|
من الان مبروك لليابان بكاس اسيا اخواني الزعماء،،،، بصراحة المنتخب بدون الذئب لايسوى شيئا ولايمتع ابدا ومهما كان سامي له نكهة خاصة بالملعب من حيث القيادة والتحركات والمسات ولكن حسبنا الله على من حورب سامي بالمنتخب اثناء مشاركاته وعند اعتزال الاسطورة سامي المنتخب انتهى كل شيء وانا من وجهة نظري ان منتخبنا لن يحقق الكاس اسيا وارشح اليابان فريقي المفضل باسيا فقط اما الباقين فهم تكملة عدد ومنتخبنا لن ينتصر على كوريا وهي بمجموعتنا او على الاقل البحرين فما بالكم باليابان وايران واستراليا منتخبنا الان ليس الاقوى فهناك من الجماهير تطالب بنور والدعيع وغيره ولكن حتى لو لعب نور لن يحققون اسيا مادام المنتخبات الان متطورة ومتقدمة للافضل فانا كاحد الشعب السعودي ارشح اليابان بقوة للحصول على الكاس ومنتخبنا سوف يخرج من البطولة وسوف اذكركم فنلاحظ اعلامنا المتعصب لاحول ولاقوة يطبل ويمجد المنتخب على حساب منتخبات افضل منه امثال اليابان واستراليا وكوريا وايران 0 لذا اقول من الان وانا على قولي ان منتخبنا لن يحقق اسيا والسبب الذئب سامي غير موجود،،، |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا بيي سامي أعتزل دوليا بعد مباراه اسبانيا ,, اعتزل بعد ان قدم انجازات عظيمه للكره السعوديه ,, اعتزل بعد تسجييل هدف في المونديال على تونس بعد مضي 12 عام من كأس العالم 94 ,, لذا قلبووو هو أعتزل دوليا,, مع التحيه.:.:.:.:.:.:.:.:.:. |
انت الحين اثبت لي انك بزر وما تفهم يعني المنتخب كله سامي لو سامي ما لعب كاس العالم يعني وش كان بيصير لعب سامي وما تاهلنا ولا تقولي على قول تونس شي طبيعي انه بيحطه يا اخي لو هي جايه لياسر او مالك حطوها يبن الحلال فكنا بالله وطبعاً انا ما انكر ان سامي اسطوره بس مو اذا ما لعب ما ناخذ الكاس ذا مو منطق ذا كلام بزران و لا تزعل مني اخوي |
أعذريني أخوي سامي ليس المنتخب ولا المنتخب سامي والجيل هذا ممتاز وان شاء الله الكأس للصقور |
اقول ياخبير وش دراك ان بيأخذها اليابان ؟ او غيره ؟ طيب ليش مايصير المنتخب السعودي او منتخب خليجي ؟ او يعني لازم البطل النسخة الماضية يحصل اللقب في هاذي النسخة !! ياريت انك تتفال بالخير ازيلك بس بالتوفيق للمنتخبنا |
ياخي طيب تفائل خير |
الحمد لله والشكر الحين سامي خلاص ما ينفع الهلال الا قليل وانت تقول نبي سامي في المنتخب؟؟؟ شكلك تسمع بسامي والله ...!!؟؟ شفت الناس تمدح سامي وقلت سامي هو اللي بيخلي المنتخب يفوز بكأس اسيا سامي اسطووووووووووووره وما قلنا شي ... لكن الحين تتوقع منه يسوي شي في الملعب؟؟ على العموم باالتوفيق للمنتخب..... والله يعينا على ذالعقليات اللي مدري وش تبي ..!! |
المنتخب مستواه حاليا ما يأهل وأتوقع يطلع من البطولة لكن أتمنى اني اكون غلطان وانت ان شاء الله بتطلع من المنتدى قبل ما يطلع المنتخب من البطولة |
خلااص ابشر يا بابا بروح اتصل على الاتحاد السعودي عشان يكنسلون شي اسمه المنتخب السعودي ليييه فيه منتخب وسامي مافيه ؟؟؟؟؟؟؟؟؟؟؟؟؟ والله ناس تفكيرهم متخلف استغفر الله .. اجل المنتخب بيخسر عشان سامي مايلعب هههههههههااااااااااااي صح سامي فيه الخير بـ المنتخب .. لكن غيره خلااااص ..! اقوووول .. اعقلو .. المنتخب فيه ياسر فيه مالك وفيه وفيه .. مو بس كان فيه سامي |
| الوقت المعتمد في المنتدى بتوقيت جرينتش +3.
الوقت الان » 02:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd