|
إلى رابطة عشاق نادي برشلونه الكبير هاردلك للجميع وأتمنى لكم التوفيق بالمباريات القادمه ولاتنسى يا برشا أنك بطل بنظر العالم كله أخوكم / عاشق الأنتر |
يالله ياشباب انشالله تكون درس لريكارد هو وتغيراته الله يهديه بس وانشالله تكون الهزيمه دافع قووي للبرسا الى الامام .. والوعد انشالله في ملعبهم وانشالله يكونون الاعبين كلهم جاهزين ولاتكون فيها اصابات >> هاردلكم ياشباب .... |
إقتباس:
والله كلامك اعطاني امل رغم انه اختفى ! تسلم يالغالي ومبروك الفوز بالديربي .. |
انا من وجهة نظري البرشا اليوم لا توجد فيه روح الفريق يعني بصراحة مدريد اليوم يلعب كأنه على ارضه واذا الفريق ما فيه روح خلاص ينتهي ... عموماَ هارد لكم على الخساره والميلان أيضا اليوم خاسر وهذي حال الكوره تعطي من يعطيها .... مع اني طوال وقت المباراه وانا اشجع فريق البرشا..... |
هاردلك الخسارة المستحقة مع الرأفة ! |
صفحه وانطوت والخير في اللي جاي برشلونه ما يستاهل هالخساره لو كانت التشكيله غير كذا ديكو ورونالدينهو المفروض ما يلعبون مع بعض من اول المباراه تيري هنري كان افضل نزوله من جيو او بويان لفارق الخبره اللي يتطلبها الموقف دائما اكره تحميل الحكم للخساره ولكن كان اليوم خارج الفورمه ولكن قراراته اثرت في لاعبينا اكثر من الريال على ذكر الفاولات اعتقد انهم الغوها في الدوري الاسباني لكن سؤال من هو الفريق الافضل في الدوري العام الماضي ؟ ليش يحسم الدوري بالمواجهات المباشره رغم انه يعتمد على عطاء الفريق في 38 مباراه ولا ما كان يسمى دوري اعزائي ما يواجهه برشلونه شي لا يصدق فالاخطاء لا تحصى ولكن الوعد قدام وكل اللي يعتقدون انها نهاية المطاف اقول اسمحولي لا زال المشوار طويل وطويل جدا ولن افقد الامل حتى الجوله الاخيره |
إقتباس:
واذا كان بعض الجماهير تحب تقلبها هلال نصر فاللهم لك الحمد والاخلاق الرياضيه يمدحونها واللي ما تتوفر عنده لا يشارك بالرياضه ابد s13s |
هاردلك ياشباب وانشا ءالله نعوض با لجاي نقص ميسي اثر كثيرا |
السلام عليكم :) هاردلك يا شباب على الخسارة :( البرسا استطاع السيطرة على المباراة .. لكن دون هجمات خطرة تُقارن بالسيطرة خاصة ً في الشوط الأول ريكي بصراحة ما أدري وش يفكر فيه .. كنا ننتظر هنري ويدخل دوس سانتوس .. قلنا التغيير الجاي .. ويدخل بوخان .. طيب اذا هنري مو جاهز لا تحطه احتياط وتعشمنا بانه بيلعب ..!! نجوم البرسا اليوم هم من خذلوه للآسف .. ميسي s45s والله انك فقيدة :( هاردلك مرة ً أخرى والمباركة لإخواننا المدريديين المُستحقين للفوز وبعدين انسبطوا :D فيه فرق تنتظر الفوز على ملعبها .. انتم طفشتو منه انبسطوا على انه بتنقال لكم كلمة من زمان ما انقالت في مباريات البرسا على الكامب نو :d وأرجو من الجميع التعقل قبل الرد كما هو العشم :) تحيتي للجميع ؛ ؛ ؛ |
في البدايه هاردلك على الخسارة المستحقة ويمكن شيء جيد انها جاءت مع فترة التوقف حتى يكون هناك مجال لتصحيح اوضاع الفريق وتكامل شفاء المصابين ... الفارق اتسع الى سبع نقاط ولكن الاكيد ان الليغا لم تنتهي اليوم والمشوار لا زال طويلا وامامنا 21 مباراة قادمة تحمل في جعبتها الكثير . فاز الريال لانه كان الافضل لياقيا وشاهدنا من لاعبيه الضغط المتواصل على حامل الكرة في ملعبنا وهذا ما جعل الفريق يعاني في بناء الهجمات وضياع التمريرات حيث كانت كرات لاعبي الفريق تأخذ وقتا طويلا لتجاوز منتصف الملعب فقط ، الى جانب التباعد الكبير بين اللاعبين والبطء الواضح في التحركات وخاصة في منطقة الوسط التي خسرنا المعركة فيها فكانت اهم اسباب خسارة اللقاء . اعتقد ان الثلاثي انيستا وتوريه وميليتو هم من يستحقون الاشادة على اداءهم اما البقية فلم نشاهد منهم اي شيء يذكر ، ويبقى ابيدال وديكو وايتو مع رونالدينيو أسوء لاعبي الفريق والذين كنا ننتظر منهم الكثير . مرة اخرى هاردلك على الخسارة وفي انتظار القادم والذي نتمنى ان يكون احلى وافضل فالدوري كما قلت لا زال طويلا . نداء خاص إلى اصحاب العقليات الطفولية من مشجعي المنافس بان يتجهوا فورا الى رابطتهم ويكتبون هناك ويثرثرون على راحتهم بان فريقهم هو اعظم فريق على هذا الكوكب فسيجدون من يصفق لهم هناك ويمتدحهم . |
السلام عليكم ,,, هارد لك للجميع على الخسارة ,,, والله ابد ما كان هذا المتأمل قبل المباراة ,,,, حكم بالبداية اول مره يحكم الكلاسيكو ,, وسبق وان رأيته بمثل حركاته اللي سواها (شفنا كوع من بيبي ,, انا كنت ضد روني بحركات تمثيله ,,, الا هذي كان معه حق - حكم يحكم 4 دقايق بدل ضائع ,, ويصفر على 93 و10 ثواني بالضبط ) هذا غير اللي شفتله واللي سواه بروما واخوي ماجد ( روما فور ايفر ) اظنه اخبر اذا يشوف ردي بميخيتوا واللي سواها ,,, نأتي للاعبين ,,, واللي كان الابرز فيهم توريه وانييستا ,,, وما انسى ميليلتو ,,, بويول كان مجتهد ويبي يقدم شي ,, لكن المهارة تفوق الدفاع خاصة اذا معها سرعة ,,, اقصد روبينيو ,,, زافي سي جدا ,,, روني خلاص خلاص والله خروجه احسن لنا وله ,,, ودي اشوفه مبدع لكن ما اتوقع بالبرشا ,, فلذلك الخروج احسن لنا وله ,,, واحنا ممكن نعتمد على جيوفاني وبوخان اللي صنع له فراغ وتسديدة بأول لمسة ,,, والله ممكن جودينسون يلعب بروحه افضل من اللي قاعد اسمه بس ,,, او نجيب لاعب يفيدنا واظن دييجو او كواريزما الاقرب والانسب ,,, ايتو كان ينتظر كورة تجيه بس ,,, ديكو اليوم ما شفناه ابد !!! وهذا اللي ينقص ايتو كروات من الوسط في ضل تكتل الريال ,,, ابيدال لاعب زين . ريكارد لازم يغير اسلوبه ,,, اذا بيصبر اللاعبين بيطولوها ,, صحيح ممكن يندمون اللحين ويتحسنون لكنها فترة وبتعيد والمدرب هنا يبان وهذي سلبية ريكارد وهي المجاملة ,,,, واذا يستمر والله الباس يسع سليمان بكبره :d:d:d خل يروح ,,, ابي اصنع خبرة ومجازفت ريكارد اللي عشان كذا ابغاه يجلس ,,, مع شدة كابيلو او مورينينو والاقيها بمدرب للبارسا s60ss60s برايفت مع حفلة الردود !!! إقتباس:
مشكلة مشجعين المباراة الوحده والفوز ,,,,, نشوفكم بخير ورجاءً الاعضاء يرجعون مو يتخفون ,,,, صدقوني الامل موجود وبعنف ,,, وكل هالشي ممكن يجي بلحظة ,,,, السنة انتهت والاكيد كل الفريق من كبيرهم للزبال حقهم :d:d يبون يعدلون الاوضاع ,,, سلام عليكم s60ss60s |
بااااااااك === الصراحه في ردود ضايقتني .. طلبت منكم عدم النزول لمستوى الردود السلبيه .. فاهم حرقتكم .. لكن في مشرفين قدها وقدود .. === اسير الزعيم .. كنت اتمنى تكون المباراه فسيفسائيه والله :( .. === بعد ماهدأ بالي شوي .. اليوم ماكان يومنا من بدايته .. من اول التشكيله الأساسيه اليييين آخر الوقت .. لايوجد سبب معين نقدر نعلق عليه الخساره .. لاريكي - لا الحكم - لا روني .. لا غيره .. الريال استعد ذهنيا أفضل منا .. وهذا الفرق .. انا قلت ليكم قبل المباراه .. لوكل الفريق كان ذهنيا وبدنيا حاضر .. راح نفوز .. وماراح يطلع اي لاعب بصوره سلبيه .. اللاعبين اليوم كل واحد في حاله وغابت الجماعيه بشكل تااااااام .. رونالدينيو يحاول يحاور لأجل اثبات امكانياته .. وديكو يحاول يحاور وهو بعيد عن مستواه .. السبب ليس الضغط من لاعبي الخصم على وجه الخصوص .. لكن ذهنيا ماكانوا حاضرين .. خصوصا خط الوسط .. يعني أشوف ميليتو .. كم مره تقدم وحاول يقدم الاضافه .. بينما لاعبي الوسط والهجوم واقفين .. أو التركيز .. يعني .. كرات كثيره كان التحكم فيها سئ .. وتمريرات كثيره غلط .. اذا بالوم الحكم .. مو لأنه ماحتسب شي .. ماكان فيه شي واضح .. بس اللاعبين تنرفزوا من بعض القرارات .. وهذا هو الخطأ .. المفترض يعرفو يتحكمو بهدوءهم .. احنا المفروض اليوم ندخل المباراه واعيننا انه نقاتل .. وفي ملعبنا .. مولاعبين يتضحكو .. كم مره قلنا انه الفريق صار مايحس الا لما يتأخر في النتيجه .. في نسب معينه للأخطاء .. وكل شخص يتحمل الخساره .. مسالة رونالدينيو .. الاشكال هو .. انه الفريق يحاول يرجعه .. وريحه واجد .. وكان من المفترض .. بخبرته .. بامكانياته .. بالراحه الا اخدها .. يكون افضل من كذا .. يعني لو ريكارد مادخله وخسر .. قالوا شفت ياريكي خلي عنادك ينفعك .. وان دخله .. قالوا جبان .. طيب .. روني قلنا يحتاج ثقه .. وفيه افضل من اعطاءه الفرصه في هالمباراه ؟ .. لكن .. بشكل عام .. احقاقا للحق .. روني ماكان بيطلع بصوره جيده .. مع التصرف الا شفناه من باقي اللاعبين اليوم .. كانت فيه اتكاليه غريبه .. كل واحد يلعب لنفسه من جد ... كنت اتمنى يطلع ايتو .. وديكو .. مع اول 5 دقايق من الشوط الثاني .. وارد اقول مااحمل ريكارد الخساره بالشكل المطلق .. الفريق كله تائه .. اللاعبين .. والنجوم خصوصا .. خذلوا ريكارد .. وريكارد كان من المفترض يدخل بالتشكيله الأكثر جهوزيه .. التبديلات نوعا ما جيده .. لكن ماأعطت فاعليه .. توريه .. آخر المباراه سوا شغل هجومي كبير .. لكن للفراغات الا كانت موجوده .. وعدم وجود مسانده من لاعبي الوسط .. ماقدر يوقف الكل .. لكن اليوم توريه مباراه ينشهد اله فيها لكن اليد الوحده ماتصفق .. لما شفنا قوديونسين يبدع في مباراة فالنسيا او شتوتقارت .. مو لأنه لاعب فنان بزياده .. ولكن .. الفريق كان كله حاضر في الملعب .. وأي لاعب سئ يصير جيد في هالحاله .. قبل موسمين .. اوليقير كان يقدم مستوى جيد في الظهير .. هل لأنه امكانياته خارقه ؟ .. لا .. اوليقير لاعب عادي .. لكن الفريق كله يشتغل .. هل ويس براون مثلا لاعب كبير ؟ .. ليش فيرقسون يلعبه ؟ .. تتوقعو فيرقسون مايقدر يطرده مثل ماطرد غيره .. اللاعب يطلع بصوره سلبيه كفرد .. لما الفريق مايساعد بعضه .. بويول اليوم اتوقع طلع .. لأنه عليه انذار .. ولما نزل زامبروتا .. صراحه ماادري وين كان :D .. ماأنكر فيه حالات شاذه لنوع المستوى الا يظهر به اللاعب .. لكن بشكل عام .. لما كل لاعب يلعب لنفسه .. الفريق يضيع .. والتكتيك يتكسر .. والنتيجه اكيد سلبيه راح تكون .. حصل ماكنت متوقعنه .. انه لما يكون الوسط موحاضر .. شوستر راح يفككه بطرق متعدده :( .. وكنت كاتب هاالشي في تقديم الجوله في العالميه :( .. === واكررها .. اليوم الصراحه هم كانوا أذكى .. وخطفوا فوز ثمين .. أنا عمري ماراح اتعصب .. وأشتم احد يشجع الريال .. او انعته بالفاظ سيئه .. الشي مايهمني .. لأنه في النهايه هو فريق كوره .. ولايعنيني الا بين برشلونه والريال .. |
ياعيال قويه عليي الميلان والبارسا في يوم :( .. ليه الكوره سيئه :D .. |
^^^^^^ والله صادق ياحسين ,,, شي مو منقطي فريقي اقوى وفريقك ضعيف ,,, انا عارف الشباب عندنا ماهم مسوين الي صار من بعض الاعضاء في حال فاز البارسا s60ss60s برايفت : وقسمن العنوان مو بوقته ,,, اسير والا سليمان تكفون رجعوه للأصلي :d:d |
اعترف المدرب الهولندي رايكارد بان الريال كان متفوقا من الناحية التكتيكية واللياقية في مباراة الكلاسيكو والتي خسرها فريقه بهدف دون مقابل ، وقال ان الريال قدم اداء كبيرا وخاصة خط دفاعه الذي كان قويا ومنظما ، والهدف الذي سجلوه أثر على فريقنا وغير في مجرى المباراة . رايكارد قال ان فريقه قدم اداء جيدا وحتى اللحظة الاخيرة من المباراة ونحن نسعى لتعديل النتيجة ولكن لم نوفق في ذلك ... الليلة لم تكن ليلة برشلونه ، وطالب لاعبيه بنسيان المباراة والعمل على تحسين الأداء في القادم . وعن الأداء الذي كان عليه البرازيلي رونالدينيو ، قال رايكارد انه يرى ان اللاعب قدم مستوى جيدا في المباراة مثل باقي زملاءه في الفريق .... وحول وضعية الفريق في الليغا قال ان الفارق اصبح سبع نقاط ولكن المشوار لا يزال طويلا وامامنا مباريات كثيرة وكل شيء ممكن الحدوث . المصدر |
| الوقت المعتمد في المنتدى بتوقيت جرينتش +3.
الوقت الان » 08:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd