::Traveler:: - نادي الهلال السعودي - شبكة الزعيم

الفيروسه الزرقاء · #1 28/06/2007, 05:15 AM

:: مدخل ::

وكل لي أخوي مهمه أنقل ملفات من لاب توبه إلى الهاردسك

واثناءً عملية النقل جلست أختبص بـ فايلاته وطاح بيدي مسلسل ترافيلر ، شفت الحلقة 1 واااااااااااااااااو تجنننننننننننننننن جلست اختبص وادور الحلقة الثانيه لعلي أجدها فـ أحدى ملفاته وللاسف مالقيتها

فتشت بـ هاردسكات ولا حصلت

قلت مالك إلا تتصلين ع أخوك وتسألينه

أتصلت وليتني ماتصلت

قلت لاخوي شفت المسلسل ترافيلر ابي الحلقة 2 وينها ؟؟ جلس يضحك ع ويتمسخر يقول يووووووووه توك تدرين عن هـ المسلسل !! إيه ايه كنتِ بـ اختبارات

يبي ينرفزني

فأجاني بأنه حذف3 حلقات اللي كانت عندها

وقال أنتِ من وين لقيتي الحلقة 1 ع بالي حاذفها

!!
قلت يعني مافيه أمل حصلها عندك قال لأ ، إذا تبين حمليها من جديد

عاد ادهرت بـ قوقل لين ماحصلت روابط تحميل

المهم شفت الحلقة 2 قبل شوي والحين يحمل الحلقة 3

فقلت نزلي هـ الموضوع بـ حكم اننا فـ إجازة والاعضاء يبون يستانسون عاد تذكرت ان فيه مدمنين مسلسلات هنا مثل قاضينا :p

وابو ميرا

" اللي تحته خط الهدف من التنزيل

"

:: قصة ::

ثلاث أصدقاء " جاي " و " تايلور " و " ويل " عاشوا معاً عامين فـ منزل واحد ، وهم طلاب جامعة .. تبدأ احداث المسلسل فـ بداية الإجازة قرار الأصدقاء قضاءً الإجازه معاً فـ ترحل بين المدن الأخرى وأثناءً زيارتهم لـ متحف شهير فـ مدينة نيويورك حدث إنفجار وكان " تايلور " و"جاي" خارجين من المبنى بـ زلاجات

[ يستهبلووون جالسين يتمشون بـ المبنى بـ زلاجات وخويهم ويل قال بيصورهم صورهم عند الدرج ثم أختفى

المهم

--->> ماتعرف تكتب قصة بتقول احداث الحلقة الاولى كلها خخخخخخخخ ]
يتفاجأون بانفجاره ويجدون أنفسهم متهمين بـ التفجير الارهابي ويتفاجأون ايضاً بـ إختفاء صديقهم " ويل " اللي يقدر يشهد ع أنهم بريئين

!

الغريب والعجيب فـ الأمر أن صديقهم " ويل " لا يتحرك إلا بـ كاميرا

، وأثناء إلتقاطهم للصور خلال العامين يغطي وجهه

!! مما جعل " جاي " يشك بـ أن صديقهم " ويل " دبر لهم هذه التهمة

.. لأنه تعب فـ البحث بألبوم الصور لـ صورة لـ صديقهم " ويل " علشان يعطي الاف بي اي ، كدليل لـ برائته

.

مسلسل من وجهة نظري رررهيب وعجيب فيه إثارة وغموض ماادري ليش ماجاز لأخوي

! يقولي أن داي بريك أحسن منه

لأ م ع ص ي ذا جاز لي وإن شاء الله بـ تابعه إلى ماينتهي

---->> ياكثر اللي تتابعينه

.
طبعاً هذا ماينافس برزون بريك

برزون بريك ماااافيش مقاارنه فيه يمكن وجه الشبه بينهم كلهم هاربين من العدالة

وملفقين لهم تهم

وهم بريئين

.

:: الأبطال ::

تايلر فوغ

الاسم بالمسلسل : Tyler Fog
العمر : 28 سنة
مكان الميلاد : Germany
الاسم : Logan Marshall-Green
أشهر اعماله : The Great Raid

جاي بورتشيل

الاسم بالمسلسل : Jay Burchell
العمر : 29 سنة
مكان الميلاد : Texas
الاسم : Matthew S. Bomer
اشهر اعماله : The Texas Chainsaw Massacre

ويل ترافيلر

الاسم بالمسلسل : Will Traveler
العمر : 30 سنة
مكان الميلاد : Westford USA
الاسم : Aaron Stanford
اشهر اعماله : X-Men

" موعد العرض "

القناة الرسمية هي قناة abc وتعرض المسلسل كل إربعاء س : 10 بـ توقيت امريكا ... "أمس نزلت الحلقة 6

" .

:: روابط التحميل ::

E:1
E:2
E:3
E:4
E:5
E:6
E:7
E:8

:: ترجمة الحلقات ::

هذا موقع فيه ترجمة الحلقات من 1- إلى إن شاء الله نهاية المسلسل

وبـ 3 لغات " A-E-J"
Traveler

يـ الله استمعوا بـ المسلسل وعطوني رأيكم فيه

..ع فكره روابط التورنت والصور اخذتها من قطر فوتبول

.

الفيروسه الزرقاء

خالد×خالد · #2 28/06/2007, 05:23 AM

ياسلام عليكي

انا عندي اربع حلقات ومتقطع ابي الخامسه

الله يعطيكي العافيه <<<<<<<<<<< تراها من قلب

! غير البشر ! · #3 28/06/2007, 05:30 AM

من افضل المسلسلات اللي شفتها ..

من اول حلقه الى الخامسه .. كله اكشن واثاره وهبااااال

من جد مسلسل يستحق المتابعه .. وانا اعتبره افضل مسلسل شفته بعد بريزون بريك

نصيحه للي ماشافته .. يشوف المسلسل ..
خصوصا انه مسلسل مافيه قله حيا واجد .. ومشاهد مش ولا بد

اصلا مافيه وقت لقله الحيا

عوافي فيروسه

إنســـــــــان هلالي · #4 28/06/2007, 05:37 AM

مسـلسـل حـلو بصـراحـة .. وحـلوة إثارتـه .. وأحلى من لوست بعـد .. ذا المسلسل النايم ..

اللي ما دخل مزاجي ..

لكـن تدورن وش المشكـلة .. إننا شفنا بريزون بريك وما عاد تمتـلي عيوننا ..

عـوافي فيروسـه ..

الفيروسه الزرقاء · #5 28/06/2007, 06:46 AM

::: صباح الخيرات :::

هلا بـ خالد×خالد

الله يعافيك

.. وإن شاء الله إذا قدرت خليت كل روابط المسلسل متوفره هنا

.

هلا بـ غير البشر

يب يب كله إثااااارة من جد رووووعه يهببببل هـ المسلسل

ههههههههههههههههههه حلوووووة مافيه وقت لـ قلة الحيا

إلا تعال خل نتناقش فيه

الخال اللي فزع لهم فـ الحلقة الاولى تتوقعه تابع لـ أي منظمة ! له علاقه بـ الرجال اللي يأمر أبو تايلر
أنا من اول حلقة وجالسه أدقق

الحين جالس يحمل الحلقة 3

ناويه عليه ناويه عليه

.

هلا بـ إنســـــــــان هلالي

صدقت والله برزون بريك غييير ماحد صاير يملي عينا من بعده

..

هلا بـ f*y*d

اللي تبغى

راعية افلام، مسلسلات ، انميشن ، ألعاب

بـ صراحه لوست يزون 3 ماجاز لي وماتحمست مره معه مثل برزون بريك

وه بس يـ زين مايكل سكوفيلد

اتحرى شهر اغسطس ع أحر من الجمررر

اريجاتو ع مشاركتكم

.

الفيروسه الزرقاء

f*y*d · #6 28/06/2007, 06:45 AM

هلا والله بفيّو شكرا على الموضوع شكلك راعية افلام ومسلسلات تراها والله هوااااااااايتي
بي مابي ذا المسلسل مادخل مخي
بس والله لوست++برزن بريك++24 هذولي احلا مسلسلااااااااااااااااااااااااات
واذا تبغين اي مساعدة البحث عن فيلم امريكي او مسلسل مالك الا الشايب خبيييييييييييييير
مررررررررررررررررررررررررررررررررررررررررررررررة

leo messi · #7 28/06/2007, 09:56 AM

يؤيؤيؤيؤ هذا المسلسل شايفه من سنة الف وتسعمية وعجره

فــيــو والا فيـــوز وش رايك تسوين لنا دور
عرض في المنتدى في الصيفيه << عاد تخيلي شكل الاعضاء متسدحين عند الكمبيوتر محترين اخر افلاااامك :p

وبعدين وشوه ذا برزون بريك تمثيليه ؟؟

افيدونا اشوف كل واحد
يقول حلو بس تبون الجد هو روعه الفيلم

عوااااااااااااافي فــيــو وبانتظار اخر عروض الافلااام

إنســـــــــان هلالي · #8 28/06/2007, 10:08 AM

إقتباس

الرسالة الأصلية كتبت بواسطة leo messi


	يؤيؤيؤيؤ هذا المسلسل شايفه من سنة الف وتسعمية وعجره فــيــو والا فيـــوز وش رايك تسوين لنا دور عرض في المنتدى في الصيفيه << عاد تخيلي شكل الاعضاء متسدحين عند الكمبيوتر محترين اخر افلاااامك :p وبعدين وشوه ذا برزون بريك تمثيليه ؟؟ افيدونا اشوف كل واحد يقول حلو بس تبون الجد هو روعه الفيلم عوااااااااااااافي فــيــو وبانتظار اخر عروض الافلااام

ماشاء الله .. والله أنت خطييييير .. وين شايف المسلسل قبل

المسلسل حصري وتوه نازل .. ومانزل منه الا 6 حلقات ..

سلام

abu_riman · #9 28/06/2007, 10:15 AM

" مشكورة فيو ..
شدتني الأحداث خاصة بأسلوبك القصصي الأفضل دامه الوحيد

أقترح بدلاً من ( تدبيل ) الأخبار - يكفينا طبعة وحدة ما له داعي الكلافة أنت و كلاسيكو - اكتبي لنا ملخص كل حلقة حتى ينتهي المسلسل "

...SoMe OnE... · #10 28/06/2007, 10:48 AM

,,,
,,
,

الفيروسـه الزرقـاء

اولا الحمدلله على انتهاء الامتحانات ,, وامنياتي لكـ بدوام التوفيق ,,
بـ صراحه في الهارديسكـ فيه زحمة مسلسلات وافلام .. ماغير اجمعها ولا اشوفها

عندي اول حلقتين منه .. لكن ماحبيت اشوفها خفت اتعلق ..
من بداية قصته باين انه مشوق ..

الله يعطيكـ العافيه يارب ,, وتسلمين على اطلالتكـ الرائعه ,,

****

كوني بخير
...SoMe OnE...

! غير البشر ! · #11 28/06/2007, 01:49 PM

إقتباس


	إلا تعال خل نتناقش فيه الخال اللي فزع لهم فـ الحلقة الاولى تتوقعه تابع لـ أي منظمة ! له علاقه بـ الرجال اللي يأمر أبو تايلر