الموقف 2
 

بعد الموقف الأول اللي سردته لكم واعادة الصلوات..
هذا هو رابط الموقف الاول>>
http://vb.alhilal.com/showthread.php?t=425353


الموقف الثاني:
كنا تونا واصلين لرياض الخير وحنا واقفين عند اشارة إلا نشوف الشارع اللي قدامنا مسكرينه الشرطه وفيه الدفاع المدني والاسعاف والناس متجمعين..
انا طبيت قدام عند اخوي<<اللي قال لنا وين القبله:laugh:
اقول له:تكفى رح بنا من ورا الشارع بنشوف وش فيه..وابدأ انا بحركات الاستعطاف..
امي طبعا عيت قالت: اكيد حادث أو حريق..
قلت انا: لو انه حادث ما جاء الدفاع المدني <<مسويه نفسي ذكيه..
وبادف والدفيف<<اتحدى احد يدري وش معناه؟!
المهم وبدف والدفيف طاع اخوي و ودانا من ورا الشارع..
وأول ماطلعنا على الشارع اللي فيه الحادث
إلا نشوف جثث أوادم مسدوحه بالارض وعلها قصدير (يعني متوفين)الله يرحمهم..:cry:
والسيارة معلوكه وداخله بالطريق الثاني والناس حالتهم حاله..:cry:
أنا على طول قعدت اصيح ماتوقعت الموقف كذا..كنت متوقعه انه حريق بسيط لانه كان على طريق محلات..
انا قعدت اصيح وأخوي يقول لي:قلعتك ما أحد قال لك إلا تعالي هنا أنتي اللي قلتي لي ..
وامي بعد قاعده تهاوشني..
وبعد ما وصلنا للشقه كل العائله نامت إلا انا كل مانت شفت الحادث والجثث بحلمي..
وتقريبا كل ساعه أو نص ساعه انتبه وانا خايفه لانهم كل شوي اشوفهم قدامي..

ومن بعد ذا الموقف تركت عن الشرافه وكل ماشفت اسعاف أو دفاع مدني أقول :روحوا من طريق ثاني بسرعه<<البنت حرمت تعيد ذيك المرة:yes:

ونصيحتي لكم: خلو عنكم الشرااااااااااااااااااااااااااااافه بأي شي..ترى اللقافه تذبح..
والله يحمينا وإياكم من شر الحوادث والسيارات..آآمين

هلا فيك من جديد :D
والله من اللقافه والبثاره :D
وش عليك انتي من الحوادث
انا من عرفت نفسي ما عمري وقفت على حادث لاني ادري بكره نفسي من اللي بشوفه
يعطيك العافيه

الله يرحمهم

وإتركي عنك اللقافه صدق سعوديه D:

ومواصل تصدق يوزرك يلفت الإنتباه

الله يغفر لهم ويرحمه


قصمنجيه اكيد فيك نوعاً من الشرافه

العرق دساس

إقتباس:

ونصيحتي لكم: خلو عنكم الشرااااااااااااااااااااااااااااافه بأي شي..ترى اللقافه تذبح.. والله يحمينا وإياكم من شر الحوادث والسيارات..آآمين

ارسي على بر واختاري حدا هالكلمتين شرااافه ولا لقافه

شكرا على المرور..
بعدين كل الكلمتين نفس المعنى
(كل الطرق تؤدي الى روما)<<آآآآآآه يا روما يا ليت من يروح لك
<<البنت طولت :laugh:
ولا تتطنز بالقصمان ..مع اني اشك انك منهم:yes:

ادري انهن نفس المعنى بس حبيت اتبيثر شوي

واعوذ بالله انا اتطنز بالقصمان:eek:

هههههههه

هذي نهايه اللقاافه<<<موب كنه ملقووفه ابد
ميرسي خيتو

حتى ضلالي هلالي

اجل ملقوووفه انتي هههههههه ..<<< ماتباااعدك

يسلموووو على هيك مووقف

لاعدمنااااااااااااك

هلاليه

الله يرحمهم ويغفر لهم وجميع موتى المسلمين


مشكورة على الموقف وبإنتظار جديدك

اللي مافيه لقافه هذا يعتبر مو سعودي,, :p

ياكثر مواقفك ماشاء الله ,, بالله دوري لي موقف بوقف سيارتي <-فاهم غلط :d

مو معقول يا شباب

وشو اللي مو معقولة؟!:eek:

وهـ بص ياالبلااااغه>>> ابد انا منب بلووغه
زاااد خلي الطفاااقه تنفعك يعني لااازم تشوفيين الحااادث

اتركي عنك اللقافه وتعيشين بنعيم