|
مـستـوى الـمـنـتـخـب.......؟ بسم الله الرحمن الرحيم السلام عليكم ورحمة الله وبركاته اول شي الف مبروك فوز الاخضر اليوم مع ان المستوى ما يأهل اننا ننافس على اللقب مع وجود اليابان والعراق والصين ما علينا نرجع لموضوعنا وهو الاهم انتم لاحظتو مستوى المنتخب هذا وحنا قدام اندونيسيا اجل وشلون لا لعبنا قدام اليابان او الصين او العراق او حتى استراليا((مع ان فرصته بالتاهل ضعيفه)) يعني فوز جاء بشق الانفس <دفاع شوارع ووسط ضايع وهجوم غير موفق> يعني انا اقول ان اول شي نسويه اننا نغير الظهير اليمين والسنتر اليمين لانه صراحه هف اندونيسيا واخطر هجماتهم عنطريق الجهه اليمنى ولو تيسير ينزل من اول المباراة يكون احسن لان تيسير افظل بمراحل من كريري خاصه من الناحيه الهجوميه وعطيف بدال الموسى (( الاعب المجتهد )) انتم لاحضتوا مستوى المنتخب بعد نزولهم وش سوينا بهم لكن لانغفل مستوى المنتخب الاندونيسي المبدع صراحه لكن من اعطاهم الفرصه للابداع....؟ الاكيد انه لاعبيننا الي لاحضت انهم ماعندهم احترام للخصم المقابل لهم اعتمدوا على اسم المنتخب واسمائهم ونسوا ان الكوره لاعترف بالاسماء الكبير والرنانه واكبر دليل المنتخب الاسترالي معضم لاعبيه محترفين بالدوريات الاوروبيه لكن اسود الفرات لقنوهم درس في احترام الخصم وهذا اكبر دليل على ان الكره لاتعترف بالكبير اتمنى اننا نشوف المنتخب في مباراته القادمه امام المنتخب البحريني بارقى مستوياته هذا رأيي الخاص ارجو من الجميع ابدء ارائه لمصلحة المنتخب اولا واخيرا تقبلو تحياتي alrssam 472 |
انا مو مقتنع بأن هذا هو مستوى ياسر ولاهو مستوى مالك ولاهو مستوى عبده عطيف عزيز مستواه ثابت وانشالله يتطور الدفاع وربي مو وشوارع ترا ماعنده خبره يعني اصبر عليهم شوي ويتكسبون ثقه واتوقع مباراة اليوم علمتهم كثير. خل الفريق يرجع لمستواه وشوف الاخضر وبالاخص الثلاثي ياسر ومالك وعطيف. انا اتفق مع في مسئلة الظهير الايمن لازم يشوف له حل. بس اخوي ترا الاندوسيين وراهم الجمهور اللي كان اكثر من ثمانين الف. هذولي لهم تاثير كبير جدا. |
اخوي :اكشخ واحد شاكر لك مرورك وتشريفك لموضوعي انا مثل ماقلت انا اطرح وجهة نظري في الاعبين والتشكيله وطريقة اللعب لكن موب لازم يكون رأيي هو الصحيح انا طرحت الموضوع لمناقشة مستوى المنتخب بين الاعضاء تحياتي لك alrssam 472 |
وين الردود يا اعضاء الموقع المحترمين......!!!!!!!!!!!!!!!! alrssam 472 |
43 زياره ولا رد !!!!!!!!!!؟؟؟؟؟؟؟؟؟؟ |
اوافقك في بعض الامور ولي وجهة نظر في امور اخرى بالنسبة لخط الدفاع الثنائي كامل وهوساوي غير معتاديين على كثرة الجماهير واما وليد والبحري قدموا مباراة افضل من مباراة كوريا مع ان المنتخب الاندنوسي يلعب بالهجمات المرتدة وخط الدفاع عموما افضل من مباراة كوريا وبالنسبة لخط الوسط عزيز عشرة على عشرة سعود كريري تراجع مستواه عن مباراة كوريا القحطاني لاعب يلعب لنفسه وينقصه الكثير ليستحق ارتداء شعار المنتخب الموسى كما قلت لاعب مجتهد ولو تذكر معي اخوي ان احمد الموسى لم يكن ذلك اللاعب المؤثر في وسط ناديه الوحدة اما الهجوم فمستوى ياسر ايضا افضل من مباراة كوريا بعكس مالك معاذ الذي لم يكن في جو المباراة ابدا وان عند ملاحظة على مالك معاذ انه لاعب انناني نوع ما ولكن هل توافقنا ان مستوى الاخضر افضل بكثير من المباراة الاولى والمستوى ان شاء الله في تصاعد وبالاخير لي وجهة نظر وهي الزج بالثنائي عطيف وتيسير على حساب الموسى والقحطاني |
إقتباس:
ثاني شي من ناحية كلامك عن وليد والبحري اتفق معك في وليد واخالفك الراي في البحري لوتشوف هدف الاندونيسي جاء من عند الجهه اليمنى الي هي من مهام البحري واكثر هجماتهم من ناحيته غير الاستعراض والاستهتار بلاعبين المنتخب الاندونيسي وغير كذا اتفق معك تحياتي لك alrssam 472 |
السلام عليكم ورحمة الله وبركاته أخي أنا أوافقك الرأي في كثير من الأمور منتخبنا مستواه سيء جدا وهذا يرجع لعدم وجود صانع ألعاب كبير يعني المنتخب افتقد الشلهوب الموهوب ومحمد نور ياسر ليس في مستواه لأنه عائد من إصابة وفيما يبدو لايزال يعاني منها ولياقته تزداد تصاعديا في كل مباراة اشراك تيسير الجاسم وعطيف بدل أحمد الموسى وكريري من أول المباراة قد يحسن من آداء المنتخب واشراك خيبري بدل كامل الموسى أفضل لأن موقع كامل جناح في الوحدة وليس ظهير عموما مستوى اللاعبين لا يبشر بخير الكل مو في مستواه عدا خالد عزيز أنا أتحدث عن اللاعبين الأساسين والمسيليم فقط تقبل مروري وتحياتي |
الأزيرق الهلالي شاكر لك مرورك وتشريفك وهومثل ماقلت |
والله مستوى جيد لاكن نتمنا المزيد لمنتخبنا امام البحرين ... |
مشكووور اخووي انااشوف ان المنتخب لعب بجديه امام كوريا ولعب المدرب على امكانات اللاعبين الموجودين معه وهذا الشي كان موفق فيه اضاافة الا ان تغييراته كانت موفقه خرجنا من امام كوريا بصووره جيده هذا الشي اعطى لاعبينا ثقه في انفسهم اكثر وجعلهم يدخلون بثقه كبيره امام المنتخب الاندونيسي ويلعبوون اماممه باستهتار اعتقادا منهم ان فوزه على البحرين كان بسبب سوء المنتخب البحريني مشكلة اللاعبين السعوديين الازليه هي الرهبه من الجمااهير الكثيفه وهي مشكلة موجوده في المنتخب منذ وقت ليس بالقصير ف شاهدنا الدفاع في مباارة اندونيسيا مرتبك كثير اما عن التشكيله ف ارى ان لايحدث تغييرا كبيرا في التشكيله نظرا لان المجموعه الحاليه منسجمه واي تغيير عليها سووف يربك خطط المدرب ويربك اللاعبين ولكن يدخل عطيف مكاان القحطااني كتغيير وحيد فقط وسيكون هنااك تغيير اجبااري لغيااب اللاعب خالد عزيز ولكن على المدرب فقط ان يبكر بالتغييرات في حالة عدم تقديم اللاعبين المستوى المطلووب خلال شوط المبااره الاول لازاال مستوى المنتخب غير مطمئن ومااقول الا الله يستر وتقبل مروري وشكرا |
| الوقت المعتمد في المنتدى بتوقيت جرينتش +3.
الوقت الان » 08:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd