لوبيسكو ليس بحجم الهلال ،،
 

السلام عليكم ،،

صراحة لا أدري ماذا نستفيد من هذا اللاعب المعطوب ،،

هي واحدة من اثنتين ،،
إما أن الذي فيه كبر سن ، وعندها للسن أحكام ،،
أو أنه متعالي خايف على رجليه ،،
أو أنه مزور على نفس نهج اللاعبين السابقين ،،

ثقيل الحركة ، ويمرر غلط كثيرا ، لا يساهم في قطع الكرات كمحور ، خشن ورأيناه أكثر من مرة يصطاد المفاصل بدل الكورة ، بارد وغير حماسي ،،
إضافة لذلك الكل شاهد مستواه المتواضع في المباريات الأخيرة ،،

إذا كان المحترف بمثل هذه الصورة لماذا لا نمنح لاعبي الفريق الشباب وأولهم صديق الفرصة فهو أفضل من هذا اللوبيسكو ،،

أرجو من إدارة النادي وضع حد لمهزلته ،،

ملاحظة / قد يقول بعض الأعضاء أنك لم تترك أحد إلا طالبته بالرحيل ،،
لكن الرد في أني أرى أن مصلحة الهلال في رحيلهم ،،

تحياتي ،،،

أخوي/الوالي......السلام عليكم...

أنا أخالفك في اللي كتبته بس رجاءً لا تزعل مني...

أنا أعتقد أن لوبيسكو (( شبه)) صالح للهلال لأنه لاعب هاديء ..صح ان تمريراته بعضها خاطئة لكن ما يمنع أن بعض لمساته قاتلة...

أرجو أنك ما زعلت لأن ((الإختلاف في الرأي لا يفسد للود قضية)):D :D :D

خيّال......

بس اعتقد ان توليو افضل بكثير

لوبينسكو لاعب كبير بس اصبروا عليه .

انا اشهد والله انه داج لا واليوم .. لعبه زي وجهه .. الله يعجل بلعب توليو واقلعوا هذا لديرته

كلامك صحيح أخوي الوالي لوبيسكوى لا يصلح للهلال

لا لاعب خبرة ومتميز في الاوقات الحرجة

مثل ما قلتو عن اديملسون

لاعب ولا اروع من كذا وفوق مستوى الكرة الهلالية للاسف صرنا ندور على الاعب الزين ونهاجمه .

اذا تدققون قي مستوى اللاعب هذا ارجو الحكم عليه بالعدل .

1 داخل الملعب محل ثقة لكل اللاعبين بما فيهم حارسنا العملاق محمد الدعيع .
2 رابط الفريق كله من المدافعين يستلم ويسلم ومن المهاجمين نفس الشئ .
3 دايما يحاول ان يوصل الباص الصح في المكان الصح وهذا الشي لاحظنا اليوم ولو انه الكاتو وادميلسون متفاهمين شوي معاه كان وصلتلهم احلى الكور واعتقد ان اللي حضروا المباراة لاحظوا هذي الكور
4 لعبه دايما مع الكورة وهذا لاحظنا لانه وقت الهجمة موجود حتى في المرتدات ووقت الدفاع موجود
5 واذا تحضروا المباراة في الملعب راح تسمعوا صوته يطلع اللعيبة وقت الهجوم go go
6 لاعب دايما راسه مرفوع يشوف الملعب كله ويفتح خانات صح لاستلام الكورة
وهذا بيكهام احسن وسط في اوروبا لو تحسب الوقت اللي يلعب فيه الكورة ما يتعدى 4او 5 دقائق خلال ال90 دقيقة كلها لانه دايما يستلم ويباصي على السريع لكن احنا متعودين نحاور الملعب كله وان ما لاقينا احد نفره نحاور العارضة . يا اعزائي كرة القدم اليوم هي الكرة الاوربية ( الباصات واللعب السريع) انتهى عصر المحاورة والانانية والله يستر علينا في كاس العالم .

اخيرا لاعب ممتاز وانشاالله نستفيد من لعبه وخبرته ويتعلم وسطنا شي جديد
وعذرا على الاطالة لكن كان لازم نحط ثقتنا فيه مثل ما حطها من قبل ارثر جورج واللي من يوم ما جا ما غيره ولو دقيقة

شكرا لسعة الصدر

اقسم بالله العلي العظيم انه لاعب ما في رأسه ومقلب ...... ولو صبرت عليه الاداره ما فيها خير ..... والله لأاترك الكوره لو طلع لا عب كويس ...... اقسم بالله انه نكبه وبس:mad: :mad: :mad: :mad: :mad: :mad: :mad: :mad: :mad: :mad:

الحق انه لاعب عالمي الم يمثل منتخب عالمي في كاس العالم من خلال لعبه يتظح فعلا انه لاعب ون تو عودو لآخر مباراة ولاحضوا كم كرة لعبها باص وانتظرها في موقع مناسب ولاتاتيه الأمر الآخر واتمنى الايكون الا مجرد وسواس هل لاحض احد الكاتو كيف يلعب معاه وفي المقابل كيف يلعب مع غيره كأن في النفوس شي

يعطيكم العافية ولاتعبتوا

اللاعب لوبيسكو الواضح عليه انه يبغى يقدم مستوى وعنده شي

ويملك كثير ويكفي تاريخه .. بس الله العالم ان السبب في

عدم انسجامه وتفاهمه مع اللاعبين بسبب تشكيلة ارثر في كل

مباراة .. وجهة نظر لااكثر ..

الله يوفقه ونتمنى باسرع وقت يثبت وجوده :)

لالالالالا....
الصراحه لوبيسكو لاعب هادئ واثق من نفسه ويقدم مستوى حلو لكن.....
هذا مو مستواه الحقيقي اللي كان يقدمه في السابق (قبل لا يجي للهلال)والسبب ليس كبر سنه ابدا. لاحظوا ان المركز اللي يلعب فيه غبر مركزه الاساسي. الان لوبيسكو يلعب في مركز المحور مكان خميس ومركز لوبيسكو الاصلي وسط ايمن.يعني لازم يتأثر مستواه شوي....





وشكرا.....

يقولون انه لاعب كبير
بس تبون الصدق ماشفنى منه اي شي يدل انه لاعب كبير والواضح انه كبير في السن

سلااااااااااااااااااااااااااام


والله لوبسكي (ما ادري لوبسكو) ما يصلح للهلال

بصراحة لاحضت ان اللاعب كانه يشكي من اصابه هو يحاول ان يؤدي
المباراه باقل جهد ممكن ولايحاول الالتحام مع لاعبي الفريق الخصم
او القتال على الكره
ان حصلت على مباراه لمنتخب رومانيا شارك فيها كان اداءه مختلف يركض
ويقاتل على الكره بشكل كبير 0
لازم اداره الهلال بسرعه تجتمع مع اللاعب وتساله عن هالمستوى وتنذره
بالطرد لعله يتحرك شوي 0