إقتباس الرسالة الأصلية كتبت بواسطة د.هلالية أشوى اللي ما طلع آيسكريم كوسا!! ما شاء الله هذا وهو زنجبيل!! يا حليله..

و الله أن أحمد ربي أن مافيه مسكر ولا شي
لان فيه أنواع يحطون فيها شراب

و يعدين لازم ناكل العسكريم لسببين الأول أنه حرام أكبه
و الثاني أني دافع عليه مبلغ و قدره :p تراه ايسكريم طبيعي <<<<< ما أدري وين سمعناها

و روخيل ما فيه زيه .. طيبة قلب و فله

بس وين سواليفك و لا جدولك اليومي

إقتباس الرسالة الأصلية كتبت بواسطة f*y*d هلا بكندا جلانت يا (الكندي النبيل) أجل بتنشغل عننا خلاص والله انت والايلينز لحست مخي ..... الى الحين ماعرفت هم في ولا لا بس عقلي يقولي مافي لاشي -------->>>>اتعقدت وانلحست انا المشكلة ماعندي أي سالفة أبد بس والله فلة المكسيسكس حقكم ههههههههههااي شكله منسم اللي 24ساعة هاي (((((((((((((مضيّع))))))))))))) خلاص ترى بتوحشنا بين مرة ومرة طلبتك عطنا موضوع يلحس المخ وتسلم

Canada's gallant معناها في راسي نبيل كندا مب النبيل الكندي

يابو مسوي ذيب علينا

عطنا علومك في الصيف بس

و اذا على الايلينز فابشر بسعدك

يعطيك العافية على المرور الهستيري

والله أنا سواليفي غير ... خصوصا لاصرت عند بنااات عمي ..


بس بقولك وش صار اليوم ؟؟


قمت حول 2 الظهر .. و الآقي الأمه صافين عند سبيس تون ..


أعدت النظر المره تلو الأخرى .. ياربيه أنا ما أشوف بزران ؟!!


كل اللي جالسين كبار أخواني و عيال أختي .. اللي في الثانوي واللي في الجامعه ؟؟


عاد أنا لاصرت توي صاحيه ما أطيق أهرج أحد ولا أطيق يهرجن أحد >>>>> نفسي
على راس خشمي .


بس هالمره قلت لازم أشوف وش مقعد الشيبان عند سبيس تون ..


وأنا ماره .. قالي ولد أختي .. تكفين خاله ليز .. أبي جوالك .. (( عاد كلن منهم معه
جواله وقاعد يحبرش فيه))


قلت له انا :: تآمر يا حوبي بس ليه ؟ وش عندكم بسبيس تووون ؟؟


قالي : مسوين تصويت على أفلام كرتون .. بيعرضون واحد منهن يوم الجمعه من 2

الظهر إلى المغرب .. ومن ضمنهن النمر المقنع .. وحنا جالسين نمسج على الشريط ..


وجوالي مافيه شحن ,, أريد جوالك الله لا يهينك ..


قلت : ايييييه .. هاذي علومكم .. راجعيين لمرحلة الطفولة ..



عاد أنا من النجاسه .. أخذت جوالي وصوت بس مو للنمر المقنع لا .. لروبن هود

>>>>>>>>> وحده قليلة خاتمه من جد ..


عوافي ع الموضوع من جد يفتح النفس .. ما أدري صاير المجلس ممل للغايه ..


لاعدمتك ..

الله يوفقك .. يارب ..

والله انا عشت تقريبا 20 سنه 12 سنه نوم وثلاث سنوات خمووووول وخمس سنوات فضاوه ..
انا يا شباب رحت لم القصيم يوم الثلثاء الي راح انا والشباب وسهر وضحك وفله ويوم جيت لم الرياض يوم السبت الساعه 11 باليل جلست شوي على النت ثمن احبطت ورحت لم الاستراحه وجلست مع الشباب بلوت وسوني وسواليف وفله وضحك الين الساعه 6 من يوم الاحد ورحت لم البيت ووقفت والا كفر السياره منبنشر قلت ايه اذا قمت ازينه وانام الساعه 6 ونص الصباح من يوم الاحد ولا قمت الا الساعه 6 من يوم الأثنين الي هو اليوم
واقوم نفسي براس خشمي وشايل هم الكفر ويوم صليت وسبحت وطلعت الا الكفر مزين وجديد والا الحين ما ادري من الي مزينه هو اكيد حدا اخوياي بس الا الحين ما ادري منهو بس ما اقول الا الله يجزاه خير ..

انا ماعندي سواليف

إقتباس الرسالة الأصلية كتبت بواسطة اليزابيث هيرلي قمت حول 2 الظهر .. و الآقي الأمه صافين عند سبيس تون .. أعدت النظر المره تلو الأخرى .. ياربيه أنا ما أشوف بزران ؟!!

اسلوب خالد سامي

اهنيك على العبارات الفله

و الله اني مت من الضحك من ولد أختك

يعطيك العافية على المرور القميل

إقتباس الرسالة الأصلية كتبت بواسطة omar_747 والله انا عشت تقريبا 20 سنه 12 سنه نوم وثلاث سنوات خمووووول وخمس سنوات فضاوه .. انا يا شباب رحت لم القصيم يوم الثلثاء الي راح انا والشباب وسهر وضحك وفله ويوم جيت لم الرياض يوم السبت الساعه 11 باليل جلست شوي على النت ثمن احبطت ورحت لم الاستراحه وجلست مع الشباب بلوت وسوني وسواليف وفله وضحك الين الساعه 6 من يوم الاحد ورحت لم البيت ووقفت والا كفر السياره منبنشر قلت ايه اذا قمت ازينه وانام الساعه 6 ونص الصباح من يوم الاحد ولا قمت الا الساعه 6 من يوم الأثنين الي هو اليوم واقوم نفسي براس خشمي وشايل هم الكفر ويوم صليت وسبحت وطلعت الا الكفر مزين وجديد والا الحين ما ادري من الي مزينه هو اكيد حدا اخوياي بس الا الحين ما ادري منهو بس ما اقول الا الله يجزاه خير ..

و الله أحسدك على ( جابر عثرات الكرام ) اللي عندك
أنا عندي الحمام الله يكرمك .. لو يخرب فيه شي و ما اصلحه .. و الله عمره ما راح يتصلح
بس ملاحظ انكم كلكم مدمنين نت <<<<< مسوي طالع منها

يعطيكم العافية على المرور

إقتباس الرسالة الأصلية كتبت بواسطة لــوريــن موضوع خطييييييييير;) ;) ومشكور اخويه عليه طبعا اليوم صحيت من النوم الظهر مع اني نايمه امس بعد صلاه العشا <<دجاجه تنام بدري والسبب الاحراج اللي انا فيه مااابغى اصحى بدري واشوف احد من اهلي لانو سارلي موقف امس من الفشله اول ماووصلت البيت نوم والقصه انو انا واخواتي وصاحبتي رحنا السوق وانا طول الوقت محد قدي متكشخه اخر كشخه ورافعه الراس ونافخه الصدر<<على قوله اختي كانك شرطي مرور ومسويه نفسي احسن وحده <<مادريت ايش راح بيسير ولا ماسويتها واحنا في محل عجبتهم ملابس قولتلهم نووو مو حلوه ومو شيك نروح المحل التاني احسن وافخم قالوا طيب ورينا <<كانهم عارفين اللي راح يسير وانا ماشيه قدامهم ولااحد قدي والباب قزاز وكمان شفاف مرااااا ومن اللي انا فيه مانتبهت للباب<<والمشكله اني مانسيت نظارتي وعلى بالي المحل بدون باب واتفلسف على اخواتي واقول ليش ماحطو الباب عشان راحه المشتري وماكملت كلامي الا [طرااااااااااق ] ماادري الا وجهي في الباب وطحت والكل يضحك واخواتي بزياده مقهورين مني لاني اتفلسف عليهم من الصبح ومن الفشايل سويت نفسي اني تعورت مرااااا<<قولت يمكن يحنون عليا ومايضحكون وقمت لميت عفشي وبسرعه اتصل على السواق وعالبيت واول مادخلت على غرفتي ونوووووم واخواتي مبسوطين وماخلوا احد من العيله ماقالوله واللي موفي اتصلوا عليه وماصحيت اليوم الا كل صاحباتي وقريباتي يتصلوا هاسلامتكِ ايش سار امس<<حشا مو اخوات وكالات انباء متنقله ومن الظهر عالنت ومااكلم احد معليش عارفه المشاركه طويله <<احلفي

ههههههههههههههههههههههه

ذكرتيني بفلم هندي أقصد أمريكي اسمه سبانقلش <<<< يعني اسبانية مع انجليزي

و فيه ان بنت مكسيكية صكت في القزازة مثلك .. و جت الامريكية و انلحست و عطتها فلوس
و بعدين عسى ما تفقع وجهك بس و ما قلتي لنا كم خرزة ؟؟

بس من جد اهنيك على المشاركة .. مره خذت انتباهي من أول سطرين

يعطيك العافية على المرور

إقتباس الرسالة الأصلية كتبت بواسطة **الهلالي** انا ماعندي سواليف

كنا شاكين ان عندك سالفة

و بغينا ناخذ رايك و شكرا عشانك علمتنا

إقتباس الرسالة الأصلية كتبت بواسطة Canada's gallant ههههههههههههههههههههههه ذكرتيني بفلم هندي أقصد أمريكي اسمه سبانقلش <<<< يعني اسبانية مع انجليزي و فيه ان بنت مكسيكية صكت في القزازة مثلك .. و جت الامريكية و انلحست و عطتها فلوس و بعدين عسى ما تفقع وجهك بس و ما قلتي لنا كم خرزة ؟؟ بس من جد اهنيك على المشاركة .. مره خذت انتباهي من أول سطرين يعطيك العافية على المرور

عليكم سواليف زي العسل ................ تسلمون انا ماعندي سواليف اعذرني .... تقبل مروري
ـــــــــــــــــــــــــــــــــــــــــــــــــــــــــــــــــــــــــــــــــــــــــــ

طيب جب المكسيكي صديقك الرياض خلنا نستانس عليه

والله بنفقدك

إقتباس الرسالة الأصلية كتبت بواسطة لــوريــن لا ابشرك انا ماسارفيا شي<<على قوله اخواتي هذي ماتعرف طريق المستشفى بس النظاره انكسرت وابويه عصب هذي رابع نظاره في السنه وحالف مايغيرها

الحمد لله على سلامتك

و اذا على النظارة ياشتري لك وحده بدالها <<<<< نصاب

و بعدين الله يصلحك .. لا بسه نظارات و ما تشوفين .. لوني بدال أبوك اسحب عليك ما أشتري لك نظارات <<<< قلب

يعطيك العافية على المرور الفله