|
تخيل نفسك بهالموقف .. وش بتسوي؟! السلام عليكم.. انا بسرد لكم حكاية صارت لنا وحنا مسافرين السنه اللي فاتت للرياض <<توي اتذكرة لاني يوم رحت للرياض لنفس الشقق تذكرتة.. المهم كنا بالرياض لنا يومين أول ما وصلنا الصبح دخلنا ونمنا على طول ..يوم صار الظهر قامت امي بتصلي وقومت اخوي تبيه يسأل مع وين القبله؟! المهم اخوي قعد يخرص قبله من عنده<<العم مايبي يطلع.. قالت له امي:اقول اطلع اسأل لا تقعد تخرف علي.. استسلم للأمر الواقع وطلع .. بعدين رجع وقال لأمي مع وين القبله ..وامي يالحياتي بدت تصلي<<مادرت انه ينصب عليه ..اثرة العم طلع ما لقا لصقه لاتجاه القبله وتعيجز ينزل يسأل الريسبشن ودخل وقال لامي قبله من عنده توقع العم وقاله.. (للمعلوميه حنا جايين مع اخوي الكبير ابوي ما جاء معنا..وترى اخوي الكبير هو اللي اقاله طلع القبله<<الله من زين الاخو.. <<اقول طالت كملي السالفه:upset: المهم حنا جينا للرياض الاربعاء وابوي جاء بعدنا (وصل يوم الجمعه باليل) يوم صار يوم السبت جينا بنصلي الفجر قال ابوي:وين وين؟! قلنا:بنصلي قال:من هناك القبله مو من هنا.:cry: (اثر القبله اللي كنا نصلي من عنده لنا كم يوم عكس تماما للقبله الصحيحه) وقال ابوي:لازم تعيدون الصلاوات اللي صليتوها قبل كلها :laugh: وبعد كذا صلينا الفجر بالاول..وبعده بدينا نصلي الصلاوات اللي راحت اللي هن 22 ركعه:cry: <<كلهن طبعا مرة وحده وانا كنت جوعااااااااااااااااانه وكنت اترجاء اخوي ينزل يجيب لي فطور من بوفيه تحتنا بس عييا..لكن بعد ما دريت بخبر اعادت الصلاوات قلت لاخوي اقالي ابيه يعطف علي<<لانه هو جاي مع ابوي ولا له صلاوات يعيدهن قلت له: ياويلك من ربك هالحين انا جوعانه وباعيد الصلاوات اللي راحت كلهن يعني حتى العصارة اللي ببطني بتختفي من كثر ما اركع واسجد.. قال: اقول انقلعي ابي انام تراي مواصل من امس وروحي صلي اصرف لك قلت: اذا يطاوعك قلبك انم وانا جوعاااااااااااااااااااااااانه فرحت.. قال:ايه يطاوعن بس ضفي وجهك<<سعودي وقصيمي يعني مافيه نعومه ابداً:laugh: المهم يوم رحت للغرفة بصلي اثر اختي مخلصة مصليهو بتروح للمطبخ تقول الشكوى لله بسوي لي خبز بجبن.. قلت له: سوي لي معك .. يوم قضيت مصليه بعد عنآآآآآآآآآآآآآآآآء طويل <<بعذري 22 ركعه مرة وحده طلعت رحت للصالة لقيت اخوي مو موجود:confused: قلت: وينه ؟! قالوا: ماندري لبس ثوبه وطلع:rolleyes: وصرت انا اقالي ذكيه دقيت عليه وقلت:وينك ؟! تبي معنا خبز وجبن؟!;) قال:لا انا هذاي اجيب لكم فطور<<اثر اخوي قلبه طيب وانا ما أدري:eek: وجاب الفطور وافطرنا بعد الصلاة الطويله ..:yes: والحمد لله والشكر.. فيه موقف ثاني صار بسفرتنا هذيك بس اقوله لكم اذا شفت ردود صح..<<موقف محزن بقوووووووووووووة..:cry: شوفوا توقيعي تراه يقهر والله يبعدكم عن اللي صار لي مع هذا الكمبيوتر الخايس:upset: |
هههههههههههههههههههههه لاحول ولا قوة الا بالله |
ما يبي لها مخ يفكر تطلعين الغرب من الشرق :D طالعوا الشمس وينها فيه وبتعرفون موقعكم :D :D <<<< وش عنده اللي 24 ساعه بالبراري والقفار :D |
شوفو الشمس واعرفوا الاتجاهات ..بس عجبتوني يوم عدتوا الصلاة.. مو مثل بعض النااس .. الله يهديهم .. بانتظار الموقف الثاني .. ...the bast... كتبـــت هنــا وذهبـــت. |
ابكـ هو لازمـ تعيدون الصلاة ؟! :p بس التعبير ..روووعة :D قخخخخخ |
إقتباس:
إقتباس:
المفترض انكم ما تعيدون الصلاة الا بعد السؤال لانه والله اعلم انه مالكم اعاده إقتباس:
إقتباس:
يعطيك العافيه وابنتظار الموقف الثاني |
مشكورين على المرور.. واللي يقول شوفوا الشمس!! اقول اخوي هو اللي طلع يدور وين القبله من زود الدباشه.. ههههههههههههههههههه الموقف الثاني بموضوع ثاني.. |
يوووووووووووووه لو اني منك كاان رحت ودبجت اخووي عشان مره ثاانيه يعرف يكذب |
الله يرجك وسلمي على اخوك شكله دب وعجز يحول . . . .. . |
هههههههههههههههههه ميرسي موضووووع تحفه نستنى الموقف الثاني |
هع هع والله ان اخوتس فلللله وانتي يالخبله ماتعيدين الصلوات لانك جاهله المفروض اخوك يصليهن عنك << لاتصدقين وااااجد اخاف تروحين تمسحينهن >> صطريني ان فهمتي :D ع طاري القبله انا عندي حركة لمعرفة الاتجاة مب طبيعيه بحكم اني ساكنه بالبديعه والقبله من جهة نادي الهلال فاذا رحنا لحد ولا ادري مع وين القبله جلست اتذكر الطريق واللفات اللي لفيناها ووين النادي بيصير فيه بعدين اصلي :D ^ ^ اهم شي النيه :yes: و على طاري الفطور هذا الحركة معتادة لدى ابناء جلدتنا من التماسيح يعني لو هو راحمك وبيسويلك اللي تبين بس مستحيل يخليك تتهنين في الشي والا يبين انه يحبك و كاسرة خاطره ياكثر المواقف اللي تصيرلنا زي كذا :mad: ^ ^ ومن هذا المنبر ودي ادري ليه يالتماسيح تسوون كذا ليه هالغلاضة في المعامله ليه ماتبينوون لنا حبكم؟؟ (اقصد الحب الشريف بين الاخوات والاخوان فقط لاغير) تراه ماينقص المرجله ^ ^ معليش ياوخيتي احس اني دخلت في موضوع ثاني بس شسوي بالتماسيح جابوا لي المرض :D وبس |
:D ههههههههههههههههههههههـــــــ اجل عدتو الصلوات ههههههههههههههه بس من قالكم انكم ز تعيدو الصلاة .... ما اظن اذكر كان في برنامج ف قناة الرأي الكويتية:D كان عندهم سؤال عن هذا الموضوع وطفشوني في كل شوي جايبينه اعلان..بس الى الي مدري الحل:D :D بس انا لو مكانك كان سوّيت ف اخوك الفعايل من العصب:D <<<اخص يامهايطي بانتظار الجزء الثاني |
ههههههههه والله اخوك ذا ياهو فيه كسل غير طبيعي ازين شيء سوتوه انكم صليتوا مره ثااانيه ( غـــلا روحــــي<< هذه المستخدمه لازالت تواصل عمليات هجومها على التماسيح :D ) عواااااااافي على الموضوع الحلو |
ههههههههههههههههههههه يعطيكـ العـآفيه اختي |
هههههههههااا thanx a lot |
| الوقت المعتمد في المنتدى بتوقيت جرينتش +3.
الوقت الان » 11:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd