|
ما رأيكم في مجموعة منتخبنا في كاس العالم مجموعة منتخبنل الوطني السعودي من اصعب المجموعات في كاس العالم فهي تضم كل من المانيا و ايرلندا و الكاميرون فالمانيا و مت لا يعرف المكينات التي لا تنطفىء و ايرلندا افضل منتخب في تاريخ ايرلندا كله و الكاميرون بطل افريقيا بقيادة الصاروخ امبوما هؤلاء الفرق من اقوى الفرق في قارتهم فاتمنى منكم تحليل هذه المجموعة و توقوعاتها و كيف سيكون مشوار المنتخب في هذه الثلاث المباريات |
هلا اذا تبي التوقعات فهي كالتالي بنلعب مباراة حلوة مع المانيا لكن بنخسر ومع الكاميرون بنخسر ايضا مع ايرلنادا بنتعادل 00000 هذي توقعاتي وليست اماني؟ |
رد على الموضوع اللي فوق....... أنا وأعوذ بالله من كلمة أنا أقول ما فيه شي صعب على صقور آســــــيا واذ كان على المركز الأول نقدر من الثاني أتمنى توافقوني وشكرا |
صعبه جدا ! |
من ناحيه صعبه هي فعلا صعبه بالواقع :( لكن ممكن انا نقدم مستوى وما نخاف راح فعلا نعمل مفاجئه:) |
بصراحه ماادري ليش هذا الخوف الكبير من المنتخب الكاميروني ؟؟؟ صحيح انه منتخب قوووووووووووووووووووووووووووووووي لكن احنا متعودين على اللعب الافريقي يعني نقدر نهزمهم مصر كم مره هزمت الكاميرون؟؟؟ جنوب افريقيا اللي هي نفس لعب الكاميرون سوينا فيهم الهوايل في الرياض لكن الحظ صدقوني المشكله في المنتخبين الاوربين واذا لعبنا بطريقه دفاعيه راح ننهزم المنتخب مايعرف يداااافع |
اقول يا شباب وراكم خايفين ........((تفاءلوا بالخير تجدوه)) وراكم خايفين من الكاميرون .....مثل ما قال ترى الكاميرون ما غير ينهزمون من مصر ..مصر اللي دايما نهزمها ..... وبعدين ترى المانيا هجومهم ضعيف جدا وبس فرحانين بالراس ....لانه خطتهم هم يرفعون ويجيك هجومهم بالراس على المرمى .. وايرلندا ما عندهم ما عند جدتي .....ما في راسهم لعب . . . وهم هزموا هولندا لانه هولدنا لعبوا بالرديف واستهزؤوا ...... .........وبكل صراحة احس انه المنتخب بيعطينا مفاجئة كبرى وبيعلمهم تعليم . وان شاء الله الدور الثاني ......................تفاءلوا بالخير يا اخوان. :cool: :cool: |
انا مع هلالي بكل فخر وowen وسـ2002ـامي . ليش الخوف واحنا نقدر ناخذ كأس العالم مو التأهل للدور الثاني ,لأن المانيا تعيش اسوأ حالاتها وماكينتها مثل ما تقول جيمت يبقا لها زيت:D والكاميرون عندهم امبوما, لو نقول امبوما طلع مصاب أو راقبناه وش بيصير ترى الكاميرون منتخب قوي بس ,إذا شاف منتخب من قده أو اضعف منه يستهزأ وينهزم. وايرلندا شوف إيران وش سوت فيها في الملحق واحنا افضل من ايران يعني تقدر نهزمهم كلهم. للتواصل عبر الماسنجر: [email protected] |
بدينا في الخنبقه الي مالها داعي ....... المانيا هجومها ضعيف . ؟؟؟ الكاميرون بنهزمها . ؟؟؟ ايرلندا ماعنهدا ماعند جدده . ؟؟؟ """""""""""""""""""""""""""""""""" المانيا تمتلك افضل حارس في العالم الان . الكاميرون اغلب لاعبيها من الشباب الي شاركو في الدورة الاولمبية السابقة . وهم على مستوى عالي من المهارة واللياقه . اما ايرلندا الي انتو ضامنينها اسئل "" فيغو""" افضل لاعب في العالم وربعه في منتخب البرتغال عن دفاعها الي عجزو يفكونه . """"""""""""""""""""""""""""""""""""""" ياليت كان الجواب احنا ممكن نعمل حاجه في هذه المجموعة بس الامر يحتاج الى : اللعب بجديه وروح قتاليه على الكوره ومزيداً من الثقه . هذي النقطه الفاصله في الموضوع في حاله تواجد الروح والحرص على الكره وتعامل اللاعب مع الكرة بجديه راح بأذن الله نعمل حاجه . بعيداً عن الاستهتار والتعامل بميوعه مع الكره نحن سنكون افضل . """"""""""""""""""""""""""""""""""""""""""""""""""""""" |
مجموعتنا معقوله نوعا ما في ظل تردي مستوى الماكينه الالمانيه ومستوى المنتخب الايرلندي الذي لولا الحظ لما تاهل الى كاس العالم اما الكاميرون فلا استطيع التعرف على مستواه خصوصا ان هذا المنتخب من المنتخبات المتقلبة المستوى. بالتوفيق للصقور الخضر. |
والله يعني صعبة شويي |
هي قوية ولكن الله يوفق المنتخب أمنيتي ناخذ كاس العالم :D |
طاش ماطاش. يقدر المنتخب ياخذ الكأس بس(إن شاء الله يصمل :) ) |
أنا متفائل اتوقع الأتي فوزعلى المانيا تعادل مع ايرلندا تعادل مع الكميرون وش رايكم اكيد بتقولوا اني مجنون |
غريبه ! اغلب الاعضاء يحسبون ان المنتخب الالماني سهل .. صحيح انه مو بمستواه لكنه مازال من المنتخبات القويه .. خلكم واقعيين شوي !! |
| الوقت المعتمد في المنتدى بتوقيت جرينتش +3.
الوقت الان » 08:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd