تخرجت من الثانوي ولا ادري وين اروح السلام عليكم ورحمه الله وبركاته.انا تخرجت من الثانوي السنه هذي ولله الحمد وطموحي اني اطلع برا السعودي للدراسه لكني ما اعرف اي شي عن البعثات ولا عندي اي خلفيه فياليت تفيدونن واكون لكم شاكر....اولا _ هل اقدر اطلع وانا نسبتي 89% شرعي عن طريق الحكومه. ثانيا_وين اقدم اوراقي.ثالثا_ هل تنصحون بالدراسه بالخارج ولا لا.رابعا_ وش احسن وافضل التخصصات.خامسا_ لو جلست في السعوديه وين اقدم وين اروح وين اامن مستقبلي . وشكرا |
والله ياخوي مادام انك شرعي ما فيه طلعه من السعوديه:D لا تحبط هذي الحقيقه لو انك علمي وهذي النسبه علطول على برا |
إقتباس:
و لكن تقدم أوراقك على بعثة التعليم العالي و اذا حصل لك قبول تزوج و اشكر الله و لا تنسى تعلمهم أنك متزوج عشان يعطونك دراهم زيادة <<<< لا تصدقه تراه ما تزوج :D تقدم أرواقك على البعثة في وزارة التعليم العالي وقت التقاديم و لا تنسى أنك تشتري حبوب مهدئه شخصيا أرى أن الدراسة في الخارج أفضل اذا وفقت في الاختيار .. و أفضل التخصصات هو التخصص اللي تحس انك بتبدع فيه و ليس اللي فيه فلوس أكثر كما يعتقد البعض و أفضل الدول في الخارج هي أمريكا و اليابان .. و اخر ما تفكر فيه كندا .. برضو نيوزلندا حلوه بس ما هي في نفس تقدم البقية لو بقيت في السعودية عليك بالقانون و اذا ضاقت عليك الدنيا استخير و الله يوفقك s13s |
رح للهند او باكستان افضل الجامعات وارخص الدول والله مايكلفك مصروفك الي تصرفه بالرياض |
إقتباس:
|
ما دامك شرعي الله يخليلك الرياض .......................... |
دامك شرعي يمدحون الرياض |
واحد من اخوياي طالع يدرس برا وهو شرعي بس يبيلك واسطة علشان تطلع واحسن تخصص لك في الخارج ادارة اعمال او ادارة نظم معلومات (نصيحة من احد الاصدقاء المبتعثين لنيوزيلندا ماينصح احد بالبعثة لنيوزيلندا ) |
وش بلا ماتمسك مكان ميري في المطبخ القريب اولى من البعيد |
هههههههههههههههاااااااي حرام عليكم ياناس حطمتوووووووووه تحطيم مبالغ فيه ((((((((((((((((مادامك شرعي خلك ف الرياض )))))))))))))))) / /\ /\ لاتزعل ياعمر بس هالمجلس ماعنده إلا الدجة!!!!!!!!!! |
يعني ما فيه امل.....شكل الخطه التقنيه الي ضافه سرابيت الرياض ومشكوووووووورين على المرور |
الله يوفقك ... ^_^ |
هلا فيك اخوي اخوي في جامعة الملك سعود .. فيه الكليات الصحيه .. واللغه الانجليزيه .. وكلية ادارة الاعمال .. والحاسب وغيرها .. وفيه الكليات العسكريه .. الملك خالد .. المك فيصل الجويه .. الدفاع الجوي .. البحريه .. الحربيه .. وفيه جامعة الامام .. وافضل اقسامها يمكن انجليزي .. وحاسب .. وفيه كلية المعلمين .. ريضايات .. احياء .. فيزياء .. كيمياء .. وفيه معهد الاداره .. ومعهد الكهرباء . ممتازين .. بالتوفيق وبالتوفيق .. |
صعبه شرعي .... انت بس قدم على كل شي والله يوفقك .. :) |
قدم في كل مكان وبعدين قرر الله يوفقك |
الوقت المعتمد في المنتدى بتوقيت جرينتش +3.
الوقت الان » 07:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd