لا ويـبـون الكـااس على هالمـسـتـوى !!
 

بسم الله الرحمن الرحيم


هارد لك للجمهور السـعـودي

معليش هذي حال الكـووره .. بس حبيـت اقولـكـم لا تفكـرون بالكااس على المستـوى الفاااشل


ولا هجمـه زي النااس:upset:


والله شي يقهـر .. شوفوا هجماتهم سـريـــــــــــعـــــه ..


اماا هجمـات السـعـوديـه والله يرفعـون الظغـط بطيــئــه:upset:



بالتوفيق يوم الـسـبت ضـد إنـدونـيـسـيـا :)

يا شيييخ حرااااااااام عليك..
كل لاعبين المنتخب أول مره يشاركون بكأس آسيا..
ما عدا ياسر..
لا تلومهم..
ولله مستواهم اليوم كويس..
ضيعوا كم فرصه لو انهن جايات كان تغير الحال بس ضاعن الفرص بسبب قلة الخبره..
ان شاء الله التعويض بالمباريات القادمه.

والله انك صادق شف هجماتهم وش هجماتنا

بالتوفيق للأخضر

الحين انت وش تبي؟العنوان يرفع الضغط ماكنك سعودي
احمد ربك على هالمستوى اللي ما توقعنا انهم يظهرون فيه متوقعين ينهزمون 3 او اكثر بحكم صغار وما عندهم خبره
وبعدين وش هالتحطيم لو واحد من اللاعبين يقرا وش بيقول؟
وبعدين حنا نلعب قدام كوريا لا تنسى
لا ويبون الكاس على هالمستوى<<الحمد لله والشكر حسن اسلوبك
انقد بس بأسلوب

شوف كلو من سعد

ولا لو جابها كان ميه ميه :)

لكن الحمدلله على كل حال

والمستوى إن شاء الله يتحسن ,, مع إنو مستواهم والله تمام

وكلهم صغار لسا

يعني هذا المنتخب لو يمشي كمان

ويتجهزو تمام

لين 2010 كأس العالم

أنا أقولك إنو المنتخب بإذن الله يتأهل لدوري الـ16

وألف شكر لك

فارس

عليك اسلوب ,,وفاتح موضوع على على كلام فارغ

والله منتخب مايبشر بخير يقولون يبنون منتخب لــ2010 زين اذا تأهلنا وعلى فكره احد يبني لاعب عمره 30سنه بس بصراحه الأظهر عندنا على طول للدوري الاوربي "البحر والموسى " ولا كوره صح وصناعة اللعب بصراحه مافي الا مالك حتى ياسر مو مأدي بدون تعصب ليت سعد الحارثي اساسي بدل ياسر من نزل وهجمتين ولا أخطر بصراحه ياسر ما كان في يومه واتوقع البطوله كلها ما يبدع وكأس اسيا مع النادي ما بيبدع بسبب الارهاق حرام والله حرام يدمرون اللاعب ....................... بدون زعل
s13s s13s s13s

أخوي رح نم أحسن لك
وش عرفك بالكورة وين
المستوى أسماء أول مره تشارك
أصلا لو تأهلنا للدور الثاني نعتبر
عملنا انجاز كبير مع المدرب لان
المدرب لايعتمد على الاسماء يعتمد على
اللعب والدليل طرده للمنتشري وتكر.......

توتو الحآرثي أنت والي كتب الموضوع ومعكم سعد الحآرثي بعد .. << طيروا من مخي بس بلآ مبـزره


قسسم بالله نإس كأنهم بزرآن والله كلآم أخوي الصغير وتحليله للمبارات أطلـق منكم

والله ياخوك هم ما ادو مستوى ممتاز لكن نحفزهم إلى الاحسن و المفروض نحن نبحث الاسباب التي تجعلنا نفوز على اندونيسيا

مستوى المنتخب كان جيد .. كنا متوقعين الهزيمة من كوريا ..التعادل كان عادل مع كوريا
فريقنا مافيه خبرة ومع ذلك اوقف المنتخب الكوري .. ان شاء الله نتأهل والكاس لنا بعد توفيق الله
وشكرا

صراحـه ماتوقعتهم يبي يلعبون بالمستوى هذا ...

تعادل مع كوريا حلـوو . بس الله يستر من الجـاي :)

الرجال معه حق يا جماعة.
هذي كأس واللي بيفوز فيها فريق واحد بس.
يعني موب تأهل لكأس العالم عشان نقول طموحنا أن نكون من أفضل أربع أو خمس منتخبات.

الدفاع كان ممتاز جداً جداً جداً.
بس المشكلة إن لاعبي الوسط يساندون الدفاع على حساب الهجوم.
يمكن انخفاض مستوى الموسى والقحطاني ساهم في ضعف صناعة الهجمات.
لكن يظل هذا عيب واضح وقديم في المنتخب وضروري نتخلص منه بسرعة.

دفاعنا صار ممتاز،وهجومنا من يومه عالمي المستوى.
بقى عاد إن الوسط الأيمن والوسط الأيسر يشدون حيلهم.
وبعدين ما كان فيه داعي لقيام كريري بمهام دفاعية.
يكفي إن الأظهرة ما هاجموا أبداً،ترانا لعبنا بست مدافعين بهذيك المباراة.

أتمنى لو بالمباراة الجاية يلعب تيسير مكان كريري وعطيف مكان الموسى.
وخل الأظهرة يدافعون بمحلهم.اثنين مهاجمين واثنين صانعي لعب كافين لنا جداً.
لا تنسون إن هذا عصر الخطط الدفاعية،واليونان أخذت بطولة أوروبا بخطة دفاعية تماماً.

تشكيلة المباراة الماضية ما كانت مثالية.
البحري والموسى والقحطاني عبدالرحمن مكانهم الاحتياط.
ولا تزال لدينا أوراق رابحة ممثلة بتيسير والغامدي وحتى الحارثي.

أنا خايف من شيء واحد وهو الطرد.
كل المحللين أجمعوا على إن عزيز وكريري كانوا يستحقون الطرد.
المشكلة إنهم كانوا مضطرين لارتكاب المخالفات لإيقاف الهجمات الخطرة.
المنتخب الكوري موب سهل أبداً.لعبنا بست مدافعين ثابتين و مع كذا دخل فينا جول.

حنا بنفوز على أندونيسيا إن شاء الله،بس تابعوا مباراة كوريا والبحرين زين.
أتوقع إن الكوريين بيسجلون ثلاثة أهداف على الأقل.تعادلنا معهم كان إنجاز.

بصراحة أنا أقصى طموحي إننا نوصل لنصف النهائي.
خلونا نحسّن من تقييمنا عند الفيفا ونذكر آسيا بأننا من الأربعة الكبار.
أتمنى لو تتأهل كوريا واليابان وإيران معنا لنصف النهائي عشان تثبت هالصورة في أذهان الآسيويين.

كل العالم عندهم محترفين بأوروبا وحنا نبي من لاعبي الوحدة والاتفاق إنهم يجارونهم!
اللي يطالب المنتخب السعودي بالحصول على الكأس غير واقعي.
المهم إننا نوصل لدور الأربعة،واللي يجي بعدها مقبول.

اقوووول يا بابا ...

ترا كاس اسيا سعودي << سمعت زيــــــــــــن ؟؟