مالك قال شكرا لولي العهد ؟؟ - نادي الهلال السعودي - شبكة الزعيم

ابو طـــــلال · #1 28/04/2007, 01:32 AM

مالك معاذ جته هديه من رجل كريم وهو ولي العهد الامير سلطان بن عبد العزيز .. حفظه الله .. سلطان الخير يعني المفروض على الاقل يقول شكرا .. لاكن مالك يناظر القلم مايدري وش الموضوع !!

مع ا حترامي لهذه اللاعب المبدع بصراحه .. بس مايعرف يعبر عن شعوره هههههه

هلالي للوريد · #2 28/04/2007, 02:00 AM

صح انها ضاعت علومه وطارت بوهته وتفاجا بالهديه بس قال جزاك الله خير

new pilot · #3 28/04/2007, 02:05 AM

مالك بس بالملعب أما برره شكله ضايع
اللله يعينه

قدهـ111 · #4 28/04/2007, 02:42 AM

مالومه ياخي

ثاني رجل بالدوله عطاه قلمه

انلخم مايدري وش يقول

بس ماشاءالله عليه يستاهل

والله يوفقه

drGOLDEN · #5 28/04/2007, 02:49 AM

فعلا تفاجيء باستيقاف ولي العهد لــه ..

وكان ماهو متوقع الموقف هذا .. علشان كذا معذور والله مالك .. ويستاهل كل خير

ورده كان رد إيجابي .. مدري شلون فســرتها إنه ماعنده سالفه يا ابو طلال ؟

ولد الفرج · #6 28/04/2007, 02:56 AM

مالك تفاجئ لا الرجال قال جزاك الله خير ويستاهل مالك .

الهلال وبس ... · #7 28/04/2007, 03:07 AM

يستاهل كل خير مالك وربي هذ1 اللاعب مبدع عيني عليه بارده ...

هلالي الطايــف · #8 28/04/2007, 04:02 AM

الله يلوم اللي يلومه

الرجال تفاجأ من الهديه لا ومن مين............. من ثاني رجل في الدوله

شوق الهلال11 · #9 28/04/2007, 04:14 AM

مالك استحق هذا التكريم من ابو خالد
لانه لاعب مبدع

نوااف الحربي · #10 28/04/2007, 07:21 AM

يستحق مالك هذا التكريم لاعب فنان خلوق

الـــقـــلـــعـــة · #11 28/04/2007, 08:11 AM

والله عيب يا ابو طلال ..
ترى مالك معاذ عمره 24 ..
وانسان بسيط ..
ومن عائله بسيطه في المدينه ..
وانا اعرفه عز المعرفه .. خجول في معاملته مع الناس ..
ورغم صغر سنه تفاجئ بولي العهد وهو يعطيه الهديه ..
ما يحقلك تقول : (( لاكن مالك يناظر القلم مايدري وش الموضوع )) ..
وبعدين ( لكن ) تنكتب كذا .. ;)
اجل مالك ما يدري وش السالفه يا ( لاكن ) ..

WAW 879 · #12 28/04/2007, 01:37 PM

يمكن يفكر ان الامير سلطان يبيه يوقع له على أوتوجراف ولا شي

ابو طـــــلال · #13 28/04/2007, 03:56 PM

شكرا على ردودكم وحضوركم ... ويستاهل معاذ كل تكريم لاعب فنان (مسبط )

على فن

وبالنسبه للاخ العزيز القلعه حبيت اقولك اني مااكره مالك معاذ ولاسالتك عن حالتة الاجتماعيه علشان احترمه .. والرجال مايعيبه فقره ولا عمره ... يمكن عيب مالك معاذ الوحيد انه يعرفك .. اقول يمكن ياشلووولخ

وشكرا على تعديل الخطى المطبعي لاني كنت عجزان اعدله .. عساك من هالحال و ؟؟

تحياتي للجميع

الـــقـــلـــعـــة · #14 28/04/2007, 06:11 PM

إقتباس

الرسالة الأصلية كتبت بواسطة ابو طـــــلال


	وبالنسبه للاخ العزيز القلعه حبيت اقولك اني مااكره مالك معاذ ولاسالتك عن حالتة الاجتماعيه علشان احترمه .. والرجال مايعيبه فقره ولا عمره ... يمكن عيب مالك معاذ الوحيد انه يعرفك .. اقول يمكن ياشلووولخ

.
.
فعلا الرجال ما يعيبه فقره وعمره ..
لكن يعيبه غبائه ..
الله يشفيك ..

الـمـشـاغـب · #15 28/04/2007, 07:07 PM

^
^
^

لا والله يعيب مالك معاذ شي مهم

وهو أنه فتح بدفاعنا شوارع حسبي الله على هالفنان

بس والله يستاهل كل خير هالبطل...ما شاء الله عليه..!!