][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

Hilali 3asal · #1 11/01/2008, 04:19 PM

الحارس نونو سيموس 34 عاما ( يسار الصورة ) هو صاحب خبرة طويلة في اسبانيا حيث لعب فيها لعدة فرق في الدرجتين الاولى والثانية منها ديبورتيفو وذلك خلال الفترة 1997 - 2002 وحاليا هو الحارس الاحتياطي في فريق بورتو البرتغالي هو احد الاسماء المطروحة كبديل للحارس المصاب جوركيرا في برشلونه .

راديو كاتالونيا ذكر ان المدير الرياضي تكسيكي ومعه نائب الرئيس مارك انجلا سافروا بعد نهاية مباراة اشبيليه الى البرتغال لبحث مسألة انتقال الحارس الى البرسا بنظام الاعارة حتى نهاية الموسم الحالي .

السبورت

Hilali 3asal · #2 11/01/2008, 04:39 PM

مباراة الاياب بين برشلونه واشبيليه على ملعب الكامب نو يوم الثلاثاء القادم 15 يناير ستكون في تمام الساعة العاشرة مساء بتوقيت السعوديه .

الموندو

S U L A I M A N · #3 11/01/2008, 05:31 PM

يامال العافيه ابو سلطان على التفاعل الكبير .. لاهنت يابعدي ..

للأسف مازالت الإداره من تخبط إلى آخر ! .. وش دخل الاعبين أبي أعرف !! .. جميع الاعبين الأساسيين حاليا يعتبرون سوبر ستارز في مراكزهم ياخي ليش تحاول تلعب على نفسك وتقول الاعبين مو كويسين !! ناظر معاي الدفاع .. بويول ميليتو تورام أبيدال زامبروتا ماركيز .. الوسط المتراجع ( محور ) ايدميلسون توريه بالاضافه الى امكانية الاستفاده من خدمات ماركيز في هالمكان .. وسط الملعب ديكو زافي اينيستا .. الهجوم ميسي روني ايتو هنري .. بعضهم يكونون احتياط زي ازكويررو وجودي ودوسانتوس ودوسانتوس وبوخان .. لكني ذكرت الاعبين المهمين في الفرق والي أي نادي يتمناهم ..

طيب ياحبيبي انت فزت في الدوري + الأبطال بأكثر الاعبين الموجودين فوق .. وجبت فوقهم لاعبين جدا مميزين زي ابيدال وهنري وتوريه وزامبروتا .. طيب منهم الاعبين الي تبيهم غير هالموجودين يعني !! هو لاعب واحد أي نادي يتمناه والي هو ألفيس حق اشبيليه وبس .. مجرد مانجيبه خلاص ماراح نكون بحاجة أي لاعب .. وضف لاعبينك كويس ومالك الا الي ياخذ الدوري السنقالي ياشيخ مهب بس الاسباني !!

مع التحيه للجميع .. ولا ننسى حبايبنا الاعزاء في قناة الجزيره الرياضيه البرشلونيه الكتلونيه

لازم نوجه لهم تحيه كبيره بحكم ميلهم الكبير للنادي الكتلوني كما يقول البعض

.. عشنا وشفنا

..

PUYOL Carles · #4 11/01/2008, 05:41 PM

ياسليمان ادارتنا خبله ..

احنا هالسنه مثلا .. عندنا فقط ظهيرين يمين .. واثنينهم طلعوا بصوره باهته .. ومتذبذبه ..

الموسم الماضي كان فيه ثلاثه .. مع امكانية وضع زامبروتا على اليسار ..

ماادري ليه كذا .. يعني .. كل موسم .. يرقعو خط من خطوط الفريق .. ويغفلو عن خط ..

هالسنه .. مافي أسوأ من خط الوسط .. مافيه احد .. اللاعبين مرهقين .. واصابات كثيره .. وياليت يحسو على دمهم شوي .. لا .. راحوا طيروا مارك كروساس اعاره ..

ومن ناحية داني ألفيس .. الاداره ماتدفع في مدافع مبلغ كبير .. قسما بالله لو على كيفي .. مااجيب هنري ابد مو لأنه هنري سئ .. بالعكس هنري صفقه روعه لوتم الاستفاده من قدراته بالشكل السليم .. لكن مبلغ هنري .. احطه في داني الفيس .. داني الفيس 24 سنه او 23 سنه .. ولاعب يملك قدرات هائله جدا جدا .. ومافي مثله في العالم .. وبيفيدنا في خطة برشلونه اكثر من زامبروتا .. لما يملكه من قدرات فرديه كبيره .. وراح يصير مفتاح لعب في برشلونه .. تخيل .. ميسي وداني ألفيس ماسكين جهة اليمين .. يييييييييييييو ..

في النهايه .. ضحكتني على الجزيره وماجزيره .. بالفعل لاتعليق ..

Hilali 3asal · #5 11/01/2008, 06:10 PM

الله يعافيك يا سليمان ،،،

انا ما اتوقع من الادارة انها تقصد بعملية التغيير او التجديد موضوع اللاعبين الاساسيين او النجوم الكبار في الفريق فهم مؤكد بقاءهم ولا يمكن مناقشة موضوعهم ، لكن الهدف هو تقوية بعض المراكز وايجاد بدلاء للاساسيين ورحيل بعض اللاعبين والذين لا يشاركون في مباريات الفريق .... مثلا عندنا ابيدال ما فيه احتياطي لان سيلفينهو متوقع رحيله من النادي ... الظهير الايمن نفس المشكلة تقريبا محتاج لاعب متميز .... منطقة قلب الدفاع اذا رحل تورام اعتقد محتاجين لاعب اضافي مع ميليتو وماركيز وبويول .... منطقة الوسط قد تحتاج الى تدعيم بلاعبين جيدين

الفريق كله لاعبين دوليين يسافرون ويغيبون ويتعرضون للارهاق والاصابات فما يمنع ان يكون هناك اكثر من بديل واحد في مختلف مراكز الفريق وهذا هو المطلوب .... اما ان يكون التغيير مقصود فيه نجوم الفريق الموجودين فلا اتوقع ان تفكر الادارة بمثل ذلك ، خاصة ان اي نجم سوبر ستار يمكن ان ينتقل من النادي الادارة مطالبة امام الجماهير بايجاد نجم بديل له وتعرف ادارتنا ماهي من النوع اللي يصرف وينفق اموال كبيرة .

Hilali 3asal · #6 11/01/2008, 06:27 PM

على فكره يقولون يا سليمان ( والعهدة على الراوي ) ان الجزيرة اصبحت برشلونيه كاتالونية من صميم اعماقها لان معلق مباراة البارحة اكد ان فيه ضربة جزاء لمايوركا لم يحتسبها الحكم .... طيب هي ضربة جزاء المفروض منك ياعلي تقول خطا على المهاجم ليش يقرب من الحارس او ينفرد علشان تكون في قمة الحيادية