإنتظار تنسيقه من الهلال _ حتى يذهب لحظن لولو الصغيره _ ( ابو البلاوي ) وأعتقد أيضاً أن الإداره الهلاليه على علم بهالشي عشان كذا مثبته وصابره عليه على كثر مشاكله ;) ولك في مشاركة الأخ ( رياضي قديم ) الدليل على عدم أنضباطية هذا اللاعب من سنوات ولا تنسى بأنه أحد المقربين جداً جداً جداً من اللاعب أحمد الدوخي ،، أنا بالنسبه لي والله نسيته كلاعب هلالي .. وما عاد احس بأن مكانه شاغر .. لوجود أكثر من لاعب في مركزه وفي مقدمتهم المبدع والمتألق والمتميز القناص ياسر الآسر .. أما بالنسبه لسامي الجابر فهذا اللاعب ( تاريخ ) لاعب ما اعتقد راح يتكرر مع الفيلسوف يوسف الثنيان بملاعبنا مع احترامي للجيل الحالي من اللاعبين ولكن ان يصلوا لمستوى سامي او يوسف ؟؟؟؟؟؟ أتـ ـ ـ مـ ـ ـ نـ ـ ـ ى :rolleyes: وإحقاقاً للحق كنت اتمنى وجود سامي ضمن المعسكر اللي راح يقام في تونس من بداية المعسكر ... لسبب واحد فقط .. هو استرجاع حساسيته على الكره ... بعيد عن النادي وعن أعين الجماهير .. في النهايه احب اوضح لك نقطه وحده فقط .. كنت اتمنى ان يكون بحثك عن العدل في محله .. أما انك تقارن عبدالله الجمعان بفهد المفرج فهذي فعلاً جانبك العدل فيها وظلمت فهد المفرج بغض النظر عن اختلاف وجهات النظر في مستواه الفني .. لكن هنا اتحدث عن الإنضباطيه .. فأنضباطية فهد المفرج هي من تتحدث عنه وليس نحن ... آسف على الإطاله .. وإلى اللقاء :D |
| الوقت المعتمد في المنتدى بتوقيت جرينتش +3.
الوقت الان » 04:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd