![]() |
تعال وعطنا فكرتك الدعويه بعض الشباب يكون عندهم افكار دعويه ممتازه بس ما ينفذها اكتب فكرتك هنا واحنا ان شاء الله ننفذها وننشرها اخدم دينك ولو بفكره واجعلها حجه لك يوم القيامه ولا تنسى الدال على الخير كفاعله يعني تخيل بس تكتب فكره بسيطه ويهتدي على يدك كثير وتأتيك اجور عظيمه |
السلام عليكم ورحمة اللــــه.. كان بخاطري كلمتين ودي أقولهم .. ألحين أكثر البنات والشباب .. يوم تسألهم وش هي امنيتك اللي ماحققتها ؟؟ يقولك على طول ودي أحفظ القرآن .. بس تقول وش ناوي تسوي عشان تحقق ذي الأمنيه يسكت !!! أنا وحده من ذولي البنات .. لين ماسألت نفسي ذا السؤال وقررت من الترم اللي فات ان أبدأ بالحفظ .. وبديت بحفظ سورة البقره .. كل يوم صفحه .. والله انا جربت ماتأخذ منك الصفحه ساعه وحتى لو كان عندك مية شغله .. صدقني ربي بيبارك بوقتك .. أنا الترم اللي فات نزلت العدد الاقصى من الساعات بكليتي (كليه الحاسبات ) وحفظت السوره واخذت امتياز بكل المواد.. جربـوا وابدأوا بسورة البقره .. لاتنسوا انها تجي هي وسورة آل عمران مثل الغمامتان على صاحبها يوم القيامه.. اللي وده أنا مستعده أسويله جدول واشارك فيه بحفظ سورة البقره .. وفكرتي هـــــي: نسوي جدول لحفظ سورة البقره أو أي سوره أخرى. والمفروض كل مايحفظ صفحه يحط صح عالجدول وعشان التفاعل يكون فيه شخص مسؤول تترسل له الجداول نهاية كل اسبوع للتأكد من المداومه على الحفظ .. ويكون يوم الجمعه مثلاً مراجعه .. ايش رأيكم .. أنا بسوي ذي الفكره بالبيت ووصلنا ل6 صفحات هــــــــا .. أحد وده يشارك ؟؟ |
الله يجزاك خير ويعينك انا الحمد لله دخلت حلقه تحفيظ القران واتممت حفظ 7 اجزاء في 4 اشهر وان شاء الله بواصل الحفظ حتى اختم كامل وان شاء الله بنزل موضوع فيه بعض الوسائل المساعده على الحفظ بس عندي تعليق على طريقه حفظك الافضل ان يتم الحفظ من الاخير اي من جزء عم لسهوله الحفظ ولقصر الايات فترسخ في الذهن بشكل اكبر بعض اللي يبدأون من البقره يستصعب الحفظ ويقول ان السوره طويله فلا يكمل بينما في الاجزاء الاخيره اذا حفظ الشخص تجدين انه يحاول حفظ المزيد إقتباس:
|
أخي الكريم .. الله يجزاك الخير .. ويرزقنا وياك حفظ القرآن .. بس أنا بديت بسورة البقره .. لأني أعتقد اذا خلصت الصعب بيخلص السهل وسورة البقره لأنها طويله .. أول ماتخلصها بتحس بأنجاز رااااائع .. شعور لايوصف وان شاء الله يتفاعلوا الاخوات والاخوان |
الوقت المعتمد في المنتدى بتوقيت جرينتش +3.
الوقت الان » 10:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd