|
آه منكـ ياسعد...+سبب ضعف ياسر..+تقييم اللاعبين بسم الله الرحمن الرحيم السلام عليكم ورحمة الله وبركاته هاردلكم على التعادل الذي بطعم الخسارة ،،،معليش حبايبي كلنا كنا نتمنى الفوز ،، بس هذي حال كرة القدم . ((شرفتونا يا عيال ديرتنا)) مثل ماشفتوا كلكم ماشاء الله لعيبتنا ما قصروا بس ماحالفهم الحظ . ((ياسر؟؟؟؟؟؟)) طبعاً كلكم استغربتوا من مستوى ياسر المتدني بس انا اقلكم ايش السبب أولاً ياسر ما استعد للبطولة ممتاز وثانيا مآخذ شارة القيادة الا تخليه يرجع يوجه اللاعبين وثالثا مثل ماشفتوا كيف كانت صناعة اللعب المعدومه هذي وجهة نظري واتمنى من انجوس اعطاء خالد او البحري الكبتنية. ((آه.. منكـ يا سعد )) صراحة سعد ما قصر بس ماحالفه الحظ:mad: هذي وجهة نظر:rolleyes: ((تقييم اللاعبين)) أبغى من كل عضو يقيم اللاعبين والمدرب من 10درجات مع ذكر السبب مثل : ياسر المسيليم(8) كونه حارس شاب وبدون خبرة لم يظهر بالمستوى المأمول ((مجرد مثال)) وبالتوفيق لصقورنا في مشوارهم الاسيوي تحياتي العطرة لكم :thumbup: :thumbup: |
الحمدلله المنتخب قدم مستوى اكثر من رائع ... والله يعطيه العافيه كابتنا على الهدف والنقطه ... اما سعد ... آآآآآآهـ يا سعد ظيعت علينا ثلاث نقااااااط :( |
ما قصر سعد اليوم.... وياسر ما كان في يومه رغم الهدف |
المسيليم (10) لاتوجد لديه اية اخطاء اما الهدف كان واضح من خطاء مدافع مالك (10) مراوغات وعرضيتان وبلنتي عطيف (10) صنع هجمتين والاخيره كان الفوز المفقود رغم دخوله المتأخر باقي اللعيبه مابين (5-7) |
إقتباس:
مشكورة أختي على مروركـ العطر،،، وكله مقدر ومكتوب مو سعد هو السبب،،، وأتمنى إنه نبتعد عن التعصب الأعمى ،،، |
الدفـــاع ماعلــيه كـــلام نـوعا مـا مقبــول الوســــــط .. لا تعلـــيق ( اهـ يا نـور ويآ الشلهــوب ) عبـدالرحمـن القحطــاني ..< صـراحــه ماتستـاهل صفقـة اغلـى لاعـب خليجي اعـــــارهـ ياســر > بـدال هـو مـو قنــاص وهـداف اصبــح صـانع اهــداف ...؟ اقــول دام مبــاراتنــا كـذا اللــيوم اللــه يستـر مـن اندونيســـيا |
إقتباس:
مشكور أخوي على مرورك ،،، إقتباس:
يشرفني مرورك أخي الكريم،،، ______________ تحياتي |
كما قلت أخوي الزعيم OSAMS: ياسر أدى جيدا في المباراة وكان يحتاج الى صانع لعب جيد ولاتنس بأنه الكابتنية كانت عبئا عليه بمعنى أن دوره كان قياديا أيضا. وأنا أقولها من هذا المنبر والله لو كان هناك صانع لعب من الدرجة الأولى لاختلف شكل المباراة ولكان لمالك وياسر اليوم كلمة أخرى لأن الدفاع الكوري ليس هو من يوقف زحف مالك وياسر . |
والله احنـا مسـاكين : نقول : سعـد ما حالفه الحـظ .. سعد ما قصـر .. سعد غير محظوظ .. وكلام فـاضي تخيل لو كان ياسر اللي ضيع الهجمـه .. والله كان مسحـوا فيه البـلاط وهـزأوه ومرمطـوه النصراويه وما كان شفنـاه يلعـب مره ثـانيه ... !! ،، ياسر ومالك محتـاجين ( صـانع لعــب ) .. آآه يا الشلهوب وآآه يا نـوور :cry: |
إقتباس:
مشكور أخوي على مرورك بس أخوي مو لازم نتفائل ؟؟؟:rolleyes: إقتباس:
كلامك عين الصوابs60s مشكور على مرورك |
سعد اليوم والله ماقصر ,, بس مستحيل الاعب دخل في آخر 10 دقايق يخش بجوو المباراه والهجمه اللي جته على رجله اليمين .. والكل يعرف ان الحارثي يشوت باليسار // ياسر والله موب لعبه هذي !! // مالك مااقصر نجم |
سعد ياسر مالك ماقصرو في اللعب كلهم يرفعون راية التوحيد فل نبتعد عن التعصب ولندعي لهم بالتوفيق في المباريات القادمه يارب توفق الاخضر فوق اي ارض وتحت اي سماء لكم خالص التقدير والاحترام |
ياسر ماكان في يومه يمكن ضغوط القياده وماكان فيه صانع لعب وبعدين ماننسى الاعلام اللي كأن مافيه بالمنتخب الا ياسر وهذا سبب ضغط كبير عليه سعد الحارثي حرك اللعب وماقصر بس كنت اتمنى سعد يلعب خلف المهاجمين مكان عبدالرحمن الفاشل كان ممكن يكون ياسر ومالك وسعد قوه ضاربه ومثلث رعب خصوصا ان سعد يلعب في صناعه اللعب افضل من راس الحربه وبالنسبه للباقي ماقصروا بس القحطاني عبدالرحمن كان هو الأسوأ عوافي |
إقتباس:
هذاك فكرهم وعقلهم (النصراوية) إن كان كلامك صحيح بس لازم نكون احنا فكرنا أعلى وأرقى منهم وبالفعل محتاجين صانع لعب بس في عطيف ماشاءالله عليه وخلاص الشلهوب ونور المفروض مانفكر فيهم لأنه خلاص انتهينا من هالكلام |
مستوى مطمن الصراحه وياسر مالك وسعد قد المسؤلية ورجال مواقف والرجاء الأبتعاد عن التعصب الأعمى اللي بيكون سبب في تحطيم اللاعبين والمنتخب والمفروض تشوفون العلاقة بين اللاعبين في الملعب وبعد المباراة وصلو أكبر صورة عن البعد عن التعصب وأثبتوا أنهم على قلب واحد وبصراحه كانوا كلهم نجوم والمباريات الجاية هي الفيصل ... |
| الوقت المعتمد في المنتدى بتوقيت جرينتش +3.
الوقت الان » 01:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd