انا مر علي موقف بالحدود قبل اسبوعين من الان

وشوفوا كيف حسد الشباب السعودي لاقلتله رايح برا

اخوكم هاوي سفر حتى بالدراسه اروح تعرفون الواحد
اذا فتح على سفرات برى كيف عاد انا مالي 6شهور مطلع الجواز
وبال6شهور ذي رايح اربع مرات.

الا وشاب سعودي باين عليه توه متوظف يدقق بالجواز

ويقول ممداك تكمل 6شهور والجواز امتلى تختيم. هبي عليه ولا قال ماشاء الله

خلى الواحد يتعلم ثقافات الشعوب ويزور اماكن حلوه وبسعر ارخص من سياحتنا هنا.

كلش نار في نار اجل ليله بشقه مفروشه في جده بتوصل 350 وفوق على ايه.

888

واااو حلوة القصة .. قصتك وااو خخخ !

اخوي راموس هاذا وانت صاحب الموضوع

ماتعرف تجامل انت ووجهك ياخي موقف وناشب بحلقي وطلعته لك ههههههههه

مشكور على الموضوع


انا اذكر اني رايح للبحرين ورحت اسبح وطبيت بنعالي


الموقع الثاني كنت ماشي بسيب بالاوتيل

واشوف قدامي ورعان من اشكالهم انهم سعودين يركضون


ونحاشو وانا على نياتي الا ينفتح باب غرفه


ويجيك الشايب ويقعد يسبني سب ماشفته بعمري


قلتله وش السالفه


قال لاترن جرس على غرف الناس مره ثاني لاقوم واقطع جسمك




بالاخير عرفت ان هالمبزره هم الي قامو يرنون الجرس


(لاتلومهم سعودين وبزران كملت ماشافو نعمه)

هلا والله وغلا براكان اذا ماني غلطاان منور المنتدى بهالموضوع

يؤ يؤ اذكر مره صاارت لي ساالفه وانا مساافر انوااع الاستغلال وانوااع الدلااخه

مره كنت مساافر وجوعااان او جيعااان على قولت اخوانا الحجازين

المهم رحت عند مطعم وقلت بليز قف مي من شفايااك :D وقعت اشر على الووحه

كانو معلقين وجبه ماكنت اعرف انجليزي وكنت ااشر عليها المهم في النهااية فهمت هي اني ابيها

وكل شوي تجي تسالني وانا مغير اقول يس يس :D وازعجتني كل شوي تجي تسالني واقولها يس

المهم في النهااية جابت لي طاااوله هذي كبرها :D وقامت ترطن قلت الحين هذا كله لي:p

المهم وقوم واطلع فلووس كثيره نسيت المهم اني احتريها ترجع الباقي وقاعد انتظر وهي تنتظر

وقولها رجعي البااقي وهي ترطن صاار انا بعد لازم ادفع:D ويوم جيت عند اخوااني ماتو ضحك علي :D ومن بعدها حرمت اروح اطلب لحالي

الموااقف وااجده وهذا الي اتذكرها ومشكوور على الموضوع والقصه والله يعطيك الف عاافيه وتشكرااتي لك

:D

خخخ! يرحم امك لا تسافر بلحالك ..:D

ياخي مب مسئلتهم (بزارين) انا متاكد لو انه ولد اجنبي مافيه امل يرن الجرس !

المشكله من شعبنا .. :cry:

والله ياخوي لو تقولي اعطيك مثل احد ذهبا .. بس تسافر برا اقولك لا..

لذلك ماعندي مواقف بالخارج..

هالموقف صار لي سلمكم الله قبل اكثر من عشر سنوات :) .. وكنت جاي للرياض من بلاد اللى زمن الطيران من هناك للرياض اكثر من ثمان ساعات ... وكان معي اربعه شباب واحد منهم ( الله يسامحه ) كان راكب جنبي وتعرفت عليه هناك بنفس السفره ... طبعا كنا على طيران الدوله اللى جايين منها ماجينا على الخطوط السعوديه .. والشراب مسموح في الطائره .. وحتى كانوا يقدمون في الرحله المشروبات الروحيه .. عاد هالرجال اللى جنبي خبل :yes: طالع للطيراه ومعه ( بطله ) ومن ركبنا وهو يعزم علي .. ( تاخد لك كاس ) واقوله لا ... يلزم علي وانا اقوله لا يااخي :mad: المهم شافني عصبت .,. قام يدردب لحاله .. وسكر الرجال بالطياره :D ويوم وصلنا الرياض والا الرجال ( مستوى على الاخر ) :yes:
رايح فيها ... المهم اعلنو اننا بنهبط وطلبوا من الركاب ربط الاحزمه استعدادا للهبوط .. استعدينا وهبطنا .. والحمد الله

انا معي شنطه على الكتف وهو مامعه شنطه .. كانت بالعفش .. اثاريه قالي انه بيحط البطل والكاس بشنطتي وبعد مانوصل ياخذه .. قلت طيب :confused:

يوم وصلنا المطار .. وقدامي الجمرك :eek: واتذكر المصيبه اللى معي !!!:upset: وقبل مااوصل التفتيش بعشرة امتار وانا اللى اريووووس .. وافتح شنطتي وارمي البطل والكاس .. واقبل على التفتيش وكان شيئأ لم يكن :rolleyes: يوم وصلت عن المفتش قالي .. وش حطيت هناك بالزباله !! :eek: قلت شي نسيته معي بالشنطه وماتذكرته الا الحين !!

قالي رح هاته !! يارجال .. عدل بدل .. قالي رررررررررررح هاته :upset: ( طبعا ماعصب هو ) :D
وانا اللى اروح اركضضضضضض وافتح الله يكرمكم الزباله حقت المطار واطلع البطل والناس تناظرني :D :D
واجيب له الكاس بعد اللى كان خويي يشرب فيه ( الله لايبارك باليوم اللى عرفته فيه ) ورجعت للرجال مره ثانيه .. قلت هذا اللى رميته ( صريح ) :thumbup: قالي وليه ترميه ! قلت : لانه مو لي .. وحتى لو لي اكيد برميه .. وتقدر تسوي اختبار وتشوف اذا انا سكران او لا .. قالي ادخل لغرفه التفتيش الانفرادي ( ارراااا اخو العيال ) :yes:
دخلت وربعي يستنوني .. لكن الهيس هذا حط رجله واقرب ليموزين وهج ... اما باقي ربعي قلت لهم خلكم بعيد .. ان شالله ماتطول السالفه ... دخل علي مشرف الجمارك ومعه الرجال اللى ( قبض علي ) :D قالي تبيني اختم على جوازك ؟؟ قلت ليه .؟ قالي وش هالحركات .. علمته بالسالفه كامله خصوصا بعد ماعرفت ان الرجال طس وطلع من المطار .. قالي المشكله انك ولد حمايل وطلع يعرف كم واحد من الجماعه .. قلت شف : والله اللذي لااله الا هو انه مو لي .. انه لواحد كان جنبي وسكر وحطه بشنطتي .. وتذكرت انه حاطه بشنطتي بعد مانزلت للمطار ورميته وانا اسف واللى تسويه اللى راضي فيه ... حسيت انه رحمني وقال توكل على الله ولاتحط في شنطتك شي مو لك .. قلت اوووووووووووووكي

وهذا موقفي في احدى السفريات المشؤومه ... حتى ذيك السفره جاي ووجهي متفقع .. انطقيت :D
تقبل مروروي

هذا موقف لي الى الأن وانا اذكره : اتذكره هذا الموقف من يوومي صغير في مكة وكنت مرررررررررة ضياعة كانت امي بتروح الحرم مع اخوي الصغير وتقولي تعرف الشقة قلت ايه

واثق الرجال <<<<<<<<< عاد رحت ورقيت المصعد يوم وصلت علبالي انها الشقة ورنيت الجرس ومحد رد وخفت و قعدت اصيح ونزلت تحت عند الشرطي قال وش فيك : قلت ضايع عاد دق الشرطي على امي وقال كم رقم الشقه وعلمته ورحت لشقه ..... .... <<<<<<<<<<<<< سخيف صح ههههههههههههه


المثل يقول : اتأنى واستنى وارجع معاد التروبش تطلع .

شلون ما اقبل .. s13s

والله انك روعه .. خخخخ ..الظاهر اني هونت اني اسافر بالطيارة وجمبي واحد ما اعرفه .. :D

وترى بقيلك قصة << يلعن ام النذاله .. :D

:D :D :D مادامك ذكرت الكره والبحر انا بذكر موقف مضحك مع فلبينين على البحر بالكويت:thumbup:

شتنا كورتهم داخل البحر والحمدلله جابها لنا واحد ركب القارب :D وجابها ..جزاه الله خير مالي خلق اتهاوش معاهم:D

أتا عندي موقف<<<<parking :D بايخة بس مشي حالك
المهم قبل 6 سنوات تقريبا كنت في دبي عاد كنا في السوق عاد تعرف مهرجانات صيف دبي كانت في عروض يطلعون ناس يرقصون عاد قلت خلني أروح أشوف وش السالفة بدل الزهق بالسوق عاد طالع مع حريم للسوق :mad: المهم وانا قاعد اتفرج على الرقص و أنا أصلا موب لم الرقص قاعد أناظر الحريم إلي يرقصون s60s ( سعودي ) المهم اشوف الرجال بالمسرح قاعد يطلع ناس من الجمهور عشان يرقصون المهم قالي الرجال اطلع عاد أنا قلت أطلع مين يا حمزة <<<< أووووه ياحمزة :p المهم قلت للرجال ظف وجهك بس عاد الرجال ما يتكلم عربي قلتله no no عاد أشوف الرجال ملزم غصب يطلعني بعد شوي جاب السكيوريتي طلعوني أرقص بالغصب عاد معنا حريم يرقصون ( يلعن أم الفلة) المهم أشوفهم يرقصون و أنا أقلدهم
يوم خلصو عاد حنا نازلين من درج المسرح و قدامي بنت أجنبية و هي نازلة من الدرج طاحت عاد أخوكم طاح فوقها:confused: :confused: يلعن أم الفشلة ويوم قمت البنت تناظرني و تضحك و أنا أقول يلعن أمك يا بنت ال***** ( عشان أختي كانت مع الجماهير ) لو أختي ما في كان قلت يلعن أم الفلة




ومشكوووووووووووووووووووووووووووووووووووووور