( اســـــيا ) واعطاء فرصة للشباب ( ما ) تجتمع .........!!!
 

ياخوي إلى الأن والهلال ماسوى شي

يعني أصبر

وغير كذاا عنوانك مهوب مناسب

لأن شباب النادي رح ياخذون فرصتهم في بطولة الأمير فيصل بن فهد

وفي المباريات اللي فيها تحصيل حاصل

العنوان اعتقد ما فيه شيء ماهو مناسب

لان منهجية الهلال لازم تكون واضحة والوقت يداهمنا

وشباب النادي اللي راح ياخذون فرصتهم راح تكون على حساب لاعبين اخرين في الخارطة الهلالية بعد تقليص العدد الى 40 لاعب

هذي مشكلة كبيرة للهلال ولازم يحددوا من الآن وش المطلوب لهم خلال الفترة القادمة

والله يا اخوي السهم القناص تحدثنا في هذا الموضوع بس للأسف مافي إستجابة

ذكرت أن الوقت ضيق وهذا صحيح طالبت في موضوع سابق من الإدارة الهلالية بعدم المغامرة في لاعب عالمي ويطلع مقلب كالعادة

لماذا لا يتم التعاقد مع لاعب مهاجم معروف ومضمون نجاحه لماذا لا يكون زياد الجزيري حتى ولو محاولة كتبناها من قبل

لماذا لا يتم المحاولة مع أبو تريكة وهذا صعب لكن المحاولة اهم شيئ

يوسف حاجي شقيق مصطفى

لاعبين عرب عد واغلط وممتازين ومعروفين

أو لاعب اجنبي متعود على الأجواء العربية على مستوى عالي حتى لا يتكرر مقلب أفلفان الله لا يعيده


اما نجيب لاعب ما نعرف عنه ولا شيئ بس عن طريق سمسار أعتقد أنها مغامرة في هذا والوقت تحديدا

بالنسبة للتعاقدات البلوي مثل الأطفال قاعد لنا لا فاوض الهلال لاعب ركض بيفاوضه حتى لو مو في حاجته إنسان غريب طيب لو يبي القحطاني ليه مافاوضه قبل الهلال لو يبي الطريدي نفس الكلام كله شغل بزارين والله يصغر نفسه هذا إن دل على شيئ يدل على أنه ماله في الكورة خير شر وواثق في قرارات الغدارة الهلالية وحسن إختيارها للاعبين


بالنسبة للمدرب والله أني خايف بس الله يستر

كنت أتمنى لو يكون المدرب درب الهلال سابقا ياليت لو كان يوردانيسكو


الحين جاي مدرب جديد وأكيد راح يتعرف على اللعيبة ولا في مباريات حتى يعرف مستوى اللاعبين اكثر

يعني صراحة مثل ماذكرت الأمور ملخبطة

أفضل شيئ هو تجديد التايب وتفاريس وهذه لحالها تعطينا امل إن شاء الله في تحقيق البطولة الآسيوية


ليس امامنا سوى التفاؤل

مشكور أخي السهم القناص على الموضوع الي في وقته يعطيك العافية

الله يوفق الهلال سواء مع الشباب او مع غير الشباب ..!!

بالتوفيق انشالله ..!!