"اليــــــــــــــــــــــاثوم" او الجاثوم !"شلل النوم" - نادي الهلال السعودي - شبكة الزعيم

فتاة الهلال · #1 27/06/2007, 04:23 PM

شخبــــــــــــــــــــــــــــــــــــــــــــــاركم

>>>داخله عرض بقوووه:p

وحشتونـــــــــــــــــــي >>بلا نصب:p

المهم انا البارح فارقت تراب المملكه

وبعد ماانتهت اجازتي وبدت عندي دراسة الصيف

وبعد تغير الجو علي والمكان جيت انام بالليل

وبيني وينكم وسوست قبل لاانام شوي بس استغفرت ربي وقريت آيات من القرآن ونمت

وانوووم من 11 الى 1 الليل قعدت جيت بكمل نومي ماقدرت جت 2 ونص وانا ما نمت

جت 3 و جت 4 آذن وانا لسى قاعده صليت وجيت ابي انام

التلفزيون مشغل لاني مليت فشغلت التلفزيون وانا على السرير غفت عيوني وياليتها ماغفت

وبين نايمه وقاعده شفت ان فيه احد نايم معي بس بعيد عني شوي الا شوي يتقرب مني ويصير جنبي مره

واحد لونه اسود كله وانا الي ابي اتكلم ابي اذكر اسم الله ابي اتكلم حسيت بشلل حسيت اني طرمه ابي اتكلم ماني قادره ابي اتحرك مو قادره والحمدالله قعدت وانا اصرخ لكن بشويش>>رقيقه:pالا موقادره تتكلمي حتى نفسي حسيته انقطع

وربي كان شي متعب بجد

ياليت احد يقول لنا وش سبب الياثوم ؟؟

واذا لك مواقف فيه ياليت يعلمنا؟؟

وهـــــــــــــــــــــــذا كلام بعض الناس:

الياثوم او عثيون كائن خرافي يجثم على صدر النائم

هو من اكثر الكائنات الخرافية شيوعا وشهرة بين الناس والغالبية تؤمن بقدرته وتخافه0

ليس له وصف محدد ،، والقلة هم الذين يجمعون على اوصاف محددة ، لكن الغالبية تؤكد ان عثيون

جني يأتي للانسان وهو نائم في الظلام ، ويوصف انه جني صغير له قرنان وذيل وانه عاري الجسد

وهناك من يصفه بانه كائن خفي دخاني لايمكن رؤيته بوضوح كانه دخان ابيض
وهــــــــــــــــــــذا تفسير علمي :

هل شعرت يوما وانت نائم، بعدم قدرتك على الحركة، أو اصبت بهلوسات مخيفة، شعرت فيها
بأنك مستيقظ ولكنك لا تستطيع التحرك. إذا كنت قد مررت بهذه التجربة المرعبة فلا تخاف،
اليك تفسير ما اصابك

يشير العلماء الى هذه الحالة، بالجاثوم، أو شلل النوم وهي حالة تستغرق ثوان إلى عدة دقائق، وخلالها يحاول بعض المرضى طلب المساعدة أو حتى البكاء؛ لكن دون جدوى، وتختفي الأعراض مع مرور الوقت أو عندما يلامس أحد المريض أو عند حدوث ضجيج.

وقد أظهرت الدراسات بأن 2% من الناس يتعرضون لشلل النوم على الأقل مرة في الشهر. وقد يصيب هذا المرض المرء في أي عمر. ويتعرض 12% من الناس لهذه الأعراض لأول مرة خلال الطفولة.

أن جميع عضلات الجسم تكون مشلولة خلال مرحلة الأحلام ما عدا عضلة الحجاب الحاجز، وعضلات العينين. وتنتهي هذه الآلية بمجرد انتقالك إلى مرحلة أخرى من مراحل النوم أو استيقاظك من النوم، إلا أنه وفي بعض الأحيان يستيقظ المريض خلال مرحلة حركة العين السريعة، في حين أن هذه الآلية (ارتخاء العضلات) لم تكن قد توقفت بعد؛ وينتج عن ذلك أن يكون المريض في كامل وعيه ويعي ما حوله، ولكنه لا يستطيع الحركة بتاتاً. وبما أن الدماغ كان في طور الحلم فإن ذلك قد يؤدي إلى هلوسات مرعبة وشعور المريض باقتراب الموت أو ما شابه ذلك.

وشاعت الكثير من التفسيرات الغريبة للموضوع منها من اقتراب ساعة الموت ، وحتى ظن البعض الآخر بأن جنّي أو عفريت يضغط على صدره، إلا أن ذلك ليس له أي أساس علمي. كما أنه لم يثبت حدوث أي حالة وفاة خلال شلل النوم، فالحجاب الحاجز لا يتأثر، ويبقى التنفس طبيعي وكذلك مستوى الأوكسجين في الدم

هامور البورصه · #2 27/06/2007, 04:40 PM

غرفتك فيها جن

لو منك معاد انوم فيها

كل ماجيتي تناامين ادري بتوسوسين :p لكن ترى صدق غرفتك فيها جن

اجل وش هالخال الي جاء وكتم على نفسك!! .. اكيد جني الله يكوون بعوونك

بعدين بسالك انتي وين سااكنه فيه؟تقولين فارقة تراب المملكه ليه وين رحتي

على العموم الجاثوم وش ياثومه

دايم اسمع به والحمدالله ماقد جربته بس

فيه نااس اعرفهم داايم يجيهم وصار شي عاايدي عندهم حتى انهم يقولوون في انفسهم

جاء الله ابووه

مدري عاد يكذبوون علي ولا صاادقين لانهم يقلون نشووفه قبل مايكتم على صدورنا

ويقلوون صرنا مانقااوم لين مايرووح بس الله يستر علي ان شاءالله مايجيني

ومشكور على المعلوومات يا دختوره

والله يعطيك الف عاافيه

بعدين الحين انتي الي فهمته انك تدرسين برا وش حاادك على الترم الصيفي كان قعتي

عند اهلك !!!..

ابشرك هالمره قدرت اللون الرد

فتاة الهلال · #3 27/06/2007, 05:03 PM

إقتباس

الرسالة الأصلية كتبت بواسطة هامور البورصه


	غرفتك فيها جن لو منك معاد انوم فيها كل ماجيتي تناامين ادري بتوسوسين :p لكن ترى صدق غرفتك فيها جن اجل وش هالخال الي جاء وكتم على نفسك!! .. اكيد جني الله يكوون بعوونك بعدين بسالك انتي وين سااكنه فيه؟تقولين فارقة تراب المملكه ليه وين رحتي على العموم الجاثوم وش ياثومه دايم اسمع به والحمدالله ماقد جربته بس فيه نااس اعرفهم داايم يجيهم وصار شي عاايدي عندهم حتى انهم يقولوون في انفسهم جاء الله ابووه مدري عاد يكذبوون علي ولا صاادقين لانهم يقلون نشووفه قبل مايكتم على صدورنا ويقلوون صرنا مانقااوم لين مايرووح بس الله يستر علي ان شاءالله مايجيني ومشكور على المعلوومات يا دختوره والله يعطيك الف عاافيه بعدين الحين انتي الي فهمته انك تدرسين برا وش حاادك على الترم الصيفي كان قعتي عند اهلك !!!.. ابشرك هالمره قدرت اللون الرد

يوو لا تقول كذا

غرفتي مغيرتها وهذي الغرفه توني البارح نايمه فيها لا تقعد توسوس في راسي

ترا ماانام الليله

الياثوم >>>قريت اسمه بمنتدى اماراتي وعجبني الياثوم اكثر من الجاثوم اخف على المعده

ترا بيجيك الليله

>>>عشان ماتقعد تضحك على الجاثوم تفكره هين

انا ودي اعرف وش اسبابه

لانها ثاني مره يجيني ويزورني بس ماقهويته لللاسف

بس ماجاني الا هنا ببيتنا يخاف من اهلي

انا ادرس باحدى البلادان العربيه >>لاياشيخه:p ادرس بالممكلكه الهاشميه

بعدين لو مااخذ صيفي مااخلص طب هالضروس الا بعد دهر

وانا ماابي اطول هنا

تصدق قبل ماارسل الرد قلت شكل هامور بيقدر يغير اللون والخط >>>عندي احساس

يعطيك الف عافيه

هلاليه@ميلانيه · #4 27/06/2007, 05:38 PM

واللهـ

من جــدكـ

قسسم باللهـ قد صار لي مثل هالموقف مره وأنا أحلم

يعني كان راكبني جني

يمممممممممممممممممممممممممممه بسم اللهـ الرحمن الرحيم

خوفتيني واللهـ

بس من جد أغلب أحلامي الي تخوف إذا شفت الشي الي يخوفني في الحلم ماأقدر أصرخ ..!!

مادري كذا يجيني شي وأحسه فوق حلقي ماأقدر حتى أتكلم إلا بصعوبهـ ..!!

يووووووووووووووهـ واللهـ خاايفهـ :p

وقد مرهـ حلمت إني أركض وطحت بعدين ماعاد قدرت أقوووووم

يعني هذا كان جني

بسم اللهـ الرحمن الرحيم ,, اللهم سكنهم مساكنهم

يعطيكـ العافيهـ على التوضيح والتخويف :p

وإن شاء اللهـ تردين للسعوديهـ سالمهـ غانمهـ

بس ماقلتي لنا وين مسافرهـ <<<<<<<يمديكـ على اللقافهـ

تحياتي لكـ يافتاة الهلال ;)

فتاة الهلال · #5 27/06/2007, 08:20 PM

إقتباس

الرسالة الأصلية كتبت بواسطة هلاليه@ميلانيه


	واللهـ من جــدكـ قسسم باللهـ قد صار لي مثل هالموقف مره وأنا أحلم يعني كان راكبني جني يمممممممممممممممممممممممممممه بسم اللهـ الرحمن الرحيم خوفتيني واللهـ بس من جد أغلب أحلامي الي تخوف إذا شفت الشي الي يخوفني في الحلم ماأقدر أصرخ ..!! مادري كذا يجيني شي وأحسه فوق حلقي ماأقدر حتى أتكلم إلا بصعوبهـ ..!! يووووووووووووووهـ واللهـ خاايفهـ :p وقد مرهـ حلمت إني أركض وطحت بعدين ماعاد قدرت أقوووووم يعني هذا كان جني بسم اللهـ الرحمن الرحيم ,, اللهم سكنهم مساكنهم يعطيكـ العافيهـ على التوضيح والتخويف :p وإن شاء اللهـ تردين للسعوديهـ سالمهـ غانمهـ بس ماقلتي لنا وين مسافرهـ <<<<<<<يمديكـ على اللقافهـ تحياتي لكـ يافتاة الهلال ;)

لا تخافين هذا الجاثوم عادي

ترا امر طبيعي وحلال وشرعي >>>تبي تهديها خربتها:p

يقولون انه جني
بس التفسير العلمي نفى هذا الكلام

تسلمين يالغاليه

فتاة الهلال · #6 27/06/2007, 08:24 PM

AC hilal وشفـــــــــاف

ياليت تعلمونا بمواقفكم

مجنون الزعيم(9) · #7 28/06/2007, 12:10 AM

بسم الله عليك الرحمن الرحيم

ياريتني فيه كان وريتك فيه هالجا بصل قصدي الجاثوم

فتاة الهلال · #8 28/06/2007, 06:37 PM

إقتباس

الرسالة الأصلية كتبت بواسطة مجنون الزعيم(9)


	بسم الله عليك الرحمن الرحيم ياريتني فيه كان وريتك فيه هالجا بصل قصدي الجاثوم

ياليت

>>امزح

هالجا بصل رهيب ياتسالي :p :p

يسلموا على ردك الحلو

G o L d E s T · #9 27/06/2007, 05:23 PM

والله الحمد لله اني ما جربته

بس اسمع احد اخوياي دايم تصير له

يقول يجي واحد يخنقن بيدينه ولا أقدر اتنفس

واحاول اصرخ وانادي بس ما أقدر

الله يكفين شره

Abo MaX · #10 27/06/2007, 05:28 PM

اذا عرفتي تفسير الاحلام راح تعرفين وشهو الجاثوم

يعني بالعربي الي يبي يعرف وش الجاثوم يقو لنا اول شي وش هو الحلم ؟

فتاة الهلال · #11 27/06/2007, 08:06 PM

إقتباس

الرسالة الأصلية كتبت بواسطة Abo MaX


	اذا عرفتي تفسير الاحلام راح تعرفين وشهو الجاثوم يعني بالعربي الي يبي يعرف وش الجاثوم يقو لنا اول شي وش هو الحلم ؟

الله اعلــــــــــــــــــم!!

فتاة الهلال · #12 27/06/2007, 08:04 PM

إقتباس

الرسالة الأصلية كتبت بواسطة G o L d E s T


	والله الحمد لله اني ما جربته بس اسمع احد اخوياي دايم تصير له يقول يجي واحد يخنقن بيدينه ولا أقدر اتنفس واحاول اصرخ وانادي بس ما أقدر الله يكفين شره