|
8 الله يصلحك موسوس انت .. :D واشكر الجميع على المرور .. :D |
السلام عليكم ورحمه الله وبركاته هلا وغلا فيكم ياشباب انا لي قصص كثييييره والقصص تبدأمن يوم عمري 12الى 19سنه وانا راح اقولكم قصه وانا بصف سادس او خامس المهم انا سلمكم الله سافرت مع اهلي وعماني للشرقيه طبعن ابوي ودا اهلي وكل واحد ياخذ حرمته وعياله وعمي عياله وحرمته مهب رايحين المهم قال ابروح واباخذ العيال معي المهم مسكنا الخط انا واخوي وولد عمي وعمي المهم ويوم مشينا حوالي 100 كيلو الا عمي يوقف ويغمى عليه وش السوات ياولد ماندري وش نسوي المهم نزلنا من السياره ومشينا على رجلينا وخليناه نبي نشوف احد يساعدنا ونمشي ونمشي ونمشي الين ما لقينا يمنيه جالسين ويتقهوون المهم ونركض يوم شفناهم ونركض الين وصلنا المهم اخوي اكبر من بسنتين هو الي تكلم معهم اخوي: السلام عليكم ابو يمن :وعليكم السلام اخوي قعد يقولهم السالفه وانا ؟؟؟قاعد اسمع السالفه وخايف وبالعربي:cry: قاعد اصيح المهم ويهدين اليمني المهم وندق على ابوي (بابا عمي مات عمي مات )طبعا مبزره ولا ندري وش السالفه <<<ابوي وشو ؟؟ جاكم شي لا بس هو طاح واغمى عليه .. ابوي انهبل ويديور ويجي لمنا يوم شفنا ابو ي ونركض ونصيح ابو قال وين عمكم قلنا ورا المهم ويد ق على عمي جواله مقفل المهم ونرجع وندوره شوي الا عمي يدق على ابو من رقم غريب هلا وينك وش صار عليك سلامات قال ابد جتن دوخه واغمى علي قال عمي وش لون العيال قال ابد ما عندهم خلاف المهم جا عمي قال وينكم قعدت ادوركم بكل مكان وين رحتو المهم ولله الحمد انتهت السالفه وكل ما اقابل عمي تذكرنا السالفه وضحكنا ((فضحك الجميع)) <<<قديم قراءه وانا شيد .. وتونا ما قضينا باقي سفرياتي بلحالي اقوله لكم بعد شوي ... |
هلا فيكم مره ثانبه هذي القصه وانا عمري 17سنه كنت توي شاري سياره المهم مسكت معي انا وثنين من الشباب اننا نروح للشرقيه نفطر ونرجع ((فضاوه )) المهم مسكنا الخط الساعه 2 باليل المهم يوم انتصفنا بالخط وينفقع الكفر ووقفنا واستبنتي معطيه ولد خالي المهم ونأشر ونأشر محد يمنا ولا احد عطانا وجه المهم ونلقا سطحه وقفنا ه وقلناله نبيك توصلنا لم اقرب محطه قال ب200 ريال قلنا وييين تلعب علينا اقرب محطه يمكن 10 كيلو تقريبا المهم قلناله ضف وجهك المهم راح وخططنا اننا نمشي على السياره شوي شوي المهم مشينا ثم مشينا الين وصلنا عقب ما تقطع الكفر قطعه قطعه وصلا للمحطه مالقينا الى الي يعبي بنزين قلنا له نبي بنشري قال بنشري في نوم وندخل عليه بغرفته وابن الي مانب قايل يطردنا يقول((( رووخ أأود بالله كلو ناس مافي خلي ناس نوم ))) قلنا لو سمحت ياصديق انا مافيه كفر ويبغى اشتري كفر ثاني بس دقيقه قال(( يالله برا انا تأبان روووخ يالله ))) المهم انا عصبت:mad: قلت الله يلعنك ويلعن الي جابك يالي فيك ملا فيك ومير اناضر جنبي التلفزيون واجدعه بالارض واطلع المهم الي معي فاقعين ضحك ما خذين الدنيا فله ووناسه احر ما عندي ابرد ما عندهم المهم وامشي بالموتر شوي والقى سطحه ملبق على اليمين ونايم واروح لمه واقومه من نومه طبعا ضلام ما اشوف شي واقوله صديق كم ودي محطه قريب المهم قال انتا تو في كلام ما يبغا يالله روووخ (طلع خوينا الاول الي كرشته) ومير اقوله ضف وجهك يالي فيك مالا فيك المهم وامشي لي شوي الا وانا الي اوقف وانزل ااشر واخويا ماغير يضحكون علي المهم ومليت وانا ااشر ويجيك واحد يمشي 200 وانا الي اطلع عليه واشرله هو يا حول طاقه هواجيس يوم شافن بوجهه ومير يوخر ويهج به الموتر وما يوقف الا عند الشبك ومير يرجع يويلي يحسبه صدم احد منا ويوقف وينزل ويقول ((جاكم شي جاكم شي )) انا اناضره واقوله((لا ما جانا شي قال اجل وش الي طلع علي قلت بكل برود (انا) وش فيك قلت (لا بس ابي اخذ منك ستبنه وهو يناضرن بكل حقد وده الاو صادمن المهم يركب موتره وماعطان وجه والتفت على اخوياي الاهم فاقعين ضحك ومير اجلس بالارض وأييس وافكر وافكر ومير يجي امن الطرق ويوقف ويقول سلامات ياشباب قلنا ابد منفقع علينا كفر ولا معنا ستبنه قال بسيطه ابدق على سطحه وهو الي يدق على السطحه ومير جت السطحه ((وينزل ويشوفن اله خوينا الاول تقل مابه الا هو )) سلمت عليه وقلت ما عليش صديق كم ودي اقرب محطه قال 300 ريال استقعد زقاقه لي واروح لم امن الطرق واقوله يقول 300 قال مالي شغل تفاهمو معه ويروح المهم واروح لم السطحه واتفل بوجه واكرشه المهم واقعد افكر وافكر واخوياي ماغير يسولفون ويستهبلون ويضحكون المهم وادق على واحد من اخوياي بالرياض واقوله جبلي استبنه وتعال بسرعه المهم جا خويي وجاب معه ستبنه وجا المهم وركبنا الكفر وقعدت اقوله السالفه وقالي (اذا كان لك حاجه عند الكلب قله ياسيدي) المهم وارجع للرياض لانب الي رحت استانست ولا نب الي قعدت بديرتي بس رحت وعورت راسي ورجعت .. بس بسراحه لامني قعدت مع اخوياي سولفنا ضحكنا لامننا تذكرنا السالفه ... بس والله السواليف كثار وانا قلت لكمك هالسالفتين الي اذكرهن صح واعذرونا على الاطاله ... وشكرا واهنيكم على هالموضوع .. |
888 نورت الموضوع اخوي .. |
مره انفجر الكفر بس |
اولا يعطيك العافية على الموضوع انا والعائلة الكريمة كنا رايحين اسبانيا المهم استاجرنا سيارة هناك بعد ثلاث ايام خلص البنزين ورحنا المحطة نعبي راح ابوي بدال مايعبي بنزين عبا ديزل مشينا شوي وقفت السيارة السيارة كانت الساعة 11 بالمساء الشارع مظلم والجو بارد ومافيه احد بالطريق ونقعد نحتري جا راعي شاحنة وقفه ابوي حاول يكلمه صار مايعرف انجليزي كرشه ابوي ونحتري ويجي واحد ثاني بس اشوى يعرف انجليزي قاله ابوي وصلهم للفندق ووافق<<<<والله انه رجال سنافي يااني حبيت ذاك الشايب المهم وصلنا وابوي وصل بعدنا واشوف الساعة لقيتها الساعة 5 الفجر نمنا ولاقمنا الا المغرب |
إقتباس:
طيب يوم انفجر وش سويتو :mad: بعدين يا شاطر انت باي صف ؟؟ اجل لا الاها الا الله تكتب كذا !! إقتباس:
|
انا اللي صاير لي سادحه بموضوع بوذا رب على حسب اليوم :D يعطيك العافيه |
هههههههه هلا كيفكم ام انا وخوالي في العطله اللي راحت كنا رايحين لشليهات قرية الخليج اللي بالشرقيه وكان الوقت الصباح انا وخالي وخلاتي وامي بنرووح نركب الجتسكي وانا راكبه مع خالي وكان يلعب بالدباب لعب وانا ماسكته على الخفيف لاني ما اقدر الزق فييه يحسبوني حرمته:D ويلعب وانا ماغير اطلع نبرات ولا اصارخ مستحيه منه لو تشوفون هالنقاب نازل طاير يعني خشيشتي تطلع وتدخل ;) والعبايه حالتها حاله اخر شي قلت الله يسلمك رجعني للشاطئ قال طيب شبشبك نروح ناخذه من عند اصحاب الجتسكي قلت لا تكفى اهلي يجيبونه قال طيب لو تشوفون اول ما وقف طرت للشاليه ونمتت مشكور يا صاحب الموضوع والله نسيت اسماؤكم واعذروني كان في اخطاء لا ني من زمان عن الكمبيوتر بنت فهد |
ابقولكم قصة افففف فلـــــة انا كنت رايح لأمريكا وفي الطيارة اتطاقيت مع المضيف كان سكران ويشتمني واقوم عليه مع عيال خالتي ونمسكه و(((نلعن ابو جدفه))) احس انه قال :والله ما اسكر ثاني مررة :laugh:....... والله ترا انا موب مهايطي بس هو يقولي كلام وسخ مرررة الله مررة :mad: المهم: وبدين يوم نزلنا من الطيارة واروح انا وعيال خالتي ونرووح ويقولنا ابوي اننا لنا غرفه بلحالنا واقمز واحب راس ابوي والفلله وتمر الايااام ..... واقول لعيال خالتي : خلونا نرووح للشاطئ قالوا : قدااام ونرووح للشاطئ ونسبح وانا ما ادري الا وذيك الي تمسك يدي وانا احسبه واحد من عياال خالتي وانا كنت غايص واطلع من الموويه واموت من الدهشة : وش ذا الي خلاها تمسك يدي واسألها وانا مطفر في الانجليزي : وت آر يو وانت وتجاوبني بكلام ما افهمه :confused: والمهم واقوللها يس اتز طوول الوقت قاعد اسلكلها :p وهي مستانسه اقولها : آي رووح حمام :laugh: والله انا ما عندي ما عند جدتي وارووح انحاش لمكان ثاني في البحر واقول السالفه لعيال خالتي ويضحكون الي تمزعت بطونهم . واتمنى ان القصة حازت على رضاكم وترها واقعية لحد يقوول كذب :upset: وسلامتكم.. |
| الوقت المعتمد في المنتدى بتوقيت جرينتش +3.
الوقت الان » 08:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd